toggimini的个人专页

昨晚同朱仔， 啊美同和仔去左諾仕佛臺間Munch食飯, 都幾好彩咁0岩又有位(因冇訂枱), 上到去真係好爆, 張枱當然唔係太靚, 但都冇所謂, 事關上次食完佢地嘅到會後真係好回味, 一定要再試埋餐廳得唔得.侍應介紹我地飲兩杯紅酒, 意大利嘅. 口感同味道唔錯, 食物方面就點咗兩個晚餐，仲有三文魚鮮果沙律，黑椒吞拿魚腩， 特級豬豚肉同埋我最愛嘅Carbonara食味與賣相睇得出花過心思. 一D都唔馬虎, 試埋個Tiramisu同朱仔慶祝生日 幾rich酒味.雖然個場旺, 但食物招呼尚算係滿意嘅。呢間嘢值得推介.…查看更多

星期日老爺生日，去咗鳳城食生日飯，叫咗個套餐，好豐富！！其中蝦多士，蟹蚶同雞炖翅都好出息， 好好味。最後甜品西米布甸原來要預訂， 內有白蓮蓉餡好香又唔太甜。生日當然要有壽包，好大個仲有蛋黃係入面。…查看更多

朋友仔買咗COUPON，可以半價食飯。因為有訂位，所以都唔需要等位。環境都幾舒服，唔太嘈。我哋兩個女仔叫咗三樣食物：坐底無耐就有麵包送到，係麵包條，暖暖的，仲有蕃茄醬同香草醬伴食，好味！！首先係沙律，無咩特別，菜都好新鮮。頭盤叫咗芝士釀蘑菇，PORTION好大，有好多粒，都幾好味唔太滯。主菜當然要試PIZZA啦，有6塊，好彩係薄身，即使食3 塊都唔會太飽。薄餅係傳統嗰隻，條邊好脆好香口！！食完之後已經無可能再食甜品，我哋一路傾計傾到人哋收鋪都唔知，無人摧我哋埋單，服務好好！！…查看更多