經openrice book枱慶祝周年紀念，入座時被安排坐近門口的四人枱，重點是要同另外兩位顧客搭枱，而中間只用透明膠板隔開！當時餐廳內仲有其他二人枱，而直到我哋走都仲有吉位。人生第一次食西餐要搭枱，要搭枱我去食茶記好過啦。餐廳menu只有牛扒set dinner提供，味道不過不失，要等比較耐。食完前菜後有十五至二十分鐘是呆等。薯條係好食但職員係隨機refill，食完後等了三十分鐘都無人refill，其間已經有幾位職員想收走碟，出聲想refill都係繼續再等。經openrice book枱有送甜品，甜品可以揀檸檬撻或黑森林。揀左黑森林但真係極難食，餅鋪100蚊個既黑森林會好食過佢，可能其他甜品會好食少少。總結埋單一千既西餐要搭枱真係永不錄用…查看更多
