korilababe的个人专页

以花入饡放假終於有時間黎朝花夕拾之前都好喜歡去小房子夠舒服又可以同朋友慢談食物都好味道今次黎到 首先就比入口既怖置吸引真係好靚呀！好多鮮花、乾花裝飾洋溢幸福的花花香氣食環境已經無得輪啦⋯今次試左佢地既玉子卷同鰻魚飯玉子卷好大份！！！勁扺食而且好香蛋味 好滑 推介！而鰻魚飯既鰻魚都好肥美！飯不算多 但女仔一定夠食配夠多杯桂花抹茶拿鐵淡淡桂花味 抹茶味道不會苦好香好滑冬天飲一杯暖飲真係好舒服係度慢慢歎 同朋友傾計 一流加上地點方便就腳 一定會再黎丫！…查看更多

情人節男朋友一早book左枱都估唔到係去食生蠔呢！呢度情人節唔會有限定情人節set唔使比人劏 食物質素又好真係比個叻男朋友 識揀一開始已經好好招呼問飲唔飲酒 鍾意食邊類生蠔我自己就鍾意食海水味既 叫左一打生蠔師傅會親自介紹邊款好 又會說明邊隻食起啲生蠔真係好新鮮好正食到停唔到不過都想試埋其他所以無再加生蠔之後order左黑松露醬麵包白酒青口同燒豬脾每款都好正 下次一定再encore…查看更多

以前做學生時會同朋友一齊出銅鑼灣食crumbs好喜歡佢既crumbs脆脆同mochi可惜frozen yogurt店一間接一間捱不住到宜家出黎做野知道crumbs重開 真係好開心丫 good news!食返舊時既味道同toppings仲撞岩免費送crumbs脆脆優惠 正…查看更多

之前去日本食過温野茶放題，真係好好食，連菜都係甜既～～～知道香港開左之後都好想再去食，不過香港就無放題，係獨立鍋＋散叫。其實今次係第2次黎，因為第1次假日等好耐都等唔到，所以就放棄左，擇日重賽！同朋友各自order左豆乳湯同月見壽喜燒湯。感覺日本既湯底更香～但香港既都唔差，而且獨立鍋都幾好，唔使食人口水尾嘛XD呢度既蔬菜都好好食，好甜，但係份量真係太少，生菜、南瓜得4－5塊，可能係運過黎都太貴(!?) 希望份量可以加多D啦！另外，我地order左唔同既牛、豬，每樣都好好食，唔會有雪味，都ok新鮮。個人推介一定要食既係麻辣免治雞肉！！！！！真心我自己都order左兩個，覺得個調味同口感都好好，必食！Total食左6百幾蚊，都算貴ga，所以有機會我都係想返去日本食，哈哈～…查看更多

之前都有睇過呢間店既食評，但一直未有機會試⋯ 咁岩前日早左放工，又諗唔到食咩，就上openrice碌到呢間肚餓了！當時8點幾，好好彩上到去都唔需要等位，不過都無諗過係似飲酒既地方多過居酒屋既feel，所以同埋朋友黎傾下計都幾唔錯。佢地有好多款唔同既手工啤酒，逢星期一買一送一，星期二買二送二，如此類推，不過今次就無試到，下次都要試下先得。好啦，入正題，講返野食，我地都order左好多款唔同既串燒，而我自己覺得最最impress就一定係雞皮，鴨舌同茄子。麻辣程度未算好高，但好香好好食！要講到麻辣好勁既我會推介栗米，但原來唔係用甜粟米，反而係糯米粟，但我自己就比較鍾意甜粟多D～個粟米麻辣到我係咁飲汽水，而且份量都好多。食完呢個之後再食個辣到跳舞雞翼，已經無左好期待既「辣到跳舞」感覺，睇黎可以再重手少少！XD另外海鮮仲叫左扇貝、虎蝦，蒜味勁，但我又覺得去打冷食果D仲正！牛舌厚身，燒得岩岩好唔會好漏，good good～而唯一一樣我覺得非常麻麻地既就係呢個鴨胸穌皮卷，無乜特別，係好大舊，想飽肚我寧願order焗飯⋯Total加埋啤酒汽水，大慨6百幾蚊，唔算話好抵食，不過就同朋友多個聚腳點！…查看更多

諗住睇完戲求其搵間野醫下肚 點知食到一肚氣當日去到夜晚10點 見呢間未收店 waitress比我地入 正常點左酥皮湯 鵝肝多士 羊架 同 西冷蛋包飯開頭多士黎到都正正常常 點知酥皮湯一到 哇！塊酥皮仲燶過我塊面 一篤落去仲脆過塊多士 個湯熱到飲唔到 仲辣到口腔損左！之後上蛋包飯 塊西冷個心仲係涼既！！全紅色 完全唔熟！頂唔順叫個waiter拎去整返熱個羊架叫左7成熟 黎到又係5成熟咁款 有無差到咁？！要熟果啲又唔熟 要唔太熱果啲又熱過龍如果係趕收工唔該就唔好接客！要接客就唔該做好少少 唔係你收百幾蚊個扒就可以做到咁 呢個價我去其他任何一間茶記都仲好過你！做廚師既唔該無心做就辭職 呢個post完全唔岩你做！…查看更多

天盛街市開左都一段時間 最近再去除左見到有間小食店甜品舖同間韓燒店 仲有呢間喇沙麵店！估唔到天水圍都有星馬野食！雖然店面細細又得"立食"企位 不過都見到有唔少人幫襯 我就叫左碗海鮮喇沙($49) 再加多粒帆立貝(+$6) 份量好足 好抵食！ 宜家夏天熱辣辣食喇沙最好都係配杯野飲 佢呢度竟然有自家製低糖飲品 跟餐都係加5蚊 揀左杯檸檬薏米水🍹解渴又解辣 配搭不錯！Btw 碗喇沙真係好好食 明顯有質素 湯底香濃 辣得黎又有椰奶香 真係好過好多星馬店 份量都夠吃貨既我食到飽聽店主講遲啲會有撈麵同其他配料 好期待 下次一定要encore再去試呀…查看更多