nicocooo的个人专页

喺中環平日last minute book lunch真係唔容易😂喺OpenRice 見到依間「人氣cafe」仲有位就一於試吓啦。去到坐低嗰吓已經覺得有啲唔自在，因為真係好逼！好明顯佢哋為咗做多啲生意就隔硬將啲枱擺到密密麻麻，而且因為防疫關係枱同枱之間要擺隔板，本身張枱已經細，擺完隔板都無咩位剩，同隔離啲人又坐得好近，成個感覺好狹窄好唔舒服，直程有啲似坐喺自修室一格格位嗰啲feel😩嗌咗個pasta, 雖然出得有啲慢但味道好彩都ok, 只係服務認真一般，明明樓面都唔少人，但有一兩個waitress 好似好忙咁行嚟行去但又唔係做到嘢咁👋🏼 整體用餐感覺唔太好，唔會再去。…查看更多

個半月前搭車經過crowne plaza見到有新餐廳招牌，上OpenRice 一search，見係新開無耐嘅鮨店，日本師傅主理。身為鍾意食壽司嘅港女，我即刻心心眼去book枱，當時weekend omakase lunch 要等到一個月後先有位，仲要advance payment。我揀咗Sakura omakase set，$880一位。銅鑼灣嚟講定價算係頗高。環境餐廳環境舒適寧靜，位子唔多但有空間感，吧枱坐到8個，後面有一個卡位同埋private room。中午時份光線透過竹簾輕輕咁篩入嚟餐廳，慢慢地飲吓茶，成個人放鬆哂，心情非常愉悅。服務當日兩位侍應非常有禮同attentive。由於師傅不諳中文，所以交流有限，有關食物嘅介紹變咗主要由侍應負責，佢哋嘅介紹亦清晰詳盡。另外，中途其中一對客人不斷有啲問題問師傅，令我哋依pair上菜突然停咗一陣，男侍應見狀就主動行埋嚟向我哋介紹下一道菜，等我哋唔會覺得太被冷落👍🏼👍🏼食物壽司有被師傅細心處理過，但有記憶點嘅得一兩道，亦估唔到佢會用鰻魚作結尾(不是compliment)，另外舍利比想像中甜，唔係太啱我口味。提示：胃口大嘅朋友記得要求個舍利加大少少，如果唔係會唔飽…查看更多

第二次到訪「瀧」。第一次嚟食佢啲嘅tempura omakase lunch。今次再嚟就嗌咗「午市特選二重奏」$198 我揀咗碎吞拿魚腩飯同埋慢煮和牛溫泉蛋飯。To be fair 前菜同牛肉飯係幾好味嘅，個溫泉蛋督落去望住啲橙黃色嘅蛋黃慢慢流出嚟真係好治療☺️牛肉飯加溫泉蛋依個combo真係無得輸！但係個碎吞拿魚腩飯就真係差啲😓一上嚟見到啲吞拿魚咁嘅色真係有啲失望，點解啲肉色咁白嘅？？食落去完全無魚油香，好平平無奇，好sad😅依間餐廳喺中環lunch time嚟講都算好易book，環境亦都幾舒服，但今次感覺服務一般般，原因係同行朋友用OpenRice 訂坐，但嚟到餐廳經理話無record。其實好小事，但個男經理好似要尋根究底咁搵出原因，然後頗大聲咁話我朋友應該無final confirm 到個booking🙄另外食到7788無耐一位女侍應就咋咋淋咁收走我哋個盤，其實我連湯都未飲完…..種種服務態度令我覺得幾掃興…查看更多

幾年前朋友帶我嚟食過之後我間唔中都會返嚟食lunch, 每次都係食佢哋嘅creamy pasta with salmon 。可惜自上一兩年開始，食完個pasta之後無耐就會肚屙，有諗過可能係自己食錯其他野，但琴日食咗一大半後嗰種熟悉嘅肚痛感又返返嚟，剩低嗰幾啖已經食唔到，快快趣就埋單返去公司屙返出嚟😭我本身係一個好鐘意食carbonara 嘅人，再漏啲再heavy嘅creamy pasta我都食過，身體都唔會有咩特別反應，唯獨係依間餐廳，我食嗰幾次都奶嘢，我認真覺得係啲三文魚可能壞壞哋😩其實係好味嘅🥲 但真係屙到有陰影喇。…查看更多

星期五last minute booking 好彩有位…坐枱但感覺同隔離位有啲逼🥲叫咗deluxe sushi set $480 10件壽司加卷物，包埋蒸蛋、湯同烏冬。啲食材都幾新鮮嘅，另外卷物意外地唔錯，我唔鐘意紫蘇葉但都覺得味道幾清新。嗰10件壽司就無咩特別，整體而言性價比認真唔算高，中環嚟講有更多好嘅選擇，不過朋友話如果坐到吧枱嘅話師傅會逐件上，感覺會gur啲😂Btw經理服務態度幾好👍🏼 如果下次再嚟我會試北海丼😛…查看更多

期待咗好耐嚟依度食飯因為佢哋實在太full喇book完都要等好幾個月！一入到餐廳第一印象就係抽氣比想像中好😂無油煙味，地方乾淨企理，坐得好舒服👍🏼師傅見我哋生面口就主動過嚟介紹menu, 好nice。我哋好快就決定到食咩：生蠔 - 可以再凍啲😂芥辣雞胸肉 - 幾惹味，雞肉好滑日本蠔煙肉串 - 好味！帶子三文魚籽 - 幾有趣嘅combo, 不過食得好狼狽😂炸蝦 - 好味👍🏼蝦頭正！鯡魚子昆布 - ok laMozzarella cheese - 芝士迷一定會鐘意。總括嚟講，好欣賞佢哋嘅炸皮，好輕盈好薄脆，下次有機會想夜晚嚟食，感覺氣氛會幾好…查看更多