happyeating89的个人专页

放工同朋友食飯, 揀左呢間係中環街市既竹麓拉麵, 咁岩我地係星期五, 仲有LIVE BAND係出面表演, 相當熱鬧❤️同朋友食咗兩款拉麵：九州豚骨背脂拉麵湯底濃郁，豬骨味香醇，背脂份量啱啱好，增加咗湯嘅滑溜感，叉燒肥瘦適中，麵既掛湯力強, 我仲飲晒D湯😋極濃厚醬油拉麵醬油味突出得嚟唔會太鹹，湯底濃而不膩，好好味❤️小食叫咗黑豚肉餃子同免治雞肉棒: 餃子煎得香脆，皮薄餡料又足，黑豚肉仲好鮮味🥰免治雞肉棒口感好豐富，加入軟骨增加咬口，點埋醬汁更加惹味☺️呢間拉面既湯底有水準，小食都好好味，加上中環街市嘅熱鬧環境，係放工後同朋友食飯傾偈嘅好地方！…查看更多

今次專登走上朋友推介係天后既酒屋一杯喜，果然無失望餐廳有音樂做背景，好有氣氛。重點係，佢哋啲食物真係有驚喜！🍛 牛肉咖哩飯：濃郁惹味，撈飯一流！一上枱已經聞到好香咖哩味，唔係普通日式甜咖哩咁簡單，佢個汁濃得嚟帶少少辛口，食落好有層次。牛肉掛滿咖哩汁。最正係啲薯仔，煮到入味又唔會爛，撈埋珍珠飯真係忍唔住一啖接一啖，清碟無難度！🍣 秘之丼：海鮮爆棚，鮮甜到唔使點豉油！呢個丼真係不得了！一睇賣相已經知「堅料」——海膽、帶子、赤蝦、油甘魚、深海池魚、金目鯛，鋪到滿一滿，差啲睇唔到底啲飯！每款刺身都新鮮到不得了成個丼嘅刺身切得厚身，食落超滿足。真心，呢個價錢有咁多款高質魚生，抵到爛！牛肉咖哩飯同秘之丼各有特色，一個濃味飽肚，一個鮮甜豐富，絕對可以encore再叫！推薦！…查看更多

放工同同事去咗公司附近嘅遇見花蓮，呢間台灣菜餐廳環境幾舒服，樓底高又乾淨，坐低傾偈啱晒❤️主食試咗花蓮紅燒半筋半肉手工麵，湯底濃郁得嚟唔油膩，牛筋炆得軟淋入味，牛肉份量都唔少，手工麵咬落有口感，食完成個人都暖笠笠😍另一個係阿嬤焢肉拌麵，揀咗蔥油口味, 焢肉肥瘦適中，滷得夠淋，蔥油味好香，撈勻啲麵一齊食, 幾好味😋小食叫咗鹽酥福洲魚丸同彰化黑麻油雞翅:魚丸炸得外脆內彈，椒鹽味香口；黑麻油雞翅煮得入味，麻油香濃但唔會太膩，雞肉都幾滑👍🏻飲品方面，仲叫左古早冬瓜茶同大甲芋頭芋圓鮮奶可以揀自己鍾意既甜度✌🏻呢間餐廳味道都相當唔錯, 會再黎食其他野😊…查看更多

元朗真係好多特式小店,今日朋友帶我去咗韓奶奶拌飯，地方乾淨光猛，坐得幾舒服👍🏻食咗墨爾本爆炒牛舌飯，辣味版本炒得夠鑊氣!牛舌片切得薄身，爽口得嚟唔韌，配合香蔥同紅綠辣椒一齊炒，辣度適中好開胃，灑上芝麻更加香口🫰🏻特級牛頸脊拌飯都唔錯，牛頸脊粒煎過，肉質軟淋帶油香，加上粟米、芝麻同流心雞蛋，撈埋照燒汁燒一齊食，味道豐富又滿足🥰小食叫咗自家製韓式炸雞，揀咗蒜蓉芝士醬，炸雞外脆內嫩，蒜蓉芝士醬鹹香惹味，好快就清晒😋蜜味韓式豬大腸燒得香口，蜜糖甜味同豬大腸嘅油香好夾，值得推介🥰呢間小店嘅韓式料理有心思，味道出色，價錢又唔貴，真係會再食😊…查看更多

今日同朋友去咗銅鑼灣Seoul Noodles，一入去已經感受到濃濃韓風！餐廳播住KPOP，仲有韓國OPPA店員，午餐時間全場爆滿，好受歡迎🥰我哋叫咗個COMBO FOR TWO，包兩個主食、兩份韓式醃菜（泡菜同蘿蔔）、一個小食同兩盒飲品，幾抵食！☺️主食揀咗牛骨湯麵同首爾牛肉醬油湯飯,牛骨湯底熬得奶白色，味道清甜唔油膩，好暖胃😍牛肉醬油湯飯香濃惹味，有好多配菜，撈飯食真係停唔到口😋兩款主食都幾正宗，有喺韓國食到嘅感覺👍🏻小食揀咗迷你紫菜包飯，餡料簡單但味道平衡，紫菜脆口，飯粒軟硬適中😚醃菜方面，泡菜同蘿蔔都醃得入味，酸辣開胃😗呢度環境同氣氛都好有韓國feel，下次會再黎食佢其他野😆…查看更多

今晚同朋友去咗灣仔QRE Plaza嘅Oyster House食晚餐，環境真係幾有格調！柔和燈光配圓梳化卡位，私隱度高，坐得好舒服😍前菜叫咗個$99 seafood platter，真心抵食！有法國黃金螺彈牙鮮甜，北海道帶子厚身軟嫩，生蠔同紐西蘭青口好新鮮,日式磯煮鮑魚都煮得啱啱好🥰主菜試咗蒜片辣椒白酒煮維珍尼亞甜蜆，蜆肉飽滿無沙，蒜香同白酒味好出，加埋少少辣椒吊味☺️香燒原隻去骨法國春雞燒得皮脆肉嫩，雞肉夠嫩同juicy，簡單用香草調味已經好夠味😋鮮海膽米型意粉係驚喜之作，海膽creamy鮮甜，米型意粉口感特別，吸盡海膽汁精華👍🏻呢間餐廳食物質素相當高，環境同服務都好，係一間幾有氣氛嘅西餐廳，絶對適合情侶約會❤️…查看更多

由於想食滷水既, 於就去咗尖沙咀既華記潮州滷水車仔麵，雖然舖頭細細，但食物幾有驚喜🥰叫左牛雜麵，揀咗幼麵同爽麵，師傅煮得啱啱好，真係爽口彈牙,牛肚滷得入味又夠淋，牛腸清理得乾淨，無異味之餘仲好入味,湯底揀咗重口味汁少辣，濃郁得嚟唔會死鹹，飲完唔口渴👍🏻另外叫咗三餸車仔麵，揀蘿蔔底清甜無渣，豬紅滑溜，咖喱魚蛋夠彈牙，牛小腸有嚼勁,重口味汁果然名不虛傳，味道夠濃又唔會太鹹，啱晒鍾意重口味嘅人,配埋杯海底椰雪梨凍，清甜解膩，同濃味麵食好夾😋小食試咗太陽餅，炸得金黃香脆，入口索索聲，好好味! 涼拌生腸爽脆入味，配車仔麵都幾夾😊…查看更多

元朗呢間Days in sun CAFE真係好高質！成個環境好chill好舒服，每枱都有鮮花點綴, 真係坐到唔捨得走🫰🏻食咗個All Day Breakfast，份量夠晒豐富！沙律菜新鮮，黑松露炒蛋香滑，大啡菇多汁，煙三文魚同香腸都唔錯,最正係跟咗pancake，淋上蜜糖配士多啤梨同香蕉，鬆軟得嚟唔會太甜，完美滿足晒鹹甜胃☺️另外叫咗精品餃子set，可以自選兩款口味, 揀左黑松露三重芝士餃好濃味，一咬開芝士流心；香菇木耳豬肉餃就清香爽口,跟餐仲有沙律，清新解膩👍🏻飲品揀咗Cafe Latte同Hazelnut Latte，榛子味天然唔假, 都好好飲🥰整體嚟講，呢間CAFE食物有心思，環境又加分，真係要黎多次😋…查看更多

今日去咗北角嘅麥記美食，睇落係普通小店格局，但原來係臥虎藏龍，當中佢既生煎鍋貼連續十年攞米芝蓮推介👍🏻我叫咗個菜肉雲吞輕食餐，揀咗香辣湯底少辣,湯底香得嚟唔會太油，辣度啱啱好，菜肉雲吞皮薄餡多，菜同肉比例好好😍跟餐嘅三隻生煎鍋貼果然有料到，底脆皮薄，肉汁豐富，真係有水準😋朋友叫咗雞扒担担麵，雞扒煎得香口，肉質嫩滑,担担麵湯底花生味濃，味道相當岩口味😊忍唔住加咗兩款小食：小籠包皮薄多湯，夾起唔易穿，肉餡鮮味；蒜香牛油雞翼炸得金黃，蒜蓉牛油味香濃，仲好惹味添😆呢間小店雖然裝修簡單，但食物質素絕對有驚喜，價錢親民，唔怪之得咁多街坊幫襯☺️…查看更多

今日去咗銅鑼灣樓上西餐廳MANO食lunch，估唔到午餐時間都咁多人，好彩仲有最後幾張枱, 環境幾chill，坐得幾舒服😋佢既午餐MENU有8款, 價錢都相當親民餐湯係南瓜湯，口感creamy又順滑，南瓜味天然清甜，飲完成個胃暖笠笠😍加左個小食:芝士肉醬配意式薯仔脆麵團，個名幾得意，其實係將肉醬同芝士舖喺脆脆嘅薯仔麵團上面,肉醬香濃，仲有芝士，脆麵團口感煙韌，幾有驚喜🥰主菜叫咗香辣燒雞配薯條，燒雞外皮香脆，雞脾肉質嫩滑，辣味唔會太霸道，反而帶出香草味, 薯條即炸熱辣，脆口唔油膩👍另一款主菜香草番茄醬牛面肉扁意粉都好正，牛面肉好大塊仲炆得淋，入口即化，番茄醬酸甜開胃，扁意粉掛汁能力強，每啖都好滿足😍呢間餐廳食物有心思，質素對得住價錢，係一間幾有質素嘅樓上cafe👍…查看更多

今日去咗荃灣如心廣場嘅PARKSIDE，環境真係冇得頂！裝修優雅有心思，超高樓底空間感十足，燈光同用色令人好放鬆，絕對係fine dining享受👍我哋叫咗風乾火腿蘑菇薄餅，餅底薄脆得嚟有嚼口，火腿鹹香適中，蘑菇同芝士份量啱啱好，整體好香口又唔會太膩, 真係一塊接一塊食唔停😋主菜揀左燴牛腩粗大管粉，牛腩切成細粒, 炆得超淋滑，肉味濃郁，醬汁香濃掛汁，大管粉煮得al dente，咬落有口感，個配搭好夾❤️飲品叫咗杯特調BABY BOY，顏色相當靚, 好似天空既藍色咁, 係由Syrup、Yogurt同Soda調成，味道清新帶微酸，好開胃又解膩，個名同賣相都好得意, 仲好好飲🥰…查看更多

美孚呢間鴻輝記，以前喺荃灣已經係老字號，開咗過嚟都keep到水準，真心抵讚！價錢仲要好平，平均三十零蚊就有交易，買滿$150仲送上樓，方便到極❤️今次就外賣咗幾款糖水，全部有驚喜！雜果西米露：生果新鮮，西米煮得啱啱好，唔會太淋，甜度適中😋芒果涼粉：嘅芒果香甜，涼粉滑溜，夏天食簡直透心涼😊腐竹糖水煲得夠火候，入口香滑濃郁，傳統味道就是咁樣😍最正係薑茶湯圓（芝麻味），薑味夠辣又唔嗆喉，湯圓皮薄餡多，芝麻餡流心又香濃，食完成個人暖笠笠🥰呢個價錢連埋佢嘅質素，真係超級抵食👍🏻…查看更多

今日去咗荃灣海之戀嘅:九爺九腩，每次經過都見到好多人幫襯,所以今日就決定要食佢嘅潮式粉麵!鋪頭幾光猛乾淨，除左潮式粉麵, 仲有其他湯飯😆叫咗碗崩沙腩河，個湯底好清甜，有濃濃嘅牛骨香，一啲都唔油膩。崩沙腩份量幾多，肥瘦適中，炆得夠淋又入味，河粉滑溜索晒湯汁，真心唔錯😋另外試咗麻辣九什撈粗，呢個辣得好過癮！麻辣醬香得嚟唔會死鹹，撈勻粗麵好掛汁，九雜有齊牛肚,牛肺同牛腸，每款都滷得軟腍，口感好豐富❤️小食拼盤有炸魚角、墨魚丸、炸雲吞同炸雞翼!全部即叫即炸，熱辣辣好香口,炸魚角同墨魚丸彈牙，炸雲吞脆卜卜，雞翼醃得入味，皮脆肉嫩😍呢間餐廳食物真係有水準，價錢又合理，真係會成為我既飯堂👍…查看更多

第一次黎荃新天地既一門町市場, 見到呢間港式扒房:西雅圖屋，話明港式扒房, 梗係要食鐵板餐😝一坐低，見到隔離枱幾乎台台都叫鐵板，吱吱聲好熱鬧，即刻跟隊叫咗個鐵板肉眼牛扒配龍蝦，揀咗黑椒汁同薯條，要七成熟😍牛扒上枱嗰陣仲滋滋響，熱辣辣，切開啲肉粉嫩唔靭，黑椒汁香濃又唔會太鹹，龍蝦幾鮮甜😊跟餐嘅酥皮龍蝦湯好驚喜，酥皮脆卜卜，湯底濃郁唔膩，飲完成個人都暖笠笠😋另外叫咗鵝肝黑松露意大利飯，鵝肝煎得外脆內軟，入口即化，黑松露香味好出，意大利飯煮得剛好，唔會太硬🥰蜜糖脆雞翼都唔錯，蜜糖香甜，雞皮脆口，肉質嫩滑👍🏻…查看更多

今日專登去咗北角呢間潮樂園，因為同事話佢哋連續八年攞米芝蓮必比登推介，果然無令人失望😍餐廳仲要係潮州老師傅主理，人均兩百幾就食到高質潮州手工菜，所以就黎左👍揀左個小食手工香芋金鯉蝦，淨係賣相已經滿分！佢仲外脆內彈牙，香芋同蝦肉完美結合，口感同味道都好有層次😋食潮洲野梗係要食滷水野:米芝蓮滷水鵝片拼鵝肝，滷水汁香得嚟唔死鹹，鵝片嫩滑，鵝肝油香十足，果然係名不虛傳🥰最後嚟個鎮店蠔仔粥，叫例牌既份量都好多,蠔仔又飽滿，粥底鮮甜，食完成個人暖笠笠😍呢間餐廳食物有水準，師傅手工細膩，如果想食抵食潮州手工菜，真係要黎👍…查看更多