莉可兒Ada的个人专页

之前喺呢度附近返工，見到呢一間手撕雞店好吸引， 每次放break都會偷偷地行去望下，但就係冇機會食🥲 皇天不負有心人，我終於食到啦😭勁開心😭我大概四點鐘落單，買咗$40香辣味嘅手撕雞飯(原味同價)，唔係好辣油唔多，主要以香為主，而且飯裏面有加藜麥，豐富口感，雞肉好嫩滑，食唔停口，如果份量多啲就好喇~ 買飯仲包埋一碗雞湯㗎，雞湯好鮮甜，而且主要做街坊同學生生意價錢唔會太貴，質素同想像中 一模一樣，咁掂呀🙈…查看更多

琴日放飯同同學仔一齊去新都會食午餐，原本諗住食燒肉like，不過實在太多人喇，大家都太肚餓，唯有放棄佢。後來，係二樓見到呢間日本丼飯店，見到有唔少學生食，就決定試下。我唔算小鳥胃，但$38蚊嘅伝說丼SS碗份量對於我嚟講都幾多下，上菜嘅時候都嚇咗一跳，驚自己食唔曬，對於學生嚟講都夠，價錢相宜，佢係蒜香牛油味，食得出啲蔥有炸過，蒜蔥油味好香，但又唔會太多油，肉嘅軟硬度啱啱好，性價比幾高，有驚喜👍🏻…查看更多