寶少爺啦 唔該的个人专页

今日我哋全部一齊去呢間嘢食晚飯，一入到去剩係得幾台人食飯，環境超級😁平靜。一開始入嚟嗰陣，見到冇乜人食，仲以為會好難食，但係嗌完嘢返嚟就原來佢啲嘢食平靚正，😋😋一隻🐷乳鴿$38😱。我哋10個人嗌咗八味餸，最後都只係$1355｡🤣🤣啲員工都幾好人，建議大家過嚟試吓新嘢。👍🏻👍🏻真係幾好食😍😍😍😍😍😍😍😍😍😍😍😍😍🫶🏻😁😁😁😁😁😁😁😁😁…查看更多

2024年第一餐湖南菜，好多朋友都話尖沙咀，湖南味館唔錯，咁就去試吓，聽講這間嘢進駐香港已經有十年，並緊持「以辣為魂」，「以味為本」，睇吓點？之前已經訂咗位，所以直接坐底叫咗個鴛鴦魚頭、益陽蘆荀炖五花肉，口味花菜，醬油炒飯。講真啲料都係新鮮嘅，味道真係好好味，尤其是鴛鴦魚頭果然是三個招牌菜（鴛鴦魚頭、洞庭湖甲魚同國宴東安雞）之一，服務態度都好，環境同清潔都可以接受，唯獨是甜品種類選擇比較少，總括依然各路英雄好漢，兄弟姊妹都可以嚟挑戰一下，呢度啲辣味，我身邊啲辣味高手，高手，高高手都話辣，下次我會再嚟，試埋其他兩個招牌菜，到時再同各位分享。…查看更多

近排睇到各路英雄講煲仔飯，於是同靚靚老婆，重回嗜囍幫襯，等咗10 幾分鐘就可以入座，每位姐姐服侍態度都唔錯，但係落單就求求期期，我叫咗個白鱔田雞飯加克腸，結果係白鱔滑雞加紅腸，落單嗰陣時佢問我另外一個鳳爪排骨飯加唔加，我用好正統嘅本地話話俾佢聽唔需要加，結果佢冇落個鳳爪排骨飯（圖未加番，不過要重新等多半個鐘，喂唔緊要我仲叫點心，蝦餃、牛柏葉（正）鹹水角嚟到嗰時，個呀姐話：有嘢食啦，小心熱啊，但係個鹹水角係凍㗎喂🤪，臨走我去去洗手間，我習慣望一望嗰廚房，竟然發現阿肥師父，無戴口罩仲擔住口煙做嘢，疫情呀師父！講返個煲仔飯，可能因為下晝，趕時間，冇乜心機整，啲飯唔夠乾身，飯面嘅餸亂咁放，唔美觀，整體合格，但要做煲仔飯一哥，唔好意思，輸咗少少就係輸咗少少！可能名氣大咗，本心就小咗，如果只顅商業社會⋯⋯⋯唉！淨做聞名訪客，咁樣就不如見面啦。…查看更多

聞名就不如見吓面，整體食物質素新鮮，墨魚頭、同麻辣小食非叫不可，分量足夠無偷雞，水吧出品合格⋯⋯⋯不過樣樣要講清楚啲，人客唔多，出品都唔算快，食物到咗自己check吓，有冇增加或減少，好彩男店員彬彬有禮，但各女店員黑口黑面，帶同一對手套，抹枱係佢、執嘢、攞貨又係佢、攞食物送枱都係佢，睇到都覺得核突，送食物到枱又粒聲都唔出，放低轉身就走咗去，（可能嫌工作太多，太忙唔想做啦）所以咪成日送錯枱囉⋯⋯食物幾得都好，服務點都係要有啲，除非你間店已經去到超神級啦！…查看更多

我同我最愛行經重慶大廈，見到好多印度人喺度推銷緊咖喱，我嗰個童養媳話裡面好雜怕唔怕⋯⋯｛唔巧食），於是我哋鼓起最大嘅勇氣入咗去，由於諗住一樓快啲走，所以求其揀咗呢一間，結果非常之有警喜，基本上樓下都有九折卡送記住攞呀，Menu中英對照，上址有一位小妹妹識得中文同會介紹推食品俾你，其他都識少少中文，主要都係英文溝通，要留意佢啲辣，真係唔係講笑，飯種係我私人推介⋯⋯正！雙子嘅招牌飲品係芒果奶昔，但係佢哋係用酸奶做，我叫咗一個唔辣嘅雞肉同薄餅⋯超正，最後我同老婆食到飽晒肚打包剩低食品返屋企比印尼工人姐姐食，佢哋都讚不絕口，大家進去去試吓…查看更多