之前返工成日經過呢間壽司店都無機會試，難得今日放半日可以試下。lunch都差唔多坐滿晒，好好彩重有一個吧位俾到我。間左隔板有啲迫，不過係可接受範圍。揀咗$680壽司set。先上沙律，正常，茶碗蒸好滑夠味。12件壽司入邊有兩件野生吞拿魚，師傅話係青森縣產，一件醬油漬另一件腩位，估唔到依個價位lunch都有野生吞拿魚，好好好食！石垣貝爽甜，鰤魚啱啱開始season都算肥，馬糞海膽鮮甜紫菜夠脆，穴子差不多入口即溶，我覺得最好食係依件。其他壽司正常水準，無加太多花巧嘢，師傅說話唔多但食得出用心做。暫時可以收藏，有機會試吓夜晚。…Read More
