薄餅妹的个人专页

第一次幫襯團購網就買了呢間餐廳的優惠券點知一時衝動比晒錢先醒起上來 "開飯喇" 睇食評未食已經有少少後悔尋晚訂了 9:45 pm 檯去到仲可以任揀坐邊一張檯因為當時唔計我們只有 2 檯客食過今餐之後真係忍唔住要開 Account 寫食評因為離譜到不得了張 Coupon 包 2 前菜 2 客意粉 2 客甜品 2 杯飲品我同朋友一人揀一樣前菜到落單時個 Waiter 同我們講 :"除了焗蠔之外其他 3 樣都因為未來貨 所以無得揀!!"(前菜係 4 揀 2)我同我朋友當場呆了心諗: 你比 Menu 時又唔早講??因為我朋友本身想嗌 "芝士西蘭花"個 Waiter 之後就比張類似小食紙比我們睇話可以揀高麗菜/ 娃娃菜來代替呢個道菜定價為 $38我朋友見 "鹽酥雞" $28問可唔可以轉呢樣個 Waiter 話要問問先之後佢話可以咁我咪問他可唔可以另一個就轉 "羊仔堡" (呢個定價 $38 同菜一樣價錢)佢話要再問之後就話唔可以只可以揀小食紙上其中一款咁我朋友都唔鍾意食蠔我就問個 Waiter:"如果有客人根本唔食蠔你地又要佢其中一款一定要揀蠔咁唔怪之得叫 "焗蠔" 啦!!"("焗人揀蠔")我真係好少會咁串一個唔認識的人!!落單落到呢個時候已經失望到頂點雖則最後都可以點到小食紙上 2 款小食之但係根本係揀無可揀點知低處未算低到揀意粉3 款入面可以揀 2 款我朋友揀了茄汁蝦意粉我本身想揀 "牛仔腸芝士白汁意粉"點知個 Waiter 又話:"牛仔腸未有貨 要轉雞肉腸"真係 "啤" 一聲!!咁我唯有轉煙三文魚意粉囉!!飲品就揀了 "冬瓜茶"真係估唔到全晚最正常係飲品囉個 "炒高麗菜" 炒起個賣相仲差過我自己在屋企 "hea" 煮個三文魚意粉就正正常常但太多芝士同埋汁好 "漏"!!朋友個茄汁蝦意粉味道極為奇怪鹽酥雞就好 "鞋" 身!!到甜品就係 "布朗尼"食落口一大陣油味!!其實我真係自問對食野要求唔算高但真係未試過去一間餐廳之後夜媽媽都仲要開 Account 去寫食評成餐同張 Coupon 可以話係 "貨不對板"明明間野唔忙都無服務可言唯一比較好少少係坐位總算舒適朋友食呢餐飯走後第一句講既係:"食對面 (譚仔) 都仲好過!!"以後買團購 Coupon 之前都係 "停一停 諗一諗" 先至係 "王道"!!…查看更多