百味的个人专页

今日落大雨行過見無咩人就入去食, 呢間野要俾左錢先上野食都知伏伏地, 點知真係伏地more甘伏俾完錢啦, 問佢可唔可以走青瓜, 點知個唔知樓面定老闆話"你走埋雞絲走埋粉皮都得架" 如果唔係我已經找埋錢, 我一定拍佢檯兼走人, 你而家即係叫我食個碗呀....好啦, 態度已經夠衰, 算啦, 野食都應該係人間美食先做會咁沙塵吧, 個雞絲一陣雪味, d麻醬仲要杰到我要對爛佢個生煎包開希d先食到, 唯一可以讚既就係d醬真係好多之後到個so call馳名生煎包啦, 皮雖然唔係話好厚, 但又唔脆的, d肉雪味濃, 真係搞唔掂, 雖然好肚餓, 但係我都食剩半隻就唔再食唯一好d既就係個豆漿, 因為食完好頸渴, 俾我一野飲晒呢頭返工咁多年都好少打食評同都難搵到間令我印象深刻的食肆, 劉興記, 你係得既…查看更多

見到咁多好評，就姑且黎試下啦，點知中大伏。。。。男朋友叫左個西冷要7成熟，黎到係全熟，鋸好耐先切得開，塊鐵板仲要係唔熱既，失敗。。我叫左個薯容海鮮大會，都係凍既，啲薯容只係裙左個斗邊，係有好多海鮮，不過無樣好食，全部都一陣雪味。。。連杯餐飲，咖啡都係酸既。。。差到不得了。。。埋單267。。。早知去美心鋸仲好食…查看更多

早左起身想去嘆個早餐再返工啦，就黎左呢間不知所為既餐廳。。。。叫左個牛扒旦蛋。。。嘩，隻旦，得個蛋黃，外圍得唔夠1cm既蛋白圍住。。牛扒好似柴皮。。服務態度更惡劣，見到個咁既蛋就問個侍應啦，點知個中年亞叔侍應話係咁架啦，收你三十蚊個早餐。。。即時o咀算，唔同你嘈，因為差不多夠鐘，食埋啦啦林返工。。。環境又差，個地下一撻撻黑色又滑，好似無拖過地咁。。。總括黎講，我唔明點解呢間咁劣質既餐廳可以係美孚生存咁耐，好有可能係自己鋪（好可惜唔記得影隻咁經典既蛋俾大家欣賞）…查看更多

係隔離間茶餐廳搞到一肚氣，咩都無食之後，就行過黎買些少野食當晏晝啦。。。其實我好多時收工都會過黎買兩個粉果食下，因為真係幾好食，一個都係三蚊雞，令到本來唔食粉果既我都愛上，不過只此一家。。。因為前幾個鋪位既聖XX餅店個d好難食，仲要順過呢到。。另外，佢都有飲品供應，仲幾得意，係用豆付花整既，我閒時最愛係一杯椰汁豆花加兩個粉果，咁就非常滿足啦順帶一提 ，呢到個老闆同老闆娘都好有禮貌，係所有美孚食肆入面最好最有笑容既一間。。。。真係唔明點解美孚食肆十間有九間半d 服務都咁有問題，呢間除外…查看更多

同男朋友係附近食完油渣麵，仲未想返屋企，之後就搵下有咩地方可以hea，本來想去同一條街另一間甜品鋪，不過見到呢間小王小好似幾靚幾光猛，就試下你先一入到去，選擇有十分多，揀左成十分鐘都心大心細唔知食咩好，卒之就點左個有晒三樣野既拚盆啦，真係滿足晒三個願望。。。心太軟--失左手，朱古力醬已經係底到流晒出來，不過味道是可以的，都夠濃味又唔會太甜芒果流心布甸--一拮落去就有芒果汁必出來，有誠意之作。不過果醬應該似係現成買，而唔係自己打既朱古力木糠布甸--男朋友話最好食，因為佢唔食芒果，又唔鐘意食太“流“既野，呢個布甸就岩晒佢，朱古力味夠又唔會太creamy總括黎講，98有晒三樣野食，坐得又舒服，我覺得抵既！同埋選擇真係幾多同有d都幾特別，下次一定要再去試下窩夫，因為見到隔離檯個碟好似幾正咁…查看更多

黎呢到食過不下20次...因為真係好食又抵....我次次黎都係9:30後任食, d料同正價無分別...真係好抵讚!辢雞煲係我食過咁多間最好食既...d雞好滑, 又夠濃味...不過食完晒d雞都飽左一大半...細食既朋友真係叫半隻好啦...因為打邊爐有大把野食, 仲好新鮮, 尤其係d鵝同雞腸....仲有非常好食既豚肉..平時有得俾選擇我一定食牛唔食豬, 不過黎到呢到就唔同啦, 豬係must eat item!!仲有虾子麵都係非食不可, 浸泡完個雞汁,食落口真係無敵...仲有虾滑都係十分彈牙, 我次次都要返單....最後要一讚既就係呢到個老闆許生, 佢真係好好人呀!!!! …查看更多

由於住係美孚既關係, 所以成日都食, 之前就成日食香蔥三文魚小卷,不過近期就愛上左火炙三文魚啦, $11有2件...真係好好食, 最中意就係佢地d飯, 味道岩岩好, 又唔會太淋.......…查看更多

由於係附近返工既關係,所以一個星期都黎食一次, 原因係呢到都幾抵食, 琴日我就叫左個香蔥三文魚蓉飯(新出左2個月到), 立即愛上, 連埋個麵示湯都係28, 唔好期望個湯好好, 只係即沖, 不過以甘既價錢答講已經算OK....另外, 呢到都算幾乾淨, 不過唯一唔好就係D位得好少, 得6個到, 所以我次次都係自己一個或者叫多一個同事黎, 呢到仲有個什錦魚生飯都係28, 都係幾抵食.....不過次次黎就要行個條長命斜…查看更多

琴日媽媽生日, 知佢不嬲都鍾意食中式野, 於是就book左呢到啦....門口好多人係到排隊呀不過我地一入到去就有位坐啦,好彩book左位jei......我地一行6個人, 一早就買左個蛋糕, 佢地好好人唔收我地切餅費呀~~甘跟住我地就叫左:片皮鴨---好好味, 我平時只係食一件起兩件止, 不過今次我食左成8件有多呀, 仲有包住個塊皮都好好食呀, 唔同出面食個d, 夾埋d蔥食真係好正~清炒蝦仁---d蝦雖然係細細粒, 不過就好爽口, 份量都ok~雞包翅----呢個真係爆好食, 我地order左個細既都一人有2碗呀, 個湯好濃好香同埋好滑tim呀, 真係好好好好好食, 一早知甘好食就要個大ga啦, 佢地個個都好似唔夠喉甘....椒鹽炸桂花魚---條魚其實都幾新鮮, 不過係就甘炸左佢就算, 個d椒鹽係另上, 耍自己點既....無咩特別火丁津白---個津白煮得好入味都夠晒淋, 個火腿都好夠咸香, 好味......老豆好欣賞呀, 一個人食晒甘濟, 可能佢無咩牙啦總括黎講, 呢間野係f位迫d同比較嘈, 其他野都ok, 尤其係衛生方面, 雖然呢到係老式左d, 不過個toliet出奇甘乾淨, 仲有我對成晚坐係水吧對出個位, 見個位亞叔抹左d杯好耐,抹完之後佢仲要好似驗屍甘, 逐隻睇下~…查看更多

琴晚男朋友無啦啦好想食米線, 於是就同佢黎左呢到, 因為之前黎過都幾好食......不過一坐低就開後悔, d waitress好似個個唔使做甘, 個個掛住係到傾曷, 要叫幾次先so你.....最慶就係佢地落錯左單黎錯左野仲屈你要個到衰呀麻, 我要手斯雞佢就俾左牛肉我, 仲話我講錯wor, 真係火都黎.......後尾個黑面神老闆娘過左黎好唔like甘話改返俾我, 有無搞錯呀?!?!分明係你地唔岩啦, 仲係到黑我面, 做個老闆娘都甘衰, 係咪想趕客.......不過d野係幾好食既, 不過甘既服務態度就真係搵鬼去lor~~…查看更多

琴日男朋友黎左接我, 佢仲無啦啦叫我請佢食飯TIM, 既然出到聲LOR,甘好啦! 甘去到九龍城兜兜下就黎左呢到啦~都唔係第一次黎啦, 之前食過都幾好, 好過咩亞里朗呀,部車又可以泊係門口~一坐低就叫左個2人餐, 份量都OK, 個老闆好好人, 如果D肉唔岩食可以轉第二樣TIM, 俾你豬肉轉左雞肉都已經算好啦, 估唔到我同老闆講我唔食紅腸甘可以轉D咩, 佢居然話不如轉做牛肉啦!真係好人呀!!!紅腸變牛肉~仲要係成碟TIM~YEAH!!!另外,個餐仲有跟一個石頭海鮮泡菜湯, 男朋友好欣賞, 我就飲左一碗JA, 因為太FULL啦~之後仲有西瓜同湯水TIM...好好食又好開心既一餐....埋單都係$200到~…查看更多

見到甘多好評, 於是星期六就同友人黎呢到食...叫左個車仔意粉(有煙三文魚, 巴拿馬火腿, 同cheese), 黑松露pizza, 心太軟....全部都好好食...service又好, 係唯一個意粉我覺得"林"左d...一定會再去過…查看更多

呢到一開個時我已經有食ga啦, 屈指一算已經係7年前既事啦,以前呢到仲有個大排當tim, 但係都摺左lu,不過個時可能無咩人知道, 所以去到一定有位既, 不過易左手之後我都少去左lu..係間唔中去過一兩次...上個星期5故地重遊,我地一行9人去到, 嘩~~多人多到呀, 全場爆滿wo...好在我訂左位jei, 一開始就發生左d小插曲, 不過都好快無事, 一坐低梗係燒d丸同腸先啦, 焦咩特別, 到試下d牛肉粒啦, 好好食, 而我d朋友就係到係甘食食食, 仲猛話好正, 之後我就試下d豬頸肉啦, 真係好好好好好食, 我仲食左7-8件tim, 食完之後, 成個人都飽晒, 不過都試左人地氅既少少豬扒, 都係水準之上既...另外,呢到d人都幾好呀, 都好有禮貌呀, 有個高高瘦瘦既男人仲係到幫我地整個爐同教我地點燒野食先好tim...不過唯一一樣要彈既就係d野食雪到太硬啦..overall黎講呢到會係我去燒野食既首選, 因為野好食, 地點直頭係超方便啦, 雖然係市區, 但係呢到都可以感受到一d大自然既氣息....…查看更多

約左好耐啦...琴日終於去左嫦記食飯啦, 我地6個人叫左8樣野, 有魚湯浸大蜆啦, 翅啦, 雜菇扒豆苗啦, 芝士蝦丸啦, 風沙鷄啦, 黃金蝦啦, 一品鍋啦, 雞腳啦....不過我地食得晒wo...因為好食lor...d野食全部都係水準之上, 尤其係個魚湯蜆, d湯真係好好飲好甜~~除左食物, 呢到有別於一般大排當, 因為出奇地乾淨...仲有, 呢到d service都幾好呀, 又有禮貌, 唔該前唔該後, 又成日講多謝, 真係俾錢都俾得開心d~~我地叫左甘多野食都係1070, 都幾抵食呀,下次一定再黎~…查看更多

其實想寫呢間好耐啦...因為真係好好食...係我食過甘多間豬骨煲最好食同抵既...上個星期六又去左食啦...我地今次一家四口去, 好在一早已經打左黎BOOK位同ORDER定個中豬骨煲, 因為我地果個已經係LAST一個啦...我地通常就係飲左D湯先既, 飲到無晒啦就叫人加水, 然後另外再加隻皮蛋同元茜就變左第二個湯底啦...哈哈...呢到D示油同其他沙爹醬呀,蔥呀等等既配料都無任得你拎既,我整落個湯到D元茜都係係到攞GA..另外, D雲吞都好好食仲好大粒TIM, 都係$32一打JA...唯一美中不足既係D牛肉都幾貴下, 最平個碟都要成$78...最後, 由我埋單啦, 都係$432, 一人都係$100多DD, 坐得又舒服, 食物又好, 又抵食, 真係次次黎都甘開心既...不過呢到而家愈來愈多人食啦...星期5, 6, 日唔訂位就真係無得食...…查看更多