水泥廠工人的个人专页

一直bookmark左呢間好耐但成日驚中伏食完覺得遲左黎食！ 🤤門西淋牛豬vs蝦兵蟹將 （$329）個set可以選擇Ribs, steak(+$50), fish 因為朋友唔食牛，所以我地簡左ribs 基本上一入餐廳大部分人都係叫呢個呢到既食物都大大份，認真抵食兩個人叫呢個set都係飽住走成個set上到黎係十分吸引有Ribs，龍蝦一隻，雞翼2隻，炸軟殼蝦一隻，薯條一炸食物質素超有驚喜！龍蝦好juicy，肉唔柴相當好食雞翼醃到微辣十分入味，而且炸到好香口軟殼蟹稍為有少少油，但都十分脆！薯條真係超級好食，佢並唔係就咁炸返熱，而係有炸漿包住再炸過，好有誠意！😛豬肋骨就不過不失，十分入味，但略嫌柴左少少整體成餐係十分滿意，呢個價錢食到飽哂🤣食過返尋味指數：10/10未食完已經講明會再返黎食！…查看更多

正宗四川麻辣火鍋近來四川火鍋開到成行成市我都試左唔少有D好高汁，有D完全只有辣味而不香就算同一個氣團旗下不同分店都差好遠今次朋友帶我黎呢間火鍋店地方有兩層 坐得非常舒服我地叫左藥膳湯底同四川麻辣湯底一上湯底嚇親😂勁多油🥶叫左安格斯牛，羊肉片，萵筍，竹笙，桂花蚌，黃喉（極少有，之前去另一間成日叫都叫唔到），鵝腸，黑柏葉，酥肉大推安格斯牛，超有口感，油花分布均衡😻入口有油脂，強推，估唔到唔係最貴個款牛都有呢種質素💕強推2: 酥肉，係其他舖頭食過嘅酥肉其實都好食，又脆。但呢間既酥肉有醃過食得出花椒香味，係暫時食過最好食既酥肉🤣醬料區亦頗齊全，仲有西瓜食可以解辣😛人均消費：$500/1 總評：係香港食過唔少火鍋，但都忠愛四川火鍋，呢間既湯底同菜真係算正宗。會再食😆…查看更多

好耐冇去過銅鑼灣食飯個晚咁岩要去誠品 於是就直接係附近搵食 睇中左呢間中式菜聽個名都覺得好似好勁咁😂我地4個人叫左4道菜同一個煮家湯🤣好飽不得制仲食唔哂啲份量好夠川味涼拌手撕雞其實港女唔太好手撕雞，因為成日出面食既手撕雞都好難咬好彩係呢間既手撕雞滑得黎仲要幾有四川味，食得出有豆瓣醬赤小豆粉煲鯪魚其實淨係睇menu係唔知咩湯，問左先知粉葛湯，諗到可以祛濕就一人一碗呢個湯好有驚喜，飲落無味精但相當夠味道好好飲農家乳香黑豚肉D肉好有豬味，但係友人就覺得好食係好食，但黑豚肉拎黎炒覺得好浪費🥲蟹肉桂花炒瑤柱朋友超鍾意呢款，必食撞介，成碟都係脆卜卜，炒得好香口，送飯一流桂花有畫龍點睛感覺兩面黃出面食開兩面黃係兩邊脆，中間軟，但呢間成塊都係脆，應該係炸，而且上碟時好好咁切開四舊☺️十分過癮，一舊拎起點左汁都唔會脆淋淋食過返尋味指數： 8/10 餐廳: 顏府御膳地址: 銅鑼灣開平道1號Cubus 5樓…查看更多

岩哂球迷去既餐廳朋友生日，咁岩又鍾意睇波所以約左佢黎呢間餐廳食飯，本身打算去朗晴坊分店食，但係8點去到都多人🤣所以即刻轉場去譽發廣場分店食，兩間舖頭都唔係差好遠p.s. 後來朋友話我知原來佢之前已經去過朗晴坊分店相比之下，譽發廣場分店環境闊落好多，坐得舒服D😆晚餐有set dinner 所以我地一人叫左一個set白松露忌廉燴鮑魚美國雞髀排（$188）8/10呢個真係比我想像中好食，平時我唔太鍾意食白汁同松露，但今次呢塊雞排煎得相當之好，十分嫩滑，食落好juicy，唔會鞋。搭配個汁，係相當之有味，所以絕對有驚喜。香燒美國creekstone牛肉眼耕法國鵝肝（$238） 7.5/10牛肉相當軟熟，食落夠juicy淨係食一個鵝肝有D多🤣如果有包就正啦總括而言，成餐體驗好好😛都有 8/10 服務都好好，會不斷幫你refill水，坐又坐得舒服🤓好岩大家坐到吹下水食下野😍…查看更多

Comfy by Chef's Stage Kitchen地址: 觀塘成業街7號東廣場地下25-31&59號舖食過返尋味指數：8/10______________________________觀塘新開高質Cafe東廣場日日都行，有日見呢間新開cafe好impressed!裝修拎黎打卡超正🤪平日收工都見full house個日難得無咩人排，即刻衝左入去先❗呢間cafe主打fusion 菜同埋有新豬肉食😆煙肉及意大利豬肉腸花椒忌廉汁幼意粉（＄98) 坦白講呢個配搭起初我唔敢試，但朋友不嬲鍾意試奇怪野😂上到黎係一碟有四川風味既Carbonara 聽落怪怪地！但食落一D都唔怪仲好好食佢既醬係super creamy🤩而且唔會因為有花椒就食唔到奶香味Fusion 得好成功💁🏻‍♀️吉列新豬肉排（＄148) 朋友係好鍾意食新豬肉既人😂吉列新豬排真係第一次食，食落真係好似真既豬肉，而且同醬元搭得好好😆芝士茄汁焗素肉丸（＄68)開頭以為淨係素肉丸，原來個底仲有D菜😋素肉丸如果就咁食係食唔出同真肉分別，但細心妹耐D會食得出係有豆味🤪但成個配搭好鬼好食😂成間舖頭食既野都無伏，而且係好有驚喜，下次收工會再食之餘，會想試埋其他菜式！…查看更多

前排新年突登去行花市，行到tea time見肚餓就求其黎左呢間食平時係香港食pho都特別小份量同貴但係呢間唔同，特別大碗同大份🤣叫左碗火車頭，一上枱個時嚇左嚇因為仲大過我塊面，先唔講味道，淨係份量已經好有誠意🥺而且味道好好，無味精，湯頭一流，食完簡直覺得兩個人share一份都ok❗❗😋另外要左個牛油雞翼，炸得好脆口🤩十分好吃下次經過一定會再encore😆仲有軟殼蟹米紙卷都相當唔錯但同時叫兩樣炸野有啲熱氣🤣…查看更多

聽聞政府又想延長無得出街食晚飯🥲前幾日途經旺角，晏就4：00幾�，間間都好多人，呢間唔洗等位所以入左黎食#阿四車仔麵 @a4noodle 唔食由至可，一食就覺得點解間車仔麵會無人黎😂我地當呢個係晚飯所以叫左超多野食但其實賣單都比我地想象中平🤣我地總共叫左兩碗車仔麵加個炸蠔我個碗叫左蘿蔔，辣魷魚，牛柏葉，腩肉，加沙嗲汁，車仔麵就當然要油麵啦😎蘿蔔非常清甜，無渣，食一間車仔麵既蘿蔔絕對可以睇到佢既質素牛柏葉係一定會encore😭港女平時收收埋埋其實好鍾意食內臟，尤其係牛柏葉，呢間可以話係我食既牛柏葉，無論咩菜式會係top3既牛柏葉，超級爽脆唔un!其餘兩樣都無特別，但係都唔會失準，依然覺得好好食😋朋友叫左豬腸，魚腐，加豆卜朋友去親食車仔麵都叫呢三個鐵膽☺️豆卜，佢第一下見到已經話舖頭好佛心，會比完整一個豆卜豬腸係好特別，唔係一般既豬腸，係豬腸包豬腸🤣非常特別！魚腐係硬硬地個隻，食落都好好食，重點係份量好多！！佢地都有樽仔奶茶！連我呢個唔飲奶茶既人都飲左幾啖 奶味香茶味濃！ 兩個人加埋都只係$130😂食過返尋味指數：8.5/10下一次會再叫牛柏葉🥰阿四車仔麵地址：旺角豉油街108號地舖…查看更多

今日去左大坑搵朋友，想靜靜地坐得舒服D傾計，朋友就帶我去呢間馬拉菜😆但因為早餐食得太飽，所叫得唔多😂淨係叫左個肉骨茶同埋小食拼盤肉骨茶（1-2人份量）＄118肉骨茶用一個幾特別既方法呈上，係用打邊爐方式咁拎上黎煲，見到個下都wow左🤩味道其實比我食過任何一間都好重藥材味，本來港女都好鍾意藥材養生野，所以完全hit中我口味！☺️原本以為咁細兜份量細，但其實有成5舊肉，唔係個D煲左千年既肉渣，係真係食過有軟骨既小食拼盤＄118呢個拼盤其實更似泰國野🤣有香茅魚餅，蝦餅，春卷同雞翼即叫即炸，食落香口，點埋泰式辣醬就perfect🤓總括黎講，佢既肉骨茶真係相當滿意，絕對唔馬虎😚食過返尋味指數：7/10 🤪肉骨皇地址：大坑浣紗街33-45號浣紗花園…查看更多

個日朋友九龍灣收工，夜已深，係而家疫情下，要搵到一間係九點之後仲有開門既黃店真係好難於是就隨便入左呢間大門友人話呢間係連鎖餐廳所以我本來都不抱期望但唔知係因為肚餓定係真係好食關係食落係比想像中好食好多豬排定食對得住價錢，出面閒閒地一個炸豬排都要過百，而呢到＄100 都唔洗個皮唔係話好薄，但勝在夠脆口，而且份量夠多我友人點左個蒜香味十足既拉麵，岩哂重口味人士，係非常好食如果要格硬同個D日本專業拉麵館比，一定好難比，但係以連鎖店黎講真係超哂班…查看更多

係朋友推薦之下黎左呢間店到食開頭本來打算只食火鍋，後來姐姐話原來晚市一定要食個個九宮唔知咩咩但價錢真係略為有小小貴講下食飯先，佢有前菜，刺身，酸菜魚／雞煲2選1，之後仲有個火鍋食，附送一個牛刺身同小菜不過不失我地叫左酸菜魚，魚夠滑，湯底夠酸，唔會感覺搶左魚既味成餐飯最喜歡係火鍋附送既牛，個牛真係入口即化，十分好食但係其他火鍋配料就好一般般如果下次再黎會二人share酸菜魚，因為已經好飽好夠…查看更多

自上年開左之後，已經翻食幾次，由佢只有一間，開到而家幾間分店真係不得不讚佢既湯底好入味，同台灣有得揮食過一次最貴個個餐，感覺食唔太出分別，可能我垃圾口之後一直都係叫中價個個，抵食之餘又覺得價錢合理除左食佢既牛，佢仲有好多好特別既配菜最鍾意係佢個黑色墨魚滑好香蒜香味，岩哂重口味人士！…查看更多

呢間Cafe已經聽人講咗好耐次次經過都發現大排長龍難得今日八點幾嚟到竟然唔使排隊所以即刻入座坐低嘅時候見到啲價錢都嚇咗一下覺得有少少貴我哋兩個人分別叫咗一碟飯一個多士一碟雞翼同一個soufflé pancake 點知上咗Choi之後就十分之後悔叫咗咁多嘢佢嘅飯同當時嘅份量都係足夠兩個人平均分嚟食首先講吓個青醬雞肉燴飯青醬味道10分濃郁係我食過咁多嘅意大利燴飯裏便都算好食嘅嗰啲比起燴飯我更加鍾意嘅係佢嘅蟹肉蛋白多士佢嘅多士有少少脆然後搽上佢嘅汁再加上上面嘅材料係十分之夾同好食嘅唔會係一塊乾爭爭嘅多士下次嚟可能都會叫多士鹹蛋黃雞翼真係十分之有鹹蛋黃香味佢加上牛油同鹹蛋黃你煮牛油味唔會過分搶走鹹蛋黃嘅香味呢一樣嘢十分之好可惜嚟到嘅時候已經冇咗薯條如果唔係都想試吓佢嘅鹹蛋黃薯條我哋之後再叫咗杯芒果乳酪飲品亦都十分之好飲…查看更多

今日又喺中環到收工唔知食咩好一打開OpenRice第一間推薦嘅就係瘋狂小面呢間麵館其實已經聽過好多朋友推介但係一直都冇機會試吓去到環境相當有格調喺疫情期間幾欣賞嘅係佢需要每個人登記自己嘅電話號碼我諗都係防止萬一有武漢肺炎嚟過嘅人之後可以再聯絡返講吓啲食物先我就叫咗大排麵我諗佢嘅湯底都係一樣佢嘅排骨炆得好琳而且十分之入味好可惜冇咗燒白麵 睇落就好好食好邪惡佢個湯底其實十分之好食香得來又濃不過見到好多人推薦酸辣粉可能下次都會試吓食酸辣粉其實價錢來講相對上比同類型嘅食肆比較貴嗌咗一個套餐一個面加一杯嘢飲再加個甜品要$88未計+1要大大力推薦嘅係佢嘅冰粉食完辣野之後再食返個冰粉真係十分之過癮同解辣…查看更多

其實已經唔係第一次食呢一間依家再嚟食多次都覺得其實好抵食香港地而家好難搵一個40幾蚊嘅下午茶仲要有咁多嘢食呢度咁多樣組合我就揀咗雞髀加面主要都係講吓個雞髀啦其實個雞髀嗰個汁真係好好食味道偏甜而且好入味但係肉質就唔係特別好滑但真係味道取勝成餐最有驚喜嘅係佢個麻辣雞翼食落有少少似口水雞翼…查看更多

觀塘放咗工之後諗唔到食咩醒起駱駝漆呢一邊好多良心小店於是就去返駱駝漆第三期11樓呢一度呢度嘅服務十分之好個侍應會係咁問你需要啲咩我估應該係家庭式經營朋友遲咗嚟佢跑過嚟個侍應見到自動俾咗杯水佢👍👍個服務真係一流再講下啲嘢食我哋分別一人叫咗個主食之後再每人加$38換一個任食小菜個小菜真係十分之抵食味道好好之餘而且唔係敷衍你剩係得幾條如果下次大家嚟食都建議大家可以加$38有蒜泥白肉黃金皮蛋仲有啲菇再講下啲麵食囉真係十分之有台灣嘅味道 並唔係根據香港人嘅口味調味唔知大家明唔明我講咩呢…查看更多