C for eaT的个人专页

金仔下午茶自選米線 ($36)，係可以揀2款配料，配料種類選擇亦多，今點揀了炸雞翼和酸菜腩肉。加($1)可改酸辣湯，沙嗲湯，麻辣湯。而我則點了酸辣湯，湯底有豬肉碎，芽菜，韮菜，和腐竹，湯底酸酸辣辣十分開胃，正。加($2)可改紅薯粉，煙煙靭靭，但份量不算太多。配料揀了酸菜腩肉和雞翼，酸菜腩肉是店員姐姐推薦，腩肉滷得入味，厚切，件數亦多，配埋酸菜同吃，讚。而雞翼就一般，因為雞翼是炸了的，但就比湯浸淋晒。。味道亦沒有什麼特別。另送一杯熱飲，加$2可配凍飲。…查看更多

金雋下午茶：招牌豬扒麵+鍋貼2件+熱豆漿$30招牌豬扒麵，豬扒吃得出是即炸的，夠熱，脆粉雖然比較厚，但塊豬扒不是乾爭爭的，好吃👍。麵底是上海幼麵，很一般，可能是外賣的緣故，淋晒。。而湯底係完全無味的，失望，好彩炸豬扒是分開袋的。鍋貼係長形果種，雖然都係即炸，但窩貼塊皮太厚，所以就唔係話好脆，個饀係椰菜加豬肉，但就無咩肉汁，一般！熱豆漿就不太甜，相對地味道就偏淡。…查看更多

見到甜牙牙都有抹茶系列就即刻要來試試了。抹茶之窩夫伴侶定食：定食有4格，上層係有4件抹茶味窩夫，窩夫烘得不算太脆，有少許抹茶味，帶苦；左下格:芝麻，綠茶味雪糕，一般; 中間:紅豆味雪糕配紅豆蓉，紅豆蓉甜了少許 ; 右下格: 黃豆蓉配忌廉，但黃豆蓉味道超古怪的，入口又乾又鞋，建議還是配雪糕同吃比較好。法式焦糖燉蛋：燉蛋size亦ok, 面層焦糖夠香脆，燉蛋都夠蛋味，不太甜，又夠滑，個人認為燉蛋比窩夫還要好吃。P.S.每次來甜牙牙食窩夫不知何解都要等很久？！我懷疑他們只有1-2部窩夫機 …查看更多

抹茶係時下最hit食品。。御前上茶，只賣抹茶和焙茶食品，但每晚仍可大排長龍，利害！抹茶鬆餅配抹茶霜淇淋($78):鬆餅即叫即做，賣相都相當吸引，有4大件，個面灑了點抹茶粉，很香很脆，吃落口都有濃濃的抹茶味。配料有紅豆，抹茶啫喱，抹茶雪糕。先講抹茶雪糕，好夠抹茶味，又軟又滑，不算太甜，順帶一提雪糕溶得比較快。紅豆，甜甜的，又大粒，配雪糕和鬆餅同吃，很夾; 另外抹茶啫喱都幾好味，QQ糯糯。…查看更多

今晚已經有飯局，所以下午茶諗住茶食少少就和朋友各點了一籠皇朝小籠包吃。一籠8件，有張紙仔會比你，叫你跟住啲次序來吃，由淡至濃味。原味: 皮薄饀靚，肉質新鮮美味，多汁人參: 幾好味，真係有參味，食完之後甘甘地鵝肝： 一入口已有鵝肝的味道，ok黑松露: 中間有薄薄一片黑松露，真材實料芝士: 稍為普通了一點，味道不太濃蟹粉:  入口好多蟹粉，有蟹油香，另一推介蒜香: 普普通通，幸好蒜味亦不算太濃麻辣: 有點像吃乾身的紅油抄手這個8色小籠包真係值得一試，而我個人就比較喜歡人參味和蟹粉味。…查看更多

綠林一到秋冬就會推出生磨栗子粒露（$28），我個人原先非常喜歡吃栗子，所以每到哩個時間就會去食。今年好像沒有往年咁好食了，雖然說是生磨，但覺得希了很多，應該落了很多糖水的緣故，我個人認為甜了少許，另外每啖都有栗子粒，哩方面值得讚！…查看更多

亞玉豆花在元朗是很出名的，經常也有人排隊。這間豆腐花店特別在於有黑豆味豆花，因黑豆比黃豆更健康，所以我就揀了黑豆味。豆腐花豆味都夠濃（聽朋友講現在豆的味道已沒有以前那麼濃了），另外豆花亦夠滑，又夠熱，好味！👍👍這間店除了一般的黃糖及糖水供應外，另外還有薑汁糖水供應。朋友說客家糍粑(即糯米糍)亦很美味，下次有機會再試埋…查看更多

去vcity食完晚飯行過見到甜牙牙不用等位，又有最hit的抹茶系列，所以就揀左哩間做飯後甜品！ :抹茶之窩夫伴侶定食: 窩夫定食有4格，上格: 有4大件綠茶味窩夫，窩夫烘得有點硬，只有少許抹茶味，帶苦。下左:普通芝麻，綠茶味雪糕; 中間:紅豆味雪糕配紅豆蓉，帶甜; 右: 黃豆蓉配忌廉，但黃豆蓉味道超古怪的，建議還是配雪糕同吃比較好。法式焦糖燉蛋：燉蛋size亦ok, 面層焦糖夠香脆，燉蛋都夠蛋味，不太甜，個人認為比窩夫還要好吃。P.S.每次來甜牙牙食窩夫不知何解都要等很久？！我懷疑他們只有1-2部窩夫機 …查看更多

之前上網見到可以自製小丸子，好似好得意咁，不過原來呢啲野真係試一次就夠。小丸子部機可以整18粒，會跟埋4碟配料，有泡菜，紅蘿蔔粒，洋蔥粒和墨魚粒。一開頭係會有個員工好快咁講解教你點樣整，首先係要落一半粉漿，之後就落配料，咁我哋第一次整，咩都唔識就將全部配料放晒入去，點知原來放得太多配料係會令到粒小丸子太多水變淋身 之後再落埋另一半粉漿，等下，轉下粒丸子咁就完成。上碟後，落埋木魚絲，紫菜絲，沙律醬，燒汁醬咁就攪掂。小丸子味道真係超一般，唔脆，啲粉漿又無味，都唔知係我整得唔好定係啲粉漿問題。講真街邊小食店賣嗰啲小丸子仲好食過呢間店。我和朋友都是為了小丸子而來，講真真係有點失望。可一不可再。…查看更多

今晚book左位所以來到不要等，可能由於抵食的緣故，11pm都全場滿座。一坐下，就有汁醬配料任自己調，有指天椒，炸蒜，葱，沙嗲醬。另外飲品都是任飲的，有汽水，仙地，烏龍茶，竹庶水，竹庶水是自家製，不太甜，健康點，推介。    免費湯底都有6款可選，我們點了沙嗲湯底和蘿白牛腩湯底，沙嗲湯底味濃，牛腩湯底雖然鍋內有很多牛腩，蘿白，粟米，但不知為何個湯仍是無味！ 海蝦，新鮮，唔係細細隻果d  鱔片，雖然切得薄，但很好吃，出面叫碟鱔片都很貴，現在居然係任食。 肥牛和滑牛，望落亦新鮮，我不吃牛，友人說很好吃。  皮蛋貢丸，好吃，一咬開肉丸內有很多皮蛋碎，如喜歡吃皮蛋的朋友，必點。 粟米，很甜。另外我們還點了年糕，凍豆腐，響鈴，牛骨髓，炸魚皮，雲呑，芋絲，鵝腸，芝士腸等等等等。。個人認為任食來說，已算很多選擇了 …查看更多

這間冰室無論什麼時間都大排長龍，所以我每次都一定叫外賣，不過叫外賣等的時間都不短。指定茶餐，蛋治配牛肉通粉，熱奶茶。 蛋治，雞蛋非常多，好大份，吃時還有蛋汁溜出, 不過可能我是叫外賣，吃時麵包皮已吸滿油 。 牛肉通粉，一定要叫多胡椒粉，普普通通的一碗牛通，但都令人再三回味，牛肉用鮮滑牛，份量亦算多，好味。通粉焗住咁耐都仲未淋。飲品叫了熱奶茶, 茶味夠, 不錯不錯另外這間冰室的紅豆冰，都是堂食時必叫菜式。…查看更多

經過沙田大會堂，居然見到有間小小的cafe躲在corner，見無咩人就即試。原味窩夫配芒果醬$28，即叫即整，賣相ok，很大份，足足4大件，但味道就很一般，不夠蛋味亦不夠脆。另加$20可配手調咖啡，點了杯熱mocha, 咖啡有驚喜，因為他們是用starbucks的咖啡豆。…查看更多

深水埗有很多吃川菜的餐廳, 經過見人不多就試下這一間嫲嫲辣辣。 自選鍋品: 見鄰桌吃得津津有味，我們也點了個孜然鍋(小辣)，配料揀了炸芋頭，炸蓮藕，冬菇，雞腎，羊肉。 ( 炸芋頭和炸蓮藕是薄女切，可能因為切得薄的緣故，所以很脆, 推介; 羊肉不腥，入味; 雞腎亦很爽)註:每款食物是逐樣收費的, 有一張好像打邊爐的點菜紙供客人自己點，食物選擇亦很多. 口水雞: 一般食店食到的味道, 沒有特別, 肉質有點鞋 秋葵炒雙脆: 雙脆是木耳和窩筍，清清地，不多油，夠新鮮，好吃 剁椒煮什菌: 個汁很好吃,惹味非常, 送飯一流!!!P.S.還好當晚7pm早到，越夜越多人等位。…查看更多

聽聞阿元來了很出名，想吃就一定要等位，故約埋朋友一起來開餐，諗住下午茶時段會無咩人等位，結果還是要等。魯肉飯：豬肉不是肉碎，是肉粒，肥瘦分明，好好吃，而且整碗飯都有肉汁，正。雞絲飯：這個相對就比較普通，雞絲有點乾身，味道亦不夠濃。蚵仔煎：似足台灣做法，夠QQ，蚵仔份量都足。鹵水拼盆(豬耳拼豬腸): 豬耳夠脆，豬腸亦好味，不錯。…查看更多

最近周邊開了很多芒果糯米糍店。今次經過這間又說是正宗的，即管試試看。首先糯米糍賣相吸引，大大粒的，入口糯米皮鬆軟，芒果甜亦大件，好味。。😋😋另外買了一粒花生饀的，這個略嫌花生饀太少，花生饀太大粒。…查看更多