Chariity的个人专页

同朋友都係係銅鑼灣返工，於是就約咗係Frites嘅銅鑼灣分店一齊食dinner前菜嗌咗蟹肉蝦肉球，我同朋友都覺得麻麻，好粉同個味唔太夾，唔太建議叫。主菜嗌咗龍蝦意大利飯，肉眼配薯條同肉醬意粉。龍蝦意大利飯最好食，係真係原隻龍蝦拆肉嚟整，啖啖龍蝦肉，個汁都好重龍蝦味好正肉眼都好重肉味好好食，肉眼比普通嗰隻貴一百，但兩倍大同好食好多，有budget 嘅會建議俾多一百叫肉眼。肉醬意粉就正正常常，無話特別好食，所以無特別推介我哋無嗌甜品同嘢飲，埋單三百左右一個人，佢每日都有唔同嘅promotion，如果嗌嗰啲應該平啲，但質素同環境都好好，個價錢都值所以會再去…查看更多

之前已經好想試La Vache!依間餐廳，咁啱紀念日就去左尖沙咀分店試試。佢哋得一個牛扒餐，有沙律 主菜(牛扒同薯條)同甜品沙律正正常常，牛扒叫咗五成熟，本來對佢嘅期望好高，但牛扒嘅質素麻麻，肉味都重嘅但就比較硬，明明只係五成熟但口感似八成左右。甜品叫左朱古力蛋糕，蛋糕朱古力味幾濃味道唔錯。值得讚嘅係店員服務態度好好，好有禮貌，但食物就真係比較普通，如果因為啲食物去嘅話就真係要再諗諗先。:(…查看更多

見到觀塘新開左間茶餐廳就諗住試吓叫咗個早餐👉🏻腸仔煎蛋拼餐包，再加埋鮑片火腿米線所有嘢都係正常茶餐廳嘅味道，個餐包係幾好食嘅，好重牛油味成個感覺就係普普通通嘅茶餐廳，唔係特別好食又唔係特別難食喺觀塘咁多間茶餐廳唔會特別揀依間希望之後試咗佢啲泰國嘢睇吓會唔會好食啲…查看更多

夜晚黎依度食唔多人，可能因為唔使返學校上堂店員好nice咁請左我地食頭盤係巴揸火腿同辣肉腸我哋叫咗個洋蔥圈、牛扒同埋carbonara個洋蔥圈雖然只係$50，但係好大份性價比好高仲要熱辣辣牛扒係焗嘅，份量都好足夠，係靚牛扒好重牛味唯一差咗啲有少少失望嘅係carbonara:(佢成個意粉好重蛋味冇乜忌廉嘅味道，同埋比較鹹，有少少似食緊中式嘅炒意粉咁整體來講味道唔差，分量又大份，而且全部都啱啱整起，所以應該會再encore!加油💛…查看更多

整體成餐性價比都好高，我地兩個人叫左兩個前菜(焗包同湯)加兩個main dish(牛扒同海鮮盤)同甜品cheesecake每個人都係二百零蚊首先講下個湯其實就中規中矩，唔係特別好飲普普通通咁，但夠熱同重菇味個包就真係幾好食，值得encore佢係即焗嘅 黎到d芝士仲係融融地所以好好食個扒好重牛味，以百幾蚊嘅價錢黎講絕對係好抵食但個海鮮袋就爭咁啲，要二百幾蚊但唔係特別好食又唔夠入味，個人唔係好建議嗌個芝士蛋糕都係中規中矩，有少少雪得耐得滯，好硬下次黎應該會叫set，性價比更高！…查看更多

本身今日想食西餐，咁啱嚟到荃灣唔知食咩好就入咗去，點知之後勁後悔。我叫咗個鮮茄大雞髀焗飯，本身見到80幾蚊着咁大隻雞髀諗住好抵啦，啲店員一開始個嘢食嚟到就整啲火焰落去，本身都覺得幾新奇，但係就出事啦，佢落得太多成兜嘢食都好大陣whiskey 味，啲飯全部都係苦嘅，勁難食完全食唔到。諗住個朋友叫咗海膽汁海鮮意粉會好啲啦，但係點知佢個兜野明明就冇整啲乜嘢花臣，但都好重whiskey味，正常應該要用白酒煮？:(完全唔會encore好失望…查看更多

今日係紅日嘅假期，行勻成個深水埗間間coffee shop都滿晒同埋要排好耐，最後就機緣巧合下食咗依間我就叫咗肉眼扒拼薯菜，$88來講性價比極高，個牛扒係中上嘅質素，好有肉味亦都唔硬，個熟度煮得啱啱好五成左右薯菜係配薯蓉嘅，薯蓉都好好食，但係略嫌牛油味唔夠重加咗錢換咗杯玫瑰奶茶，杯奶茶好好飲，好重玫瑰味朋友叫咗個全日早餐，但係個全日早餐就爭啲，首先唔係好夠熱啦，同埋啲嘢食都普普通通。但係佢真係幾抵食，全日早餐送鮮榨橙汁，再另外包杯嘢飲，啲staff態度又好好，值得再嚟！…查看更多

今日食飯叫咗個晚市二人餐本身係俾個龍蝦pizza吸引咗去，但係嗰個Pizza只可以單叫同埋要差唔多$400，所以就冇食到:(聽啲人講話龍蝦芝士通粉好好食，但係我哋太晏去已經賣晒個龍蝦湯都幾難飲，首先凍哂，而且好有罐頭湯嘅味道，連麥當勞嗰啲都好飲過佢但係個紅酒燴和牛係幾好食嘅，啲牛肉好入味同埋好重牛味，亦都好足料啲牛全部大大嚿個Pizza就普普通通，好彩夠熱令到佢都幾好食最後加咗錢叫brownie, 嗰brownie 外脆內軟，仲有焦糖香蕉伴碟係幾唔錯整體來講中規中矩，但係如果唔係有其他特別餐牌應該唔會點encore…查看更多

好耐之前已經聽到依間台灣麵店喺香港開咗分店，但係一直冇機會試。依日咁啱過咗嚟銅鑼灣，行過就決定試吓，一嚟到都好多人要等一陣但唔係好耐所以都okay佢嘅味道同之前係台灣食一模一樣，對於好耐無去台灣嘅我，趁機會品嚐返台灣嘅味道…查看更多

六點鐘放左工同同事想揾間餐廳食晚飯，之前lunch time食過依間嘅外賣覺得幾好，於是就決定再encore 6:00去到唔駛等位，兩個人叫咗大蝦炒金邊粉、酸辣鳳爪沙律同馬拉盞炒通菜，三樣都好好食，每人除返開都係一百三十蚊到，性價比超級高。…查看更多

今日係難得嘅紅日假期唔洗返工，就黎左日月星街覓食，行吓見到呢間未試過，餐牌又好似幾吸引就決定入去試吓同朋友叫咗兩個意粉再加一個小食，香草醬蒜蓉意粉係幾好食，好香蒜味好惹味，chicken cream pasta嘅雞扒好入味，但就有少少漏，可能係因為我地叫左個Mac and cheese fries做小食。全餐最抵讚係個薯條，份量多唔再講，仲要好足料好多芝士，雖然都要百幾蚊但依個份量係灣仔區又要好食真係少，本身想再去食但係點知close左:(好可惜…查看更多

不經不覺做做下嘢已經八點鐘，忙完一日諗住食啲好嘢獎勵吓自己。旺角好多間店都滿曬人，行行下見到依間舖咁啱有位就諗住入左去試下，我叫左生牛河，朋友就叫左牛肉拼鰻魚飯，晚市旺角黎講都叫性價比好高嘅一間，六十蚊連凍飲又大碗，極度足料，牛肉好多，個湯又好重牛味同越南香料味，但係略嫌啲河粉煮太耐碎碎地，朋友嘅牛肉鰻魚飯都好大碗，食量比較大嘅可以叫加飯，朋友話佢果個都好好食，整體黎講都好食，會再encore🤔支持💛…查看更多