ScarlettChu1029的個人專頁

一入到舖頭就有一張皇帝嘅龍椅，大人細路都好鍾意喺上面打卡🤣配埋餐廳皇宮咁嘅裝修，真係以為自己穿越返左古代咁，勁有氣氛！除咗食氣氛，呢度嘅火鍋食材到相當高級，我諗係皇帝御膳嘅級別👍🏻👍🏻🐣玲瓏浮凸•花膠雞湯鍋🐔超級推介👍🏻👍🏻首先會先上左花膠雞鍋湯底，超級甜，飲一啖真係覺得好滋補。湯入面加左一大塊厚身花膠，店員會係你面前剪成細細塊放入湯底入面，食花膠都已經飽左一半🤣花膠煲到好軟，雞肉又嫩滑，未食其他火鍋配料已經好滿足。🐮大滾友牛肉拼盤款式超級多，有牛小排、手切牛頸脊、金錢展、牛黃喉同牛舌。牛嘅質素真係無得彈，有冧身既，又有有咬口既，牛味濃。我最鐘意係薄切牛舌，淥幾秒就食，爽🫶🏻👑黃金藏嬌和牛墨魚丸🦑呢隻係創意手打丸，墨魚肉中間包左一粒和牛！和牛嘅牛油脂香味同墨魚丸嘅海鮮味配合得非常好，有咬口，一試無防💕最後，臨走記住食埋火焰焦糖豆腐花！！豆腐花係姨姨自家製嘅，豆味香濃又滑身。上枱嘅時候侍應會加上紅糖、燒酒，再用火燒到面層脆卜卜，好似焦糖燉蛋咁，不過係豆味既，好有味蕾衝擊。餐廳入面仲有免費兒童餐，仲有得俾小朋友夾公仔、睇電影。下次家庭聚會黎呢到打邊爐都可以放心食，小朋友開心睇電影🫶🏻…查看更多

近排餐廳慶祝三周年，逢星期五、六都有唔同表演包括唱歌、跳舞、音樂劇、猛男show😳😳表演者唱歌跳舞，帶動到全場氣氛，食足三個鍾絕無冷場！餐廳係西式fusion 菜，食物質素標準好高💪🏻🐟烤鱈魚脆片前菜鱈魚脆片烤到好香脆，勁似墨西哥脆片。配埋兩款醬汁，好岩一路享受音樂，一路慢慢細嚼。🐠68°風乾火腿捲銀鱈魚成個擺盤好唯美，食用花配埋純白銀鱈魚，係視覺享受🥰銀鱈魚油香滿滿，肉質軟滑。魚肉同風乾火腿夾埋一齊，提高咗整體嘅鮮味😋🎃南瓜蟹肉燴意大利飯意大利飯ロ感略帶硬身，掛汁力強。飯上配有咸香嘅黑魚子，儀式感十足。配菜有帶子、大蜆同蝦肉，好鮮甜。🎇Meta Stages Signature Dessert Platter上枱時配埋煙火蠟燭，真係非常打卡able。下次生日黎呢到慶祝實唔會後悔‼️現場表演者仲會大唱生日歌，實會有一個難忘嘅夜晚💕💕…查看更多

呢度除咗打邊爐，冬陰功、海南雞、無骨鳳爪、泰式串燒、泰式奶茶等等，應有盡有、任叫任食💗💗除左泰式火鍋任飲任食，呢度既一大亮點係【🎣釣蝦池🦐】同【任夾新鮮鮑魚】，蝦同鮑魚都超級生猛，夾蝦記住要眼明手快，因為啲蝦真係超級活躍。夾起要即刻浸入冰桶幾秒，佢哋先會暈。蝦肉彈牙，新鮮又鮮甜。一坐低，先揀咗烤魚定雞煲。今次我哋揀左烤魚Set B澳洲產下肩胛肉眼餐。雖然呢度主要食泰國嘢，但佢哋嘅烤魚同出面川菜館水準一樣，味道濃郁，又麻又辣。食完就轉左喇沙湯底打邊爐，火鍋配料好多選擇，肉嘅質量都好有質素，對得住個價格💪🏻😆另外仲有泰式串燒、泰式海南雞、炸蝦餅，真心唔錯！最後甜品選擇真係花多眼亂，有好多特別嘅雪糕雪條、椰汁西米糕。仲有自製嘅棉花冰，可以加好多topic，食完真係非常滿足💗💗依家仲做緊新張優惠添~💕估泰文遊戲，估中可以減＄10💕火鍋放題4送1💕晚上8點後入座9折，9點後入座8折，折扣可以一齊用…查看更多

好耐無食過雞煲、烤魚，天氣凍返心思思好想食。近排大埔開咗間超抵既雞煲火鍋專門店【撈得起火鍋冰室】任飲任食只需$178起‼️今次我哋就食烤魚，其實仲可以揀雞煲、椰子雞、胡椒豬肚雞、花膠雞等等美少女一望啊係咩揀！食完烤魚、雞煲之後就可以打邊爐，餐廳都好有心機，準備左好多款湯底，咁就唔洗由頭到尾食一樣既味👍🏻自助區任食既食物種類非常豐富，仲有好多比較貴價既食材，蝦、蜆、蠔、魷魚等等海鮮都有，岩哂鍾意食海鮮嘅朋友，輕易回本🤣唔食海鮮都有大把選擇，鵝腸、牛柏葉、牛肋條、肥牛等，應有盡有！食材質素高，CP值非常之高～最後記住食埋雪糕、千層蛋糕先走。…查看更多

【超值嘅燒肉放題🔥】天氣凍，除咗打邊爐就梗係要去食燒肉🥩🥩安平燒肉近排推出左【月光族急救吃到飽餐】，岩哂糧尾又想食燒肉嘅大家！價錢真係好貼地‼️會員最低只需$168就可以食足90 mins ！仲包埋自助區美食、飲品同雪糕🥰放題嘅肉類一啲都唔hea，嫩肩板牛肉油脂充足、牛味極濃。而馬吉牛仔骨就真係值回票價，啖啖肉配埋專屬嘅黑胡椒，帶出濃厚嘅牛肉味，食多幾舊都已經回本😍除咗肉，仲有好多其他燒物可以揀，強烈推薦烤豬肉乾🔥烤完好Juicy，送酒一流。多春魚大條勁多魚子。椒麻雞翼炸到金黃色，雞肉仲係極嫩多汁，超班水準👍🏻記住食埋特色嘅‼️安平櫻花蝦飯‼️可以自由搭配新鮮嘅櫻花蝦、香蔥同海苔，鮮味滿分，配埋肉類真係超級夾💕而甜品有安平仙草芋圓，入面嘅三色芋圓非常彈牙，超高質。期間限定嘅開心果奶蓋紅茶都好值得推介！…查看更多

今日係大角嘴尋找隱世既高質火鍋放題😋呢度嘅食物品質好高之餘，仲有私家房可以book，空間感十足聚會一流🥰平時食雞煲都係食完雞再加湯，慢慢覺得咁食好似全部野一樣味咁🤨今次黎大角咀星級餐廳真係好貼心。一枱會有兩個煲，一個特式湯底打邊爐，另一個仲可以揀蒜蓉卜卜蜆🐚真係一次滿足大家兩個願望🥰餐廳服務好貼心，好似酒店咁有桌邊服務，成個卜卜蜆都喺你面前煮，隻隻蜆都大大隻，最後淋上一大杯冧酒再點火🔥🔥香味十足，打卡無敵📸📸另外，呢到仲專登保留住我中學時期放題要寫紙仔既傳統，依家真係變左特色😝餐廳提供澳洲牛板腱，牛肉味香濃。日本梅肉片，肉質好好。火鍋配料除咗普通野，仲有好多比較高級既食材，黑魚片、青口、蝦滑墨魚滑、開邊蟶子等等，性價比真係超高‼️野飲款式都好多，平時打邊爐放題嘅罐裝紙包飲品都有。最特別嘅係佢有得叫啲特色飲品。我最鍾意佢哋既拉花咖啡，仲係由咖啡師即磨手沖，真係深藏不露嘅火鍋店🤩臨走攬住個肚都記住要叫甜品呀！佢地既雪糕牛角窩夫係即叫即做，細細份既，食埋真係滿足唒，推介！！唔鍾意窩夫，呢度嘅雪糕雪條都係走高檔路線，食一條都夠回本啦😉😉假期記住book位呀，呢度都幾full‼️…查看更多

每次一諗唔到食咩，全家一定係去湊湊火鍋，真係好岩一家大小一齊去。因為我真係大愛佢哋嘅自助吧，除咗有醬料，仲有生果、香辣杏鮑菇同涼拌魚皮！每次去都食一大盤🤗🤗仲有‼️仲有‼️免費‼️超豐富‼️兒童餐‼️今次揀咗鴛鴦鍋，大人細路都滿足到！一邊係花膠雞，而另一邊係台式麻辣鍋！花膠雞鍋個湯真係好出色，店員話打邊爐之前可以飲左啖湯先，用咗鮑魚、唔同菇煲鮮味十足！我哋差唔多飲哂成個湯底🤣🤣個鍋仲配咗一碟花膠、竹笙，好補好岩呢個天氣。 台式麻辣鍋仲可以瘋狂任加豆腐鴨血，係我最最最愛，好抵食每次必點💕💕🐮肉肉聖誕樹🎄廚師將牛肉砌成聖誕樹造型，好可愛，好有聖誕氣氛啱晒打卡🥰總共有兩款牛肉，肉質鮮嫩，油脂分佈均勻，牛味好濃郁。
打邊爐當然唔少得海鮮，#新鮮活撈蚵仔同手工蝦滑我都大推！蝦滑入面真係有大大粒蝦，好彈牙！企鵝墨魚丸都好得意，而且味道都唔錯有啲細細粒嘅墨魚粒。…查看更多

店舖服務員非常有禮貌，友善，聖誕節仲會送禮物俾小朋友💕💕牛肉質素非常高，性價比很好，火鍋配料選擇非常充足。熱食、甜品選擇非常多、也非常好味。款式經常替換，我最鍾意食佢哋嘅豬軟骨。…查看更多

聖誕大餐嚟啦😆🎄平時全家好少食西餐，但有一樣野佢每次係任何餐廳餐牌見到都一定叫，就係德國豬手🐷‼️試過無數咁多間之後，最念念不忘嘅都係the salted pig脆皮烤咸豬手🐷係餐廳最最最推介嘅經典菜式，份量超級多！！豬手皮脆肉嫩，個皮好酥脆，一啲都唔會硬。入面嘅肉仲係好Juicy、軟滑，帶點點鹹香，但唔會死鹹。炸嘅時間同調味都岩岩好，真係好難得母配菜仲有烤到香脆連皮嘅薯仔同酸菜等，就算食多幾舊肉都唔會膩。同埋，佢哋既兒童餐係一啲都唔hea，好多選擇仲配埋雪糕同果汁。我哋揀咗迷你漢堡，勁足料塊牛肉好厚。小朋友食得好開心，店員仲拎啲畫筆同圖畫俾佢哋髹顏色💕💕聖誕節佢哋仲推出左限定節日菜：香煎三黃雞、法式紅酒燉和牛面頰肉、歌劇蛋糕等等。不過今次太飽，聖誕節再黎食過💕💕餐牌會供應至農曆新年完為止。…查看更多

🌟The All-star Pizza🍕 一個完整嘅pizza有齊6款星級口味，見到即刻「嘩」一聲，色彩好繽紛，好有食慾🤩自家製薄餅即叫即做，係走皮薄路線，入口酥脆。6款口味各有特色，滿足晒咩都想試嘅大家。我最鐘意Chicken Tikka，係印度風既香草汁雞肉，帶有少少辣味，配埋芝士好惹味又唔會太滯🤗忌廉雞肉意粉🍝係手工意粉，口感非常煙靭。意粉煮得剛剛好，裏滿忌廉醬勁邪惡，濃郁得來唔會太膩😈最後記住叫Gelato，呢度有好多新奇嘅口味，例如泰式奶茶、花生醬、斑斕味道等等。小朋友去到個雪糕櫃面前勁興奮，仲可以加toppings，口感順滑唔會好甜，好滿足🤗餐廳仲有露天茶座，對住草地環境開揚。帶埋小朋友或者寵物嚟散步再食吓嘢，好寫意啊！…查看更多

FIGS Bistro係多國Fusion美食，包括法國、義大利同西班牙。餐廳入面係天空藍色裝修，環境舒適。Chef's Tasting Menu 既選擇同配搭都好多元化，338一位性價比好高。法國紛迪加生蠔🦪蠔身好大隻，勁肥美。蠔味海水味都好飽滿，配埋帶有小小辣既香草汁，吊起成個生蠔既鮮甜度，好滿足🫶🏻🫶🏻香煎鵝肝配無花果醬🪿鵝肝脂肪比例十足，咬落去口感似奶油芝士🤤既邪惡又帶有濃郁既油脂香味，外脆內軟，入口即溶，我諗我食多三四舊都得🙈配埋龍蝦濃湯🦞濃郁既龍蝦鮮美完全濃縮咗起呢幾啖湯到👍🏻👍🏻阿根廷肉眼扒🐮厚切牛扒外皮焦香，入口軟嫩有彈性牛肉味濃，品質非常高💪🏻七成熟咬落啖啖肉汁，好滿意！配埋芥末醬，牛味更突出別有一番風 味。最後叫埋提拉米蘇，微微甜奶油乳酪味恰到好處。滿足既一餐🤗…查看更多

一入到舖頭簡直係穿越時空咁🤩係皇宮嘅裝修，仲有一張皇帝嘅龍椅俾大家打卡，勁有氣氛！當然呢度嘅火鍋食材，都係宮廷式嘅級別，好有驚喜🤘🏻‼️大推‼️花膠雞鍋湯底，超級大塊花膠，又厚身。打完卡之後，店員會剪成細細塊放入湯底入面。成個湯超鮮甜，花膠都煲得好軟糯，雞肉鮮嫩，打邊爐之前飲一啖真係覺得好滋補。🐮大滾友牛肉拼盤款式超級多，有牛小排、手切牛頸脊、金錢展、牛黃喉同牛舌。牛嘅質素好高，油花分佈均勻，牛味濃。我最鐘意係牛黃喉，好少地方有得食，淥一淥就食得勁爽口😝🐷伊比利亞橡果豬呢隻豬質素媲美和牛😍肉質一啲都唔係嚡，肉味好濃郁。🪿鵝肝墨汁墨魚丸🦑呢隻係手打丸，好有創意，中間真係包左一粒鵝肝！鵝肝嘅油脂香味同墨魚丸嘅海鮮味配合得非常好，口感彈牙，非常值得一試。一路打邊爐，記住要叫埋竹蔗茅根同火焰焦糖豆腐花‼️豆腐花豆味好濃又滑。上枱嘅時候，紅糖加酒燒到脆卜卜，好似焦糖燉蛋上面嗰一層咁，好有創意。…查看更多

🐮自家製牛骨髓牛油包🦴頭盤唔止係簡簡單單嘅麵包，佢哋既牛油係承載起一個真牛骨筒入面，牛油撈入咗小小骨髓，好特別，減輕咗牛油嘅油膩感。🍄‍🟫牛肝菌野菌忌廉湯 & 龍蝦濃湯🦞牛肝菌湯好香濃，飲落去淡淡都有菌粒，配埋麵包食好正。湯上面仲有拉花，儀式感滿滿。龍蝦湯處理得非常好，留住龍蝦嘅鮮味，回味無窮😝😝黑松露鵝肝威靈頓牛柳第一次試鵝肝配牛扒一齊食，估唔到係咁夾🤩係好正宗嘅威靈頓牛扒，即叫即焗，啱啱拎出嚟嘅時候個酥皮仲係非常酥脆🫶🏻牛柳份量好足夠，一啖食落去口感非常豐富。香煎澳洲PR級草飼肉眼（8oz）我哋order咗七成熟，廚師煎得啱啱好，牛扒入面仍然粉嫩多汁，而且牛味非常濃。配埋原隻烤蒜頭，淨係用少少鹽去調味，已經食得出濃郁牛味。如果大家午餐行過，超級推薦大家試吓佢嘅$38芝土焗蟹肉忌廉汁千層麵‼️38 蚊‼️仲要包飲野。另外，戰斧牛扒係經過"Frenching"處理既肉眼排，切割時保留至少五英寸肋骨，睇落好似一個斧頭。大家拍拖聚會，不妨一試！…查看更多

今次抱住一個朝聖既心黎食，第一次食高級印度菜，完全顛覆左我對印度菜嘅印象🤩裝修十分華麗，好有異國風情，好適合慶祝Fine Dining🥰頭盤叫左Pani Poori，成日睇YouTuber 食，今次終於食到呢個咁受歡迎既街頭小食🤤外層係一層薄薄香脆波波，波波入面有酸酸既馬鈴薯同豆蓉，最後再自己倒入薄荷 Mocktail，真係好新奇刺激既口感👍🏻👍🏻之後，我哋叫左印式精選燒烤雜錦燒烤🍖有齊蝦、魚、雞同羊。全部肉都用左好多特色香料醃製，好入味。炭燒雞柳雖然小小乾，但香料醃製過之後好惹味。全部燒烤火候，啱啱好，外焦內嫩真係食到停唔到口。另外，都好推介蟹肉餡料印度夾餅，蟹肉撈埋薑黃粉、洋蔥有小小辣，好好食😋馬薩拉雞 Chicken Tikka Masala🇮🇳🐓個汁好 creamy，好重蕃茄味，雞肉好嫩滑💪🏻配埋Naan點住個汁食，真係停唔到，一啖接一啖 。薄餅嘅皮好酥脆鬆化，單食其實都好好味。記住一定要叫Mango Lassi‼️芒果味好濃厚，唔太甜。配搭住濃味既印度菜，好夾👍🏻…查看更多

一返到香港即刻去沙田萬怡酒店嘅星海•星海薈飲返啖茶，食個靚晚餐。餐廳好近新城市廣場，帶小朋友行完街玩埋Dino park就食晚飯，好方便。餐廳環境好大好舒適，非常適合飲茶、聚會同搞婚宴。招牌白胡椒蟹🦀招牌菜‼️蟹勁大隻又肉味鮮甜，配埋濃郁既白胡椒味，果然名不虛傳，非常惹味！用鐵板上既蟹仲撒上炸左既九層塔，香氣撲鼻😆 個白胡椒醬汁就真係送飯一流。1️⃣9️⃣8️⃣特惠孖寶依家仲有個勁抵套餐💲198已經有乳鴿同清蒸龍躉。條魚一啲都唔細條，火喉岩岩好，啲肉勁滑。淨係小小鼓油調味就帶出魚既鮮味。一上枱兩個小朋友已經爭住食，唔夠十分鐘清哂成條魚同飯😝…查看更多