infoodwetrust的个人专页

朋友生日撞正假期 周圍都係人 因為餐廳比較多2人座位我哋3個人1點左右開始排隊等到差唔多2點先有得坐 係open rice見到部分特色甜品都冇提供可能係期間限定 所以食之前可以睇定餐牌先~我哋叫左個雞丼飯 個雞炸得好香脆 唔會有好重既雪藏味 配左牛奶抹茶 抹茶味超濃 有少少苦 熱飲係冇落糖嘅班尼迪蛋都非常出色 切開有澎湃嘅流心 薯條都炸得好好食 最後叫左法式焦糖梳乎厘班戟 面頭應該係吉士醬 甜度可接受 整體嚟講除咗排得比較耐都非常滿意 出餐都好快手 都係慶祝生日嘅好地方…查看更多

係觀塘工業區搵食雖然有好多選擇，但有時都會想快快脆食完又一餐，咁呢間都係可接受嘅選擇。嚟咗2次食下午茶，3 4點幾都仲係好多人好旺，今次叫左個常餐食。點完好快就比左個炒滑蛋同豬仔包我，個炒蛋夠熱，唔會好水，但豬仔包就太硬了，個口感有啲似本來烘完擺左係到好耐，要出餐先再烘一烘熱咁🙈。瑞士雞翼有兩隻，汁嘅分量適中，唔會太咸，但麵嘅分量感覺少左啲，定係我真係太肚餓？😂凍檸茶太甜了，下次都係叫返少甜吧另外因為人多，我坐左張4人枱被間版，但佢係向住對面咁打橫間，有啲迫同尷尬😅…查看更多

知道這家非常有名 午市期間上來總是人山人海 是次在平日下午茶時段光顧 幾乎都沒人 可以靜靜地品嘗一下美食 點了個人氣之選 芋泥奶凍吐司和店長推介的葉月豆漿紅茶 這裏是採用自己填下食品編號及先付款的方式下單店內的環境真的很有台灣風味 看到老闆親攝的沙灘真的好想好想去台灣！！我還巧合看到他們抱貓店長出來玩 但牠好像受傷了 要快點好起來！吐司的味道蠻特別的 店員提醒我可以用手吃 可是紙巾要+$2 我吃得非常狼狽呢竹炭包夾著芋泥 奶凍 還有麵包糠 我吃半個就飽了 個人認為吐司可以烘得再熱和脆口一點 奶凍分量可以減少 那就完美了飲品點了少糖少冰 感受只有豆漿味 紅茶味並不特出 希望下次可以試一下這家的主茶吧…查看更多

呢次嚟到觀塘工廈搵食，其實都係睇下有咩黃店🤣 見到呢間以船做主題嘅餐廳，連個碗都係魚嘅形狀，好得意喎！Lunch Set:A餐-卡邦尼蘑菇煙肉長通粉 ($59)B餐-意式青醬雞柳炒意粉 ($59)送是日餐湯或沙律一客，我同朋友梗係一人一樣試哂佢啦！估唔到個前菜係薯仔沙律，仲以為係沙律菜添haha，忌廉蘑菇粟米湯都好好飲👍🏻凍飲+$2，好大杯呀！卡邦尼長通粉嘅芝士汁非常濃郁，雞柳炒意粉都炒得好香😋最後有甜品送，係綠色嘅啫喱~價錢嚟講都幾抵食，值得支持！…查看更多

其實期待左食呢間好耐了，撞正幾次佢星期二休息，而且呢間food court 嘅嘢食都係唔錯的！今次叫左個深海吉列魚堡($60) 上碟嘅時候見到個魚柳邊已經燶左，都唔緊要，拎左先，點知打開佢發現個包邊全部燶左，d配菜仲黑哂添😫😭，我完全食唔到d瓜呀🥺...薯條都炸得好硬，唔夠脆，而個包個人覺得油左少少其實我都好支持黃店架，但呢個餐真係唔得🥺，唔好食...🙈希望你哋可以改善下啦😢唔知係咪手快快比左我定點😔...…查看更多

冇得去旅行，有冇學呀Dee同 Isabella咁嚟坐Tuk Tuk車幫你止止痕、頂頂癮呢？😆見到佢地食得咁滋味已經一直都好想嚟！但對我嚟講大角咀都幾遠，係奧運站唔係好識路咁都行左10分鐘左右先到。由於我一個人嚟食lunch，所以冇叫到佢啲set，叫咗Dee哥同款嘅芒果芝士沙冰(跟餐+$12) 呢杯嘢真係不得了，沙冰打得好幼滑，加埋甜甜嘅芒果粒，個層芝士咸咸地，夾個口感好正，又大杯，好值得叫！無骨海南雞飯($60) 配油飯&菜心，加埋個酸酸甜甜嘅醬，唔錯呀！…查看更多

有選擇困難症嘅我，望住個餐牌揀咗好耐好耐，因為呢間野真係乜都有，拉麵、壽司、飯應有盡有，而且價錢都好平。我哋見到等外賣嘅人已經大排長龍，都等咗一段時間堂食先有位。餐廳好貼心咁地下有個籃可以放袋，我哋揀好嘢食之後真係等咗好耐好耐，我諗都超過20分鐘終於上咗碗魚生飯，朋友就話麻麻地，然後餐廳因為冇哂冰我本來叫嘅凍飲要再揀過熱飲🥲咁等得耐係有啲躁，食魚生飯嘅朋友食哂另一個朋友嘢食都未到。不過都情有可原嘅，見到餐廳都唔係好夠人手做嘢。我個餃子拉麵味道麵ok，仲有兩粒糖心蛋添，不過下次繁忙時間都係唔黎住啦🙈…查看更多

第一次食呢間係坑口分店，當時叫咗個炸雞拉麵，覺得啲雞好似炸完擺咗好耐咁，又浸到林晒，所以都冇諗住再食呢間.....不過因為繁忙時間，周圍都好多人，而呢間嘅店員知我哋有六個人都非常協助我哋可以盡快入座，所以比多次機會佢啦😌我就點左呢個有寫住「人氣」嘅俺流特製撈麵，同我上次食嘅拉麵簡直有天淵之別啊！以為係拉麵店食撈麵應該平平無奇啦，佢嘅自家製醬汁同個麵好夾，不過略為鹹咗少少，但識落好開胃，如果可以多舊肉就好啦！🤪 …查看更多

一直想試好耐嘅車輪餅，因為見到個地址唔係好熟路以為喺啲好入好遠嘅工廠區到，但發現其實由牛頭角站穿過創紀之城去都唔係話真係太難搵，仲要宇宙天團係異國風情畫都介紹過呢間，掂呀！因為冇留意餐廳嘅營業時間，我去到已經5點幾，本身好想試吓芋頭麻糬同埋珍珠奶茶餅都已經賣晒，所以最後只係叫左一個Oreo咖啡餅，而我竟然喺佢嗰日最後一個食客，因為到5:30pm做埋我張單已經話要關門啦。食物係需要時間製作嘅，所以要等都係合理，一拎上手係燙手，真係好熱好熱，即叫即整，我起碼等咗接近半個鐘等佢涼返啲先食到😂車輪餅面頭好cute咁夾咗塊Oreo，入面嘅麻糬非常煙韌，而且佢嘅咖啡味非常之濃，真係超級好食！食完好滿足，好幸福😆 下次我一定會早啲嚟排隊🥲希望可以試到其他味道啦😍…查看更多

調景嶺真係唔知可以食乜好，呢間店我相信喺調景嶺嚟講有返啲質素嘅餐廳，午市價錢唔算特別平，但可以接受。雖然望落餐牌嘅選擇都幾多，但係感覺菜色喺一樣，只係配好多唔同嘅汁，所以我哋揀嘅時候都睇咗好耐唔知食乜好😂見到佢有個套餐做緊優惠，$59滑蛋吉列豬扒飯有嘢飲仲有碗湯，咁望落都算抵食就嗌嚟試吓啦！只係冇諗過碗湯會大個碗飯🤣 碗湯有幾片豚肉，而我覺得湯底略為偏鹹，配菜嘅味道都麻麻哋，但要讚下個滑蛋豬扒飯炸得好好食，如果可以多番少少滑蛋就好啦😎 而友人就嗌左個吉列雞扒，試咗幾舊覺得炸得乾身咗少少，因為佢完全冇咁汁點的，呢個餐跟飲品就要另外加錢。堂食係需要加一服務費，賣單都接近$70一人，整體來講都OK，不過有改善嘅空間~…查看更多

知道呢間小食店嘅巨薯棒好出名，之前食過都覺得好正！但喺我啱啱游完水又曬到好熱，梗係想食返啲凍冰冰嘅嘢啦！但係又唔想太冰冷喎🤪，所以炸雪糕就係最好嘅選擇！見出邊大街嘅炸雪糕都買到$25，而呢間只需要$20就有兩球炸雪糕，仲有得揀雲呢拿、香芋或者芒果味添！未見過球炸雪糕係可以炸得咁金黃色架！🤩 超級脆口！之前有食過啲炸雪糕係炸到好深色已經好燶，而且食落去係林pat pat的🙈啲炸粉同個雪糕分得好開，但呢度就唔同啦😆 我咬落去係清脆利落嘅聲音🤣而且球雪糕隨住炸嘅熱度慢慢溶化，咬一啖就有少少已經溶咗嘅雪糕汁滴落嘴巴入面🤤，唔知大家想唔想像到🤣 但係真係我食過咁耐咁多間以來最好食嘅炸雪糕！！食到我都好想研究吓點整，唔使要專登嚟到長洲先有得食😩 希望大家除咗食巨薯之外都可以試吓呢個神奇嘅炸雪糕😆😆！…查看更多

難得入到黎長洲，梗係要食返餐海鮮啦！🤤🐟🦐🦀我哋行到門口，餐廳姐姐就同我哋講佢哋專做街坊生意，所以冇其他舖頭做遊客生意咁貴，而且保證質素好！咁我同屋企人見到價錢都算抵，而且大熱天時，雖然未到食飯時間，但姐姐話入邊有冷氣可以坐下抖下先，咁所以我哋就即刻入咗去啦。姐姐都好熱情咁樣介紹有啲咩餸好食，佢仲話我同佢個女一樣都鍾意食西檸雞添！我哋仲嗌左腐乳炒通菜、薑蔥炒蟹同埋姐姐推介嘅清蒸黃立䱽。雖然隻蟹望落有啲細隻，但其實都好多肉，亦都炒得好香口。個人嚟講幾鍾意碟通菜，我哋夾下夾下好快就冇晒😆整體來講呢家都幾抵食，聽姐姐講佢哋平時夜晚都book到滿晒，如果想嚟食嘅話最好就早啲留定位啦！😉…查看更多

每次黎親港記，都一定例牌照舊！夏日之戀：曲奇、朱古力，多汁多奶🤤呢碗糖水真係非常足料，生果包括芒果、奇異果、西瓜、蜜瓜同哈蜜瓜，加兩球雪球-可選曲奇、朱古力、芝麻&/芒果味，仲有芒果汁同花奶 顏色色彩繽紛，生果酸酸甜甜，但加埋一齊又唔會覺得奇怪，反而夠豐富，一定夠飽！店員都唔會孤寒，叫多汁多奶會見到芒果汁真係多到滿瀉！糖水仲加左小明珠(西米露)，真係好有誠意。 個人覺得整個甜品既精髓係兩支曲奇條！每次甜品一到都同朋友爭住食，哈哈！好味到唔記得影相添！但有試過其他甜品 e.g刨冰、芒果清涼爽，同埋美味可口！…查看更多

同朋友專程黎到葵廣掃街，但發現選擇已經愈黎愈少，好多都係「賣image」(得個樣)，平日又好多店都唔開，好彩都搵到呢間有其特式既手抓餅👍🏼我同個friend諗左好耐都唔知揀咩好，老闆問左我地好幾次有冇咁難諗xD 最後揀左芝士、火腿、肉鬆、煙肉，雖然材料普通但又真係幾好味😋😋 脆卜卜der~ 個餅有d油，但都接受到既。本身自備左個盒諗住好似細左少少應放唔落🙈 老闆見到我不知所措咁主動問我係未有盒，佢都好支持裸賣，仲幫我分埋個餅，同埋係到裸賣會有豆漿送添呀！😍 (雖然都係多左隻紙杯唔環保🙊haha) 食完個餅加多杯涼涼既豆漿很不錯喎🤤 …查看更多

完左活動同一大班朋友去到富臨皇宮食晚餐，結果只有成肚氣返屋企！😠🙄🙄🙄因為訂左枱既緣故，佢留左晚市枱比我地，但我地覺得火鍋好似抵食d，問可唔可以轉火鍋啦，d店員搞左一輪又話轉唔到火鍋枱，用唔到gas爐...最後個經理指住d menu話:「我地乜都有 ，就係冇火鍋材料」，都唔知好嬲定好笑，冇得打咪算囉🤷🏻‍♀️枱上個轉盤係唔郁嫁😅，又要叫人黎換，好彩未上菜前發現左。終於叫到野食，個set晚餐明明係冬瓜盅，佢冇哂就求其上左豬肺湯又冇通知我地🙄，要我地出聲問先話「乜唔係有人同你地講左啦咩? 豬肺湯仲好啦要$200幾蚊嫁」喂大佬唔係價錢問題，可以咁亂咁上菜嫁咩😤最嬲係佢上配菜個時倒瀉d湯係朋友部手機到😱，道歉都冇只係笑騎騎話唔好意思😑而上碟蝦竟然可以跌左幾隻落張枱，點樣拎野嫁？🤷🏻‍♀️無啦啦又劈碟生煎包落嚟，我地話冇叫喎佢問我地係咪94號枱? 我地話唔係，佢問「咁94號枱係邊？」你話呢？我點知呀？🤷🏻‍♀️上菜時張枱冇位係叫我地幫你拎一拎走其他餸比你上埋佢？我地朋友坐隔離枱催碟餸咁耐未到，佢話「你好似冇叫喎」，但明明係佢自己推介嫁喎...😑😑😑最後問佢地有冇糖水？佢話「冇」生果呢?「更加冇」乜原來間野叫「皇宮」係d咁既質素嫁咩........…查看更多