MONiSTER的个人专页

住左喺石硤尾幾年，成日食黎食去都係果幾間。今日同朋友行過南山邨搵野食，平時好多人食果間又排長龍，記起附近有間仙竹林，自己本身鍾意食台灣野，見價錢又幾平，一於入去試下！—— —— —— —— —— —— —— ——今晚嗌左兩個飯同一個小食。☝一個係是日推介，唔記得叫咩名，係雞軟骨飯黎的。我本身都好鍾意食雞軟骨，依個飯雖然名同材料都好似簡簡單單，但係好好味，個汁加晒分！係我近期食過最好味既雞軟骨。😋✌另一個係田雞煲仔飯，雖然整唔到飯焦但好足料，仲要唔使$40就包埋野飲，邊度搵！👅小食就嗌左個金沙骨，我覺得個骨好有住家味道，本身以為係好乾身果隻金沙骨，但係有汁伴碟的，夠入味。—— —— —— —— —— —— —— ——🙌最重要係老闆同老闆娘都好好人！我地八點半入到去嗌左野食，食左一陣朋友好細心問左句：幾點閂門？老闆笑住話：九點，不過唔使急架。我執野都要時間，你地慢慢食。久違既小店人情味，我諗我之後會將依度變做我既食堂啦！😜…查看更多