hoyanlam的个人专页

醉香乳鴿 凍食超有驚喜！同平時食開嘅熱辣辣乳鴿完全兩回事！上枱嗰陣浸住冰涼醉汁，聞落已經有陣陣花雕香～鴿肉食落超爽口，酒味唔會太濃但好入味，仲帶住少少甜味，唔飲酒嘅朋友都食到，凍凍哋咁食真係好refreshing！滷水鵝片 鵝片切得啱啱好，唔會太薄冇口感～個滷水汁真係調得勁正，唔會死鹹，仲有淡淡香料味。最正係連下面啲滷水豆腐都索晒味，辣椒油都好出色，我哋幾個搶住食，老豆仲加多咗碗飯脆皮豆腐 初初嗌佢係俾佢個黑色外表吸引咗，咬落去好脆，入面啲豆腐仲keep住超滑～點少少甜辣醬真係無得頂！食到停唔到口啊價錢有啲菜仲平過大排檔，坐得舒服，又勁冷氣…查看更多

咁啱經過，肚餓見到裝修幾靚就入去試吓， 兩個人嗌咗一個鹹蛋黃意粉同埋一個片皮鴨多士，但今日唔想飲咖啡，所以諗住唔嗌野飲，但點知原來最低消費係一杯嘢飲嘅食唔計。然後如果唔飲咖啡，凍嘢飲就得幾個選擇，咁就試咗佢個開心果莓苺鹹蛋黃意粉，創意係有嘅，但係味道真係唔得😩😩😩😩😩鹹蛋黃味唔夠重 仲要每一啖都好沙好沙 又油淋淋 我明白呢個係鹹蛋黃嘅特性 但係我冇諗過可以咁誇張 大蝦鹹蛋黃意粉 D蝦殼喺尾我可以接受 蝦身搣淨一半係咩事😩😩😩😩跟住去到個片皮鴨多士 其實只係片皮鴨醬+煙鴨胸 擺落塊多士度 我唔洗你比D貴嘅鴨我 但都唔係比超市10蚊一舊嘅鴨胸我呀？ 仲要得兩三塊，我覺得一D誠意都冇囉，仲要唔好食🥲🥲🥲去到最後要鬧嘅係果杯開心果莓莓，呢杯野真係好誇張，未試過一飲落去就要講粗口，成杯野係糖漿+奶+糖漿， 難飲到好痴線，仲要漿住個口。🤮🤮🤮🤮食完先上返open rice 睇， 多數D人都係讚佢蛋糕好食，蛋糕我就冇試，我諗我都唔會比多次機會呢間野，熟食我真係唔建議你地去試 其實如果好食嘅價錢再貴D都冇所謂，但係你收我呢個價錢比D咁嘅垃圾我食真係過唔去，我好少會去open rice 寫comment, 但係呢間真係唔建議所有人去🫡…查看更多

今日放假，又唔想喺屋企煮野食，所以落街買外賣。之前見到呢度開張都想試下，但一直都冇機會，咁岩經過門口，見到幾吸引，就買咗個外賣嚟試下。個餐都幾有趣！係一碗牛肉飯+碗烏冬+串燒同2粒章魚小丸子。都幾飽下！個牛肉飯好入味，上面D蔥係精髓！吉野家做唔到的！烏冬係彈牙嘅，同埋返到屋企都冇發漲，章魚小丸子仲係脆的。整體嚟講幾好食！搵日會去試下佢晚市，見到有燒物同埋沙律都好似好吸引！😋門面裝修好乾淨，同埋好日式，仲有最重要，香薰幾香，好似酒店味😂😂如果大家經過都可以去試下！幾抵食！…查看更多