KcmL的个人专页

我住响附近幾十年，石塘咀一向係美食沙漠。今日冇咩做，又唔想去咁遠，咪睇下OpenRice 附近有咩新嘢未食過。不過石塘咀真係有好多所謂「隱世」拉麵店，就响條巷入面，嗰個範圍叫「火井」，今日就俾我响OpenRice 發現呢間。其實我一向唔係咁鍾意入呢條巷，但因為有幾間拉麵店，所以諗唔到食咩都會入一入去，因為條巷真係好臭，臭足幾十年，亦唔會因為多咗食店而有改善。我今日懷着勇氣去試下呢間店，總括而言有啲好基本嘅地方要改善：1. 樓面太生手，執張枱好耐，跟單又耐，又送錯枱。星期六1點都多人，差唔多坐滿8成，但得一個生手樓面。雖然有個着廚師服嘅女人（估計係老闆或揸fit人）幫手上菜，但冇咩禮貌。比起隔離舖樓面真係要大大改善。出去埋單又要報上枱號。搞到埋張單都好耐。2. 配菜太生。我叫咗豬叉燒雞拉麵，有隻溏心蛋。除咗麵係正常之外，其他都係好生。叉燒有啲出血，雞肉都好生（雖然我覺得佢慢煮想件肉嫩啲，但都係偏向生），溏心蛋連蛋白都未凝固，個蛋黃係液態，湯又不是太熱，但算厚身（唯一要讚嘅地方）。食完有啲擔憂腸胃炎。3. 冷氣機滴水。我個位對上嘅冷氣滴水，滴響我嘅背脊，我快快食完就走。所以總括而言，除咗食物，樓面同服務態度對一間新店嚟講真係好重要。…查看更多

有朋自遠方來，一定要搵間特別嘅餐廳。呢間就係睇馬田嘅介紹。真心每樣都好有驚喜，好特別。食材多數來自本地，尤其係嗰個八珍甜醋豬腳薑，佢將啲食物演化咗做另一個形態，同時又保存咗甜醋豬腳薑嘅味道，食完個口仲有食完豬腳薑嘅感覺，骨膠原黏住個咀。…查看更多

今日去咗呢間TBC, 雖然我住附近，但係冇概念應該點行，點知google map 老點咗我地一條通去大廈後門嘅路。點知原來就响地鐵站山道出口後面。我點咗個慢煮雞胸肉蝴蝶粉，個樣真係好靚，味道帶點東南亞風味，我覺得幾特別。我朋友點咗個All Day breakfast, 佢話條腸有冬蔭公味。個牛角酥都唔錯。我地兩個整體對於呢間cafe都很滿意，而且服務都好好。埋單嘅時候就話用番張單下次一至五有8折。我地已經諗到下次食乜…查看更多

之前一直有諗呢個尼泊爾餃子到底跟普通中式餃子有什麼分別？身為西區街坊嘅我今日終於走去試試。雖然舖頭有點細細但很有尼泊爾風格，應該是家庭式經營。尼泊爾姐姐負責幫我落單同蒸熱餃子。我點了個招牌雞肉蒸餃加辣蕃茄醬8隻。餃子很爆汁，隻隻都好大，要用啲指力先夾得起。餃入面有洋蔥碎，很鮮味，多汁。個醬辣得嚟好惹味，真係令到成個餃子變得好南亞風味，好特別。期間我見到老細？買咗啲食材返嚟，見到尼泊爾姐姐親身預備餃子。食客個個都好有禮貌，食完之後都會將個盤放番去櫃枱。我會繼續幫趁！支持小店！…查看更多

今日放假去尖沙咀行下，四點幾見有啲餓就入咗呢間諗住食個下午茶。佢下午餐有兩個餐牌，一個飯麵類，另一個甜品類。我一向都鍾意窩夫，所以叫咗佢地一個咩玫瑰綜合雪糕芋圓窩夫。一刀切落去已feel到好硬，食落去仲一陣「油益」味，似未完全熟。個雪糕似好hea咁「畢」咗一嚿仔响一堆cream上面。啲芋圓同啲汁其實係比較正常，但因為暖嘅關係啲cream好快溶晒。我本身好惜食好少食剩野，呢舖真係破戒，食剩一半。我另外加錢叫咗杯橙同柚子茶，好彩比較正常。…查看更多

响旺角行行下街想食麻辣牛肉麵，就search到呢間，見咁多評語咁好，就即管試下。平時我個人好惜食，唔多食剩野。但呢間野真係少有地我食剩野嘅店。個牛肉麵啲牛肉勁多根，要用力𡁻。成碗野啲味都帶甜味。我叫咗杯類似青檸特飲嘅凍飲，微甜。嘩，甜到好假，我飲咗兩啖唔敢再飲。花枝丸好咸又多根，可能我冇叫走鹽。可能呢啲先叫正宗，我唔識欣賞。…查看更多

平時wfh, 已經好少出街食飯。今日難得出開街，即刻搵下有咩野食。西環近年開咗好多餐廳，今日一個人就搵啲可以坐得ok, 又啱一個人食嘅地方。今日去咗呢間slow house, 主打西式食品。有burger, pizza, 扒之類。最後老闆（我估）介紹咗餐牌冇嘅prime ribs burger 俾我，套餐價錢$148(未加一），包湯或沙律，及飲品。我下次應該會再幫趁，試吓其他野食。順帶一題，老闆態度殷勤。我用餐時發現大部分食客都好nice, 啲野食未嚟到係唔會除口罩。所以我食得好安心😀。…查看更多