halolala的个人专页

無諗過飲茶真係淨飲茶啲嘢食勁耐先上餓到個人開始唔覺餓真心諗住食中餐無諗過係法國菜嘅速度癲事情同想像中岀入太大到呢刻我仲係等緊一個鐘前落嘅單望住遲過我哋入嚟食嘅人都走晒唔會再嚟食…查看更多

其實成日都係巴士app見到呢間餐廳，今日另一伴黎接我嘅時候就搵咗呢間地點方便我地大家嘅一試。其實近年都多咗好多高質社企餐廳，收一個較高嘅價錢，但係食物同服務素質都值得，令到今次我同樣抱住期待嘅心情，希望支持之餘，亦有一個好嘅體驗。 晏晝大約兩點幾到去到人真係唔多，地方都算係咁，幾乾淨，服務員們都主動同有禮。到呢一刻都仲有期待，直到餐湯岀現。 我地每人叫咗一個$58 lunch set，另一半叫咗個忌廉汁意粉，我叫咗個炸餃子拉麵，送一個是日例湯同包一杯熱飲。個餐湯望落去好水好稀，上嘅時候都懷疑咗一陣係日式定西湯。飲咗一啖就岀事啦，隻味同質地同以前加水開嘅即食薯蓉相似，個湯唔同嘅就係佢係加得太多水太稀，只係一碗奶白色同有少少咸味嘅薯仔淡水。以我平時食嘢一滴不漏乾乾淨淨，我都飲多咗兩啖先放棄。 呢個開頭令我極度擔心跟住落黎嘅嘢食同飲品唔會好太多，另一半都話「社企餐廳真係為支持算，食物真係唔得」。因為頭先嗰碗水，令我好想快啲飲有味嘅嘢，呢個時候令人更失望嘅事情發生。我叫咗杯熱奶茶，另一半係涷Cappuccino，杯熱奶茶睇落去好正常，飲落去同個湯一樣，似係橙色同落咗兩匙羹奶茶偏涷嘅暖水，真係好傷心。另一半嗰杯外貌正常，仲畫咗花，但相信都係犯同一個問題，因為佢都係講翻嗰句。我飲咗一啖主動放棄，連同我對主菜嘅期望。 個炸餃子拉麵啲炸餃不過不失算係咁，但個拉麵又係嗰啲人工黃色圓身嗰種，同集團式餐廳用好cheap嗰種一樣，但人地係便宜佢10幾20蚊嘅價錢，好過佢一半嘅味道，甚至更好嘅材料，真係好失望。個忌廉汁意粉一黎完全睇得岀係煲耐咗，發咗少少，同都係稀，唔掛麵嘅汁，啲燈籠椒亦切得非常求其，賣相同味道都非常一般，你問我值唔值呢個價，你可以用呢個價錢應該可以係Saizeriya叫到兩個更高水準嘅意粉。 社企都係打開門做生意嘅餐廳，同事要一個公平嘅薪金，舖租等等都係錢我都好理解。但咁唔代表可以用低質嘅產品打住善心嘅旗號去賣咁嘅價錢。真心唔抵亦唔值得，鼓勵大家以善心為由去支持，但係為食物嘅就真係唔建議亦都唔推薦。唔好再以為社企就可以大行其道做得唔好。做得好嘅，點都會支持，做得唔好亦唔會想再幫襯第二次。…查看更多