piggyeaterhk的个人专页

呢間餐廳一睇Menu已經覺得好吸引！有齊雞煲 火鍋 海鮮 刺身 一次滿足四個願望😳🔸海鮮火鍋放題 $398/1位 (19:00-21:00入座）🐔麻辣雞煲🍲番茄湯底+麻辣湯底🐟超級海鮮盒先食雞煲 再上湯底打邊爐🍲雞煲惹味少骨 份量啱啱好🐔海鮮好新鮮！海鮮盒嘅龍蝦同蝦蟹都爆晒膏 好鮮甜😋任叫嘅海鮮款式都唔少 最鍾意蟶子皇😆不過要留意每次落單最多可以叫6款食物😗．🔸日本時令新鮮刺身拼盤 $388起餐廳係根據嗰日日本直送嘅海鮮嚟做拼盤 所以睇openrice都會見到大家食嘅未必一樣😳我食嗰日係真鯛、油甘魚同帶子🐟真鯛肉質鮮美有彈性 油甘魚富油香 帶子厚肉鮮甜😙…查看更多

呢間川菜館由啱啱開業無乜人嘅時候我就去食 覺得佢好食得嚟環境都算寬敞 食過唔少次🫣但最近一次去發現佢哋嘅管理出現問題 文末會講🥲🔸金湯酸菜魚 $188每次去必嗌！色香味俱全✨湯色金黃 夠酸夠辣 魚片嫩滑極少骨🐟配菜有菇菌、萵筍同薯粉 吸晒湯汁 好味🤤🔸招牌香鍋(5餸起) $26🥢花菜 $26🥢四季豆 $26🥢蓮藕 $28🥢豆皮 $28🥢墨魚餅 $36上檯熱辣辣 今次揀咗比較多素菜 但仍然惹味😋香料同調味調配得宜 唔會蓋過晒食材本身嘅味 👍🏻🔸片皮鴨(半隻) $168正常發揮 鴨肉無騷味 亦唔乾柴 未到驚艷但如果下次想食都會再叫👌🏻．食物一如既往好食👍🏻但管理上嘅問題都不容忽視😖．最近一次去嗰日係星期五晚 適逢正苦放寬晚市無耐 度度都爆滿 我哋提早喺openrice訂咗位 點知上到去都要等😰樓面遮遮語氣同態度都好好的 但表示訂咗位都要等 亦講唔到大概要等幾耐（心諗：咁我book嚟做咩❓）由於周圍都好多人 我哋都決定照等 結果一等就等咗1.5個鐘🤦🏻‍♀️明顯見到樓面人手唔夠 客量佢哋亦都handle唔到 其實full咗就唔應該再接booking😩呢個位真係需要大大嘅改善😖…查看更多

Bookmark咗好耐 呢日嚟到觀塘朝聖 試勻佢哋嘅signature dishes 擺盤同味道都果然好唔錯✨意粉偏粗身 掛滿用上生雞蛋同芝士調配嘅蛋汁 鹹香濃郁 又唔會腥😳煙燻豬肉粒脆脆哋 味道有啲似平時食嘅豬肉紙 取代咗平時卡邦尼嘅煙肉 加埋芝士脆片 創新得嚟味道和諧～豬鞍厚身有份量 顏色粉嫩 食落好juicy！加入咗咖啡香料嘅豬鞍唔會有明顯咖啡味 但軟化咗肉質 亦都減低油膩感👍🏻入口首先食到明顯蒜香 之後herbs嘅香味同鮮味慢慢出嚟🌿松葉蟹肉結實鮮甜 整體味道好有層次 好鍾意！重蛋香同牛油香 帶淡淡雲尼拿味 邊沿香脆 內裡口感輕柔軟嫩👍🏻焦糖香蕉同雲尼拿雪糕係主要嘅甜味來源 而士多啤梨係用糖水煮過嘅 果酸味變得柔和 同時提升咗果香🍓值得一試！…查看更多

主打健康同無味精嘅台式餐廳 價錢親民 環境乾淨寬敞 相信係觀塘返工嘅人嘅好選擇😙🔸蜜汁紫菜排骨飯 $60 🌟酥炸排骨做得好出色 炸得酥脆唔𠝹口 肉質軟腍 用匙羹都可以劃得開 同時保留到肉嘅質感👍🏻份量好多 又厚又大塊🥩加上蜜汁食落甜甜哋🥰配埋紫菜超餸飯 推薦！．🔸芒果滷肉飯 $58一直以嚟都對呢個飯深感好奇😂😂自己本身芒果同滷肉飯都鍾意食 見到個配搭覺得幾有新鮮感😙食落覺得唔突兀嘅 但未至於好驚喜🫣芒果好甜 滷肉調味都適中 不過偏肥少少🤏🏻覺得比起撈勻食 將芒果當配菜咁食反而更有解膩嘅效果😛．🔸辣椒大蔥牛肉飯 $55家常嘅味道🥰洋蔥同大蔥令成件事好香 鹹鹹辣辣好惹味 貪心地諗 如果牛肉嘅份量可以再多啲就更加好🤣．🔸台北夜市小食拼盤 $36有台灣腸、墨魚丸同鹹酥雞 鹹酥雞喺雞粒 有啲似雞米花🤔花枝丸好食！真係食到花枝粒粒🦑落咗椒鹽同糖蜜勁加分🤩．🔸雙檸冬瓜茶(大) $21 🌟味道清新 檸檬味重而不澀 清爽之選🧊．🔸黑糖鮮奶(中) $28就係黑糖珍珠鮮奶走珍珠版🤣．餐廳做緊優惠 外賣同下午茶有9折 飲品半價💰感覺到店鋪好用心出品同經營 值得支持💛💛…查看更多

想食好耐嘅米線 由佢未搬舖嗰陣已經bookmark咗😂到最近先去到食 食咗之後 反而係俾佢嘅小食驚艷到！朋友話佢係俾米線耽誤嘅炸物店🤣🔸自選配搭酸辣湯米線 $48 (另加配餸每款$7)第一樣要讚嘅係米線口感超好！Q彈有咬口 極欣賞👍🏻湯底就比較失色少少 整體味道偏甜 少酸 唔辣 (食開三小辣嘅朋友都話我個大辣唔辣😂) 酸菜都係偏甜😗但餸就好好味 蒜蜜豬扒同滷大腸都入味軟腍 雖然調味都係偏甜 但配上肉類反而好夾👍🏻．🔸招牌滷什匯撈米線 $58舖頭嘅滷味主打加入麥芽啤酒 帶淡淡香氣同甜味😙滷什匯包括滷鴨胸片、豬腸、雞腎、雞蛋 味道都好好 不過米線嘅撈汁都係滷水汁嚟 overall味道比較單一🤔但勝在配料嘅芫荽、炸蒜、炸豌豆豐富咗口感💁🏻‍♀️．🔸椒鹽燒賣 $16 🌟炸得香脆 有足夠魚味 粉感唔重 配上椒鹽好惹味👍🏻🔸脆炸一口小饅頭 $28 🌟金黃酥脆 配上煉奶 人間極品😛．🔸手切地瓜薯條 $38 🌟出色！超脆！食到尾凍晒都仲脆！唔油膩 無油溢味 已經好飽都食到停唔到口😋．overall食物質素唔錯嘅 去開附近會食 但未必會再突登搭車去🤔另外 員工嘅工作態度有待改善 我哋去嘅時候客人唔多 但佢哋掛住傾計 叫幾次先有反應 無嘅items亦都要催單先講😐呢方面如果可以做好啲感覺會好好多😢…查看更多

沙田區好出名嘅點心專門店 舖面細細但好旺場😆QR code落單 款式都幾多💁🏻‍♀️最近仲喺荃灣開咗分店～🔸晶瑩蝦餃皇 $32🔸蟹籽燒賣皇 $28🔸鮮蝦菜苗餃 $28🔸薑蔥牛柏葉 $32🔸秘醬蒸鳳爪 $24🔸鮑菇蟲草棉花雞 $28．點心味道唔錯 而且大大件 尤其燒賣好大粒🤩！不過調味偏鹹 特別係有醬汁嘅items 食完都頗口渴🫣同期望嘅有少少落差 不過都值得支持…查看更多

我同同伴都鍾意食佢嘅麻酸辣湯底 我叫大辣 佢叫最小辣 啲餸係share食的 下面就一齊講啦😆🔸麻酸辣米線 $37唔同一般米線舖嘅肉碎小窩湯底 麻辣川湯底嘅base係清雞湯 湯色清澈 味道清甜 就咁飲都唔會覺得heavy😚酸味突出 帶淡淡花椒味 辣度夠🌶️米線質感都好 挺身唔削 而且份量好多🤓．🔸自選風味美食 $6-$13🥢海帶絲 $6口感爽滑 味鮮 吸晒啲湯嘅味😙🥢甜酸菜 $6 酸酸甜甜 口感爽脆 好開胃～🥢滷雞腎片 $8 厚切有咬口 大大舊 應該係火雞腎🤔🥢竹笙 $8 口感脆嫩 好嗦湯 不過偏薄身🤨🥢鮮雞絲 $8 其實係滑雞柳😆啖啖肉👍🏻🥢麻椒牛腩 $14 炆得好入味 牛腩唔韌 甜甜辣辣好惹味😋🔸烤燒三拼 $63豬頸肉、雞翼同豬扒熱辣辣 烤得好香口🔥豬頸肉香嫩 油香滿溢🤤雞翼我哋揀咗蜜糖味 無得輸😆豬扒都軟腍入味 啱晒食肉獸😆．🔸腐乳時菜 $19當日嘅時菜係生菜 但我最鍾意嘅係蕃薯葉 不過唔係成日有🥹腐乳醬好濃郁 而且偏甜 我好鍾意！…查看更多

一向對果仁奶無特別好感嘅我 第一次飲NUTTEA嘅時候簡直覺得佢打開咗我通往果仁奶世界嘅大門😂好驚艷 全植物嘅味道同口感都可以咁rich🥹睇返資料 NUTTEA嘅堅果奶係經過冷壓研磨萃取嘅堅果漿 再加以乳化而成🤓奶蓋嘅質感好thick 入口好香nuts味得嚟又無一粒粒nuts嘅口感 好啱我口味！朱古力味都好出 嗒落覺得有少少似nutella 而且味道甜甜鹹鹹 完全唔輸平時飲開嘅芝士奶蓋🥰搭配清香嘅伯爵茶底 整體香氣同味道都好豐富！．甜度方面 因為奶蓋本身有甜味 個人覺得微糖少冰啱啱好🤓…查看更多

香港仔呢間日本餐廳真係大熱門嚟 lunch time門口一定排長龍😂佢嘅lunch set好抵食！去嘅當日係平日 無book位 等咗約莫20-30分鐘🥸主食方面 壽司有9款 Total 10件🍣分別有三文魚 油甘魚 吞拿魚 墨魚 帆立貝 玉子 拖羅蓉 海膽(當日轉咗做三文魚籽) 同埋青瓜玉子反卷🥢．全部刺身都好新鮮👍🏻特別係油甘魚肉質細嫩 油香馥郁🤤帆立貝厚肉鮮甜😙三文魚籽鹹香味鮮😆鰻魚柔軟鮮美 只有少量細骨🐟刺身係三文魚、油甘魚同帆立貝 厚切口感👍🏻👍🏻．兩個set都跟沙律、茶碗蒸同一碗烏冬 份量十足😳 日式沙律嘅柚子醋沙律汁好開胃🥗😆茶碗蒸夠熱 口感細緻滑嫩 裡面有香菇、雞肉、魚板 鮮香十足🧜🏻‍♀️烏冬係鰹魚清湯稻庭烏冬 配料有海帶 魚板 蔥花同天婦羅碎 味道正常💁🏻‍♀️成個set份量好大 我係食唔晒的😂呢個價錢嚟講真係好抵食🤓…查看更多

同朋友行行吓街唔知點解突然好想食生煎包 又咁啱喺附近 就走咗嚟呢間米芝蓮良心小店朝聖😆見到資料話包點係每日新鮮製作嘅💁🏻‍♀️🔸生煎包 $10/3個去到嗰陣啱啱賣清一盤 等咗15分鐘左右 煎起一盤新嘅😆外型的的骰骰 兩啖左右一個 底部煎得焦香脆口 咬開真係會爆汁💦皮嘅厚度係我鍾意嘅 食到包嘅口感同麵粉香之餘唔會太厚 同肉餡嘅比例平衡👍🏻overall係好食嘅 但未去到驚艷 滿足到口癮😆加上呢個價錢真係無嘢好挑剔🤓…查看更多

初初對呢間米線有印象係因為佢個名實在太特別😂讀出嚟都有啲羞恥🤣後來睇佢哋ig知道佢哋嘅logo同menu都係同🐱有關😆💕湯底入口清甜 米線軟滑彈牙👍🏻不過酸味唔明顯(小插曲：本身請咗店員俾少少醋我 點知店員入完廚房之後問我係唔係覺得唔夠酸 廚房再攞咗一大碗酸菜湯俾我🥺💕加咗酸菜湯落去之後就完全係我鍾意嘅酸辣味了！)辣度方面叫咗大辣 可以再辣啲🤔但欣賞呢個湯底面頭無油 食落亦都相對清爽～．米線足料大碗 上檯嘅時候成座山咁😂(利申：有排過啲餸先影相) 餸叫咗滑雞柳、竹笙、豬腩片💁🏻‍♀️滑雞柳名副其實夠滑嫩😙竹笙大大條 吸晒啲湯 推薦！😆豬腩片係白肉 勁厚🤣不過略嫌肥咗啲 同埋我個人比較喜歡出面滷過嗰種薄腩片🤭．另外要大力讚下配料入面嘅酸菜好好食！！！口感爽脆 酸味自然有層次👍🏻👍🏻係食過咁多間米線裏面數一數二好食嘅🤩呢碗係固定配餸 分別係腩肉、大腸同豬肚🐷大腸同豬肚都清得好乾淨 無唔好嘅味道👍🏻湯底方面 麻辣湯底比起酸辣湯底多一層油 朋友叫咗中辣但仲辣過我個大辣😂😂如果辣度方面再穩定啲就好了～一份有6粒 少少貴但好好食！外表酥脆 蝦膠鮮甜🦐👍🏻．．．唔知係唔係因為開業唔係太耐 調味都仲未係好穩定 有改善嘅空間🤏🏻但做得好嘅地方都好多 出品好有誠意 係好食嘅米線嚟👍🏻一定會再去食！環境方面 舖面唔算大 但感覺乾淨舒適 牆身嘅壁畫仲好靚✨員工嘅態度都好好👍🏻晚市仲有魚鍋啊🐟…查看更多

呢間cafe以簡約白色設計為主 配合木系傢俬 行入去就feel到種溫馨👼🏻週末嘅中午啱啱開門就去到 唔使等位😆 呢個漢堡好有驚喜！包體烘過 鬆軟帶牛油香👍🏻原隻軟殼蟹炸得極酥脆🦀️裹住薄薄嘅麵糊 帶椒鹽嘅鹹香同微辣 十分惹味😋他他醬嘅調味亦都好好 比起平時食到嘅更加香 酸度亦剛好 同軟殼蟹好match💕當日餐湯係粟米湯 味道係濃郁🌽但個texture唔係平時飲開嘅順滑/帶原粒粟米 而係整碗都充斥住搗碎嘅粟米渣 賣相同口感都唔討好😣．餐飲叫咗matcha latte🍵鍾意佢唔過甜 茶味甘香 不過略嫌奶味較淡 整體如果可以再濃啲就好了😗呢度嘅ADB比起平時食嘅嘅有啲唔同 特別在有玉子燒同雞骨腸😆第一次食雞骨腸 肉感比一般嘅香腸強 亦好juicy💦甜甜嘅玉子燒味道討好 配上明太子沙律醬令味道更加豐腴😚整體上 濃味同清淡嘅食材分配得宜 balance得好好👍🏻惟美中不足嘅係牛角包燶咗少少🥐🤏🏻…查看更多

比利時菜餐廳🇧🇪雖然唔係好分到同平時食開嘅西餐有咩分別🤣但感覺都係非常好 餐廳好闊落 坐得好舒服 食物好食得嚟又唔算貴👍🏻🔸 Classic Steak Frites 經典牛扒薯條 $295牛味濃 富油脂香 肉質適中🥩不過薯條就比較失望 一嚟係我唔鍾意嘅幼薯條 二嚟比較乾硬🥲🔸 Spaghetti Aglio & Olio香蒜橄欖油意大利麵 $145一款經典又有代表性嘅意粉！材料只有橄欖油、蒜蓉、辣椒碎同意大利香草 蒜香濃郁 意粉嘅口感亦都係啱啱好Al dente 非常好食👍🏻．🔸 Fish Fingers 魚手指配他他醬 $95本身好鍾意食fish fingers 幾乎每次去西餐廳都會叫😙呢間餐廳嘅都做得好好食 上檯熱辣辣 炸粉厚度適中 肉質嫩滑 有魚鮮味 配埋酸maymay嘅他他醬 諗起都想再食🤤…查看更多

Bookmark咗呢間名物超級耐！終於預啱時間去長洲 一落船就即刻去食😂作為肥牛派嘅我 一見到有得揀沙嗲肥牛就毫不猶豫落單😎另外加錢雙拼揀咗雞翼😆成件事係好啱我口味 沙嗲味濃 但又未至於成個湯杰撻撻 香濃而不膩👍🏻米通嘅口感極好 比起喺出面食到嘅厚身少少 軟滑彈牙 好鍾意！雞翼都醃得好入味 炸得啱啱好 漲卜卜🥰個份量比我想像中多好多 食到勁飽 完全無肚再食其他嘢😂建議兩個人share一碗～烘得香脆唔乾硬 煉奶俾得好多 一路食一路流出嚟🤤好滿足！．*粉麵無跟餐 飲品散叫 凍飲正價$18-21不等～…查看更多

想甜嚐甜係一間我好鍾意食嘅甜品 第一次食嘅時候仲讀緊大學 嗰陣喺黃大仙開業無耐 一試愛上♥️眨下眼就咁多年 黃大仙店喺舊年結業了😢窩夫一如既往出色🥰🥰外脆內軟 富蛋香味🧇材料配搭得宜 焦糖香得嚟唔會過甜 乳酪雪糕亦令成件事清爽不少😋極流心 一切開個漿直頭係湧出嚟😹熱辣辣 開心果味超濃 鍾意食nuts嘅朋友超鍾意！不過覺得件事配乳酪雪糕有啲違和 感覺襯牛奶雪糕比較適合🧐呢個就有少少失望了🙍🏻‍♀️不過不失 陣味係ok嘅 配料都好食 不過唔夠凍 大概係室溫 芒果味亦都可以再香濃啲🥭…查看更多