fanshu_lomo的个人专页

Family Day來到啟德吃brunch，環境闊落，可以帶bb同寵物，放置bb車完全沒問題。餐廳用落地玻璃，採用自然透光，假日來說人流不算多，非常寫意。食物質素方面，個人覺得性價比不錯，賣相同味道都不錯，仲覺得有啲驚喜。炙燒慢煮封門柳香蔥牛丼配日本溫泉蛋🍚 $158個封門柳好驚喜，口感非常軟稔鮮嫩，入口脂肪豐富，充滿牛香，沒想到在cafe會享受到這般美味😋 配上香蔥加溫泉蛋不會太膩咖啡方面就不過不失☕️Dirty $45☕️Mocha $44📍GoodDay Solar九龍城啟德嘉峯匯1樓11號鋪…查看更多

經過荔枝角靈機一觸諗起依間傳說中的世一沙嗲牛係附近，一於決定黎試一試佢！店鋪都算大，但平日下午2點半黎到都坐無虛席。🍠沙嗲牛肉麵餐 $58麵餐可點兩款配菜包飲品，冷熱同價。傳聞紅腸都好出名，於是點佢既金牌沙嗲牛肉麵餐配紅腸同煎蛋。紅腸夠大條，外皮香脆，幾好味。個麵有啲淥耐左太淋身真係NONONO，至於沙嗲牛肉個人覺得一般，冇世間形容到咁出色，同埋食多左都會有點膩，但份量都算幾大碗。以依個價錢黎講都少貴雖則包埋野飲，我都應該係慕名而來先會試一試。📍好好運快餐店荔枝角永康街79號創匯國際中心地下B號鋪…查看更多

<新派高質越南菜😋>同蕃薯老豆二人世界，來到荔枝角D2 Place 食越南野。餐廳環境舒適，燈光柔和，適合放工去嘆下休息下。另外一讚的係待應好細心，送餐時自己發現左其他同事冇提供飲管，態度幾好👍🏻點了一個二人套餐，價錢$468，包括一款前菜、兩款主菜、是日甜品及兩杯飲品。🍠香蒜魚露炒鴨舌濃味愛好者會喜歡，鴨舌會炒得比較乾身，配上乾蔥頭及蒜頭好惹味，但覺得比較咸左少少🤏🏻🍠豬頸肉芝士咖喱配農夫包賣相好吸引，啱曬打卡💛 揭開芝上飄來滿滿的咖喱香，好濃好入味，配上脆卜卜的農夫包，好滋味！🍠香葉辣椒膏豬頸肉炒河炒河較為失色，味道偏咸，但豬頸肉夠爽脆飲品方面都幾多選擇，連Cocktails 同Mocktails都包。🍠自選奶昔 （荔枝、桃、火龍果）比想像中出色，有滿滿荔枝味，夠refreshing，中和食物的咸味🍠Red Velvet 一杯Mocktail包含 Dragon fruit,mango ,coconut water。 個人就不太喜歡，有少少過甜，甜得有少少似藥水。📍Chill Vietnam Cuisine and Bar荔枝角D2 Place ONE 3樓301號鋪…查看更多

Cafe環境悠悠舒適，不過店內空間不大，與隔鄰位置會比較近。食物方面會較健康，適合做完運動來享用個健康餐💛唔知所謂「回春」係咪因為主打健康而命名呢？🍠回春 All day $118All day breakfast 包括自製香草包，慢煮雞胸，炒白菌靈芝菇，松露炒蛋，紫洋蔥，蕃茄及羽衣甘藍沙律🥗。富高蛋質的All day真係唔錯👍🏻如果係素食者仲有個素食All day選擇！🍠櫻花帶子奶油意粉 $98櫻花蝦份量都幾多，帶子口感爽又軟，味道配上濃厚的奶油意粉剛好，但食得多會覺得略嫌太油太膩。🍠久丸小山園抹茶鮮奶 $44份量幾大杯，抹茶味濃但略嫌甜了一點。📍回春荔枝角福榮街538號喜遇地下1號鋪…查看更多

以前係中環飲過fineprint的咖啡念念不忘，今次來到鰂魚涌就想再飲下😆原來鰂魚涌店2024店先開張，店鋪空間幾大，可以帶埋bb或者寵物一齊嘆啡，另外有室外座位，採光度不錯。🍠MAC & CHEESE $80來到fine print必食sourdough,揀依款有cheese ,bacon and macaroni 幾特別。個包好香好脆唔會太厭，連唔喜愛食包包的蕃薯老豆都讚讚‼️🍠 Roast Beef $80本來想點combo plate 但係茄汁豆已經賣曬🥺 唯有點左個beef toast 比無肉不歡的蕃薯老豆。個cheddar芝士略嫌咸，但個牛幾嫩配埋洋蔥甜甜地幾夾。🍠 Latte $35每次飲都必點的大愛white💛 最鐘意佢creamy texture ,配Oat milk更正‼️🍠Chocolate $35超濃厚的朱古力🍫 適合唔飲咖啡的人士📍Fineprint鰂魚涌太古坊電訊盈科中心地下7號舖…查看更多

今次來到於長沙灣廣場內的日式料理小店，內裡環境清幽，待應服務態度良好，是一間十分有誠意的餐廳。前菜有漬物提供，是日供應黃金泡菜同蘿蔔。餐廳另提供玫瑰花茶，幾與眾不同，個人幾喜歡玫瑰的香氣。我同蕃薯老豆各點了一款主食。🍠爆蔥慢煮牛舌丼 $108整碗有3-4塊超超超厚切的牛舌，醬汁有點像味噌，然後每塊牛舌係超級軟腍！！不過個人偏向重口味，如果佢係鹽燒汁煮個人會更喜愛。但這個價錢能享用依個厚度依個質素真係超級抵食。🍠芝士甲羅燒蟹肉意粉 $168甲羅燒超多蟹膏，配上蟹肉忌廉意粉，真係冇得頂。膽固醇爆曬標都要食左先講。蟹膏份量真係算多，如果全部伴落意粉會有點膩，反而有時伴飯食味道更佳，配上玫瑰花茶會更解膩。完成主菜之後，餐廳更會提供自製花生酥作為甜品，真係好好好好酥軟，整富有花生果仁香，好味道呀，非常驚喜。店鋪仲有好多菜式係off menu，大家落單之前可以問吓店員先。📍Mata Japanese Cuisine長沙灣廣場3樓308號鋪…查看更多

喜愛食串燒一定要試一試燒烤堂，同三五知己食串燒、飲啤酒，暢談一整晚。尖沙咀店比較闊落坐得舒適，就算係平日夜晚都一定要訂位，是日星期一晚都坐無虛席。 喜愛燒烤堂既串燒款式超多，價錢又親民，可以放題式叫到成檯都係。大推佢既燒原塊雞皮、厚切牛舌拖羅、雞皮墨魚滑、日式燒白鱔、鵝肝多士、鹽燒淮山同川燒蒜蓉茄子。已經唔知第幾次黎食燒烤堂，不過有友人表示今次有啲啲過咸，真係要係咁飲野解渴。不過野飲唔算貴加虛日本生啤有買一送一，啱曬啤住食串燒。食到個個都飽住走，每位只係四百幾蚊💰。📍燒烤堂 （尖沙咀）尖沙咀諾士佛台1號1樓…查看更多

Tera 裝修木系簡約，環境舒適闊落，方便帶bb去食嘢，唔會太迫。下午茶套餐除左有沙律、主食都可以揀甜品（窩夫或者疏乎厘），好多選擇，而且套餐送一杯飲品。🍠明太子蟹肉意粉 $158明太子醬濃郁，意粉掛汁，份量適中。🍠煙三文魚滑蛋牛油果牛角包窩夫配沙律 $128牛角包窩夫香脆，食落唔會油膩，配上牛油果加煙三文魚味道很好，牛油果份量都有半個，不錯不錯。🍠士多啤梨窩夫 $118窩夫餅夠脆口，配上士多啤梨加士多啤梨脆脆，略嫌太多忌廉。🍠抹茶牛奶🍠荔枝玫瑰花茶🍠Flat white依個套餐價錢配埋飲品真心幾抵，有機會可以試下。📍TERA大圍圍方3樓320號舖…查看更多

突然跟先生好想吃韓國菜，但又不想出去吃。於是在delieveroo 找到了這間韓食店。幸運地都有我們想吃的KIMBAB跟炸雞，沒想到外賣都有驚喜！一定會返兜！！韓食做得出色真係罕見啲，價錢仲要咁吸引。以下是delieveroo 價錢！🍠辣炒豬肉紫菜飯卷 $62份量非常多，有成一條十卷，餡料十足，豬肉好入味，帶點辣度，很開胃。🍠雪霜芝士炸雞 （半隻） $136炸雞真的有驚艷‼️外賣來到還是熱乎乎，雞皮炸得很香脆，不會因為熱氣而變軟，真的超讚，半隻份量完全夠兩個人吃！🍠微辣烤豬肉蓋飯 $71相對比炸雞來得普通，白飯跟豬肉份量很多，豬肉也真的有點點辣，伴飯一流。…查看更多

心血來潮想吃個粥做早餐，今次見到delieveroo 係依間粥店仲有折，就叫左份蔥花蝦米腸同手打肉丸碎牛粥外賣。🍠蔥花蝦米腸粉 $23打開盒見到腸粉都滿滿蝦米🦐，蝦米偏細小卻充滿濃濃香味帶點脆口，雖然唔係條條腸粉都均勻分佈，但都幾香幾好味😋加埋甜鼓油仲帶出蝦米香個人覺得算係驚喜，都做得幾出色🍠手打肉丸粥加碎牛肉 $39粥底偏稀唔夠綿滑，但肉丸幾香幾有肉味，配上碎牛肉令粥底更香。百喜粥店📍沙田置富第一城G88-89號鋪…查看更多

一直知道大圍依間老字號酒樓出名燒鵝但從未試過，今次就同一班朋友試一試佢。適逢星期日，所以餐廳特別多人，待應好熱情，假日會有多啲廚師因而上菜好快手。🍠例牌燒鵝個燒鵝汁偏少少甜，燒鵝唔會肥同埋都幾入味！🍠小炒王幾夠鑊氣，都幾多鮮魷，腰果夠脆口🍠咕嚕肉份量都算多，肉質夠腍幾入味🍠雞粥雞粥係佢地既必試招牌，都幾甜，但未至於驚艷🍠金銀蛋菠菜不過不失🍠椒鹽豆腐炸粉唔厚，夠脆夠香口總括而言，餸菜份量都算多，味道幾好，性價比唔差㗎。💰人均200-300📍沙田新強記燒鵝海鮮酒家大圍海福花園商場地下47-50號舖…查看更多

今次同蕃薯去到北京道一號海港薈飲茶，地方闊落夠光猛，坐窗邊仲可以飽覽維港海景。🍠翡翠荀蝦餃皇 $44一共有4粒，蝦餃size正常唔算大粒，但食落蝦都幾爽🍠腐皮素鵝 $68素鵝價錢正常，竟然上面附有一點點的黑松露，又幾有新鮮感。外皮香脆，餡料豐富👍🏻🍠雞絲脆春卷 $40春卷外皮脆口，味道一般🍠紫米春風得意腸 $48紫米做的腸粉皮顏色鮮艷，裡面有豐富蘿蔔絲，沾上豉油，味道不錯🍠蝦子乾燒伊麵 $148伊麵做得不錯夠乾身，蝦子份量頗多，拌埋一起好香幾惹味👍🏻📍海港薈尖沙咀北京道1號9樓…查看更多

Boxing Day同友人黎到九龍城CAFE嘆杯啡，食個午餐。LENTO 灰色門面，裝潢簡潔，帶有一種工業水泥風。當天提供的是聖誕Special menu set lunch，包括前菜、主菜、飲品及甜品，價錢適中。🍠鵝肝多士鵝肝香味濃郁，入口即溶👍🏻🍠豆乳意粉 $208 是用豆乳煮成的素Carbonara ，沒太大特別之處。🍠慢煮鴨髀 $268鴨髀比想像中出色，肉質嫩滑🍠Affogato濃郁的Expresso，配上Vanila 雪糕更顯咖啡香氣。🍠Burnt pistachio cheese cake (另加$48）賣相好但比較失望的甜品，外皮帶點點香脆，一心諗住試下開心果味，但一啖食落去係濃烈的杏仁味。。。個cheesecake整個被杏仁味遮蓋了開心果，不解點解開心果會夾雜了杏仁，不推薦喔。🍠Dirty🍠Flat White 🍠Matcha Latte有空的話來這裡喝杯咖啡，輕鬆慢活一下是不錯的選擇。📍LENTO九龍城太子道西428至430號地舖…查看更多

老公經朋友口中得知L’AMOUR，適逢結婚周年紀念決定帶埋蕃薯一齊去食西餐慶祝。預早訂位支付$200訂金可獲得L’AMOUR自家紅酒一支。兩個人點左一份8道菜SET DINNER、海膽刺身多士及威靈頓牛柳。🍠Set Dinner $1188 p.p魚子醬帶子刺身法式活澳洲龍蝦濃湯法國慢煮雞胸沙律法國鵝肝多士日本A5飛驒和牛眼黑松露帶子意米飯法式紅酒燉梨雪葩法國紅/白酒/茶/自選（+$38） 龍蝦湯超級濃郁，裡面仲帶有一粒粒的龍蝦肉！慢煮雞胸幾出色，入口感受到雞胸的嫩滑。鵝肝入口即溶，配上多士剛好，不會太油膩。5成熟的和牛粒肉質很爽嫩，入口有充分的油脂，配上南瓜蓉及蕃薯蓉。擺盤精緻，意米飯的帶子很嫩滑，意大利米配上濃厚的黑松露汁，味道不錯喔。至於甜品，煮過的梨配上紅酒味濃，帶點果香跟甜味。🍠海膽刺身多士 $188 3pc海膽份量挺多，刺身香甜，一級美味！！🍠 威靈頓牛柳 $438酥皮香脆鬆軟，牛柳5成熟，非常軟腍有濃郁牛味，推薦推薦！至於餐廳服務方面好細心，訂坐時提及有BB車，特意安排座位方便放置蕃薯。其間蕃薯要沖奶，待應主動提供凍水有助冷卻奶的溫度💛💰人均$1000📍L’AMOUR大埔太和路15號太和中心地下38號…查看更多

看到網上介紹望住吐露港飲茶，就帶住一家大小黎到白石角試一試。依家天氣夠清涼，非常適合坐戶外，遙望大埔觀音像及吐露港景色，像郊游般舒適，令人心曠神怡。🍠午市自選孖寶 $66- 響鈴海鮮腸粉- 鮮竹牛肉球🍠籠仔蒸龍躉頭腩飯 $98🍠水晶鮮蝦餃 $58🍠韭黃鮮蝦腐皮卷 $58🍠川式口水雲吞 $48🍠自選4位優惠午市 $498可自選4款點心、一款燒味和兩款小菜。- 羊肚菌燒賣皇- 欖角蒸排骨- 沙嗲金錢肚- 潮州粉果- 風味黑毛豬叉燒- 一口醋香骨- 涼瓜斑腩煲點心質素尚算OK，比較出色的是煎炸的點心，特別是腐皮卷，皮薄乾脆。而響鈴海鮮腸粉也不錯，配上三醬很惹味。長輩們覺得小菜跟籠仔飯上菜時都不夠熱，菜式加上在室外更加容易變涼，味道OK。叉燒算是出夠菜色，味道入味，但略嫌過份厚切。💰6大1小人均消費 $150-200📍八方棧沙田白石角香港科學園科技大道東16號…查看更多