msfrog的个人专页

今日一大班女人gathering 其中一個女人話去呢間個名好應景嘅餐廳！首先個地點好易去錯隔離大廈 見當日好多人都去問大廈管理員同一個問題。入到嚟餐廳個門口好70年代去飲嗰d酒樓嘅感覺，喺門口瘋狂自拍😂😂蛙多士好脆 厚薄適中 好好食蠔餅粉太厚 一般般臭豆腐無想像中咁好食 味道唔夠個醬怪怪地……查看更多

呢間餐廳侍應阿姐 態度認真不敢恭維， 講嘢快有鄉音不是一個問題， 再問多一句即刻俾佢勁晦氣同吱吱聲嘅態度嚇親， 我哋叫涼拌青瓜 佢問我哋要乜嘢汁 我哋話涼拌青瓜都有汁揀㗎咩 呀姐話你地睇唔睇到架 呢度咪有寫囉！ 唔好以為人多佢先炆， 我哋當晚大概八點鐘入座 全間店舖加埋唔夠8個人。蒜泥白肉， 個汁味道唔錯， 肉質鞋咗少少。酸辣米線嚟講湯底唔太油 如果酸辣味再加重少少會更好， 炸醬個味都ok, 只係肉質太鞋 似煲湯肉嘅質地。酸辣豬扒飯無酸辣味， 不過肉質幾鬆軟， 個飯仲好大碗，只售$44， 好抵食。青瓜切到一忽忽… 味道一般般啦…查看更多

今日大概2點左右 經過銅鑼灣總統戲院 見到對面有間冰室門口擺咗好多花牌， 見裝修得光光鮮鮮， 於是決定試下， 見到入面全店滿座， 大概等咗十分鐘左右就有搭枱位。上菜嗰陣 阿姐話厚多士要快食，多士無乜特別 如果個皮再脆d會好食d, 而炒蛋就非常香滑 夠juice豬潤麵湯底好濃好夠味 薑味配合得恰到好處， 豬潤麵入面牛肉好林唔韌，主角豬潤略嫌唔夠厚身同有出血水。香煎芙蓉蛋飯好大碟 醫肚之選！蛋煎得好香！…查看更多

每次好肚餓想食好多但又唔想食咁肥都會諗起：翠華秋葵炒蛋飯！秋葵本身含植物蛋白質非當豐富加上有雞蛋同黑松露，可謂一個非常養生嘅飯！食完第二日便便非常暢通～另外一提每次嚟嘅份量都有參差，時多時小。…查看更多

初五同一班親朋好友食新年飯， 大家都唔想食酒樓， 所以決定食上次質素不錯的上海嘢， 今次嚟到全店滿座， 要讚一讚仕應姐姐們 笑容可掬 態度親切。 今次係叫咗 新年套餐：兩款燉湯， 清甜入味。招牌生煎包， 今次食比上次好食 感覺個皮係薄咗， 底部金黃香脆 咬落去滿口熱辣辣嘅湯汁。套餐入面有北菇時蔬， 由於無菇， 所以多咗好多菜。即炸銀絲卷好食過炸饅頭！青瓜過酸 唔夠入味。京蔥牛肉好軟身 好食！如果呢個炒飯再重d鹹蛋味, 就更加好食松子黃花魚唔腥， 個汁撈飯一流， 係細條咗d金沙炒海蝦， 好重鹹蛋味 炸得香脆可口鹽焗雞唔肥膩，好入味，略嫌某d部位仍有血…查看更多

每逢同大食怪朋友食飯， 放題係不二之選！ 食過咁多間房 都係極尚大喜屋性價比最高！ 由於book唔到位 今晚試一試碰運氣 大概九點左右試下walk in，一嚟到見到門口條隊唔算太長 ， 就同仕應講咗我哋可以等位， 等咗大概9個字，好幸運地有位坐， 不過要十點半左右last order, 一坐低就瘋狂嗌嘢食，要快叫快食。 簡單單嘅裝修入面 坐滿咗食客， 刺身熟食種類多， 放題嚟講質素唔錯。…查看更多

同姊妹們行葵涌廣場買平嘢，行到咁上下要坐下嘢回一回氣。街坊小店醫醫肚 唔可以抱咁大期望。小鍋米線酸菜夠多！魚幾大舊 質地咬落去唔鬆散，只是食出還有魚腥味。餸同菜飯都好大碟，蝦雪藏味係有嘅。…查看更多

成日經過呢間牛腩麵， 今日晚餐諗住食少少嘢， 就入嚟坐低咗， 首先要講嘅係間舖唔滿坐，佢哋上菜時間實在太慢， 我哋足足等咗差唔多半個鐘先食到。牛脷又多又大塊 呢個份量老闆一d都唔姑寒 抵讚！ 湯底唔淡唔咸 喜歡濃味的朋友可能唔夠味。牛腩肥厚適中， 可惜同個湯底一樣唔太夠味。呢個魚皮反而有驚喜， 炸得香脆入味。…查看更多

灣仔區的拉麵選擇不算多，大門拉麵地點開揚，搭巴士時經常會見到，今日决定試試。今日午飯時段入座 眼見男客人比較多，哈 可能係因爲拉麵太飽肚 唔多女士會揀做午餐吧。呢個拉麵湯底唔多濃味同惹味 肉太鞋似煲湯肉， 普普通通咁啦。…查看更多

新開張咗一段時間 今日嚟左試，一間細細地嘅舖仔 環境都算乾淨 老闆娘斯文有禮貌 個滑蛋又濃又多汁撈飯一流， 炸豬扒個皮一d都唔厚唔肥 好香脆！自家製suki鍋湯底 其實就係日本甜豉油湯底， 上枱嗰陣好有吉野家feel 不過呢個湯底絕對好食過 吉野家嘅甜豉油湯底，因為更加濃！ 入面嘅配料都幾新鮮， 雞肉好滑。薯絲好可口 香脆，略嫌無乜蝦味。好味嘅 食兩隻會覺得漏左少少後加咗火鍋料 肥牛($18)同帆立貝($20)咁嘅價錢冇乜要求…查看更多

嚟土瓜灣就會食到中國各個省份嘅菜式， 今日就食下呢間啦。老闆娘見我地傾緊食蝦味生煎包定係招牌生煎包， 佢建議我哋可以雙併， 兩種生煎包入面熱辣辣湯汁好多。 蝦味生煎包入面唔太食到蝦味， 比較喜歡食招牌生煎包 裏面豬肉餡好濃味。 如果生煎包個皮再薄d 會加分。店員推介呢個抄手，皮薄而滑 裏面豬肉一d都唔鞋口。呢個水煮魚上枱嗰陣，係有驚喜 佢個名寫住水煮魚片 原本係諗住成盤辣椒紅油 煮魚片， 點知係成條魚切片，瞬間覺得好有誠意！ 水煮魚唔會太辣 唔會辣味冚過鮮味， 如果唔喜歡太辣嘅朋友 可以試下牛肉好嫩好好食 蔥就老左d會痴牙太油…可以甜少少…查看更多

我朋友十分喜歡食呢個老鴨湯， 今次同佢嚟試下 睇下有幾好食。 朋友之前book咗枱， 我哋嚟到八點左右， 都仍然要坐喺外面等， 入面張張枱都爆滿。 個煲滾起之後 店員 叫我哋飲咗湯先 鴨肉可又點特製嘅醬 個湯一啖飲落去飲到好咸嘅味道 可能我唔識欣賞老鴨 我覺得只有鹹味冇其他鮮味，我朋友就食得津津有味。只可以講口味嘅嘢真係好個人， 個老鴨湯底我唔太識欣賞。…查看更多

一向喜歡食蝦，見到有關蝦嘅嘢都會試下我朋友食喇沙湯底 佢話好濃好好食 仲嫌唔夠辣 額外加咗兩羹辣椒醬。 我食蝦湯底 見到個湯底顏色十分鮮豔賣相幾好， 即時食慾大增， 食落個湯底又唔覺好濃嘅蝦味 d肉鞋左小小，普普通通啦。…查看更多

今日天氣陰陰涷 食碗蛇羹補下身就最啱！老店留下街舖座位不多 老闆叫我哋上對面大廈樓上坐， 係一個住宅嘅大露台 入面有幾張大枱 坐滿大大小小嘅客人， 有講國語有講英文 。招牌蛇羹料很足配上蛋散 食唔停口， 之後飲過蛇湯 第一啖飲落去好有紅棗嘅味道， 再飲落去味道好清甜， 食完蛇羹同蛇湯 已經飽咗一半。聽聞煲仔飯嘅咪係用咗泰國米 預先淋上豉油 打開蓋的一瞬間 香氣撲鼻， 臘肉有點靭 食完黐牙 臘腸接近全瘦， 如果有少少肥會更好食。煲仔飯煲得好靚 食到飯蕉完全冇黐底。雞件十分肥美 好夠味…查看更多

今日心情麻麻 我Honey話帶我去食我最愛嘅日本嘢 等我開心下，無睇過個menu佢幫我點左我平時最鐘意食嘅嘢！哈～ 一見到上完菜嗰排面 不用解釋吧！斧飯必食 ，海膽配上生蠔鮮甜肥美 ，串燒都好食 略嫌牛肉肥膏多左小小。 食完心情即刻舒服曬 捧住個肚回家去～…查看更多