y_cwy的个人专页

原本想去嗰間餃子店執咗，見到附近有間叫「餃子坊」，就入去試吓。入到舖已經聞到陣陣up味，堂食又全用紙碗紙碟，扣分，但諗住快食快走，都照坐低。叫咗香菇豬肉餃子，食落去完全食唔出有香菇，似係普通豬肉餃。食食吓先發現叫咗七隻，但嚟咗十隻，職員同時行過嚟問我係咪叫七隻，我話係😅請問要唔要比返你？佢冇講嘢就走咗。賣單時，我諗住比八達通，個女職員話八達通機壞咗。我話前面個位先生啱啱係比八達通喎～女職員即刻發晦氣：「我頭先已經蝕咗$14比你啦，你十隻都食晒啦。」明明係店員自己送錯單👉🏻👈🏻，但語氣極差，令人覺得極之唔舒服。唔會再幫襯，唔推介 ❌ …查看更多

5個女仔gathering，見呢間韓國餐廳評語幾好，價錢都合理就試下。講廣東話嘅中年女侍應好快手幫我地合埋咗三張二人枱。因為其中一個朋友會遲10分鐘到，所以我地都order定食物先，落單後幾分鐘女侍應問我地朋友會幾時到達，我地以為佢擔心即刻上菜啲餸會凍晒。我地叫咗海鮮煎蔥餅、海鮮辣豆腐湯、水冷麵，辣炒豬肉。海鮮煎蔥餅有驚喜，啖啖都係海鮮同蔥，做到脆卜卜，唔會好似平時食開個啲煎餅咁啖啖粉漿又淡而無味。豆腐湯同炒豬肉就唔夠辣，味道都OK。食物完成咗6成，女侍應行嚟問啲嘢食仲要唔要，話我地差唔多要賣單，當時睇返時間我地入座只有60分鐘?? 女侍應態度愈來愈差，話「今日係星期五好多人等位唔可以食咁耐，係平日就唔會叫你地」。之後佢就全程企喺後面望住我地食嘢，不停過嚟收晒啲碗筷…其實如果一開頭就禮貌地同我地講用餐有限時，我地一定會配合…依家貼錢買難受咁，唔會再幫襯呢間。…查看更多

🥹寧願不吃糖水也不會再來🥹專程過海吃雞煲，之後去吃中式糖水，看到這間0負評，心想應該穩穩陣陣⋯殊不知是我今天最大的失望😫服務方面：坐下來很久也沒有人來招呼腐竹薏米糖水（$27）味道可以接受，但一匙薏米都沒有，整碗都好像粥水，走鬼檔的更好吃。芒芒天空內有楊枝甘露、愛玉、芒果、水晶、小丸子（$48）芒果非常酸，柚子帶苦，份量非常少，愛玉也不像真正的愛玉～雖然店名是糖水世家，但傳統糖水不OK，新派糖水更不OK。港式甜品是這樣的嗎？總結，不推薦。…查看更多