乖妹豬的個人專頁

今晚來到九龍城這家隱世泰國菜館慶生，全單$625連加一，價錢合理！泰式生蝦刺身~蝦肉鮮甜爽彈，蘸上酸辣醬汁和蒜片，瞬間打開味蕾！泰式柚子沙律~清新開胃，柚子肉多汁，配上辣汁，酸甜中帶點微辣，層次豐富。串燒拼盤（雞、牛、豬）~火候恰到好處，外層微焦，內裡嫩滑，尤其是牛肉串，肉汁豐盈，蘸上沙嗲醬更惹味。泰式椒鹽軟殼蟹~炸得酥脆，椒鹽香氣撲鼻，連殼食盡顯風味！泰式馬拉盞通菜~鑊氣十足，馬拉盞鹹香濃郁，通菜翠綠爽口。飲品方面：椰子沙冰~香甜冰涼青檸沙冰~酸爽解膩兩者都是泰菜良伴。最後以芒果糯米飯作結，芒果香甜多汁，糯米飯軟糯帶椰香，為這頓生日飯畫上完美句號。整體來說，這家泰國菜館味道正宗，價錢相宜，絕對是九龍城抵食之選！…查看更多

天氣突然凍咗，當然要打邊爐，去到上水見到牛摩嘅放題，唔使諗，立即入咗去食餐又飽又暖笠笠嘅晚餐先🤭湯底同牛嘅質素都有好多選擇，豐儉由人，我就點咗一個中價位嘅牛小排除咗牛小排之外，都有其他部位選擇場內位置亦有好多蔬菜、丸類、麵類。。。。連壽司都有🤭當然唔少得甜品！有自己吱嘅雪糕，仲有現成做好咗嘅泡芙、啫哩、和菓子之類。。。。全部都好吸引！飲品都有四大個雪櫃，有茶類、汽水類、清熱類湯底選擇咗沙嗲及壽喜燒（配蛋），一個甜甜地,另一個夠哂惹味，中途加湯都會加返相對嘅湯底一口氣叫曬幾款牛，每款顏色都幾靚，三款口感各有不同，個人覺得牛小排牛味較重。由鮮紅色變粉紅色，真係非常有食欲…查看更多

餐廳裝修精緻，環境乾淨，服務員態度唔錯，推薦約會或者姊妹談心👍🏻食物選擇好多，有生蠔、刺身、意粉、扒類、沙律等……今次我哋叫咗角切魚生沙律-魚生份量足絕對唔係一兩嚿；鵝肝多士-鍾意食鵝肝嘅唔好錯過，大大份好滿足；蒜蓉青醬雞肉意粉-味到恰到好處，唔會過濃同埋過油；美國安格斯肉眼-我哋叫咗五成熟，配菜蒜片值得一讚，配合一齊食減少油膩感～ 臨走前見到佢哋有個大大嘅酒櫃，已經秒速決定下次去飲酒傾心事啦🤣…查看更多

星期六當然要同閨蜜食餐好嘅～觀塘區最多就係樓上食店，呢一間都唔例外，畢竟係新嘅大樓，地方非常企理👍🏻一入門就比幅壁畫吸引到，獨特嘅畫風同襯色，令人印象深刻🫢皮蛋豆腐～作為一個前菜，表現非常出色！木魚片可以提升鮮味，另外，醬汁與豆腐融合，冰涼清爽絕對清到味蕾😍火鍋選擇咗牛骨沙茶鍋湯底，味道香濃，唔需要沾醬汁都非常夠味👍🏻食火鍋當然要食牛，三款有各有特色，當中澳洲M7和牛後腿肉眼牛味最濃郁，脂肪比例均勻，夠哂淋同滑👍🏻👍🏻👍🏻十粒星推介✅每每見到粉紅色嘅牛肉逐漸變色，真係令人食慾大增😋😋蜂巢豆腐～食火鍋必點嘅項目，湯汁可以完全滲透，夠哂入味且口感一流😬百果香蘆薈冷萃茶～百果香配上冷萃茶，剛好可以中和果甜，配上蘆薈清爽口感嘅配料，簡直係夏日佳品💕…查看更多

一直都知道大埔有一間非常好味嘅雞煲，身邊幾個朋友都有介紹過，今日終於都如願以償，可以去探店👍🏻睇返餐牌，價錢合理，選擇頗多🤭醬油區除咗一般醬油之外，仲有特色小食😋竹蔗茅根～非常夠味，係眼見既足料😬店員奉上主角，惹味嘅香味撲鼻而來，除咗有不同香料之外，亦有洋蔥、芹菜、芫荽等等⋯⋯而家雞件非常厚肉，半隻份量已經非常飽肚😋食完雞之後可以加湯再打邊爐，本身已經非常夠味，基本上醬料都冇用過😆混丸～每款丸有兩粒，啱晒一枱兩位，樣樣都可以試到啲，冇咁悶🤣響鈴～響鈴非常肥大，層數亦比坊間嘅多，更加可以食到響鈴嘅多層口感👍🏻同時亦非常新鮮😊鮮蝦雲吞～雲吞餡料十分豐富，既有肉香，亦有蝦嘅彈牙，可以講係皮薄餡靚。滑牛～打邊爐唔一定要食肥牛，其實食滑牛會更加健康，而且味道非常不俗，十分推介👌竹笙～吸晒湯嘅精華，非常入味，而且質感非常爽口😬…查看更多

朋友生日當然要食好啲，揀咗一間大埔嘅燒肉放題，肉嘅質素完全對得起呢個價錢😊由於想同朋友傾耐啲，所以選擇咗一個較早嘅時段，仲可以選擇自己想坐嘅位置添👍🏻侍應準備好晒包肉生菜、調味料及前菜，就幫我哋開爐熱烤板，當然唔少得我愛既蛋漿+泡菜，既香滑又有口感，口味帶點微辣，非常開胃😋呢隻就係我最愛嘅牛牛，裏面各產地同部位都有，絕對可以滿足到任何人。個人最喜歡就係：黑毛和牛三角腩～油脂較重，但分布均勻，入口即化，牛味濃郁～澳洲和牛金展~肉嘅口感較為鬆軟，薄薄一片可以迅速融入口腔，令人回味🫶🏻其他嘅部份都係上盛嘅食材，喺烤板上可以聽到滋滋聲，絕對係一種另類享受😌餐廳提供熟成牛係我選擇此店嘅最大原因，因為坊間並唔常見，唔同產地唔同日數嘅熟成牛，果然係有唔同嘅風味😋外面充滿油光，內裏粉紅粉紅的，配埋旁邊嘅洋蔥、南瓜同翠玉瓜，更覺美味☺️…查看更多

朋友升職梗係要同佢食餐飯好㗎啦！最開心就係咩都唔使諗，有多元化嘅菜式去滿足自己嘅胃！所以揀咗呢間燒肉火鍋放題😬場地裝修特別之餘，仲好花心思地佈置，嚟緊就係萬聖節啦！所有調味料都一應俱全，落多落少自己決定，用具都非常乾淨衛生👍🏻擺放食物、飲品嘅位置都非常企理，絕對放心飲用/食用🫶🏻人數夠三位，仲會有呢塊頂級安格斯肉眼扒送贈😍刺身、壽司都非常新鮮厚切，壽司嘅款式亦都好多選擇，重點係細細件，唔會食幾件就飽晒😬前菜當然唔少得沙律，呢個蘋果沙律係我真心推介🤗熟食方面，竟然有海鮮同烹調步驟繁複嘅咕嚕肉，蜆出乎意料之外哋惹味，咕嚕肉酸酸甜甜非常開胃👍🏻主角當然係燒物，只係雞翼都會有幾個口味，例如韓式、咖喱、蒜蓉⋯⋯真係出乎意料之外!雞翼可以燒到外脆內嫰，相信醃製醬料度下左功夫😆不得不提店員非常勤力地清枱面上嘅碟，雖然枱嘅尺寸唔大，但整體上都夠位擺放一輪嘅食物😁…查看更多

經過見到窗貼上熱狗嘅相片，賣相都非常吸引，所以立即入去一探究竟😊內在環境非常寬敞，乾淨企理，坐落先知原來佢夜晚係經營酒吧～日間先係餐廳😙價錢非常相宜，$24起跳，款款都非常吸引，最終選擇了一款熱狗餐及雞翼餐😊只有汽水選擇,但係非常貼心地喺炎熱嘅夏天自動送上冰底😍加分！秘製雞翼薯條餐～有柚子醬及松露蛋黃醬選擇，而我選擇咗後者，由於係即炸嘅關係，都等咗一段小時間，但上菜品嚐後，就覺得等得非常值得，雞翼、雞鎚均非常入味，炸到脆卜卜、熱辣辣 👍🏻松露芝士熱狗～滿滿嘅醬汁已經非常吸睛，熱狗腸更加係帶有脆皮，多重口感，令人非常滿足。薯條～附上包裝茄汁,感覺非常衛生,用上帶皮嘅薯條，別有一番口感，非常香脆👍🏻不得不讚嘅係佢哋嘅餐具都係一次性，喺疫情期間，令到食客非常放心👏🏻…查看更多

朋友介紹，元朗呢間流水蝦可以飲食2.5小時，而且價錢合理、食物質素高並以海鮮為主打，身為海鮮控，今日就立即來探店🤤除咗海鮮之外，仲會有唔少肉類、丸類、蔬菜類選擇😬場內見到幾個大缸，有活生生嘅蝦在內，個玩法係：先活捉新鮮大蝦，再用冰水凍到佢暈陀陀，先放佢上爐燒。其他海鮮都非常新鮮，而且種類繁多，特別推介會係鮑魚，放上適當嘅調味料，真係非常惹味、口感極佳！但店員都非常細心地提醒，先要剪開鮑魚，如果唔係就會少少下彈起身🫣見到貝類喺我面前開口笑，真係非常治癒😊除咗活生生嘅蝦之外，總會有熟食，當中不乏蝦嘅製成品，如果懶，唔想捉同燒，品嚐呢一類型嘅熟食，都已經值回票價。除咗燒之外，店家想提供錫紙兜，可以焗熟海鮮，別有一番風味，更加可以用粉絲墊底，吸收貝類釋出嘅鮮甜汁液😍另外，必須提嘅係薄牛扒，肉質非常唔錯，味道不俗，而且個薄薄一片，一個人食一件都唔怕太飽🤩甜品環節，有好多口味既雪糕同埋韓式雪條，仲有小蛋糕之類，真係目不暇給，食完最開心就係呢一刻，可以降火🥳連加一，晚市$405一個頭，抵食呀！…查看更多

今日有朋友生日，約咗佢喺銅鑼灣食生日晚飯，由於時間尚早，都仲有好多位可以選擇，本身已經擺放好晒餐牌同餐具，整整齊齊的。當中見到個二人餐非常豐富，就決定咗叫呢個套餐👍🏻新英倫粟米周打湯~非常濃郁，配上忌廉加強幼滑口感，粟米味非常香濃。香蒜牛油煮蜆～可以用一座「蜆山」嚟形容，每一隻蜆都非常飽滿，由於有牛油在內，蜆肉亦非常香滑夠味，蜆嘅鮮味融入汁料，沾上香脆既蒜蓉包，一流！草飼澳洲肉眼牛扒～牛扒要咗五成熟，無令我失望，時間拿捏得剛剛好，肉嘅質感都令我滿意，賣相一絕既格仔紋，睇到都食慾大增❤️鵝肝松露扁意粉～扁意粉既軟硬程度係我最喜歡的，加上松露獨特香味，鵝肝嘅豐厚口感，絕對可以用大滿足嚟形容🤩芝士蛋糕～芝士味濃，口感柔軟，香滑好味😋提拉米蘇千層蛋糕～千層蛋糕夾住Lady Finger 真係一種新食法！出乎意料之外地夾，而且口感唔會千篇一律，非常出色！…查看更多

今晚自己一個食飯，經過一間外賣漢堡店，聞到香噴噴，即刻忍唔住去落個order😙外賣包裝都非常乾淨企理，凍熱分離盒子上四角有洞口，以免炸物受潮牛油果脆雞堡，小食同漢堡分隔開，明顯盒子係經過設計，賣相非常吸引，麵包係屬於結實型，非常有咬口及飽肚，加上香滑牛油果及香脆厚肉炸雞，多重口感，令人非常回味！+$18就可以配埋香芋地瓜丸及白桃梳打，香芋地瓜丸外層酥脆、內餡綿密，兩款食材都係令人齒頰留香，三粒既份量剛好😊原來小店都好歡迎用WhatsApp下單，咁就可以快捷方便地攞外賣啦😃…查看更多

一向鍾意食辣既我，見到招牌呢隻辣椒仔自然會心心眼😍睇返餐牌價錢合理、選擇頗多，就決定同朋友入去探店😊店內裝橫行簡約風，企企理理，坐得舒舒服服👍🏻當中有幾多都係「大廚推薦」，第一次光顧，當然要相信店家嘅意見喇～干煸四季豆～四季豆炒得非常乾身，絕對無油膩感，火喉恰到好處，配上沾滿醬汁嘅肉碎，非常夠味，味道微辣，非常開胃！京蔥爆牛肉～牛肉片既份量非常多，配上獨特香味嘅京蔥，依然係完美配搭，牛肉片絕對冇好似坊間食店咁，用鬆肉粉整到冇晒口感，唔韌之餘，亦食得出牛肉該有嘅質感，京蔥方面一層又一層，口感極佳👍🏻最後一定要提及店員嘅服務態度,由點菜到賣單都非常有禮，上菜時仲提醒客人「小心熱」之類⋯⋯非常貼心…查看更多

最近疫情又開始個案回升，所以都買外賣，保障一下自己嘅健康先☺️我見到呢間小店價錢合理，種類都幾多，而且所有主食都已經包咗飲品，都幾抵！所以決定光顧一下😝所有包裝都乾淨企理，十分討好蒲燒鰻魚雞扒丼飯～鰻魚係原條上，鰻魚汁淋上面，軟糯既口感配上白飯，別有一番風味，雞扒亦都非常厚肉，非常滿足！最欣賞係已經送埋菜，感覺即刻健康哂豬軟骨炸餃子黑蒜油湯烏冬～豬軟骨份量非常大，亦都夠晒入味，加$15就有，的確抵食！餃子外皮亦都非常香脆，餡料亦都非常豐富😍金菇牛肉卷～由於淋上香濃醬汁，非常夠味，薄薄嘅牛肉片包裹著金菇，兩種食材都有獨特嘅口感，好味道😋綠豆沙～非常足料而且雪到凍一凍，啱晒夏天食，唔會死甜！…查看更多

已經好耐無食雞煲啦~依間有驚喜喎! 環境乾淨，服務都唔錯，門口仲有個大魚缸，帶埋小朋友都唔怕佢地悶親🤭唔想食辣又口痕想食雞煲嘅有口福啦，我哋今次都試咗$238 滋補螺片花膠雞煲已經包左半隻雞，餐廳另外仲有花雕藥膳雞煲或者胡椒豬肚雞煲口味揀，都係唔辣架👍🏻湯底雞味勁濃郁超推呀，好似飲雞湯咁，食完之後仲可以用嚟打邊爐或者配烏冬都perfect match😋另外推介$75 自制韭菜餃有6粒足料，值得一試。…查看更多

大埔有一個咪錶位場，泊完車就見到呢間泰國餐廳，睇返Menu價錢合理，而且多元化，決定入去一探究竟😀小食拼木瓜沙律～香脆嘅小食每款一兩件，喺二人同桌既狀況，真係非常吸引，可以每樣都食到😀木瓜沙律酸辣比例非常合胃口，份量亦都非常大，當中有香脆嘅果仁，將口感提升到另一個層次😁 黃咖喱花甲煲配法包～黃咖喱本身非常惹味，加上花甲嘅鮮味，真係絕絕子！而且呢個item已經細心地跟埋法包，呢個簡直係完美組合🫶🏻地道蝦醬炒飯～炒飯做到粒粒分明，香濃嘅蝦醬本身已經充滿鹹鮮，夠晒入味😋泰式奶茶配鮮忌廉～泰式奶茶加上幼滑嘅忌廉，質感更加香滑，而味道亦非常地道，而且買一送一，真係越飲越開心😂…查看更多