sharewithnic的个人专页

叫咗豬膶通粉常餐，豬潤有少少酒味，唔錯！但係呢間嘅員工可能唔夠，服務同服務態度都認真麻麻地！同對面枱不約而同，發現QR code scan落單後，啲嘢唔同咗，唔知係咪有bugs呢？🤔🤔🤔…查看更多

朋友想係觀塘區搵個地方傾計、食下嘢，第一時間諗起佢！呢到小食、正餐、酒水應有盡有，十點半左右食物last order，但酒水仍然可以繼續叫！不過呢到都有差唔多7年歷史（可能更耐），啲座位都有啲舊了，但呢到仍然會係睇波、吹水地首選！😌👊🏻…查看更多

鰹烏冬搬左去2/F，改用QR code落單，環保又有效率！叫咗骨付雞同海苔冷烏冬，一個人食飽到嘔🤣烏冬彈牙，果然係特色皇牌！骨付雞就普通，五味粉燒雞肶，對我嚟講又真係冇乜驚喜。今次冇人排隊，秒入座，真係算係咁，不過價錢就少貴🙈…查看更多

FIKA係坑口村內，可以話隱世小店。店員好細心，知道我同朋友2個都好細食，份量都幫我哋調整👍🏻 呢到嘅自家制雙重煙腩肉卡邦尼意粉有別於傳統卡邦尼意粉，好有家嘅感覺，充滿溫暖。係坑口又想搵個地方同朋友坐下、傾下計，不妨試吓😌…查看更多

呢到嘅豆腐花同煎釀豆腐好似冇以前咁好食，不過豆腐花依然好滑👍🏻👍🏻👍🏻 之前試過外賣，但冇泰式酸辣醬，今次堂食有了！泰式酸辣醬配煎釀豆腐，幾特別！價錢方面仍然親民，建議經過可以去懷緬下😆…查看更多

呢度出名雞白湯，心血來潮想試吓限定檸檬拉麵。食過一虎拉麵嘅檸檬拉麵，有少少又愛又恨，因為佢食到最尾會變苦。估唔到呢度食到最尾檸檬拉麵，竟然冇變苦！啲炸蓮藕脆脆配埋落去好有特色，未試過嘅朋友仔，行開灣仔記得試吓啦😛…查看更多

朋友聚餐，普通brunch set只需$188/位，不過我哋太貪心，越叫越多🤣估唔到呢度嘅法國生蠔都唔錯，可以一試！朋友叫咗Samosa，個人覺得冇乜特別。lobster pasta 配搭得好好，突出到龍蝦鮮味，未試過嘅朋友仔可以試吓！呢度嘅甜品Crepe又薄又香，唔好錯過啦！嘢飲方面見大家都叫Pineapple and Ginger Ale Cooler，多口叫多杯，個人覺得冇乜特別，其實飲水都可以OK😌總括嚟講兩個人$746，真係算係咁了！溫馨提示，呢度係法國菜餐廳，都會保留佢哋特色，趕時間嘅朋友仔記得提前預好時間試啦！不過職員好細心，會觀察你食完未，再安排上菜😝…查看更多

本身去跑馬地都冇諗住食呢間，朋友突然極力推薦，即刻轉咗試下SOBA。如果想味道淡少少嘅可以叫雞白湯拉麵，我就叫咗雞沾麵一試！果然朋友冇推薦錯，香港最好食嘅拉麵其中之一！最鍾意係佢個牛蒡，同埋湯底！未試過嘅朋友仔，快啲去試吓啦！認真無悔😛😝…查看更多

$189/位（鮑魚、沙白蜆+自選五款海鮮+每人四款配料），重要免加一，兩個人埋單$400都唔洗👍🏻👍🏻👍🏻海鮮不過不失，對得起價錢！我哋叫咗黃金豬骨粥底，呢度可以鴛鴦鍋，不過我哋最後都係為咗方便揀一個就夠了！就咁睇以為唔係好夠食，最尾加粥先至係重頭戲，真係飽到傻！食完之後又唔會口渴，證明冇乜味精😛😛認真值得一試！…查看更多

叫咗蝴蝶腩、豬黃喉、牛肚河，唔係講笑，真係好正！👍🏻👍🏻👏🏻抵佢出名！連湯都飲埋！好後悔冇加錢叫魚皮浸湯食🥲顧客服務都好好，係你等待期間同事會幫手落定單等你入去，值得稱讚👍🏻🫡👏🏻…查看更多

估唔到文記車仔麵好抌本買咗全自動系統，落單後碗麵會跟着軌道送到你前面。個系統好似仲係日本製造，有意外驚喜！不過枱面就立痴痴，可能係同減少咗員工有關🙈不過碗麵就真係有啲細🙈🙈今日叫咗粗麵、豬大腸、蘿蔔、兩隻雞翼，份量偏細，雞翼仲有一大抽毛喺上面，有少少扣分！佢好似冇以前咁好食了🥹🥹…查看更多

見到周秀娜、彭秀慧同佘詩曼都推薦，心思思都想試下…😆難得經過跑馬地，緊係第一時間仆到去試下！叫咗生牛肉河同柚子茶！值得一試再試！牛肉對得起個價錢有突，勁正！柚子茶酸酸甜甜，可能配埋lime soda會更好！侍應服務又okay，隔離嗰個可能辣親狂咳，即刻遞水（雖然比錯咗我）👍🏻下次一定要同friend一齊去，試埋個蝦餅！😝…查看更多

呢度有特別嘅檸檬拉麵，無論係冬天夏天食都得！😝酸酸甜甜幾開胃，不過食到最尾會有少少苦，如果可以改善埋呢個就完美！👍🏻份量有少少唔夠，可能自己大食，下次要加底，再加隻半熟蛋，先至滿足！不過成本就會再高啲了🙈🙈…查看更多

嗰日排隊等咗起碼兩個鐘，基於被網上宣傳吸引，所以堅持。不過冇得講，店內座位比較少，六個位，要慢慢輪流入。店內主打三款，梗係揀海蝦！濃湯入邊有好多櫻花蝦，勁香蝦味！牛肉即時用火槍燒，配搭伊麵好正！不過食食吓會有啲油膩🙈如果店舖可以開好早，咁就可以晏晝食。個日舖頭開3:30pm，排得隊黎差唔多5:00pm先有得食，有少少唔湯唔水。如果未試過嘅可以嚟排隊試吓，不過時間成本太高，試一次起兩次就算了🙈不過，係值得一試嘅👍🏻…查看更多

iKea 宣傳鋪天蓋地嘅榴槤燕麥奶新地(兩球D24榴槤肉)，今日終於試到！正常發揮，燕麥味唔係好勻循，而且燕麥味被榴槤遮蓋住🍦🍦🍦不過，對得起呢個價錢，必試！兩球夠晒數，唔需要加更多了！😝…查看更多