係附近番工，同同事一個星期最少黎食2次午飯，依度較靜又坐得舒服，職員親切有禮，最鐘意食燒鯖魚&雞絲炒烏冬，有時亦會食下旋風蛋飯，因為覺得賣相好靚。但我哋以後唔會再黎幫襯，原因是咁的：今日像平時一樣過黎食午飯，點咗鯖魚set lunch, 食物依然好味，但好似係換咗個著黑色衫男主管，唔見親切細眼肥哥哥，我坐係玻璃窗角落位，已離Open kitchen 算遠，進食期間不到半小時，就聽到個黑衣主管好大聲地呼喝Open kitchen 內的員工至少2次，聲大又無禮貌，街市佬咩？？？當時食緊飯既人全部望向廚房，而且有剛放學既幼稚園小朋友，真係會嚇一跳，我本人覺得好反感，覺得成間餐廳質素low曬。仲有咁既人管理，員工肯定被逼吸收好多副能量，個個木口木面，點會做出好既食物，可悲！！！…查看更多
玉子造屋
2021-05-24
以上食记乃用户个人意见 , 并不代表OpenRice之观点。
1
用餐途径
堂食
