MY6568的个人专页

平時經開依間嘢,永遠都見到鬼死咁多人,但依輪啲天氣又熱辣辣,都可以有咁多人坐街邊食嘅????都知有啲古怪架喇,所以今日咪嚟會一會佢囉一坐低...就叫咗個至愛嘅"蛋牛麵",但鬼死咁耐都未有嘢到,心諗死得喇,平時啲茶檔叫啲咁嘅麵,都唔駛5分鐘就嚟咗喇,駛鬼等咁耐咩等咗成10分鐘到...終於嚟喇,但等咁耐係值得嘅:)"生滾牛肉炒蛋公仔麵"...$21蚊~啲牛肉得到呢,一啲都冇生粉味,啲湯又冇乜味精...鮮甜呀"豬扒公仔麵"...$19蚊~你又估佢唔到啲豬扒都咁得喎...一定有打過下次試吓啲碟頭飯先...見咁多人食"番卓"指數:8分 (10分為滿分)…查看更多

又到食晚飯嘅時候,但幾條友都唔知想食乜,經開依間嘢樓下,一時醒起"開飯"都好多人報稱"日泰郎"得得哋咁,咪會一會佢囉一上到去,噢.........去咗街市咁,嘈到呢算喇...佰零二佰蚊一位,高級餐廳咩:)嘢食方面又真係冇乜特別出色嘅...收貨囉,日食就都叫做可以喇,始终都唔係專科,不過刺身就真係要吹先嚟,熟食就真係"咸頸"喇,搞到我番到屋企都要不停灌水:(都係果句喇,佰零二佰蚊一位...唔好有太多幻想囉"番卓"指數:2分 (10分為滿分)…查看更多

平時我一想食咖哩,我就淨係識去佐敦"亞龍"或"佐敦咖哩屋",但今日食過"燉奶佬"之後,我諗我都會少啲去佐敦食咖哩喇"燉奶佬"啲咖哩雖然唔係太夠辣,但起碼冇佐敦果兩間咁重"味精",次次食完都要飲好多水...真係幾咸"燉奶佬"啲牛腩真係幾"軟身",唔太肥,亦唔太瘦,啲咖哩又夠香......掂呀:)佢嘅"咖哩豬扒意粉"都得得哋架..."咖哩牛腩飯"...$42蚊"咖哩豬扒意粉"...$40蚊"番卓"指數:7分 (10分為滿分)…查看更多

今日瞓醒...突然好想食個"常餐",咪周圍揾吓喇,行到蘇屋村附近醒起有間屋村茶餐廳,咁咪會一會佢囉午餐:沙嗲牛公仔麵,火腿奄列+方包...$26蚊 凍飲+$2蚊其實味道就真係普普通通,普通茶檔嘢,冇咩特別驚喜,只係比咗啲"回憶"我,諗番起細個喺黃大仙上村成日食果間"美景茶餐廳"啫:)睇open rice咁多人話"好食"...原來係見佢就嚟拆,比啲"集體回憶分"佢啫"番卓"指數:2分 (10分為滿分)…查看更多

好耐冇去"長發"打邊爐"喇,依間嘢我只會嚟食"任砌火鍋"嘅啫,因為佢啲"小菜"真係唔可靠架平時夜晚"任砌"火鍋$128/位(包茶介醬料湯底&加一),任砌兩個半鐘,但今次佢話"母親節"周喎,所以加多十蚊...百幾蚊又食又飲你仲想點佢都算多嘢食架,大路嘢要乜有乜:)"番卓"指數:8分 (10分為滿分)…查看更多

今晚终於試咗依間報稱"竹昇麵"好食嘅"坤記"...但真係令我再次失望而回,我真係唔會再信啲"米X蓮"推介...鬼佬真係唔識食中國嘢架"招牌蝦子蠔油撈麵"...$32蚊碟,啲蝦子一啲都唔靚,麵就得個"硬"字,一啲都唔爽:("五花茶"...$5蚊杯,淡而無味:(佢實在令我太失望喇...... "番卓"指數:0分 (10分為滿分)…查看更多

今晚又係睇"open rice"揾飯食,再次喺長沙灣揾"獵物"...本應想去揾"坤記"食竹昇麵,但去到門口忽然急停,記得附近有間叫"興發",啲豬扒報稱OK,所以心血來潮咪去會一會佢囉"上海粗炒"...$28蚊,又OK喎"炸豬扒"...$13蚊,得呀"菜肉雲吞上海麵"...$16蚊,抵呀"腐乳通菜"...$8蚊,啲腐乳勁夠味"五花茶"...$8蚊,味道啱啱好,唔太甜果然係做"街坊"生意,大件夾抵食,味道又真係唔差,眼見四張枱嘅客都食"豬扒麵",你就知咩料喇:)不過佢啲"上海麵"就唔係咁啱在下嘅口味,我都係鍾意食"上海粗麵"多啲"番卓"指數:6分 (10分為滿分)…查看更多

依間"盅源"就喺我屋企附近,平時行過成日都想試,見今晚要"食自己"...所以咪試吓囉我叫咗個"窩蛋牛肉飯"...味道"行貨"咗啲,冇乜驚喜:(不過佢啲"點心"就幾得意,每樣一件,當午餐就OK,晚餐就..............................唔夠力我個人就覺得啲嘢食好似咸咗少少......整體嚟講行開依頭咪可以一試囉...專登嚟就..................."番卓"指數:2分 (10分為滿分)…查看更多

今日睇完人哋寫嘅"食評",咪專登去揾嚟試吓囉...但估唔到又OK喎舖仔細細,不過夠晒光猛;啲撈麵同湯麵又可以自由加餸,鍾意食咩就食咩...爽呀在下覺得"咖喱牛腩馬拉盞撈麵"好好食...掂呀"緬甸魚湯粉"...鍾意食魚嘅就覺好鮮味...:)"馬拉盞芹菜豬肉餃"就普通咗啲...:("冬菇生菜"...夠入味:)依間嘢有"番卓"嘅理由...…查看更多

真係火都嚟埋~外賣飯盒一開....XYZ%#%^^&蜈蚣一條...不過算喇...攞番去佢話換過盒喎咪喇...退錢算數喇不過老細都係咁講"唔好意思...":(但唔係講笑...曱甴我都食過蜈蚣就真係第一次...諗起都怕怕喇...…查看更多

星期日一行四人,由東涌行去大澳"遠足"...7點鐘到大澳咪諗住醫肚囉,但行過好多間飯店都冇乜人,正想行去巴士站搭車走人,出返去東涌先揾嘢食之際......見到依間嘢有啲人喎,咪沖入去囉,又OK喎...冷氣夠晒凍(當日真係太熱,市區都35度呀),跟手拎起菜牌望望...又可以喎,遊客區嚟講^^但餓咗成日...就乜鬼都好食喇,但實質上就一般喇(所以冇乜推介)-.-埋單四條食咗四佰零蚊...收貨喇溫馨題示:普通小菜都叫可以,海鮮就.............................把鬼@.@ 個"辣酒煮花螺".....又唔辣,又冇酒味,千其唔好叫!!!…查看更多

"泰菜"嚟講我喺九龍城真係間間都食過(本人係喺九龍城大),新開時好多都叫ok,但啲舖頭一出名呢......就越整越難食,一係就就晒本地人口味,冇晒特色...>.<但依間咁嘅舖仔呢...就真係仲keep到,最緊要就係夠"地道",好似去咗清邁咁,泰國人去食仲多過香港人^^整體嚟講啲嘢又真係幾好食(不過真係辣啲...唔係個個食到),但咁先夠地道吖嘛.去食記得叫"豬雜湯",再加飯撈嚟食...一流!!個"拼盤"都幾鬼馬架......................正^^"蝦刺身"就真係要搏,有時真係唔係咁新鮮&串燒又係..............................唔係咁掂-.-溫馨題示:間舖真係好細...得五張枱,有時真係會等得幾耐架@.@…查看更多