vixic的个人专页

新開這食店有午市套餐，於是試一試。魚肉都幾滑，酸辣適中，湯好味。蒸飯略嫌硬咗少少。最好味竟然係菜心，又淋又甜。份量適中偏細但大胃王可能會唔多夠飽套餐盛為$78雖然要加$5 一位茶但佢係茉莉花茶茶味清新好唔錯味道唔錯但整體又唔係太抵食勝在唔使等位侍應招呼都好殷切但可能係午市要4個唔識既人搭埋一張卡位有啲太親密幸好坐位都夠濶但室內溫度偏高暫時還可以接受遲啲盛夏就咪搞紙巾係要收錢2蚊包我落單後聽到經理對下屬講中午時段紙巾係唔收錢但侍應話佢已經下單了其實落咗單係可以取消既😆不過2蚊唔同佢計較侍應全程都係講普通話微訊自助下單令你有返咗大陸既感覺總結：不妨一試…查看更多

呢間係POPCORN 當中，價錢比較合理同埋食物質素唔差既酒樓。所以平日有好多老友記飲早茶。星期一至五，點心孖寶40蚊都唔使，真係幾抵。只係食物少少偏甜，但仍可接受。最大問題係服務質素奇差。黑口黑面唔在講，問佢地攞碟豆瓣醬，問幾次都唔會應你，叫沖茶又叫幾次，入點心又叫幾次。之前疫情客比較少，招呼會好啲。現在客人多咗，服務就差好多。成個場十幾個侍應，但冇個睇到你，永遠都只得一個最勤力既招呼你，其他就同啲客傾計吹水。🙄…查看更多

不知為何美心集團其下的SimplyLife服務可以咁差差不止一間分店差係成條line都係咁差葵涌新都會廣場，沙田。。。而金鐘呢間係特別特別的。。。差首先，今日一行4人去幫襯先逐一量體溫量完的行過一邊只係行前兩步Receiption既小妹已經第一時間喝停我朋友冇錯，係《喝》停，話要等佢帶位。我以為只係一時的冇禮貌都唔同佢計較到上飲品時同一個小妹將成杯冰茶倒瀉於枱上冰茶潑到同行友人成件衫都係一枱人一齊趕緊抹枱我以為係我撞聾但原來我們不要將枱人都發現倒瀉茶既小妹連《對唔住》咁基本既野都唔識講仲要冇其他waiter幫手抹枱到埋單時另一個 waitress 都表現得非常唔耐煩總括SimplyLife的食物質素與環境都經常保持優質可惜各員工的態度經常都令人為之卻步…查看更多

我叫既係蕃茄湯漢堡扒腸仔即食麵。呢間餐廳我唔滿意佢好耐，但從未令我的起心肝寫食評，今日佢終於做到，逼我出手。真心覺得連最簡單既早餐，都煮得咁難食真係好難得。每次都話唔再幫襯，但隔一排又會俾機會佢，因為我條邨真係冇乜食店可以選擇，又懶得行去隔離屋苑，所以要搵好野食，真係唔可以懶。即食麵上枱既時候，硬過條命，仲要未煮散既，要沈差不多5分鐘先軟返，但個麵已經凍哂，條腸仔好似中咗幅射咁。咁冇誠意就唔好做啦，唔該！…查看更多

唔係特別好食, 唔係特別好既服務, 只係比較舒適既環境, 但要等成60分鐘, 之後又限90分鐘用餐時間, 我寧願唔食囉。唔善用booking system, 要排隊等食, 本應要好食到無得彈, 咁先令人覺得值得, 但好可惜唔係。蜜糖吐司 - 個吐司烘到硬過我條命, 唯一可取係個糖漿好香甜。:(意粉味道清新。:)墨西哥薄餅不俗。:)…查看更多

慕名而來, 食佢地既木槺蛋糕。 一早訂定位。三個家庭, 一共八個大人, 五個細路, 兩大架BB車。訂位時講漏左有BB車, 所以安排左樓上既座位。但我地一行人去到既時候, 因為啲BB瞓左覺, 收車有難度, 見樓下有位, 所以要求安排坐樓下, 嘩, 唔問猶自可, 一問仲慘過乞, 個大嬸侍應話唔得喎, 樓下俾唔到你咁多人坐, 跟住黑我地面。咁唯有幾個大漢搬車上嗰條又窄又高嘅樓梯, 點知見到張枱同樓下嗰張一樣大少, 跟住樓上啲侍應問返我地話, 你地咁多BB 車, 做乜唔坐樓下, 呢一刻真係爆炸了。 但咁多小朋友, 除左忍仲可以點? 食物方面, 葡國雞係唔錯既, 非洲雞都幾好, 香味同辣味都剛剛好。鱸魚就麻麻地,腥到爆。牛肋骨只有咸味, 仲要好咸。木槺蛋糕係最好味既。總括食物係不過不失, 但要俾咁既價錢得到咁既服務, 唔使嚟呢度囉, 仲有好多好既選擇, 唔使揀佢囉。嚟過可以唔使再嚟, 未嚟過都唔使特別考慮嚟試。:(…查看更多

今日早o左出門口, 可以行遠少少食個豐富既早餐以前o係舊公司, 就算要行遠啲都好鍾意同同事o黎呢間舖仔食早餐因為呢度舖仔細細, 低就好有人情味, 而且食物真係抵食o係灣仔, 要搵一間好食又抵食既食店真係好難早餐一碗魚蛋米 + 一份 (腸仔/火腿/午餐肉/蛋 任揀二款) + 方包/多士 + 飲品 = 都係 $25 (凍飲當然要+兩蚊啦) 真係大件夾抵食細食既女士真係可以食一半, 打包一半做午餐o架難得舖仔既伙計個個都親切待客話事人Icy 仲好鬼好記性記得啲熟客既口味難怪去親舖仔都見一班熟口熟面既客人個個原本唔識都食到熟哂, 有傾有講除此之外, 阿叮都係振店之寶個個熟客o黎到都要搵阿叮陪坐 …查看更多

今日中午同公司同事一行十人一齊去東園酒家宴會廳 飲茶, 因為公司附近都無乜好食既酒樓,所以明知呢間野又貴又多人都會幫襯 至少佢食物質數算係咁一如以往避免等位所以今朝一早就打電話去訂位訂o左十二點四十五分同事比訂枱時間早五分鐘到達但知客話預留俾我o地張枱未埋單, 要等一陣於是一行十人一齊企o係門口等等o左成廿分鐘, 到一點都仲未有枱俾到我o地但係現場有好多張大枱未有人坐我明問可唔可以先安排我o地入坐o個啲有人訂o左有但係未到既枱但知客話唔得, 有人訂o左咁我問佢, 我夠訂o左枱啦, 又要等?知客話安排俾我o個張枱有枱早茶客未埋單, 佢埋單我就俾枱你o架喇頂! 咁o個枱客唔走, 飲埋下午茶先埋單, 我係咪都要等佢張枱先? 唔識安排第二張既? 擾攘o左一輪之後, 終於有枱, 點知我o地去到張枱前, 又發現安排俾我o地張枱已經俾人坐o左又要安排過, 點知最後仲安排一張只夠俾8位坐既枱俾我o地成十個人坐又要再擾攘一大輪先肯幫我o地換張大枱板但係啲知客同樓面都已經黑口黑面食物質量同兩個月前去食有啲退步但係都算啦, 不過不失點知到埋單又要再一次勞氣張單唔o岩數, 比起我o地原本order 既點心多o左成 5 碟有啲我o地無order 既o黎o左我o地食錯o左, 咁就照pay 啦但係有啲我o地order o左又無o黎, 但係又照charge 我o地, 原來佢o地將第二張枱既order 入埋我o地張單我o地check 單, 同個侍應講個侍應仲要黑口黑面唔願做咁做錯野仲要俾面色我o地睇我o地要俾10% service charge o架, 俾少少servive 我得唔得你唔錯我咪唔使叫你改囉!…查看更多