公主麵包的个人专页

新店開將舖仔細細門口張期排人龍，位好迫行人路可以講無，好彩食物上菜速度都快，選擇由幾種食物變化出來茉莉珍珠奶茶-有淡淡花香味奶味重小甜都可以珍珠都彈懷舊魯肉飯-（細）汁味濃帶甜，豬肉粒唔油膩好入味正，細細碗岩岩好紅燒牛腩米粉-新竹米粉滑滑地索味，湯底好香牛肉夠林但又唔會爛晒用牛肋條肉味香玉米起司蛋餅-係最麻麻餅唔夠酥硬左啲，芝士唔香栗米都太小，個餅淡味醬油膏太小九份芋圓豆腐花好正好滑紅豆林甜珍珠一樣彈牙，芋圓新鮮全部真材實料食到一粒粒原材料，蕃薯味有蕃薯芋頭有芋頭有野𡁻吓好有口感總結：食物整體滿意可惜熱氣唔敢食炸野下次一定要試試，服務就因為地方細店員比較急要交枱所以粗魯左小小，但明白門口有長長人龍佢地有壓力，唔想食得急可以外賣佢仲有折扣，順帶一提現在只收現金…查看更多

地方真係好細，時間好趕係咁催，不過用心良苦職員想我地可以食多啲爭取時間，但海鮮盤上枱咁靚真係忍唔到狂影相加左$40揀龍蝦有鮮甜肉好彈牙，鮑魚新鮮，扇貝比較薄身蕃薯蜆唔新鮮霉霉哋，大蜆麻麻地，文昌雞好正食得出係新鮮唔係雪雞仲有甜味蝦好新鮮又大隻，龍躉好彈牙魚皮好厚勁多骨膠原，安格斯牛小排肉質好靚牛味濃淥耐左都唔會韌魚皮ok啦太碎黃金蟹名以為咸蛋炒蟹點知係辣嘅但好好味蟹甜殼薄入到味相反$58即炸響鈴係咸蛋味就咁食可以當零食超正唔油膩，但太大碟我地4個人都好膩可以叫半碟就good東風螺好新鮮蟹籽墨魚滑普通，雲吞皮太厚，脆鯇片爽口，太多食物不能試晒總結:海鮮新鮮平靚正，但場地太迫太熱鬧，餐牌好細心有每種食物蒸幾多分鐘，但可以做得更加分就係提供埋計時器放枱唔會食食吓唔記得㩒電話計時…查看更多

下午茶時間北角匯好多食肆揀，係豚豚食堂門口見到都幾多人就揀佢試，下午茶餐一個飯或麵加一個小食價錢都ok吉列流心蛋豬肉餅一上菜賣相好吸引，蛋雖然流心但完全冇腥味但暖暖地，吉列唔油膩又脆口，但叫豬肉餅就食唔出肉味，跟小小椰菜沙律清清口腔舒服招牌牛油拉麵湯底夠濃我鐘意，牛油太小香味唔夠出唔到主題，义燒夠冧但有肥膏邊邊好肥，拉麵好彈牙冇鹼水味夾埋湯好好味總結:服務有禮貌同細心，但枱與枱之間太埋好似抗疫衛生有啲危險，下午茶好多配搭可以去試好多次都未重覆，期待下次去開北角可以食…查看更多

牛肉麵湯底選擇種類好多，唔食牛肉朋友一齊去都有雞或排骨可以揀，我揀左紅燒試味好輕微辣湯底太重味偏咸食唔到藥材味香牛味，加酸菜援和吓好味啲，手工麵一開始食偏硬芯唔熟透感覺，後期食煙煙靭靭彈性好又滑，2件筋2件肉牛筋冧得來唔會爛有咬口，牛肉夠冧唔痴牙又入味好香肉味總結:牛味濃郁碗麵好ok但價錢加埋一要成一百蚊太貴，肉分量夠但麵太小食完唔夠飽，但服務好好又快手…查看更多

因為凱悅酒店住所以最近搵食嘅地方就係北角匯，check in完時間剛剛好可以食到下午茶份量細小小，要留肚今晚食自助餐，餐牌選擇唔多選擇困難症嘅我就good啦滑蛋豬扒飯-滑蛋好滑生但唔腥，洋蔥索左燒汁好甜好好食勁岩餸飯，豬扒吉列仲有炸口超嫩一咬即斷好多肉汁好食到爆大板燒風八瓜魚捲-講真睇餐牌見到幻想蛋捲中間有條粗粗八瓜魚所以先揀佢，點知上菜賣相係一碟蛋捲有啲失望，但味道真係唔錯蛋滑有濃木魚鮮味，八瓜魚粒太細粒同唔平均，所以還可以啦黑糖珍珠菠蘿梳孚里班戟-珍珠煙煙靭靭好有咬口，菠蘿面有糖燒過蕉糖好香脆，梳孚里班戟好鬆軟好有蛋香味，食落口好似食風咁入口即溶過癮總結:座位小但下午茶時間唔多人，唔係就有排等位，服務員好主動係午餐cut單前幫我地落左午餐先，一到下午茶再幫我地再落單，唔嫌煩仲要勁主動，而且好勤力食甜品幫我地換碟…查看更多

2日1夜食左早餐同晚餐，一次過同大家分享吓三文魚三文治好精彩冬甩好軟熟早餐即整奄列原本ok但唔知邊樣材料酸左薯餅好得炸得脆又唔油膩，煙肉燒賣唔洗食炒麵好差，溫泉蛋飯驚喜好味最滿意就係麵包食3個都好正，由其是芝士丹麥酥外脆內流心好好味晚餐-卤水拼盤不過不失海鮮甜蝦刺身好新鮮，龍蝦多膏但肉比較實蟹腳都好食新鮮甜但太幼肉質唔爽雪糕原本想挑戰12隻味但有3隻唔想食冇試，最好味焦糖味， terimisu唔甜有酒香，熱情果超人造味道，香茅芒果好怪淨食到香茅味好似食緊蚊怕水牛扒羊扒無肉味，韓式牛仔骨好好味總結:食物種類唔多但好在地方大唔洗迫埋一齊而且2個鐘可以食足，但一路食都有烏蠅仔飛落食物度，食物中間位置平平穩穩無大驚喜…查看更多

忽然好想食鐵板燒，銅鑼灣區價錢真係貴，一個午餐最平都3百幾，睇openrice搵到間咁就腳又平嘅即訂枱，好彩有訂枱座位好小，不過佢地上菜執枱速度好快所以門口人龍都唔會好長午餐有7款揀，豬&牛&雞&海鮮都算多選擇麵豉湯:無野講普通正常前菜:芝麻醬豆腐一粒，唔會唔好食沙律:菜新鮮牛肉簿燒:牛肉煎得好嫩生熟度ok，蔥好多好香，蒜就用一早整好嘅蒜粒比較硬但都ok,味道教得幾好唔會咸或淡厚燒牛舌:牛舌爽脆一咬即斷，唔會有騷同腥味，味道好香好好味炒飯:除左蒜粒真係好硬又唔香之外無特別野講燒生蠔:蠔煎得好嫩滑，食嘅時候一啲腥味都冇，過後 打egg時就好覺，但都幾好食又抵食有4粒帆立貝:雪藏貨雪味濃淡口小小甜味都食唔到，一分錢一分貨真後悔試佢總結:咁嘅價錢質素已經ok,而且店員服務有禮貌又勤力見枱細一食完就收餐具，體驗唔錯…查看更多

經KLOOK買左個活力驚喜下午茶套餐,一去到出示QR CODE 就得當日去到好小人客,侍應好好問我地鐘意坐窗邊定BRA或者坐入面小小可以靜D,天氣好好我地揀左坐窗邊,可以同天際100自拍吓餐牌茶類選擇好多,最後揀左茉莉花茶同玫瑰荔枝茶,估唔到咁大壺有成4-5杯,茶就算浸耐左都唔會苦澀好清香一口黎麥沙律配菇菌鵪鶉蛋:我先試一口個匙羹可以食架不過林林地已經唔脆啦,黎麥我本人好唔鐘意食香煎鷹嘴豆碎吞拿魚配烤西蘭花酸豆橄欖醬:吞拿魚外圍好鞋入面魚生好腥,而面頭嘅醬酸酸叔叔,唔知點講個感覺每一啖都係吞落去牛油果蝦肉沙律配紫蘇葉柑橘醬油:賣相靚個餅底都係唔脆林左,蝦肉爽口但冇味紅菜頭鷹嘴豆泥配紅石榴籽及麵包脆棒:先講個脆棒又再次唔脆,成杯野除左紅菜頭嘅鐵腥味就無其他味道,好彩有幾粒紅石榴咬吓先有返味道香烤意大利青瓜配香草醬及水牛芝士迷你漢堡:青瓜上面有香草醬酸酸地好開胃,但太搶味水牛芝士食唔出,個包好特別幾好味紅菜頭脆片三文魚麥包:紅菜頭脆片好味而且脆片終於都脆啦,三文魚都還可以,麥包冇特別牛油果杞子朱古力布朗尼:杞子風乾左脆脆地好得意,布朗尼唔太甜但朱古力香味唔夠麥蘆卡蜂蜜希臘乳酪配杏仁燕麥:個乳酪好滑好酸整到似雪糕好正濃厚無麩質黑芝麻乳酪配豆腐:又係好健康好淡好淡的芝麻味同豆腐味酸酸稀稀健康麥片配紅莓能量棒:似將早餐麥片搵糖撈埋一舊野再插支棍仔,都幾好食藍草莓伯爵茶檸檬罌粟籽蛋糕:好耐都食過咁鞋咁原始蛋糕檸檬味伯爵茶就唔覺都幾甜總結-味道太健康太清淡,我本身係重口味人仕所以真係唔識欣賞,但服務真係好好環境舒服去飲野真係唔錯選擇…查看更多

原本就唔係試佢不過搵唔到第2間，叫店入面都多人就試吓，荃灣好多小舖做西餐都用心餐牌食物選擇唔多，但都算每樣有啲畀你選擇下如果會叫飲品同想試甜品一定要叫餐加$30係抵嘅，都好多款俾你選擇唔會得3，4種迫你要反而飲品選擇多過食物好小見點完餐就俾左個餐湯加餐包，餐湯係忌廉蘑菇湯味道唔錯夠菇味又夠cream餐包唔求奇外脆內軟凍焦糖咖啡- 雖然面頭係水cream但都滑，焦糖味唔太突出，咖啡比例偏小所以甜甜地普普通通安格斯芝士牛肉漢堡-個包大過塊面，配料超多蔬菜新鮮，牛肉都算大塊但牛味唔濃，醬汁用千島醬冇特別，芝士可能太多配料食唔出，總體都ok嘅重量級炸魚薯條-炸魚皮做得好脆好脆一滴油都搵唔到，魚肉超滑溜唔腥跟超多他他醬一定要讚 ， 美中不足間鋪頭嘅薯條炸得唔夠好唔夠脆而且冇落鹽冇味是日甜品-蛋糕好粗身好鞋，好彩跟餐試總結:食物都中規中矩價錢都一樣中間價， 提議漢堡包幫客人一開二，就算自己一個食都食唔到好易跌曬啲料分開晒就無意思…查看更多

又係周圍搵下午茶試食時間行過俾餐牌甜品相吸引住，但因為早餐食得太飽變左唔敢試咁多熱咖啡-咖啡味好香，奶俾客人自己落有暖到好細心豬軟骨壽喜燒烏冬-湯底好正勁重味，雞蛋食時變左糖心蛋黃冇腥味，金菇勁多好似成包上，豬軟骨入晒味正但就瘦左小小所以肉鞋鞋地但味道一流搭夠，烏冬係手打嘅好煙韌彈牙索湯汁總結:下午茶來講咁嘅質素超抵食，而且店員服務好好，未寫第一篇我已經再去試多次蛋包飯同牛肉飯，可惜仲未試甜品不過一定有機會嘅…查看更多

銅鑼灣競爭咁大想搵平嘢食都唔係太難，上樓舖通常抵食啲，今日搵到間台灣食品有飯有麵下午茶餐包飲品，仲可以優惠價錢加小食添檸檬冬瓜愛玉飲-檸檬味飲唔出，冬瓜味淡淡地都有嘅，愛玉偏小叫左小甜都覺得甜珍珠奶茶-奶茶茶味算唔錯同奶比例都平均，珍珠唔算好新鮮但都有煙韌哨口，叫左小甜甜度都可以接受新竹炒米粉-米粉炒得好好唔油得唔會漿埋一齊，配料雖然小但食米粉已經好滿足古早味牛肉牛筋麵-湯底太清飲唔到牛味得蔬菜味， 牛展炆得好林但唔入味，牛筋林得來仲保留到彈牙但都係偏淡，麵係刀削麵好滑好彈牙索汁宜蘭蔥饀餅-饀加左粉絲肉比例好小，皮夠薄身但覺得太油膩鹽酥雞-8蚊有咁多好抵食，而且炸得香口脆身唔油膩，調味剛剛好雞肉仲滑總結:主菜同小食都不過不失，但價錢真優惠，小食有特價可以小小份量試多幾款，我真心覺得唔錯係未寫完食評時我已經晚餐又幫襯左一次啦:)…查看更多

幾年前食過一次覺得好正宗好特別，但上次2個人只試到3樣食物，今次4個可以食多小小坐低唔好講笑叫杯酒飲吓先，第一次試汽酒做嘅SangRIA,比紅酒更易入口酒精更低唔飲得可以先試佢白酒煮蜆-蒜味好重蜆鮮甜肉脹卜卜但有小小沙美中不足，淨返個汁點包食一流大蒜油蒜蝦-蒜味香濃蝦肉爽口烤乳豬-皮脆唔肥肉滑肉味濃有肉汁唔會乾淨淨,但4件太小啦每人一件唔夠喉,價錢都偏貴西班牙式海鮮飯(2人份量)-雖然2人份量但材料都好足,飯粒好好趙吸左海鮮精華好香甜好鮮,蝦新鮮爽口,蜆就偏細同瘦冇鮮味,青口鮮味,魷魚新鮮餐包雖然係送但超好味外脆內較,唔搽野就咁食都好好味,如果忍到唔食晒可以留返點蜆汁一流配搭西班牙火腿(白豬)-唔係食貴果隻但都正,甘香留係口久久不散,油潤但唔會油膩感乾身冇油益味,密瓜好清甜配火腿有提味感,杏仁好脆係原味唔會搶左火腿味道總結-冇失望都仲係好好味太多菜式未試,下次再努力試多幾款,價錢偏中上份量太小,店舖裝飾好有氣氛…查看更多

其實食過好多次不過隔太耐記唔到邊隻好味，今次人多同一時間試味終於分到啦咖啡種類超多好難選擇，蛋糕又係名全部差小小叫4種試不過點完餐先見到原來有個平日抵食套餐，一杯咖啡加一杯細木糠布丁由左至右後至前講起澳門咖啡-係用練奶沖嘅咖啡，遮係香港啡走&越南咖啡一樣，唔同係隻咖啡豆都香濃美式咖啡-最普通咖啡飲到咖啡原味，都ok唔會有酸味，原人唔鐘意帶酸咖啡洋金菊蜜-洋金菊味淡淡地唔會太甜香橙梳打-好甜唔多氣木糠布丁-軟身香滑好奶味甜度又剛剛好木糠蛋糕-好實奶味淡食到好重餅乾味木糠蛋糕朱古力味-連原味緊餘嘅奶味都冇埋，又甜又唔夠朱古力味好鬼甜木糠雪糕-好硬好實甜嘅練奶味重，餅乾碎又貼唔到雪糕，一食成口粉總結:一入去成間舖咖啡香味真係好吸引，但如果好似我咁唔識太細分可以點平嘅飲，估唔到最原始簡單嘅甜品係最正，但份量細可能要叫2杯…查看更多

經旅行社買船飛連酒店 buffet價錢比較抵，即日來回一定咁最抵群芳-我之前都食過一次但就食午餐，種類都超多係唔會試得晒，上次同2老食因為好多熟食非常岩食，如果同長者來澳門可以諗諗，飲品超多除左自己㩒嘅幾款飲品，水吧位仲有紅酒，白酒，啤酒，清酒同汽水咖啡熱茶揀生蠔-即叫即開每人只可攞3隻，但食到尾都仲有唔洗急，肉雖然薄身但好甜質地爽口龍蝦-只為回本而食，肉質鞋淡無海水味，膏硬到死又唔香蝦-肉爽甜松葉蟹-好瘦無咩肉開頭食冇鮮味，後期好好多應該關溶雪事燒味檔好遠，燒肉-皮林晒都有肉汁，燒乳鴿-入味但皮唔夠脆，肉滑唔肥鵝肝-有開頭食到尾都有，開始時可能太多人拎煎得唔夠脆好多油，後期開始煎得一面脆有進步壽司吧好多選擇但唔記得影佛跳牆-超足料有螺鮑魚雞排骨好清甜好正甜品做得細細粒可以試多幾款好細心，而且唔會太甜雪糕好多款但太飽只食左2款酸啲可以清清口腔總結:其實食左好多種類成日唔記得影相，食物大部分平平無期，但回本位好多嘅，價錢抵可以一試…查看更多

舖仔細細所以坐位唔多，入座時未到下午茶時間，店員好好照俾餐牌我地睇而且坐位安排好好下午茶選擇唔多，只係唔同配搭酥香多士-多士又唔熱又唔脆又唔香仲俾倒汗水整濕埋淋晒肉燥新竹米粉-湯底冇味，新竹米粉好爽滑，芽菜好新鮮，所謂肉燥入面冇肉嘅，咁深色但冇味道好難食榮式炸雞脾-皮好脆一啲油都搵唔到，邊位炸過龍肉都硬同乾晒好彩其他位置肉質都滑而且入味炸蓮藕肉餅-一樣炸得好脆唔油膩，但肉好怪可能落得太多生粉撈，口感好滑潺潺總結-店員服務一流有耐性，但食物就麻麻，飲品種類都多如果想去試可以揀其他試…查看更多