+kiki的个人专页

今日同老公同埋女女尼食晚餐一直都無入過尼食飯，因為覺得價錢貴，不過依晚唔知食乜好，所以就尼左依間Jo Cafe食啦。一直以為係後生仔開既，估唔到似係一家人經營既餐廳！老板（我聽到熟客叫佢做Jo)見我地都唔知點乜野好，所以都有俾d意見。野食個presentation都幾靚，成餐覺得最有驚喜係老閭建議既薯蓉！真係好好食！連平時唔食薯蓉既老公都好like!成餐飯都食得好舒服係柴灣區想搵間靜靜地既小店，我會推介Jo Cafe!P.S.朋友話佢個三文魚炒飯好好食，下次試下先！…查看更多

食過好多地方既炸兩，始終覺得依度係最好食! 雖然係熟食市場，不過環境都叫企理。炸兩個豉油同個炸兩又夾，個油炸鬼本身又好食(出面食過一係太林，一係就脆到唔好食)。除左炸兩，我地都會叫多樣野既，我最常叫既係糯米飯，佢係個隻餸既糯米飯，得幾粒花生係面個隻，但係唔知點解我覺得好好食。或者我都會叫粽，鹹肉粽加糖都好食呀。不過我有次叫左炒麵就唔係咁好食，太林啦! 而今次我叫左個碎牛粥，無驚喜不過幾好食，下次去我會叫返糯米飯。…查看更多

一起身好想食 all day breakfast， 又想去睇下bb野，老公搵到依間工廈餐廳，朋友都話想試，所以快手打個電話去book檯先。去到門口， 好多人等緊位呀! 好彩有book到位。我叫左個煙三文魚 Egg Benedict, 平時食開Ham既我對依份三文魚有一種驚喜既感覺，因為係灸燒三文魚! 好好食呀! 同行既老公同朋友都覺得好食。餐廳有一個outdoor area, 我同朋友既小朋友都正值活躍期，多得個outdoor area俾佢地行下! 而餐廳雖然多人，但係講左俾個半鐘用餐時間俾你就真係個半鐘先叫你走，唔會掃你走或者黑你面，好公道。下次想食 all day breakfast 又有個好去處啦!…查看更多

同朋友同埋小朋友係公園玩完,就去左想試好耐既Shake Shack食啦! 去到既時間印象都好好，門口派menu既叔叔都好有禮貌，因為同朋友一齊帶住2個bb，所以就入左去坐低先。個裝修好好，仲見到好多張highchair, 所以以為係一間baby friendly既餐廳啦，點知...食食下,朋友個bb要去換片,咁先地繼續食住等。我個盒入面仲有7，8條fries(佢一盒都唔知有無30條)，而且我地2杯野飲係仲有大半杯。依個時候有個執野姐姐走尼，問都無問想收走我個薯條，我自問好有禮貌同佢講我未食完。隔多2，3分鐘，佢走尼指住本來我朋友bb張highchair問，你地唔要啦? 我地都未答，佢就即刻推去俾另一張檯 (我心諗, 我地尼個陣都無咁好服務，而且係正我地後面有一堆highchairs)。再過2,3分鐘，佢走尼想連大人椅都搬走(如果有去過PP間舖就知個個area係唔會有位俾你放張椅去其他檯) ，我忍唔住同佢講我朋友去左換片，而且我地未食完同飲完野。佢可能覺得我地霸住張檯，不過我見到有幾檯早過我地到，得返杯水既佢都無咁對待，定佢以為我地香港人唔識英文? 講返野食，我食個smokeshack係幾好食，不過個包好細個，塊肉亦真係快餐burger meat... $65一個咁既burger真係唔多值。薯條無乜特別，份量好細，30幾蚊個薯條都好唔抵。食完我地要去Mcdonald每人食多個餐先夠飽。去完mcdonald先發現，mcdonald既服務好好...…查看更多

今日係Mother's Day...作為一個孝順既女女，緊係要同屋企人慶祝啦~由於睇左新假期既介紹，依一間茶樓都似乎幾有特色，所以就決定左去啦。本來見有得訂位既，點知原來紅日無得book位飲茶，所以惟有一早就去等位啦。佢開10點，我10:15去到都唔過份呀，去到見無人仲鬼咁開心...點知，原來要等位lor...拎位既時候，我話7位呀，個懶型既waiter話：10位要等woh，我話7位woh!佢好串咁話7位,10位都要等woh，明明自己聽錯，仲咁既態度，已經令我扣晒分啦。等左我成半個鐘...最過份既係，竟然miss左我張ticket，叫左下一張，好彩我聽到叫7位，我走埋去問，"你叫7位呀?" 個懶型既waiter問返我"小姐乜野事"，我話，我8號都係7位woh...點解你叫11號先....之後個senior同個11號小姐say sorry，同埋帶我入去，但係個個d懶型既waiter一句"唔好意思"都無lor!過太份啦，好彩我快咋~如果唔係俾人入左先，我就真係發脾氣!我知間餐廳係想做一個型既格調，不過就點都唔係黑到連menu都睇唔到lor...所以如果下次大家要去的話，千其唔好去門口直入最後既位...除非你想要情調only。等埋屋企人尼就叫野啦，第一樣野係開茶，要留意最一位既開茶費係十元正，不過你係要另外叫茶架~我見佢張menu寫得d茶名咁靚，就叫左個陳年普洱($42)同埋個鐵觀音($42) [平一級既都要$28，倒不如叫貴少少]....點知一入口...同普通既茶樓一d分別都無，平價茶葉....同埋超淡....(第一泡都已經好淡啦...)咁就俾人呃左成130蚊茶錢啦。之後開始叫點心，叫左10幾款....分別有以下：雀籠點心($128): 水晶蝦餃、鮑魚滑燒賣、瑤柱翠苗餃、黃金蘿蔔酥、特大鮮蝦露筍春卷和燕窩蛋撻各一對, 放在兩層鳥籠入面, 有d似high-tea...不過，只不過係普通野，唔會話難食，不過亦唔會再食....只係覺得個雀籠幾特別。脆皮春卷腸粉($29)：依一樣係以春卷做個腸粉，都幾滑。蝦餃($15)：唔，咪就係大版蝦餃一隻，我地叫左2隻都無人想食。桂花龍鬚蛋散($32)：依個我覺得係全埸最好食既野，真係好食!梅菜糯米飯($18)：唔，見好多人話好食，就試下啦，似乎我都係喜歡普通既糯米飯多d~蟹肉蒸飯：都okay既，不過蟹肉既味俾瑤柱搶晒。XO醬蘿白榚($2x)：唔錯，比起出面個d油淋淋既，依個做得唔錯。鵝掌翼($45)：叫俾grandma既...佢話都係潮江春好食好多...不過我食左件豆腐就幾好味。仲有叫左其他既鮮卷,叉燒包,等：屋企人都係話，咪普通野...最後一提，除左個門口既waiter態度比較串之外，其實其他waiter/waitress都唔錯既，加水都加得幾密同埋怏。總括而言，依間野係食個格調既，如果唔係太追求味覺既享受，依間野都還可以一試。…查看更多