freepbe的个人专页

座位安排問題，欠缺基本食材，等候食物時間長，食物質素不俗經過筲箕灣，本身想去安利用膳，惟太多人等候，最後揀了不用等候且有多張空枱的心語甜品。廚房一個人負責（應該係老闆娘），樓面一個女侍應，但一入店舖就聽到二人對罵，氣氛好怪，之後上Openrice見到有食評都講呢個問題。店舖每張枱都好細，但當時食客不多，有超過一半空枱，眼見有兩母女坐4人位，我和友人有背包有手挽袋，所以揀4人位坐下，而侍應亦無表示不能坐。坐下後廚房先出聲要我和友人搬去二人單邊位，我們考慮到可能廚房認為稍後會有更多食客，所以即時配合；當之後再來兩位食客，佢哋並無任何隨身物品，要求坐4人位，侍應話歡迎，廚房無出聲話要佢哋坐返二人位，點解唔一視同仁安排兩位食客坐返單邊2人座位？之後睇食評，有人評話7個人食甜品都被店舖安排迫埋一齊坐，迫到食唔到野，就理解到店舖座位安排問題。廚房甩單，我和友人嘅飲品都係現成，由廚房雪櫃拎出來，友人飲品一早到咗，我等咗15分鐘忍唔住出聲，廚房先施施然由雪櫃拎返枝飲品交俾侍應。等候食物時間長，等30分鐘先有得食。廚房欠缺基本食材，叫咗個三文魚沙律，等咗15分鐘，廚房先話無晒三文魚，叫侍應行出去另一間舖頭買貨；而有另一枱食客叫芒果甜品，廚房又話無。假期中午時分食客唔多，基本食材欠缺，但餐牌上大部分食物都要用到店舖欠缺的基本食材⋯⋯廚房叫侍應提食客無芒果，要order其他食物，但又幫食客order楊枝甘露，廚房同侍應對罵楊枝甘露係有芒果，侍應對食物不熟悉。等候食物時間長，座位安排有問題，只有食物質素不差令人消氣，燒雞沙律及蘋果肉桂烹製不錯。等候食物期間上Openrice，先見到店舖食評中有一半係負評，經驗過就明白到點解其他人會俾負評⋯⋯…查看更多

非常失望！😔專程去幫襯這間小店，寫12:00nn開門，12:20pm去到鎖咗門，打電話問店主，店主指落街買野半小時後返，Ok，我願意等12:50pm入cafe，無客人，店主指價目為首小時$50包一杯茶，之後為$20/hour，叫食物另計我依循餐牌叫了豆腐芝麻蛋糕🍰就開始等食物店主突然指無豆腐，問我芝麻蛋糕ok? 我話ok陸續有人進內光顧（大約6-7人），叫嘅係烏冬、多士，基本上其他客人嘅食物叫咗10-20分鐘上枱，我就一直等，而中途店主無同我講要等幾耐見到第二批客人食完，走埋，件蛋糕仲未有消息，我都再追問，但店主只叫我等———好啦，我等咗1個半鐘有多，我走埋去同店主講：「唔好意思，我諗我唔可以再等你件蛋糕，比我更後來嘅人一早食飽走埋，而你只叫我等，亦無俾確實時間我。」店主：「唔好意思，突然有客人到，安排唔切，先整佢哋果啲......」最後，店主收咗我個半鐘「安坐費」，佢同佢媽媽（幫手）亦有講唔好意思但問題係：1. 作為一間cafe，餐牌上寫嘅食物，如果提供唔到，係咪應該直接同客人講？2. 如果要等咁長時間，有無考慮直接叫客人轉另一個餐？而唔係叫人盲等？3. 做cafe嘅原則同最基本服務都俾唔到，如何營運？4. 如果個客唔出聲，就由得佢盲等？5. 第一個落order嘅客見住店主serve晒所有後來者，而第一個客追過單，店主都係叫人等，會唔會好唔尊重客人？6. 店主竟然同第一個客人講，整唔到件蛋糕原因係突然有客人到，要serve佢地先？明白逆境中生意難做，亦希望支持小店，但請唔好漠視客人嘅用心，真係好失望😔希望店主之後做返好，謝謝…查看更多

跟男友食完正餐，打算食糖水。合得利就腳，且看見有很多選擇，不加思索就入坐。叫了個奇異果粒粒珠紅豆刨冰，及木瓜沙冰，合共$49。糖水送到，刨冰已溶了一半，已覺嘔心，奇異果得三塊，且不新鮮。:(粒粒珠又得幾粒，紅豆也少得可憐...:(整個刨冰不成冰，極難入口，像飲著有色素的水...木瓜沙冰完全無味，比飲冰水更難入口。老闆見我倆面色極難看，就問我們沙冰是否無味?(原來他是知道的...)他就罵那師傅，叫他再弄，加幾塊木瓜片。沙冰再被送來，依然無味...實在飲不下...刨冰跟沙冰我倆再多只飲到一半...剩餘的一半就是用來抗議。且就算在堂內，堂外的煙味一陣陣的吹進堂內，極度難頂。我們趕緊埋單走人。那晚的倆的與致完全被破壞，在此提醒大家要小心選擇...…查看更多

3年前我曾在禾輋五十嵐吃飯,覺得抵食,味道又不俗,故不時待下次再食~但今天的食物味道已完全不一樣,侍應也不同了,不同的是:食物難吃,無口感;侍應態度差劣!由於我跟朋友太肚餓,而且一早選定禾輋五十嵐,所以瞄一瞄門口餐牌就開位,這時,我確實很後悔...:(首先,侍應替我們開位,我倆也打算坐卡座,因為較舒服。誰知,侍應的態度非常差,她說:不打邊爐的不可坐卡座,隨非您打!她並非服務客人,而是命令客人!之後都是她服務我們,其他侍應的態度比她好得多(可能她是經理吧!)我們沒有跟她爭執,只說我們打邊爐吧!剛坐在卡座,侍應們一個又一個地問我們要甚麼湯底、菜啊,好像非常急要落單,我們只說未選好。之後他們又急急地將幾碟菜放在我們桌上,我跟侍應說這些不是我的,他竟然惡言相向:這是前菜啊!一定要要!當時我也感憤怒,想大叫:咩態度因為我不打算打邊爐,但我的朋友想,他理應問清楚客人要甚麼!我想點定食,朋友想打邊爐,就叫他扣除我一個,但又規定了兩人都要打邊爐…朋友知道我不想打邊爐,就想叫侍應幫我們轉枱,我們好聲好氣,跟經理說不打邊爐了,她的惡脾氣又來了:這幾碟菜已經放在您桌子,不會再換枱(意思即是一定要打邊爐)今次,我朋友也有火了,他反問:咁換張枱好難咩這一下,經理才沒有聲氣。換了枱,叫了定食,食物出奇的難食!朋友的讚崎手打烏冬並不是出於讚崎,亦不是手打…= =聽朋友說烏冬完全沒有口感,湯底難飲;壽司味道連爭鮮都不如,他也沒有心機了!而我的定食除咖哩豬扒入得口,白飯跟中華沙律也非常硬…無可否應,以現在物價高昂的香港,五十嵐是買少見少的抵食食肆,起碼價格合理,$68的任食打邊爐更比酒樓更便宜,但以禾輋五十嵐的侍應態度、食物質素,很難說服人客再光顧...…查看更多

如果這間舖在我家附近,我一定會不停不停幫襯。我覺得娜娜的甜品很實惠,餐單寫的配料,甜品中必定有齊,不會偷工減料。:)而且您叫$15娜娜一定會比足$15的材料、份量您~(個人認為)味道也調得不錯,有"食過返尋味"的感覺,下一次經過慈雲山也要去幫襯!(對上面既某個post有同感,如果老闆娘比多d笑容就更吸引~)…查看更多

無論對任何事,我也抱著不平則鳴的態度。這間「廣東人小廚」實在是無良,無良在於其價格與食物質量呈反比,即價貴味道差! 由於今天是特別日子所以家人希望食得好,不介意價錢貴少少,只在乎食得好。這檔的特色是以炭爐燒烤,香港較罕有,因著這特色我們決定在這檔食晚餐。一看到餐牌我就質疑:為甚麼餐牌上要寫明每台至少消費$200(打從心底想難道因食物味道不好所以要用這招保障自己)之後我就發現自己的質疑是對的!最離譜的是美國芝士石壕,$80/6隻,過分的是壕細隻,沒有味,亦沒有芝士,與餐牌上的名字太大差別。以一包錫紙包著,沒有壕殼,一點鮮味也沒有!後來我們問老闆為何沒有芝士老闆才說沒有加... 其中我們亦點了芝士腸、魷魚、牛肉粒等食物,這間店很過分!!!收人每樣$28一碟 只有10條芝士腸、幾片魷魚、10粒牛仔粒...所謂「泥水佬開門 過得自己過得人」,有少少良知也不會收人$28一碟!叫魚頭湯底也收人$88一鍋!魚身無味,整鍋像水多過像湯!難怪初初老闆叫我們快些落單,他說是因為要準備,我就覺得他怕我們會比較,最後轉移去其他食肆!我們6時多就到達,當時店內無人,他們的待應、老闆不斷圍著我們圍圍轉...轉到人都煩!就是為了我們快點落單...叫的東西不算多,大約8碟餸...總數要$440...非常後悔沒有仔細觀察...有被人''昆水''的感覺!!!慶祝的心情完全被破壞! 我奉勸大家千萬不要試這店,除非您喜歡無味、貴、量少的食物! 差…查看更多