緋緋的个人专页

係openrice見到食評正面而且附近又比較少有潮州菜食，膽粗粗就黎同媽媽慶祝生日，但換黎唔太開心…是日7點半左右就到左只有3張枱係前面但都要等35分鐘左右，心諗星期日無辦法…入口一坐得，明明得5個人但開左6個位6杯茶，呆了… 叫野食既時候，個女侍應無咩反應又無重覆單落左咩…結果第一樣黎既係一樣我無點既野…我當然即時同上菜既姨姨講我地無叫啦，過左幾分鐘頭先幫我落單個條女就連埋一個疑似經理既過黎話我係叫左個樣╮(╯_╰)╭明明係待應落錯單，條女仲要聲大大黑哂面話我，雖然最後都有改返岩，但條女個態度超差，大大聲話我，你話係a咪a囉! (其後我發現佢對其他客態度一樣差!) 大概食左30分鐘左右，大部份食物都到左，就追一追未黎既蠔仔粥，點知個啊姨只係超求其答「差唔多架啦…」再過多5分鐘度個粥終於黎左啦，於是再追一追落錯單個蠔仔餅，又係同一個啊姨答「今日多人，差唔多啦」無辦法再等一等，過左10分鐘仲未有，於是今次搵左個經理幫我地追，好快就出黎答我地整緊要多5分鐘:(果然頭先個啊姨係完全無問過廚房，認真答客!總體係講食物係ok! 如果服務有改善係可以再食既~…查看更多

廣告同食評都好似好好味咁，有機會係觀塘見人唔多就嘗一嘗鮮妹妹一早幫我叫定，去到已經有得食…不過上菜都算快，落單後5分鐘左右已經有得食妹妹叫既係白武骨（豬骨湯底）我既係黑武骨（豬骨湯加黑蒜油）佢地只有3樣肉揀（餸），分別係豬肉片，豚角（厚肥豬肉）同叉燒…豬骨湯味道濃厚，開始食既時候ok, 但會越食越油膩…加黑蒜油既黑武骨感覺無咁油膩，但就比較咸……我地2個都叫左豚角，肥肉位置口感一流，但整體食就唔夠軟淋╮(╯_╰)╭面質係粗身個種，個人就唔太喜歡…而且有浸得太耐既感覺，口感欠奉…環境方面，店內好似無冷氣/流動空氣咁，焗到不得了! 整體係試一次就夠了~…查看更多

行過見到三文魚扒晚餐只係$48，又見店內坐滿人，心諗應該唔錯，少少地試下都好!一入座就聽到三文魚扒已經賣完，無奈下同妹妹分別揀左雞扒同豬扒~之後又係無得揀既情況下得返菜湯（紅湯）……頭盤既蒜蓉包，香氣十足，而且面脆內軟! 好好味! 紅湯既菜湯ok~ 唔係得個辣字或者勁酸個隻…主菜，樣同味都ok, 不過份量少得驚人，女仔都可能唔夠飽，不過$48算係咁啦…值得一讚既係薯菜係炸薯角黎，炸得好脆好香口，就算唔係即食都仍然脆卜卜!2個人既話座位係ok, 但如果多人就唔建議，因為舖面真係好細，最多坐到20人度……查看更多

搵野食見到呢間哈哈笑指數奇高~決定一試。。點知。。由於只有2個人，只係叫得3樣野食~（望見隔壁枱見到每碟分量都幾大~）1）蒜蓉貴妃苗~$70 ~ 上枱真係好大碟！不過心諗成$70個菜！咁既分量又好似合理？~ 貴妃苗好老起渣！不過蒜蓉味好香，只係勉強ok><2）雞肉串燒~$70／6串~ 好多枱都有叫！可惜無睇清楚原來大部份都無食哂6串。。點解？雞肉超超超「鞋」，仲「鞋」煲湯骨！而且串燒本身無味既，要靠個醬~"~3）蟹肉炒粉絲~$70~ 粉絲香！味道ok！不過蟹肉真係少得可憐！而且味道差，仲有好多碎軟殼！超危險！~ 比較好既係服務！待應反應快同有禮貌！~ 不過一次就夠啦>^<…查看更多

1）埸仔細細但居然有11位待應！好似多左d。2）食物：叫左2個鐵板，黎到個樣幾令！份量亦多！不過好睇唔好食！成個鐵板一匙更既汁都無！魚柳非常「鞋」！薯角熱但唔脆。。3）飲品：凍飲一d都唔凍！唔使搞已經無哂冰。。…查看更多

勝利火鍋一入門口，發現店仔真係細得好誇張！全店只有1條好窄既走廊，只放得到2張4人枱+1呎左右既路仔行，行入少少有個好似臨時撘出來既後行位，又係放到3張4人枱。Book左枱但侍應好是但咁點左我地入「後行」呢個時候問題來啦。入面個環境差到不得了！牆角漏水，漏到個位下邊都係水！而且仲有好多蟻係牆度行！之後隔離有一枱入座，仲發現有小強屍體！！而且個位仲滴水！！一行4人，食物份量大概只有3人左右，叫左椰子雞煲湯底。仲要得1個鍋！2人又係1個鍋！咁即係叫人分枱食？變相少左成份湯料！椰子味好香，但隻雞好難食！豉油同配料唔係枱枱有，仲要係全店只有1枝。由於係團購關係，食既係規定既牛肉（10塊左右），五花豬肉（6片），牛粒（10粒左右），除左豬肉比較可以，牛粒簡直不能入口！每人食左1粒都已經唔想食！配菜只有幾粒豆卜，金菇，生菜同魚皮餃。魚皮餃魚腥味好勁，唔多食魚既我一食就嘔返出來。最後4人加埋用左$290，無環境，無衛生，無食物，無服務。真係好唔抵，唔喊唔得！…查看更多

食過美孚個間覺得ok~點知入到來就中伏。。由於妹妹先到入左先（基本上唔使等，假日午餐都可以唔使等。。都知咩事？）坐到入去，點完餐仲要到哂野食！但係茶都未有！！咩服務？！（聽到原來隔離枱都有投訴！）個場唔大，坐左7成左右，但已有6／7個侍應！！都可以無俾茶！！小妹點左餃子拉麵，來到發現餃子已經浸左係湯入邊。。仲要浸到全淋。。（有冇常識？炸物放湯？）食物質素只屬ok，絕對不算好食。等左好耐依然無茶！只好叫餐飲。餐飲來時，只聽到侍應講左一個蜜字就放低2杯野飲。仲要放錯2次先放岩過來。總結就係，食物唔好最少都訓練下員工吧！人多但個個都是但求其做，有咩意思？點留客？…查看更多

呢間野係洪聖爺灣隔離, 行去榕樹灣之際見到好多人圍住於是就八埋一份~發現原來係賣串燒, 聞落去好香~於是就買左條粟米食~不過都幾貴下..成$12/條, 而且唔大條.."味道都OK, 粟米好甜, 但係應該放左幾耐下, 入口唔熱:(, 而且仲燶左少少~見現場既食客都係買燒菠蘿食, 我估應該好味D? ($5/塊)…查看更多

第1次去南丫島, 一落船就食海鮮~~~行到埋呢間酒家個度個阿姐勁好咁狂叫我地食, 仲話唔坐一陣無位嫁啦..眼見真係FULL BOOKING~ 而且價錢都算平, 就算唔好食都無咁肉痛食物:叫左個4人餐 ($368, 免茶芥加一) + 2個小「食送」食物都等左好耐先黎到..呢樣真係有D唔開心/口\1) 白灼蝦(SET) - 蝦都算大隻, 而且幾好味2) 豉椒炒聖子(SET) - 呢碟只係得唔夠10隻既聖子食....而且汁同聖子係完全無溝通, 明顯係白灼完聖子再淋汁 (所以呢碟係暖唔係熱上既:()3) 蒜蓉蒸元貝(SET) - 差唔多食哂個陣先發現仲未黎, 一追先知原來MISS ORDER 等多左差唔多2X分鐘先有得食..." 不過味道OK, 係元貝有少少蒸過龍~4) 椒盬魷魚(SET) - 炸粉唔厚而且好脆, 好好味, 不過就...一D椒盬味都無:(5) 炒飯(SET) - 個餐有得揀白飯/炒飯, 一開始以為炒飯只係普通蛋炒飯, 點知黎到發現係揚州炒飯~ 正~好味道, 飯粒分明而且仲好足料!6) 白菜仔(SET) - 用蒜蓉炒, 雖然唔係好入味, 但無咩油好OK~!:)7) 豉椒炒蜆($48) - 個汁基本上同聖子一樣, 唯一唔同係入味少少~而且都算多肉食~:)8) 咕嚕肉(例$52) - 呢個好好食!:chopstick 炸粉唔厚而且肉唔「UN」!9) 炸墨魚丸(送既) - 有少少油, 但味道好好~環境:1) 安排坐左係走廊位, 都算乾淨2) 廁所係我去過咁多酒樓, 最最最乾淨既一個!服務:1) 有位短髮好高既阿姐態度超好, 手腳快而且有禮物~GOOD~! (不過除左佢其他人都麻麻)加埋6個人都係$470, 抵食得黎又好食~真係唔錯!…查看更多

午餐食左海鮮, 所以晚餐就試下D特色菜, 之前上OPENRICE見到呢間士耳其餐COMMENT唔錯~於是就試下, 不過真係麻麻地囉.." 食1次就夠哂數:(由於大家都唔係好肚餓, 所以只係叫左4樣野食..1) 雙層羊肉芝士漢堡($55) - 羊肉味道唔「穌」, 不過就好「UN」下, 但係總體都OK既~2) 著條(漢堡+$18, 單叫要$45!!!) - 全場最好食就係佢, 脆同香~3) 烤雞卡巴 ($60) - 卡巴細得可憐, 用黎食1/4"既雞都唔得...." D雞又係「UN」同老到飛起, 伴菜係最好食, 呢碟野整體係難食:(4) 辣肉腸PIZZA ($75) - 除左食到芝士咩都無...連辣肉腸都差唔多食唔到,, 但味道OK既"環境:1) 我地1行6個人, 原本餐廳入面係有位既,...不過俾對2人食客霸左張6人枱, 侍應連試下問人地肯唔肯轉枱都無做到...好差囉! 最後無辦法我地自己坐左係出面!! (差D連枱都要自己拍..咁既服務你都收加一?!2) 餐廳外係超級勁多蚊!!! 一坐低已經有2個朋友被叮....可憐:(…查看更多

係索罟灣行去榕樹灣差唔多2個鐘就到左阿婆豆腐花, 今日遊客都好多, 但係都有1-2張空枱~~見到阿婆「筆」豆腐花, 睇見都覺得累..隻手係無停過可能係因為太忙既關係, 凍同熱既豆花都係放哂出黎等阿婆「筆」, 所以熱既豆花其實只有微暖縱然係咁, 豆花仍然好美味~ 而且仲好重豆味同好滑~~ (PS: 豆味真係好好好重, 第一口食落去有少少接受唔到)對於都算食得甜既我黎講. 阿婆D薑糖水已經夠哂甜~~~不過價錢的確係幾貴 成$10碗~~~ (不過咁好食都算值得既:))AR PO SWEET OF TO FU FLOWER~ <<呢個英文名係價錢牌度見度, 幾得意…查看更多

9-1-10 難忘既一餐, 難食得可怕!係銅鑼灣行完街要食藥於是走左入呢間野度食…入到去侍應態度已然麻麻…無咩禮貌…不過算啦, 無加一係咁上下服務坐低之後望住個MENU, 見到個栗子飯好似幾唔錯咁, 就叫左1個。順手再叫1碗薯粉食…(因為老公未食過想試下…)1) 栗子腩肉飯 (唔係好記得個名, 但係個MENU第1行第2個) $35- D肉係肥豬肉黎…食落都可以接受, 但係個樣真係好核突…- 個飯冷飯咁…一D都唔熱- 栗子只有2粒…仲要煮到好似壞哂咁既樣… (1粒都無食到)- 最後個飯我地只係食左幾粒肉就拜拜了, 可想而之有幾好食…2) 清湯小鍋薯粉+龍蝦丸+雞翼 $30- 未食過都揀D安全既『食送』黎食…碗野上枱時已經極核突…D芽菜一半休碗入面, 另一半係碗邊就跌出黎…- 個薯粉難食都無人有…真係未食過灰黑色既薯粉…- 龍蝦丸有極大既酸『叔』同怪味…完全食唔到落口…- 雞翼係唯一有食到既野, 應該煮左好耐…梅哂…- 最後碗野我地只係食左2隻雞翼就叫佢地收起碗垃圾…我地自問食野唔算好高要求…但呢間野D野係完全食唔到落口…我地從來未試過可以成餐飯差唔多全部無食就掉哂佢…食到想嘔…仲反哂胃:(PS: 場內大部份都係菲傭…而且門口放左有好多雜誌介紹既頁面…絕對相信係俾錢做出黎0.0…查看更多

9-1-10 唔錯既TEA~*周圍搵野食記得上次朋友講過呢間OK, 見TEA TIME無咩人就走左入去。環境都算OK, 因為無咩食客所以都好靜下…1) 味噌雞米PIZZA $48- 味道還算OK, 但雞肉偏鞋+咸- 米粒唔係好食得到…最主要都係食到芝士- 邊位的米粒都幾硬…2) 墨魚花蛋包意粉 $38- 蛋同個汁都好味…- 墨花有少少腥, 但算好食…最少唔會好難咬- 份量OK…當LUNCH都可以的(限女生吧)…查看更多

6-1-10 麻麻地的一餐上次係銅鑼灣既分店食過都算OK…今次黎到觀塘再試下…D位好開揚…坐哂係條路度食…D人就係隔離行黎行去…囧叫左1個滑蛋蟹柳蟹子烏冬同1個滑蛋雞柳飯+八瓜魚丸…大約10分鐘左右就有得食。1) 八瓜魚丸 (唔太記得個名) $24- 得4粒…但味好似街邊食個D燒既八爪魚丸…無咩太特別…味道OK2) 滑蛋蟹柳蟹子烏冬 $42- 上枱時滑蛋連蟹柳的1/3都冇…失望…賣相很差… (跟相相差達80%!)- 蟹柳都算OK…- 烏冬沒口感…不彈牙…比起自家烏冬的確係差… (雖說自家都開始唔好食)3) 滑蛋雞柳飯 $42- 飯係雜米黎…但反而淡淡的沒飯味…- 雞柳是粒粒狀的…大囧- 整體味道還算可以食過今次應該唔會再食…價錢唔算平…食物亦都係中下……查看更多

朋友介紹皆旺有間新野食冰既0v0"咁大個女都未試過食冰, 點都去試一下XD"行過個陣有個哥哥係度派傳單, 好欣勤同有禮貌-V-+(一邊派仲一邊講係台灣新野黎0V0)因為岩岩同男友食飽飯, 所以就叫一個食住先XD"叫左一個"童年回益"既益力多雪花冰。 (都係$28)大約等左2-3分鐘就有得食啦=V="個杯係花花形既, 都幾可愛~一拎到上手相都未影就俾男友食左0口0" (唯有下次再影啦XD)第一啖入口益力多味好濃, 而且D冰即溶~(好爽XD)之後一人一啖就快就食到見底-口-"而且食到底益力多味就無咁濃, 仲有少少淡口"一讚既係冰上面D生果真係好好食, 特別係草莓(不過就好似少左D..多少少就好啦-V-")下次再有機會會試埋紅豆同朱古力=V=+…查看更多