carmen_15a的个人专页

今天晚飯與朋友在銅鑼灣食 食完諗住去睇下老虎堂幸福堂多唔多人排隊個晚九點幾 點知兩間都好多人等 真係等唔落去🤷🏻‍♀️想走之際見到隔離有另一間台式野飲店 木衛二傳來好香既茶味 所以決定一試叫左杯奶霜藍伯爵($34)+蜜香珍珠($3) 半糖走冰伯爵茶葉味好濃 奶唔特別香 珍珠有嚼勁但唔覺得有蜜香 另外珍珠可揀茶香味整體黎講都唔錯 漸層色又係打卡既好選擇😂不過覺得價錢略貴 比隔離既黑糖珍奶仲貴😂…查看更多

朋友想試呢間餐廳 因為人數多 所以一早bk定枱🍴入到黎感覺氣氛唔錯 餐廳有個大sceeen係到播片牆上有d香港懷舊景象 有少少時光倒流既feel一行6個人 每人都叫左一杯mocktail 個樣好特別😂朋友大多叫dr kitty(左) 另外有個叫ginger season(右)Dr kitty($88)有粒荔枝係杯邊 仲有個紅色蝴蝶結🎀充滿少女心💗 但飲落冇咩荔枝味 似fruit punch而ginger season($98)就真係有兩片薑😂飲落唔錯 有薑味得黎浸味唔會太勁而我就揀左杯right place tour($98) 成個中式茶杯咁一般蘋果茶味 整體mocktail黎講唔值成百蚊🙈另外仲有一d好有gimmick既cocktail 啤酒等選擇 全部都有分happy hour同non happy hour既價錢🤓野食方面 我地叫左碟避風塘蘿蔔糕 幾惹味但同大排檔黎比 當然差咁d鑊氣主食叫左個唔知咩帶子risotto($198)仲有蟹肉煙肉芝士忌廉汁貝殼粉($148)D名全部好長 記唔晒 同埋好似咩食材都有d咁價錢屬於中上 全部都唔特別好食🤨而且覺得太多食材反而食完個味道唔太深刻然後德國鹹豬手($228) 不過不失 始終唔係德國菜餐廳 唔會expect太多另外仲叫左個燒春雞($268) 入面有🌰🌰同一隻鮑魚雞肉燒到有d乾身 但味道都ok既🤔由7點坐到10點 成晚都冇人趕走當晚有好幾枱人都慶祝生日🎂餐廳提供既蠟燭係會噴火花個隻 惹來唔少人觀望全場侍應bartender會一齊拍手 連我地都拍埋一份😂氣氛唔錯 幾岩黎傾下計或者慶祝紀念日👍🏻順帶一提 有waitor見到有男顧客聊隔離枱女顧客傾計飲野 都行左過去同女顧客講左幾句同疑似頂酒(?)整體覺得呢到食物質素一般 但勝在氣氛幾好…查看更多

是日懷念家鄉味道 所以同fd去左呢間古早味🤤第一次食 夜晚7點幾到 都幾多人排隊 幸好座位多等左唔算好耐 半個鐘左右食物款式好多 花多眼亂結果叫左碗豬軟骨鹵肉飯 花枝蝦餅 宜蘭蔥餡餅 同埋一碟燴豆腐豬軟骨鹵肉飯:豬軟骨肉質幾淋 幾咬同埋幾入味鹵肉份量都多 好大碗 兩個女仔share食都夠花枝蝦餅:炸得好脆口 食到有一粒粒花枝係入面 彈牙好食👍🏻宜蘭蔥餡餅:呢個有d失望 質感似一般餃子🥟 食落冇咩蔥味燴豆腐:想叫蔬菜類平衡下 所以叫左呢碟豆腐 都幾大碟 豆腐好滑 似中菜個d紅燒豆腐整體黎講 古早味價錢抵食 味道唔錯 有家鄉台灣既感覺 今次得兩個人眼闊肚窄 試唔到好多食物 見到有芋圓甜品😍 下次會再黎食🤗 …查看更多

好多人都知海記合桃坊出名芝麻糊同合桃糊大概1年前推出左紫薯芋圓甜品 吸引唔少人去試食款式多 可以配蕃薯糖水 涼粉 西米露 豆腐花等等剛推出個時我食過一兩次 記得係好大碗好多芋圓食落煙韌 而且味道幾夾😋 仲有大大球紫薯係面時過境遷 今時今日再食番 發現質素已經下降左我同朋友叫左一碗紫薯芋圓紫米露同一碗西米露記得以前食個時紫薯球係真紫薯蓉依家變左係雪糕質地既野 入口即溶 冇咩紫薯味🙈而個芋頭球都係同樣質地 但食落幾有芋頭味芋圓就好似同之前口感差唔多至於紫米露既味道就太甜 係有d死甜個隻冇咩椰香味 朋友個碗都係差唔多不過價錢都算抵食😀 $30左右一大碗 仲食唔晒…查看更多

最近好耐冇食壽司 所以約左個朋友一齊黎德美食以前係沙田食過一次 記得都唔錯 今次都冇令我失望店舖地方唔大 坐到四十幾個人左右平日夜晚七點半黎到唔洗等位 直接入座👍🏻但店員提醒用餐時間⏱得1.5小時同埋每人最低消費$120食物有好多選擇 有壽司卷物軍艦沙律串燒鍋物etc率先上菜既係厚燒玉子🍳一如既往有德美兩個字係上面味道正常 唔特別好食然後係蟹肉忌廉薯餅🦀🦀🦀呢款有d失望 咬落去第一啖有蟹肉但一路咬落去成口都係忌廉 同埋食唔到有薯仔食完有d濟🤢壽司就叫左三文魚 蟹肉蟹子 火炙帆立貝 鰻魚另外仲有芝士饅魚卷 魚生厚肉而且幾新鮮😋另外仲有什錦天婦羅&腐皮餃子🥟天婦羅款式有蕃薯🍠 大蝦 冬菇 茄子etc炸粉唔會太厚 又夠熱👍🏻腐皮都脆身 有少少似腐皮卷 但入面係餃子餡配個醋汁食都ok 但唔特別推薦兩個人眼闊肚窄 不過都叫左成枱野食😂店員好準時1.5小時後就叫我地埋單(雖然個時冇人等緊位)食到好飽 每人埋單大概$230最後送上每人一舊綠茶蕨餅 味道不過不失…查看更多

琴日day off同細佬出旺角睇戲 睇完戲1點幾食飯之前係紅磡食過呢間鐵牛 牛肉麵質素唔錯😍知道係旺角開左分店 所以帶細佬黎食位置方便 就係旺角中心地底👍🏻由於暑假期間 平日都好多人黎食星期一至五都有set lunch $4x-6x就可以食到我叫左個鹽酥雞肉燥湯麵 配熱珍奶細佬就叫左香酥排骨肉燥湯麵 飲凍珍奶另外加錢仲有台灣小食可以選擇即使人多 上菜時間唔到5分鐘 服務態度都唔錯鹽酥雞同個炸排骨都好香口 炸粉唔會好厚曬左d椒鹽粉係面 更惹味🤤 攤凍左都keep到脆P.S. 有冇人留意到鹽酥雞個碟係台灣版塊形狀😂至於麵 係好普通既幼麵 肉燥只有面頭一細啖撈勻左食直頭唔覺有肉燥 湯底亦冇咩味對於呢個麵有d失望🙈不過珍奶就唔錯 奶茶幾香 珍珠都算煙韌但細佬話凍個杯珍奶既珍珠硬左 麻麻地🙈…查看更多

近期大熱台式飲品都唔洗再多講😂早兩日day off約左人係旺角行街經過旺中樓下發現呢間’茶理史‘ 有十個八個人排緊隊見到menu上面既飲品都幾特別✨有白玉珍珠又有地瓜小芋圓 所以決定試下叫左杯琥珀白玉珍珠$20 半甜少冰顏色好似泰式奶茶咁橙橙地 飲落幾香茶味🍵白玉珍珠幾煙韌 但有d參差 飲落有d淋d 有d硬d我覺得珍珠份量亦偏少 但味道唔錯既朋友叫左杯紅柚松柏烏龍$26 走甜少冰夏天好岩飲 紅柚味好清新 同烏龍茶味好夾😋下次會想試地瓜小芋圓系列👍🏻👍🏻👍🏻…查看更多

是日放假 同家姐落樓下食個brunch知道迎海有間餐廳食all day breakfast 便一試中午12點幾都算多人 見個個都食緊brunch😂我點左個經典班尼迪 有兩個benedict🍳仲有腸仔 沙律 粟米 同我最愛既薯餅❤️跟杯熱奶茶☕️家姐就叫左個牛扒餐 等左大概15分鐘就上菜成份餐都熱辣辣既 唔係一早整定再翻熱個種先講左個benedict先 水波蛋做得好流心下面有塊火腿 都幾好食薯餅都係剛炸起 好脆口 其他伴菜就不過不失有驚喜既係杯熱奶茶 奶味濃 竟然係台式個種但略甜 建議可以自行減甜度至於牛扒餐 亦大份抵食整體黎講 all day breakfast CP值好高👍🏻一份benedict$70都唔洗平時出九龍區食都要成一百蚊一份 都係炒蛋 薯餅 腸仔呢d 覺得好唔抵住馬鞍山區人想近近地食份brunch 好推薦呢間La Kaffa☺️…查看更多

住馬鞍山區既我 都幾經常出沙田區食野奈何係沙田區要搵一間唔多人 坐得耐既cafe係好難既事🤷🏻‍♀️石門呢間cafe開左唔算好耐 一直想試佢個soufflé🥞是日係平日下晝4點幾 我同兩個朋友一齊去Cafe環境唔大 裝修大部分係灰白色 感覺明亮舒適到步個時都有7-8個人係入面 我地坐左門口隔離個張四人枱拎杯倒水係自助式 有淡淡檸檬味由於唔係好肚餓 我地淨係叫左一個香蕉榛子味既soufflé等左大概15分鐘 就有得食😍一碟有三件好厚實既梳乎厘 我地影完一輪都唔見佢開始塌味道很不錯👍🏻 好香蛋味本人鐘意有蛋糕texture既 唔係一入口就化為烏有個種呢間既soufflé就做到呢點 而且價錢平 抵食😍食到六點幾都唔會俾人趕 可以慢慢傾下計下次要試下佢既咖啡 事關一路坐一路聞到好香…查看更多

近期台式黑糖珍珠奶茶係大熱✨ 唔少網站直頭有比拼compare咁多間店既珍奶 呢間小茶堂係其中一間 食評話佢係咁多間之中最抵買 又唔洗點排隊我都係珍奶愛好者 今日咁岩黎旺角買野 所以買黎試下 發現menu上有兩款黑糖珍奶 一款叫黑糖珍珠奶茶$20 另一款係黑糖珍珠鮮奶$27 我諗係沖粉既奶茶同鮮奶既分別?🤔既然一試 就揀左$27個款半糖微冰平日下晝人唔多 等左唔夠5分鐘就有本人最近係台灣飲過名店老虎堂 個間冇得較甜度同冰份量 覺得佢隻波霸黑糖鮮奶有d過甜 飲左一大杯會覺得漏唔知係咪因為我叫半糖既關係 呢杯小茶堂既黑糖味唔算好濃 但味道都唔錯 珍珠都幾煙韌 如果要排老虎堂兩個鐘買一杯$30既珍奶(台灣賣緊NT55一杯=HKD15) 我會寧願揀呢間小茶堂 起碼冇咁貴又唔洗排隊😂…查看更多

是日同四個朋友去呢間Mini Friday食dinner第一次黎 地點係觀塘工廈區 但好易搵👍🏻一到步店員問我地係食雞煲定西餐 我地話西餐 原來呢到間開左兩邊 一邊係米走雞雞煲 另一邊係Mini Friday 地方好大 但抽風系統好 一路食唔會聞到雞煲味 不過覺得有點搞笑🤣一坐低冇耐店員就擺低menu 同埋一籃免費小食 似nachos個d脆片 仲有個類似千島醬點我地叫左兩個意粉 一個飯 一個pizza 一個小食 五個人都夠食芝士焗薯條🍟 $48好香口👍🏻 拉芝士好正 但焗得有d燶 令個薯條變得有d乾身黑松露雜菌薄餅🍕 $98呢個pizza唔錯 有好多菇係上面 松露味好香南瓜汁海鮮risotto $138飯既南瓜味唔太突出 但汁份量夠 海鮮亦好多黑松露忌廉海膽意大利扁麵 $128海膽唔多 但個黑松露醬同意粉好match 夠入味卡邦尼意粉配溫泉蛋 $98溫泉蛋好流心 個卡邦尼醬唔會好漏 唔錯👍🏻食物質素整體都唔錯 又多選擇 是日因為有下場食甜品 唔係都想試下佢d甜品唔會好嘈 成晚傾左好耐計都冇人趕我地走下次會再黎😬✨唯一缺點就係店員俾人感覺有少少似火鍋店小二多過西餐廳店員 有時舉手叫佢地一段時間先應 可能因為地方大既關係 可以接受…查看更多

是日同朋友黎呢間cafe食dinner慶祝生日好耐之前黎過呢到一次食lunch 覺得唔錯我地事先訂左枱 仲訂左個甜品加寫字點左個煙三文魚沙津 份量比想像中大 幾好食黑松露雜菌湯好濃郁幾款意粉同risotto味道都唔錯 價錢都同一般cafe差唔多 可以接受每人各點左一杯野飲 影相打卡必點重頭戲來了:呢個係草莓梳乎厘pancake $68一上枱既時候我地都嚇左一大跳 因為好大份認真d睇就覺得佢賣相差左少少 一pat野咁可能咁岩今次整得唔係咁好 但我地都係照食食第一啖既時候覺得味道唔錯 同平時食開個d差唔多 但cream既草莓味有d假 似係加香精我地愈食愈覺得唔對路 因為個pancake中間係流質既野 未煎之前既texture 隔左一陣直頭有蛋汁既野流出黎 以往食咁多次梳乎厘 都知佢係落蛋糊係煎pan上煎一煎就整好 入面會好軟 入口即溶 但從未試過今次咁 有汁流出黎我地都覺得佢未整得熟 而且我地望到隔離枱個份pancake個樣同我地好唔同 眼見佢地用刀切得好輕易 簡單就將佢分成幾份 完全冇流質既野 所以我地就決定同店員講店員收走左我地份pancake 隔左一陣 佢攞番個pancake出黎 好串咁問: 請問 份梳乎厘有咩問題呢? 我地就慢慢咁解釋... 點知個店員話梳乎厘個texture本身係咁 會係流心 唔覺得有咩問題 我地講多兩句後佢都咁答 所以我地就算數 亦冇意思話要叫佢地整一個新既俾我地隔左一陣 望到個梳乎厘咁流質 我個fd都係忍唔住 要再同個個店員講 因為佢講野語氣實在太差 希望佢可以承認錯誤 同我地道歉店員: 咁你地依家想點? 係咪想整過份新俾你地?個態度比岩岩更差 好似我地專登搵事黎搞 想R食多份野咁我個fd就話: 我地唔係要換一份新 而係明明你地整得唔熟 你個態度仲要講到好似我地錯咁 想要你道歉店員: 哦 姐係你想要我apologise? ok咁sorry囉 佢態度差到我地所有人都反晒白眼🙄️我個fd最後講左句: 都唔知你地點整既店員: 我都唔知你地點食總括黎講 呢間cafe既食物整體係唔錯我亦都相信個梳乎厘只係佢地一時失誤但單憑個店員咁既服務態度 我唔會再黎未見過咁差既服務態度果然 香港真係好似台灣人咁講:香港最出名就係 惡劣既服務態度今日終於體驗到...…查看更多