yakoe的个人专页

叫咗兩個餐，外賣都幾快送到，20分鐘左右。可惜多少有啲錯漏。本身叫瑞士雞翼咖喱魚蛋墨魚丸「米粉」，但嚟咗「米線」睇返應該係餐廳有人接單後，人手會再寫一次單比廚房，個個步驟寫錯咗。味道都Ok，瑞士雞翼咖喱魚蛋都入味。湯底味道有啲特別，有啲似藥材味（？）少少清淡，唔肥膩。飲品叫咗凍美祿，夠凍。$40係中環黎講算好抵食。另外$12要多咗個雞翼，紙杯送上。另一個餐，路環香腐角蠔油冬菇咖喱豬皮蘿蔔「走豬皮」嚟到無走到豬皮，好彩咁啱有其他人啱食無浪費到食物。見個名「路環香腐角」好似幾特別叫嚟試吓。唔知係咪本身呢種食物就係咁嘅口感，覺得比較柴，以炸豆皮為主，中間無咩白色豆腐餡。冬菇&蘿蔔都入味，蘿蔔無特別甜。…查看更多

用外賣APP叫，半個鐘左右送到，都算Ok。食物仲係好熱雜菜絲炒河粉 $84份量好多，滿曬成個盒，要分開兩餐食先食得曬。河粉夠鑊氣，好食。我本身期望嘅雜菜係會多幾款唔同款式，但係得生菜同洋蔥，加啲蛋，少少失望。如果下次再叫呢個，我諗要叫埋其他餸，咪會好寡…查看更多

我同朋友都比較偏好食菜，所以揀咗個最平嘅$148午市90分鐘套餐，試盡佢嘅菜同小食計埋加一埋單$163一位！一黎到有位坐，午市無滿座。Scan QR code叫下小食先，部分小食要加錢，我地叫咗啲全部都唔洗額外加錢。全部小食5-10分鐘都送到。梅甘酥脆薯皮真係脆，亦熱。味道中規中矩，唔會太甜/鹼。鹽酥雞一樣係脆同熱，如果可以加辣粉就好啦糖醋甜不辣鬼馬老油條魚漿水餃牛大人最吸引人就係佢啲茶！有4款：桂花烏龍、白桃烏龍、洛神花茶、武夷大紅袍我最鍾意飲洛神花茶，少少酸酸地夠曬開胃。醬料區選擇唔少，亦都乾乾淨淨。值得一提係我地今次點咗麻辣湯底，湯底本身已經超級夠味！加少少蔥蒜都好足夠香！隔離有啲王子麵、新竹米粉、噹噹烏冬等比人揀。亦有白飯同肉燥提供。材料區有兩個呢張相咁大嘅材料區，另一邊係雜丸之類。長期都有人揀緊，所以影唔到相。有幾個鋏比人夾野，但覺得唔太夠，要排隊夾。食物算新鮮，整整齊齊，有keep住refill。我最推薦就係—寬粉！煙煙韌韌另外佢啲冬菇已經係半熟咗，唔洗由零開始烚，有排熟甜品區就係得咁多，5款選擇左右。最左邊全部都係雲呢拿味。總結，中規中矩。食物選擇感覺上比以前少咗，但食物質數都係Ok。以呢個價錢黎講，性價比一般。間唔中食下都Ok。…查看更多

見Ikea做promotion，$3一支雪糕，緊係唔好走寶！特濃朱古力新地筒 $3去到見到差唔多人人手上一支雪糕。呢張相係買完即影，如圖所見已經熔熔地。雪糕明顯唔夠凍。味道方面，真係好濃厚嘅朱古力味個雪糕筒夠脆。Overall，我都覺得係抵食可以Encore。素菜熱狗餐（連汽水） $15呢個餐唔係次次黎到都有，所以見到即刻點咗。雖然係素食，但味道唔算淡。條腸口感唔似真肉/素肉，係豆撈埋菜類。啲脆脆&紫椰菜增加咗咬口不過建議加啲醬食，就咁食都幾乾下。…查看更多

下午4點幾，見難得唔洗點等位就入咗去食。白鳥貝壽司 $12新鮮，中規中矩。雙色三文魚花盛生三文魚炙燒三文魚腩 $27中間有舊飯，魚無腥味，正壽司郎叻沙拌麵 $32好惹味，辣辣地，仲有兩粒細蝦雲吞。但份量偏少，以呢個價錢黎講有啲貴。特盛沙律軍艦三貫（吞拿魚•粟米•蟹柳） $12賣相一般，味道中規中矩。茄子田樂味噲 $12茄子係暖嘅，味噲味唔算突出。但整體都算好食。腐皮壽司粟米沙律軍艦 $12味道正常，賣相一般。炙燒芝士玉子 $12芝士份量偏少，味道唔算香，有啲鹼鹼地嘅醬搭住食塊蛋咁。炸蘑菇海苔包配芝士醬 $12呢個有驚喜！炸得好脆，一咬開啲汁即刻滴出黎，好Juicy想Encore！千層蛋糕 $22睇落比出面蛋糕店賣個啲細少少，但同時佢都平啲，性價比Ok。夠凍唔會太軟身朱古力香莓芭菲 $27食完正餐食呢個，份量岩岩好夠過口癮。上層係雪糕，下層係粟米片。平衡得好好，唔會好heavy漆黑螢光魷魚軍艦 $12相片真係僅供參考😂口感滑潺潺，食完成排牙黑咗。味道正常，唔腥。…查看更多

今次見E字頭個APP有半價優惠同網上幾多好評就去試下。地點唔算好方便，銅鑼灣站要再行十分鐘左右先到。主食叫咗松露野菌意大利飯&照燒𩶘魚。半價後連加一每位$113食呢間餐廳其實都係貪佢個semi buffet，但真係唔太掂講咗主食先。松露野菌意大利飯份量正常，味道淡咗啲，亦都比較稀，但係夠熱嘅。照燒𩶘魚讚一下就係魚夠大塊，底下有啲薯蓉同兩粒番茄仔。但個照燒汁真係破壞曬啲食慾。甜甜地，味道奇奇怪怪，唔似平時嘅照燒汁，比較杰身。啲薯條有燈照住，暖暖地，但硬身。試咗牛奶粟米，幾Juicy，好食。青口中規中矩，凍咗少少。關東煮裡面有幾款唔同形狀嘅魚糕，但食落都係一樣口感&味道，無白蘿蔔&年糕食，凍咗少少。呢間餐廳唯一我encore咗兩次嘅野食—麵包。夠暖同軟熟。佢有提供獨立包裝嘅Anchor牛油。湯有中湯同西湯。中湯係紅蘿蔔粟米湯，無試。西湯係番茄湯。呢個番茄湯飲落係茄膏直接溝水咁，幾酸，夠熱。仲有啲冷盤小食，計埋沙律菜大概8款左右。我試咗少少，無特別好食。亦無芝士提供。飲品有咖啡、牛奶、熱茶、檸檬片、橙汁提供。咖啡牛奶正常，有部機保暖，所以都係熱嘅。橙汁唔係鮮橙汁，唔推薦。甜品方面，有生果盤、芝麻糊、四款西式甜點加朱古力噴泉。生果盤係西瓜蜜瓜撈埋罐頭生果，正常。芝麻糊係開粉嘅，亦都唔香。西式甜點死甜，唔好食。雪糕完完全全就係雀巢三色雪糕嘅味道。總結，我都好耐無食過一餐係咁劣食，大部分野食質素好差，得少部份擺得入口。雖然話半價每位$113，但真係去普通cafe正常食一餐仲好。要講佢好嘅地方就係啲職員服務幾好，態度有禮同helpful。…查看更多

一入去已經有位，唔洗等。始終係鬧市，環境相對地都比較嘈。到落單個陣，我地填咗張車仔麵紙，仲想另外叫啲野食。阿姐一野拎咗張紙就想走咗去😂無理我地仲要唔要其他野，要叫佢返返黎。見到另一個人（類似老闆娘）打單。整體服務個feel伏伏地，所以我地之後有即刻對單，真係落漏咗個野飲（本身用紙仔剔咗一個凍咖啡一個熱豆漿）。但算啦，都係一陣出去叫其他野飲算。蠔皇冬菇清甜蘿蔔咖哩汁河粉 $31食物黎到都中規中矩。河粉係我想食個種，又軟又薄。蘿蔔唔苦但亦唔甜，普通烚熟咗咁。冬菇幾有味，係由乾冬菇浸發出黎醃過。個咖哩汁都惹味，湯底溝稀咗就唔算好濃。無其他咩韭菜芽菜嘅配菜。總括黎講清清地。皇牌咖喱魚蛋6粒 $10 + 混醬腸粉8條 $32咖喱魚蛋確係好食，彈牙有咬口。重點個汁夠入味，少少辣但唔太食辣嘅人都覺得食得到。混醬腸粉啲醬非常足夠滑捋捋叫車仔麵可半價叫野飲 凍香濃咖啡 $9呢杯夠凍，但對我黎講太甜啦呢間野嘅賣點就係比較抵，地點算方便，朗豪坊後面過條馬路就係。…查看更多

上星期先食完又想再返兜今次叫咗啲無咁大路嘅野，試下餐廳係咪樣樣麵整得好食。咖喱汁滷水豆腐韭菜烏冬 $59份量依然十分大碗，熱辣辣！睇其他食評，見好似無嘜人叫烏冬。心思思諗佢會唔會係日本烏冬…結果諗多咗😂係類似噹噹烏冬十分local嘅麵。唔太掛湯，但勝在無分湯外賣都無吸曬啲湯底。韭菜亦非常多，平均咁每樣餸食下，最後麵都食咗大部分，韭菜依然有大一箸！唯一比較失望係啲滷水豆腐，豆腐唔太入味，而且比較硬身。牛筋十分爽口，所有內臟亦無騷味，腩汁醃到入曬味！一定唔少得嘅秘製潮州辣椒油。係唔使額外加錢，少少都好夠辣。…查看更多

天陰陰微微雨，唔想出門濕腳買餸煮飯。出街食多數選擇都多油多鹽，想食健康啲都有難度。見外賣APP呢間有折，就揀佢啦！之前食過佢嘅開心碗（Happy Bowl）幾好食，唔知點解今次無咗，就試下其他口味啦！綠色能量蔬菜汁夏威夷蓋飯 （Green  Power） $88裡面有牛油果、西蘭花、枝豆、青瓜、牛油果醬及芝麻夠曬綠同健康！仲有得加$15額外要多半個牛油果，我呢啲牛油果狂點會放過呢個機會個牛油果啱啱好，唔會過熟過生有得揀壽司醋飯/糙米/雜錦沙律/Mix，我揀咗壽司醋飯。份量十分足夠，比大家睇下幾咁深厚加$3要埋焙煎芝麻沙律汁，味道更加Rich！另外仲叫咗 The Duke $118 簡介寫有吞拿魚、三文魚、八爪魚、枝豆、青瓜、蛋絲、黑飛魚子、芥末豉油同芝麻十分豐富芥末豉油味唔係好出，可惜呢個飯無得加芝麻醬，略略乾咗少少。但魚生都係新鮮，無雪藏味腥味黑飛魚子好似比較少見，味道正常。…查看更多

Soymart間中就會推出下新menu。見佢最近又推出咗個芋薯系列，忍唔住又想試試下午2點左右去到，已經無曬火炙焦糖麻薯紅薯要買趁早。最後叫咗一個 煙韌之選 $45同埋一個新出嘅 芋薯之選 $58呢個時間唔多人，好快就有。講咗煙韌之選先。呢個係我每次都會叫。裡面有三色芋圓、珍珠、豆腐花。如果大家唔係即刻食，放咗係雪櫃先。我建議大家拎出黎時，放返半個鐘左右室溫，無咁凍先食。雪耐咗啲芋圓同珍珠會硬咗唔太好食。即食當然係最好味同煙韌！份量絕無偷工減料，好多粒芋圓同珍珠Staff裝到滿一滿。最抵讚係佢個膠盒，擰開個蓋之後仲有一層膠蓋封住液體，無咁易倒瀉我自己會留返呢啲膠盒重用，帶啲湯返工都方便。因為太滿，鍾意每樣餡料平均食嘅我撩得好小心先食到最底嘅豆腐花甜度正常，好rich嘅豆乳味，亦都好滑。一兜其實都好飽，想當飯後甜品食嘅人，正餐份量最好減半。之後就係登登登登 芋薯之選🍠Menu寫裡面有三色芋薯、拉絲鮮奶麻糬、三色芋圓、小丸子。打開後亦的確一個不少！超級滿！我係拎返屋企雪咗陣先拎出黎食。但啲麻糬依然咁軟淋！食真啲真係會食到奶味🍼最令我驚喜係啲三色芋薯，係用薑汁煮過！甜甜辣辣嘅薑汁味係我最愛😍好似食緊蕃薯糖水咁芋頭、黃蕃薯、紫蕃薯各有一大舊！食到底又有一堆麻糬。每樣料都好多，食得非常滿足…查看更多

呢間麥當勞位置幾方便，一出沙田圍站，上天橋沿住直行就到。裡面仲有洗手機同埋自助冷熱水機。叫咗一個開心樂園餐，麥芝蛋包&細薯條&熱朱古力&玩具 $28雖然坐得好近出餐區但都叫咗送餐服務試下好快就送咗上黎，Staff仲幾有禮貌！有親子會會員卡，但要買夠$30先用到。所以順便試埋新出嘅焙茶Oreo麥旋風$17.5。親子會真係好抵食！夠$30可以揀要細薯條、中汽水、熱朱古力任何一款。自從做咗親子會會員，食麥當勞嘅次數大增😂。最後我揀咗細薯條，一個人食有兩包細薯條咩都夠飽。個焙茶Oreo麥旋風雖然賣相差咗啲，但茶味都濃，感覺上無一般嘅麥旋風咁甜叫得開心樂園餐，梗係貪佢個玩具啦唔想要玩具仲可以換圖書，都幾有教育性。唔難砌，細細個攞返Office做擺設啱啱好。…查看更多

已經食過Dough bro好多次。無論邊間分店，做出黎嘅味道都如一，保持到個水準！今次叫外賣，由落單到送到黎半個鐘都唔洗。真係超級快有野食。我地叫咗都唔少野，三個pizza，三個冬甩，兩個飲品同埋一盒雞翼。呢個係我最推薦嘅pizza🍕羊奶芝士烤甜椒薄餅 $178表面嘅火箭菜好新鮮，亳無苦澀味。甜椒焗到好淋又juicy。Pizza裡面有隻醬，酸酸甜甜，好惹味！夠熱，送到黎仲可以拉絲！夏威夷薄餅 $158菠蘿食落似新鮮菠蘿👍🏻意大利辣肉腸薄餅 $148冬甩係呢間店嘅特色小食。 $98/三個有時唔食pizza，經過都會買個冬甩食下。我只會推薦肉桂糖面！！一打開個盒就散發住超香嘅玉桂味個人喜歡食吉士醬餡，佢嘅吉士係真材實料，唔係個種假吉士味。另外仲有好多味道揀，其中榛子可可醬都係經典口味，必叫。焦糖餅乾更加唔洗講，係近年甜品常見嘅人氣口味。冬甩大大個，個餡份量十分足，咬落去即時爆漿仲有 香脆雞翼10件 $98唔記得咗影相就開始咗食😂夠脆同惹味，但注意返係單骨雞翼！少少貴。…查看更多

係地鐵站行上去 行咗陣先搵到間coffee可能少少偏僻所以Lunch hour人流都唔算好多一去到即刻有位坐餐廳出面就係泊車位但唔嘈又無臭味幾方便有車人士餐廳內有廁所提供 加分👍🏻見到佢有情人節menu春日櫻花莓莓牛奶 $46 L size杯野飲幾啱打卡就叫咗🤣味道一般 似維他隻士多啤梨奶😅係賣相唔錯亦叫咗芒果菠蘿椰奶乳酪奶昔 $68少貴咗啲椰奶味幾出 我鍾意❤️正餐叫咗 麥片乳酪全日早餐 $138中規中矩份量夠飽最surprise嘅係佢個蜜糖真係有陣蜜糖香 唔係死甜我落曬全部蜜糖都無罪惡感🤣仲叫咗個 白汁煙三文魚飛魚籽蘆筍扁意粉 $88三文魚都幾多意粉裡面有幾塊熟嘅三文魚外面就一塊生嘅三文魚點綴最後叫咗 自家製士多啤梨窩夫配士多啤梨雪糕 $88記得早少少叫要15-20分鐘整窩夫係新鮮烘烤軟熟又暖暖地 兩個人食好夠飽味道正常 不過不失今餐因為提早book咗埋單有折每人都係$160左右食到咁多野都幾抵野飲外賣買一送一可惜我趕住返工唔夠時間下次再試！…查看更多

已經食過好幾次，每次湯底一樣咁濃郁。蘿蔔一樣煮到入曬味，大大舊，又甜又無個種蘿蔔嘅苦味，係必點架！之前食過河粉同油麵，今次試下米線，我自己鍾意食淋啲，可惜佢係偏硬。份量都好夠飽。豆腐串索曬湯汁，好推薦叫嚟試下。如果食得辣嘅，一定要試埋佢個個秘製辣椒油，落少少已經好夠辣。每碗都有唔少芫荽同埋蔥，唔食嘅人記得走咗佢。叫開佢外賣，最好要分湯。之前叫河粉同油麵唔分湯真係會索汁索到無曬湯汁咁濟。今次個米線無分湯麵還好。絕對會再食佢！…查看更多

一入到嚟間餐廳 出面街嘅嘈音就無曬 地方幾乾淨同靜Lunch hour客人唔算多，一嚟即刻有位坐Staff都即刻嚟serve我哋叫咗杯Mango lassi先味道ok 但唔太夠凍 3/5 $48叫咗個lunch set幾抵 $48 主食連餐湯好快就上咗餐湯 4/5之後等咗陣就上埋個主食 - 尼泊爾辣麵 4/5幾惹味有好多菜 份量正常Staff仲會主動問要咩辣度叫咗小辣但都係偏辣仲有Veggie momo 5/5！！ $78皮薄多餡 即叫即整雖然係veggie但唔淡味10舊兩個人share岩岩好記得一定要點個汁黎食！個汁微辣 停唔到口Veggie Thaali Set 3/5 $88相中兩條黃色嘅野一開頭以為係薯仔但原來係醃菜 中規中矩飯量頗多Staff話啲飯同湯（左邊個兜仔）唔夠可以再添佢仲教我當地人會加牛油係飯同湯度食佢拎左啲熱溶咗嘅液體牛油淋落去飯同湯都多咗陣牛油香不過要減肥/驚油得濟會痾嘅記就唔建議啦…查看更多