DoryNat的个人专页

我們是外區客特登來將軍澳跑步，入咗附近商場就揀咗呢間餐廳試吓，裝修不錯，有格調，第一次來叫左泰皇椰汁焗豬扒飯（$66）和紅咖哩牛肉飯配泰國香米。焗豬扒飯配水椰汁芝士感覺很新鮮的配搭，飯底是炒飯底，有誠意。第一次冇影相，只影了餐牌。紅咖哩牛肉少辣🌶️，配白飯一個，有不少牛肉和蔬菜（洋蔥，蕃茄仔，秋葵），感覺健康些。我哋見到隔離枱食泰式醬烤骨食得好惹味，所以第二次帶同家人遊覽將軍澳再試吓，醬烤骨係豬骨再配勁多蒜蓉芫荽同檸檬汁，好開胃，要用手食（有手套提供），有6大舊檸檬水（加9蚊- 半價左）幾特別，同出面的檸檬水唔同，沒有檸檬，用檸檬汁，但我幾鍾意飲，雖然唔知點整。鱸魚配的汁酸酸地少少辣，都幾開胃🤤。蝦醬炒通菜墨魚餅（小食）…查看更多

呢間餐廳好多卡位，但我哋入去時卡位已滿，裝修好木系和文青風，點了薑蔥慢煮豬軟骨飯，飲品揀咗紅棗桂圓茶，配埋紫菜貢丸湯HKD66!首先個飯大碗，豬軟骨算多，酸酸甜甜好好味，加埋薑蔥酸菜撈飯，味道好夾，個溏心蛋好有水準。紅棗桂圓茶超多料，除咗紅棗桂圓，仲有玫瑰花同菊花杞子，味道天然，無添加，養生之選！朋友點的紅燒牛肉麵就得三塊牛肉HKD72，唔算多。自己付款的真實食評。…查看更多

自己一個想食好少少，揀左呢間隱世大埔小店，好有日本拉麵小店的裝修，店舖細細，食物質數幾好，雖然拉麵出名，今次試吓角切魚生丼飯，包括有魚生飯一碗，滿滿的刺身，好新鮮，有油甘魚，三文魚，飛魚籽，吞拿魚，雞蛋等，口感豐富，飯好酸度剛剛好，有麵豉湯、中華沙律、青瓜沙律，配上一杯玄米茶，感覺滿足。$88加1=$97…查看更多

粥店可以由上水匯經天橋過來，尚算方便。一早起來，友人就話想特登來上水食早餐，一坐低見到優惠套餐餐牌，粥+小食+飲品夾埋$35蚊，都幾抵食。我哋叫咗呢幾款，總共🟰$70，食物好快到。🌟艇仔粥 （大大碗，好多料，有水發魷魚，豬肚絲，豬皮等等），面頭仲有少少油條同脆花生，啖啖都好足料）🌟豉油王炒麵 （爽口，夠味，配埋芽菜同蔥，有口感）🌟蝦米腸（有驚喜，同比時出街買的好唔同，好滑軟糯，多蝦米，好食😋，混醬芝麻任加）🌟碎牛粥（無特別）🌟豆漿 x 2 （偏甜）食完係超飽🤣🤣…查看更多

我哋由大埔大王爺廟跑到呢間餐廳剛剛好11K, 係我哋跑友成日去的早餐店，係海濱長廊附近，環境悠閑舒適，好方便，有戶外座位。必食早餐推介：煙燻三文魚班尼迪蛋牛油果醬伴酸種面包 $88蛋汁撈埋落三文魚同牛油果🥑，味道好夾，酸種面包好鬆軟。CASA全日早餐 $110賣相好豐富同大碟，樣樣都好食。最欣賞係每個餐除咗有飲品外，仲有杯mini橙汁，飲完好開胃呀！附送的咖啡☕️冇拉花，朋友升級其他咖啡，拉花靚，杯杯的花紋都唔同。…查看更多

塊塊扒都大過我塊面，價錢又抵，可以叫多意粉多飯，沙律真材實料，薯條大大條好脆口。必食推介：星期五特價晚餐-蜜汁豬扒拼腸仔 $52（一大塊豬扒加兩條廚師腸），另加意粉/飯/沙律/薯菜炭燒七味豬扒（配黑椒汁）$72（有兩塊大豬扒），另加意粉/飯/沙律/薯菜黑板餐牌：豬扒拼牛柳 $72 （一大塊豬扒加大牛柳），另加意粉/飯/沙律/薯菜包餐杯一杯（凍飲加2蚊）豬扒同牛扒都鬆軟得黎，又好有質感同厚度，絕對係大埔必食餐廳之一。老闆娘態度非常好，有禮貌！…查看更多

今日去同朋友去尖沙咀食飯，被餐廳門口的白色凱旋門吸引，入面有華麗吊燈，格調優雅。🌟Escargot 香草牛油焗田螺 $118我哋揀左呢個傳統法國菜做頭盤，田螺滿滿的牛油和香草味道，田螺也十分鮮味，伴隨的薯蓉好香滑，用來配脆脆的法包，味道非常惹味。🌟西班牙黑毛豬鞍架 $248呢個豬鞍無論賣相同味道都同平時的餐廳別具不同，肉質粉嫩和厚切，很有口感，配埋燒汁，非常夾，很有驚喜！薯菜有焗薯，西蘭花苗，羽衣甘藍和橄欖，非常有營。🌟紅酒燴牛肋肉意大利飯 $158意大利飯除咗牛肋肉，仲有有其他配菜：紅蘿蔔🥕，啡菇等，配埋鮮花裝飾點綴。🌟Tiramisu $68Tiramisu隻杯好靚，苦中帶甜，又有酒味，好味！…查看更多

呢間餐廳有落地大玻璃對住個湖，望住藍藍的天和天鵝湖，未食都已經正，叫左一口黑椒牛柳粒配飯$69，免費升級開心果杏仁奶拿鐵。牛柳粒好腍，黑椒味好夠，所以有少少辣，凍凍地食完好熱，好味，同埋有少少蔬菜，感覺幾健康，但飲品開心果杏仁奶拿鐵冇得揀甜度，有啲甜。總體黎講係好！…查看更多

黎左元朗咁多次，點都要試呢間地道小店，叫左三併河粉$45，有牛丸、牛腩、牛筋，岩晒我呢啲選擇困難症嘅人，牛丸自家製好juicy有口感，牛筋炆得好腍好滑，好入味，牛腩有啲硬唔夠腍，湯底係腩汁，河粉吸晒腩汁好好味！…查看更多

我們來自香港，經過這間店的時候，被這間店的裝修吸引，看看價錢不錯，就進去了。店鋪好grand，座位好高貴，餐具茶具都很精美，我們選了優惠套餐。🌟煙三文魚芝士牛角包配薯條+百香果檸檬伯爵茶MOP88，牛角包🥐大大件，入面有芝士和煙三文魚，味道好夾，果茶有新鮮百香果，爐下面有蠟燭暖住，每一啖都暖暖的！🌟炸魚柳漢堡配薯條+西柚梳打MOP88炸魚好脆，睇得出係原塊魚柳炸，西梳梳打配有新鮮新柚，好清新兩款都好好食，好足料！播放著英文聖誕歌，好像來到了英國🇬🇧…查看更多

朋友推介我哋黎呢間粥店，位置都方便，東鐵綫或者地鐵過嚟都好快，一上去就已經見到好多人排，當中還有些遊客，相當受歡迎。叫了生滾魚腩粥$48 ，生滾及第粥$45和炸兩腸粉，材料都幾足，好多件魚腩，足底好夠味，及第粥都好多豬潤，粉腸等內臟，炸兩皮滑，環境就係熟食市場，沒有冷氣，食完暖粒粒，夏天食完可能會熱，還有要同其他人搭檯。…查看更多

去開圍方睇戲就去呢間食晚餐，好近戲院，揀呢間係之前見到有人在FB post出來推介，點知睇open rice發現勁多負評時朋友已去拎左位，朋友一入就有位，我哋有3個人俾左張四人卡位我哋，但其中一位朋友遲半個鐘先到，所以開頭得我同我個fd兩個，疑似店長的人係我哋後面同伙記講我哋得兩個坐四人檯，有啲冇禮貌。食物方面，朋友叫左金牌滷水蛋豌雜麵$48，少辣都好辣，好重慶辣度，食到辣先好試，水要俾2蚊杯，我唔食得辣又怕咸，叫左豬骨濃湯的全家福火鍋小麵 $69有17款餸，岩晒我呢啲選擇困難症嘅人，味道都幾好，有風味！相思冰豆花$35有驚喜，好食，一人份量唔算大份！飲品跟餐半價，豆漿折後$10！食物可以，服務有待改善！…查看更多

呢間鋪頭唔近大街，附近住的朋友推介才發現這間小店，我哋一行六人坐一張中圓檯，岩晒傾計，叫左個四人餐加烤薄餅，六個人share岩岩好，份量好夠，飲品買一送一，野食好有泰國風味！泰式奶茶配鮮忌廉，打卡一流，味道ok烤薄餅用來配咖喱一流，唔好以為好少，食極都仲有鮮蝦炒金邊粉,有鑊氣唔係炒嘅生菜包（泰北），好似炒左一樣，好食泰式炒青口泰式青木瓜沙律好開胃Combo 小食好惹味…查看更多

晚上來這間粥店食晚餐，點新鮮蠔仔粥（$36），朋友點了碎牛肉粥（$32），再order了一個炸兩share食，好快就到，兩碗材料都好多，蠔仔好肥美，好大隻，好有口感，碎牛粥啖啖都有碎牛肉，碎牛肉好香，似有炒過先放粥！炸兩皮很滑，但中間唔算脆，再點了杯芝麻豆漿（$12），很香芝麻味亦都好大杯，食完很飽。…查看更多

⭐️刺身拼鰻魚飯（配湯.蛋）$128呢間好多lunch set選擇 ，今日揀左呢個有鰻魚飯，有麵豉湯，有茶碗蒸，有四款刺身（三文魚，大蝦，油甘魚，吞拿魚），款款刺身都好新鮮好厚肉，好有口感，鰻魚飯暖暖的配上鰻魚汁好好味! 配埋自助沖調的抹茶，環境係落地玻璃，令人感覺放鬆的環境。…查看更多