度小祖的个人专页

朋友生日想搵個地方食甜品慶祝見到有位即book環境佈置舒服，而且職員好nice知道朋友生日 專登問埋朋友叫咩名幫手甜品寫名今次只叫了甜品，好味上甜品仲熄埋燈唱生日歌🥰值得再來！…查看更多

原本想訂另一間店，但某些原因來了高高。據知此店新開無耐，菜式與一般酒家無太大分別，但估唔到質素卻非常好。先點了3碟椒鹽少炒（九肚魚、雞骨、豆腐），全部都咁乾身，而且用料、份量足，尤其丸肚魚，用料食得出夠新鮮。之後負責人介紹我地食避風塘瀨尿蝦，本來都無乜特別期望，點知上枱原來係拆埋肉，正！啖啖肉無得頂。再黎叫左芥蘭煲、冰川咕嚕肉、小炒皇，全部都係水準以上。食完大家意猶未盡，再叫多個糯米飯、炒麵，加多半隻雞。麵、飯都ok, 雞就買相差少少，但味道搭夠。整體黎講非常超值，6個人食咁多野，埋單都係1,400有找！…查看更多

之前睇雜誌話有新野，所以過黎試下。可能星期五關係，等位既人真係唔少，不過好在翻枱速度比想像中快。先講野飲野飲，原來除左有hoegaarden 同Stella 既beer tap, 仲有幾款手工啤，可惜我地喎識欣賞啦，都係黎杯hoegaarden啦！好，講返野食，叫左個豬軟骨（唔記得名），好似話慢煮，係幾好食，有口感又入味。之後再黎份邪惡到爆既魷魚鬚，蛋黃汁當然要配麵包啦，夠惹味。朋友話想試飯麵，所以叫左個墨魚麵。賣相普普通通，但又煮得唔錯喎，最緊要份量足。食到呢到，意猶未盡，又整多杯啤，再試埋個雞翼，原來係單骨喎。而且個汁少酸少辣，送酒一流。最後再叫左個芝士薯條，同牛柳粒串。但掛住食無影相lu。前者中規中矩，後者值得一試。食得出本身d牛唔錯，配埋個類似芥末醬，掂！整體黎講唔錯，我見餐牌仲有好多特色野飲，有機會會再試下。不過間鋪唔算好大，樓上人多，嘈上黎都幾應聲…查看更多

今次有朋友搭路，終於有機會試下呢間寧波同鄉會。先黎幾個前菜，最鍾意係脆鱔。做得夠乾身夠脆，送酒一流！再黎客燻蛋，蛋黃煮得恰到好處。飲啖紅酒，煙薰味出晒黎。又係必食。至於呢味好似肴肉？中靚中矩，幾好。之後係戲肉啦！我最愛既黃金蝦！蝦肉夠爽，蝦殻脆到可以一齊食。不過重點係d咸蛋醬。真係肥都唔怕，食唔停。當然有肉要有菜啦，一味津白，另一味唔記得名，但都係水準之作。整體黎講係無得彈，可惜只係會員。如果有機會真係值得一試。…查看更多

咖啡店都有私房菜食？今次又係朋友帶路，仲要早早訂位，先試到呢間私房菜。聽朋友講，呢到無menu，訂位時只須講人數、有咩特別想食（如蠔），咁佢就會自動去馬，收費每位人頭約300-400。至於實際食乜，其實同其他食評講既大同小異，視乎訂位有無特別要求，或大廚有無新idea.當晚我地就食左呢d: 初睇以為中間係麵包，但原來係唔知蝦肉家蟹肉做，聽聞都好花功夫。湯夠濃，好味 刺身都算新鮮，不過三文魚外，其他唔算好肥美。 主菜有兩個肉，但可能攤凍左，味道只屬一般，有點失望，不過勝在份量夠。 麵又反而唔錯喎 甜品簡單左d，不過不失。 鋪頭細細但原來差唔多晚晚爆場，想試真係要早訂位。個人而言，整體表現唔錯，可以一試，不過如非有新菜色，可能會隔一段時間先會再幫襯了…查看更多

自從轉工後就好少再過荔枝角，但因為有朋友話想飲下酒吹下水，所以就揀左呢間免開瓶既G Gallery。 朋友們黎過好多次，不過小弟就第一次黎，入到去既感覺係：原來都幾細間。不過細有細好，而且枱唔算多，傾偈拍拖係唔錯。講返食物，部分水準在預期之上，不過製作時間就長少少，如非飲住酒，都真係要齋等。 正餐前食個包先 沙律同火腿都唔錯，食材新鮮。四個人分，份量剛好。 主菜方面，我個人最鍾意個薄餅，料新鮮之餘，焗得剛剛好，如果唔係一人一份，我自己可以食晒整個。至於塊扒，個人覺得可以，屬中等之作，未算好有驚喜。暫時仍較喜歡灣仔某西菜小店既扒。 墨魚麵，大路野，無驚無險，夠乾身。 最後一人一甜品，我自己要了拿破倫，質素中等以上，對得住價錢。 …查看更多

放左幾日假，返工派完利是睇完電郵都係時候放工趕下場--唔知第幾餐既開年飯。新年流流食中菜係必然選擇，由於港島返工而且怕嘈，所以又黎到李公飯。雖然係年初四，但人唔算多，可能大家仲係假期mode，而我地亦樂得清靜。無黎一排，原來多左唔少有新菜色，而招牌菜水準亦一如既往。招牌菜：冰鎮咕嚕肉 外脆內軟（暖）。個人覺得皮脆而凍，肉暖而軟時係最好食！全凍後雖爽口，但肉香稍減。新試：脆薯牛柳粒雖用黑椒，但好香蜜糖。薯仔夠脆，比之前食過既玉桂牛柳更正，送酒一流。不過老婆就覺得油左d。海鮮：豉汁粉絲帶子 呢個真係喜出望外，自問都不時食海鮮、刺身，但呢隻帶子既size比平時食開既3s大足三分一，真係非一般食肆可比。豉汁唔錯，火喉亦剛好。蟹粉窩巴新menu多左唔少炸野，最終選了蟹粉窩巴。蟹粉足料，兼有大大舊蟹肉，加埋蛋白配搭唔錯，值得一試。 菜：蕃茄湯浸時蔬對於食肉獸既我而言，都係菜一碟，中規中矩。老婆就話好味。由於有朋友生日，食得蛋糕，兩杯落肚，個胃都無空間食甜品。 不過總括黎講，係灣仔呢個價錢有咁既環境同食物質素，真係物有所值。即使附近都有幾間唔錯既中式食肆，但佢地菜色就傳統d，想有d新意，暫時都係李公館令人滿意d。…查看更多

大半年無黎，又有新野試啦。今次因為人唔多，所以都係試新野為主。估唔到玩埋D功夫野，柚皮要整得夠味真係唔易。入口唔止夠淋，仲夠入味，聽聞用好多料“炆“左好耐。配埋個菰，一邊入口即溶，一邊夠彈耳，正！另一個花雕荷葉花甲，聞起好香荷葉味，入口則出花雕香，而且隻隻夠大隻夠厚肉，唔錯。另一個藕餅就差唔多次次都食，夾埋生菜唔會太膩。另外仲食左個黑松露肉餅，同蕃茄娃娃菜。前者無得彈，後者就平常D。不過掛住食，無影相。XD除左主菜，佢地甜品都好正。無論新派、傳統都值我一試。…查看更多