elianity的个人专页

這個店叫自己做茶餐廳，根本唔稱職。茶餐廳應該係快靚正，呢一間又貴又慢。無論係堂食定係外賣起碼都要等20分鐘至半個鐘先至會有嘢食。食物質素還算可以。以前喺度堂食，覺得個黯然銷魂叉燒飯都幾好味。公司三文治都可以，佢有一個伽野多士，都幾好但係價錢昂貴。以咁樣樣嘅價錢，速度同埋服務水平，根本唔應該可以喺香港生存。喺香港早茶餐廳我30分鐘成餐飯都食完走埋。如果趕時間，千祈唔好嚟食。就算有時間都唔值得喺呢一間店度浪費。…查看更多

今日叫咗個咖喱烏冬同埋炸雞餐。我老公叫咗個燒牛肉蒸飯。老公個餐5分鐘內已經整完。我個餐等咗20分鐘都出唔到嚟。咖喱烏冬啲湯係完全凍嘅。我返去同佢哋講可唔可以整返熱。侍應二話不說，竟然將我啲湯倒返入去公家嗰部咖喱湯汁。其實我係食咗一啖先知唔凍嘅，點都唔應該倒返我啲湯入去主要嗰兜湯掛。最好笑係，佢再拿出一鶴湯倒入我個碗然後俾返我。都係凍㗎，即係佢成兜湯本身都係凍呢！呢個動作不衛生又解決不到問題。啲咖喱汁一pat pat，又凍又澀。唔會返嚟。…查看更多

環境惡劣：入口擺晒雜物，冇人歡迎客人入去，到咗都唔知啱唔啱。卒之有人喺地庫叫上嚟，先至知道入三點。要坐長凳仔，張凳硬骨骨，坐得好唔舒服。食物惡劣：養生火鍋湯底無味，個湯等咗半個鐘都煲唔着。叫首設牛肉賣晒，叫雪花牛肉諧霎霎冇厘味道。皇帝菜嚟到濕晒，好似洗咗喺度一日擺咗成個禮拜。服務態度惡劣：我7:00pm 開始食飯， 8:40 PM買單，佢突然話7:30前買單可以用現金俾錢有七折。問佢點解唔早啲講，一個態度極差嘅阿婆經理理直氣壯話：餐廳系統唔俾，就算佢有同我講，我都食唔到咁快啦。簡直係荒謬。結論：非常失望，千祈唔好去。…查看更多