Monicalk的個人專頁

聯和墟開左28墟之後又多幾間餐廳個日行過見到呢間鐵板燒幾靚，今日都決定黎試下好得意wor 有個女仔會幫你睇下有無位 然後就可以排隊自助係部機度買野食禁黎禁去之後我地最後叫左set 海陸空2人餐湯同水都係自助任拎 仲上咗個飯俾我哋佢個芽菜同埋椰菜都係會無限量嫁俾你食既但係其實好油囉 唔可以咁貪心食太多呢份應該係沙茶豬肉跟住我哋有個炒蜆但係呢個炒蜆好多沙蜜糖雞係我嘅是日最愛我哋叫左個豆腐，本身以為煎既，點知係一專百福我地坐Bar 枱可惜佢同另一個爐係分工合作我地面前只係負責煮菜 睇唔到佢親自煮我地餐飯就無咁開心lor環境乾淨整齊 食得好舒服加左個鴨血 各位無咩事就唔好試啦 就咁煎 無味的我地以為自己叫左隻蛋，點知張單無哥哥好好人送左粒比我地食其實鐵板燒基本上每樣野都差唔多味道 但呢度勝價比都幾高，會再反黎食…查看更多

上水搵食 今日黎食下漢堡呢間餐廳係上水都開咗一段時間 佢嘅裝修設計喺石湖墟黎講係幾Outstanding之前嚟過食午餐今次就嚟食晚餐睇咗個餐牌勁耐都好似冇咩啱食最後都係食返漢堡我食經典芝士男人食醬烤牛肉漢堡個面包皮脆卜卜我覺得個肉略嫌唔夠Juicy 呢個可以加強下配搭同份量都岩岩好我地兩個人只係加左一set salad 同薯條salad 就普通野 薯條都ok然後就已經好飽其實佢地好貼心 有張wax paper 放係底方便你拎住黎食 埋單$171 2個人比佢其他晚餐底食…查看更多

新k11開張大吉 個商場靚到dum 一聲緊係要黎朝下聖 真係好靚 好多detail 好細緻 成個商場根本係一件大型藝術品入得黎開既餐廳都應該係精心挑選過的吧Camellia 係茶花咁解，佢有一面牆成面牆都係癡晒茶花 仲要成間餐廳都係粉紅粉紅 勁啱啲少女嚟連塊雲石都係粉紅色tone 㗎 so crazy我覺得個杯個shape 好靚首先嚟嘅係沙律 見到隻蛋紅色都有啲嚇親 問咗佢哋原來係用紅菜頭將啲蛋染成紅色 食落甜甜地個味幾特別都幾好食 個沙律都幾新鮮架仲有啲芝士同埋煙三文魚添呢個湯係椰菜花做㗎 I am not a fan of 椰菜花唔識評價見到呢個Risotto 嘅時候覺得好搞笑 其實我真係唔係好明白d 泡係想帶出乜嘢口感我估個底嗰啲應該唔係飯 而係似薏米嘅物體加埋嗰啲海膽真係超新鮮超鮮甜一啖擺落口嗰個薏米又似飯硬硬地嘅質感加埋佢超鮮甜嘅海膽 超好味囉呢個佢仲有啲食用花都食得嘅 咁就賣相同味覺都一流另一個主菜就係蝦寶三文治我喺度係咁幫佢亂改啲食物名佢個三文治烘到好鬆脆 個蝦餅勁多隻蝦一隻隻喺晒入邊 再配埋個醬汁好好味佢旁邊嗰啲薯條其實都炸得好香脆係食嘅時候狼狽啲囉啲嘢會飛出嚟 捉都捉唔住到甜品時間啦首先係有呢個綠茶撻 I am not a big fan of Green Tea.. But...佢係流心㗎個甜度調得啱啱好 絕對唔會覺得好漏感覺係Green Tea Latte 但又濃郁啲再加上佢有塊朱古力脆脆喺面再中和下個味道千祈唔好錯過去旁邊紫色嗰個雪糕 係紫米味嚟㗎 原來紫米襯綠茶好好食個喎 真係好推介！最後一個甜品係士多啤梨雪糕呢個睇個樣都已經夠靚啦味道更加唔使講啦個雪糕底其實在奶味重少少 然後加啲配料係酸味高少少食完個綠茶撻之後食呢個就可以清新反啦兩個人食咗咁多野好鬼飽其實佢都幾多種類下次嚟再試吓其他嘢先…查看更多

上水d 日本餐廳過一排又會換批新，個日經過鐵一燒已經搖身一變變成鮨葵個名相當似高級日本餐廳，而且佢門面都好似d Omekase, 見佢價錢都唔算貴就試下新野啦餐牌好少日本餐廳唔迫你散叫 晚餐都有set 我呢d 貪心鬼基本上呢類型餐牌我都忍唔住會叫魚生飯但魚生飯都好多款 估下我食邊個？飯黎之前先黎個湯個湯真係好普通既面豉湯lor普通到我都唔知講咩好普通沙律lor不過菜係新鮮既你知啦 好多呢d 款既菜都入唔到口家ma呢個我食晒主菜 係海膽魚生飯我想講好大份魚生種類都唔少 每樣野都新鮮既三文魚 蟹棒 帶子 甜蝦 油甘魚 有個唔知咩魚 墨魚 玉子 應有盡有啦玉子好甜我好中意食海膽大大份 但唔係好鮮甜個種不過呢個質數媲美尖沙咀好多日本餐廳 正超超超 surprise 係個飯底！已經落晒醋 豉油 紫菜 子薑 勁有 heart lor!佢調個味岩岩好 而且好balance 唔洗好似平時咁倒d 豉油落個飯度搞到一枱都係好開胃 就咁食個飯都得 haaa其實好鬼大碗 as 一個女人仔係好難食晒成碗野 所以我盡量KO 晒d 魚生男人唔執輸叫左個一樣既餐 佢食晒成碗lorrrr仲好話好難得食魚生飯都會咁飽我地仲無黎啦喂咁叫左個牛油炒菠菜油到呀媽都唔認得 唔好覺得自己食左菜健康左上水wor 百幾蚊wor 小店wor highly appreciated!!Fully Recommented!!We had a very good night and surely will come back again!…查看更多

諗住去食Ann姐 點知原來已經唔存在 變左另一間泰菜 咁一場黎到就照食啦佢既餐枱佈置有啲似食堂睇完一輪餐牌就叫左啲正路野泰式通菜 正常既叫左3個串燒1x 雞 1x 牛 1x和牛雞ok wor 好食既 牛都正常但和牛好唔得囉！好唔新鮮，好un!難食過普通牛仲要貴一倍個醬酸酸地我唔係好中意，呢個係個人口味炒牛肉，ok的Haaaa 我覺得呢個唔似泰菜冬陰工唔熱同唔夠辣芒果海鮮炒飯我最中意呢個有啲驚喜芒果好甜飯夠乾身，只係好唔中意啲好假既蟹柳姐薄餅，硊既，但唔鬆化一舊粉咁2個人差唔多要4百蚊個性價比有啲低…查看更多

當年係海港城反工，一個星期差不多至少都會黎一次芽莊佢即使無lunch menu 但每日都大排長龍，為左食佢一定要早啲出發，如果唔係短短既lunch time 絶對唔會等到第二round 囉而家每次經過海港城都會黎呢度食飯，我每次都只係會叫一樣野就係番茄蟹檬我走晒青無論身邊既人話我幾多次好悶好無新意都好，我都只係食佢佢個番茄🍅味岩岩好，而且係真係有真既蟹肉，再加啲札肉呀蟹丸咁真係好正！同埋我仲好中意佢啲檬粉既質感不過就油左些少囉，睇個樣都見到啦今次同屋企人黎食，所以有其他野媽媽保守叫既炒飯 夠乾身，不過有啲臘腸有啲怪生牛肉湯河，不過不失囉呢個咩紅酒牛肉咁上下既野，唔係話唔好食，但唔係好底食囉仲叫左個芥蘭，埋單5百幾蚊4個人其實係海港城晚餐算係幾化算既選擇架啦…查看更多

對於無飯家庭黎講，每晚諗食乜都係一個挑戰今晚就去左厚福街睇下有乜好食，因為門口個姐姐好落力，所以我地就試左呢間魚生飯店睇下餐牌先好多唔同款既魚生飯，佢仲有好似車仔麵每樣餸叫既模式，可以自選中意既魚生配答幾創新喎有兩個特價飯，我見旁邊有人食緊，啲吞拿魚好厚好吸引但第一次食想試多啲唔同既野，所以我地叫左一個火盛Facebook like 有半價好大份 佢無寫明有d咩壽司，但每樣都好唔錯，唔係壽司併盤就比啲cheap野你我最中意件呑拿魚，有甘香其他都好新鮮好好味呢個蛋我就驚驚地，比左個男人食，但佢表示幾滿意呢個麵豉湯要讚！勁多昆布囉！我飲麵豉湯最中意就係食佢啲昆布！仲叫左個饅魚玉子，夠熱，兩個味都好配答，推介炸香芋丸，炸得岩岩好，當然應該係買反黎架啦埋單$218.9 有半價真係好Happy 有樣野要提一下服務態度超好，好細心介紹餐牌既店員，慢慢同你分享每個推介款式同有咩特別事項要注意比籃你放袋上菜速度又快又好快幫你執好張枱但絶對唔係趕你走個隻下好開心今日黎左呢間餐廳！一定會回頭…查看更多

提前食母親節飯，近屋企就上網搵左呢間餐廳，見到都好似幾好評價星期五中午先打去預約，好在當晚依然有位，我地一行5人就約去餐廳等啦雖然餐廳好近朗屏站，但好少去個頭有啲難搵，加上佢咁岩係條柱後面所以行多幾次先見到我爸爸就因為覺得個門面太似日本野多過西餐所以差啲過左龍夏捌月呢個名好特別 唔知英文名係咪Summer August 呢睇反張相原來寫左我地5個人叫左個4人餐加一兩個小食飽到嘔啦已經芝士青口係另外叫既小食，好一般反而個紫薯伴碟幾好味餐前菜 啲雞翼好好味 中間啲芝士腸都有用紫薯伴架Salad ok 無特別感覺好好味既豬手 上黎既時候已經幫我地切好一舊舊 唔洗我地切到手軟啲肉軟un程度岩岩好，個皮好脆 唔會覺得肥膩 好推介呢個！牛扒我地要7成熟 都幾有牛味 唔錯可以一試呢個意粉似金寶蘑菇湯撈 所以味道係唔錯既 我地就全家都唔係好欣賞呢個意大利飯總結豬手真係好正必食價錢好相宜，一餐好唔錯既西餐小店5個人都係千幾蚊可以再反黎食…查看更多

男朋友行左去買唐記，我唔岩食靜靜雞走向前睇下有乜好食一直都未試過媽咪雞蛋仔就暗暗決定試下到我比錢個一刻男朋友發現左我 咁係佢唔好彩啦 有人找數嚕我： 一個伯爵茶朱古力味雞蛋仔佢：WHAT其實好多味道我struggle 左好耐好無食原味見到呢個好似幾過癮咪試下囉登登登登果然係出到伯爵茶味，亦都有朱古力味！都ok wor 比左粒個男人食，佢一啲都唔buy雖然個味係ok, 但一個人食晒一底有d 掛下次都係叫反原味…查看更多

放工但又唔係好肚餓係OpenRice 搵搵下就搵到呢間餐廳，係山林道其實都有少少難搵，因為唔係係main road, 要係盡頭再轉入小巷先搵到就係因為咁所以環境幾清靜，好適合傾下計我地無訂位都好好彩有位買支酒加$50蚊就有一打生蠔好底食不過如果你唔飲酒最平都只係$9隻 都比出面平好多！ 我地叫左最平個支佢話清爽易入口 確實係既 普通都ok 既Cheers主菜黎啦，$50蚊一打既生蠔有肥有瘦隻隻都好甜！食多幾隻仲有啲太甜既感覺都算新鮮，食完無肚痛仲叫左個蜆，有啲海水味，但係個蜆有啲un唔係好推薦我地仲叫左份支豆送酒 好大份 原來唔記得影相埋單$356 走人 想食平平地又新鮮既生蠔可以一試，服務就一般，唔係話啲好專業既西餐廳，但清靜食餐飯傾下計都幾好…查看更多

黎左好耐都唔記得寫反添🤦🏻‍♀️因為上網訂坐，所以送左個火焰龍蝦海鮮湯底佢係我地面前放火大飽眼福架❤️個湯好濃郁都唔錯喎驚喜地！其他食材唔記得影相🙈🙈🙈但都新鮮好味既！可惜我地個日唔知係漏單定點，啲野食等左好耐呀😢呢度有刺身賣，我地叫左每人2片赤身大家一定要留意價錢原來係續片計🤣🤣搞到成張單好貴又係等左好耐，但質素就好一般🙊…查看更多

因為Disney 出左新既公仔cookies, 所以我同朋友專程入去購物買幾隻公仔又唔想入去樂園，最好既解決方案緊係去酒店個啲Disney Store la之不過自助餐好貴唔想洗呢個錢(想留反啲錢買野多啲)，就黎左呢個Lounge la一入黎見到好多小朋友因爲原來呢間餐廳係會播Disney movies gaaaa，so surprised 可能係得我地唔知不過提提你如果想黎就可能要問定播放時間，我地去個日就得兩場，我地岩岩係中間時間，睇得到第一套既尾段又等唔切下一套講反食物，中規中矩小食拼盤ok ge自選pizza , 個皮係比較似餅底，小朋友食開個d我估燒春雞期間特飲，好似係西瓜味你睇下連茄汁都要米奇頭仲有朋友既雜果賓治同我既啤酒 🍻(唔好意思無乜童真)食完野終於可以shopping ❤️但要行反去最大個間先有新角色- COOKIE…查看更多

近排寫開soffule pancake，記起我仲有食過呢間。公司training 出左旺角仲要早放，去食個pancakes 獎勵下自己。同事介紹左我一齊黎到呢間小食店，竟然有路邊小食店賣soffule pancakes 真係勁。好多人排隊除左soffule pancake 仲有雪糕格仔餅其他野食簡潔的門面，好似一架黃巴士，小食車的感覺。係前面買完野食就係後面拎我地叫左份厚鬆餅加芝麻雪糕，其實唔算要等好耐，都幾快下係怪左小小既，但我本人受唔到奶，所以試唔到佢個牛奶雪糕登登登登係厚既，都鬆既，不過就咁食就會太普通，要連雪糕一齊放入口會好味好多。$40蚊份係旺角街頭我覺得ok la~…查看更多

好hit好hit由日本過黎既pancakes 店。一開就日日排長龍，日本都好多人幫襯，我緊係要快啲試下。我地星期日早上10:45am到達，諗住食頭一水啦，點知派籌派到下午二點但無阻我地一行4個女子要食既決心，我地決定hea 幾個中hea到兩點。呢個故事教訓我地，如果你地唔想等到下午，又或者排walk in 等到天荒地老都唔知有無得食既話，一定要早上10:00希慎一開門就走上去拎籌，咁就一定無死啦！睇下為左食pancakes 可以去到幾盡搵女仔fd做呢件事好啦，男朋友點會明白厚pancakes既浪漫丫正題，我地下午一點半倒就反左去，咁等左陣有位我地就可以入去先啦。要自己行出去買的，無人會幫你落單留意反。我地一早就決定晒食乜，main menu 4個款，一人一個唔洗爭，又可以試下其他味。蜜瓜味係期間限定，在場好多人食，但我地就無乜興趣。maybe next time~原味，正。店員會推介你用兩隻叉係中間拉開咁食。原味個cream好似同其他味道既唔同，會甜啲，同個pancakes 好夾。個soffule pancake 好厚好鬆軟，但唔係食落得陣風個啲，佢係有質感既，但又好鬆化！一大啖放入口超滿足囉唔該綠茶紅豆味都好推介，綠茶cream 加紅豆蓉加cream 加pancake 一定要一啖擺晒落口，咁係最滿足既食法！其實有啲berries 係真係比起其他款式無咁漏既，不過食到尾就開始覺得有點太酸。朱古力香蕉，一定無死人既combination, 條香蕉仲有焦糖面無得頂，但係真係好飽好漏囉！我地好鬼貪心，一人要食足一份，唔好見佢咁鬆化，食完飽到上心口。不過感覺超滿足，係正既離開時我地不停討論下次要食乜野味同幾點要黎拎籌…查看更多

其實黎過幾次，好中意呢間coffee shop. 裝修好靚好舒服。不過最重要都係啲咖啡好好飲，我點左杯latte, 奶同啡既味好平均。咁老實講我唔係特別識飲咖啡，但係呢杯會令人覺得好舒服。個拉花都好有心思，黎左幾次杯杯都唔同樣。玫瑰我唔記得男朋友叫左杯咩野，相信都係某一款black coffee雖然叫coffee shop, 但都有野食All day breakfast 好豐富，食材新鮮又夠大份蒜香意粉真係好香！不過就油左少少，呢點可以留意反重點黎啦，有兩張相因為我兩次都食左一樣既味道Strawberry soffule pancake近年來好流行，竟然呢度都有得食，個pancakes 夠厚，好鬆軟，甜度適中。Strawberry 醬酸酸甜甜咁，加埋啲真既strawberry就令到成份野無咁漏。好有誠意，唔差得過出面出名個啲pancake 店。不過呢度既pancakes 真係要等好耐好耐，製作需時又多人叫。所以建議你一坐底就叫左個pancake 先，跟住先慢慢諗飲咩咖啡再叫啲熱食，慢慢食，食飽再坐下傾下計，消化到咁上下就有得食架啦…查看更多