Steph C.的个人专页

平時行過見到都好多客，今日經過有位就試下啦，首先落單時有位都幾有份量既女店員態度好似好唔耐煩，叫佢比杯水唔瞅唔睬都唔知佢聽唔聽到😂叫咗一個春卷魚蛋河$37，春卷係唔錯既、魚蛋都好味.. 但個河粉一夾就斷 又唔滑😮‍💨唔掂仲叫咗一個酸菜大腸米線$43，個大腸甜到一個點，煮到又鞋又un，唔掂.. 食咗都浪費個胃😮‍💨😮‍💨失望，同個女店員表達下啦，佢一句.. 「滷水係咁架喎 第一次食？」態度好正🤣🤣$80就試到一間餐廳，唔駛成日心郁郁想去試，抵比🤭…查看更多

Lunch同老闆開完會係荃灣唔知食咩好，見呢間唯一都係度十幾二十年屹立不倒，應該食物都唔係差先做到.. 入到去環境黑暗 周圍油淋淋都算，唔緊要啦～可能食物好味呢叫咗一個炸菜肉絲餃子上海麵、一個雪菜肉絲水餃上海麵.. 湯唔凍唔熱.. 炸菜室溫，雪菜我就唔知了，不過我見老闆食咗個餡冇食個皮都知應該同我個餃子一樣.. 個皮厚到唔想食，我個餃子餡一pat野咁 完全唔知自己食緊咩🤣我地個位直望廚房.. 一個字 好污糟！食環嚟到一定抄牌，再望下頭先倒比我地個壺豆漿.. 普通膠壺，放室外.. 依家仲要咁熱 正🙄😂 冇野既 有咩咪最多當清腸胃？nice!!浪費咗我今日午餐個quota，難得連相都唔想影，openrice純文字分享真係第一次🤣 咁都做到十幾廿年應該係自己舖😌…查看更多

遲來1個月既食評🙇🏻‍♀️ 煩惱咗幾個月唔知同我家娘親去邊慶祝生日好，佢同佢既兄弟姊妹都好識煮野食，對食物非常有要求.. 朋友推薦可以試下嘗申匯.. 位置方便 中環核心，最後一行11人一齊同我媽咪慶祝生日🥳🥳餐廳安排咗間vip超級靚景房比我地，可惜個日落大雨 少許美中不足～ 不過餐廳設計裝修都好舒服，職員非常有禮貌🙇🏻‍♀️🫶🏻重點係所有食物令人回味無窮 每一道菜都食得出廚師們既心機～ 連我家娘親同佢班兄弟姊妹咁高要求都話好高質 大家都食得好開心😋🤤…查看更多