bxxch的个人专页

情人節冇乜特別諗去邊慶祝，男友話想嚟呢度，就即管試吓，冇期望之下又好有驚喜。個set dinner 都係啲正路嘢，但樣樣都幾精緻唔係交行貨，睇得出個廚師係有比心機煮嘅，基本上由開頭嘅湯、頭盤嘅帆立貝，主菜嘅牛扒加意大利飯全部都好食，我哋食清晒碟都唔使洗咁滯，唯獨是cocktail 就普通咗少少囉（但都飲晒嘅😅)希望餐廳keep 到呢個水準，會再幫襯👍🏿 btw如果有現場睇波加啤酒飲應該都幾好氣氛…查看更多

午飯時間去幫襯，見佢冇乜人排隊就幫襯吓，點知，足足等咗25分鐘先有，大家唔使返工嘅可以慢慢等，打工仔要趕返工嘅就唔好諗喇，除非你order 咗然後去食個lunch 先返嚟攞啦。p.s. 點解唔可以講聲比客知大概要等幾耐，可以有個預期，因為等雞蛋仔等到遲到返工嘅可能係開埠第一個!!🤬🤬🤬…查看更多

咁嘅價錢有咁嘅食物質素,實在相宜！！ 60蚊左右嘅午餐,有湯有包有主菜有嘢飲,今時今日都可以話係好抵食,比茶餐廳嘅價錢有成set西餐仲要好食,的確唔錯.侍應初頭話做緊午市如果叫甜品會等好耐,原本谂住唔食,最後侍應話ok,所以最終都食到至愛嘅心太軟,希望之後都可以keep住呢個水準.…查看更多