wHere.To.eAT的个人专页

Dinner，感覺好差。嗌咗炸雞髀冬陰功河粉，落完單轉頭已經有得食。筷子筒入面嘅木筷子係濕㗎，唔敢用，感覺用左會將d未乾既洗碗水滲入碗粉度，最後開咗對外賣筷子嚟用。個河粉淋到夾唔起，好似浸咗好耐咁。明明係嗌泰式凍奶茶，黎到變左室溫。個位好迫，無心機食，問店員拎外賣盒拎走隻雞髀，外賣盒要比$2 都ok, 點知佢拎咗個充滿油漬未乾有水點嘅外賣盒俾我，見到都唔開胃，同佢講very dirty佢先肯換個正常盒 。…查看更多

放假試d特別菜式，走左入一間埃及菜餐廳。點左Shawerma Lamb烤羊肉，賣相比想像中靚好多。拌碟既salad 好新鮮，至於主菜炸烤羊肉就完全係中東地中海既地區當地口味，好濃烈既香料，配埋佢個熱辣辣既飯食，岩岩好😋。…查看更多

勁chill既海邊餐廳 🍻呢間餐廳用既炸魚係用左本地新鮮魚，今次試左鱸魚同埋烤雞。本身唔係好識分魚既種類，但總之係好食啦🤣。烤雞好多地方都有，但呢度真特別出色，juicy得黎又入味，無品怪得係signature 啦。小食試左炸磨菇，好juicy 丫。甜品試左lemon poppy seed cake，講真，黎到見到佢外表係真係有d失望既，平平無奇既蛋糕樣。但一試就不得了，外脆內軟，個心仲要係暖，難以形容既滿足感。…查看更多

一個Sunday morning ，入左一間門面簡約既coffee shop. 簡簡單單既裝修，簡簡單單既menu，不平凡既coffee 同dessert。Order左flat white同earl grey cheese cake。有驚喜，唔知幾耐無飲過咁好飲既咖啡，咖啡竟然飲到fruity 既味道😍。Earl grey cheese cake, 小小流心，淡淡earl grey 配上淡淡cheese 味，恰到好處, 好滿足😇…查看更多

由老闆一個人一手包辦既小店，全店只賣三款唔同湯底既伊麵，配一碟燒牛肉，三張二人枱。非繁忙時間，排左一陣隊，每個客人入去，老闆都會講唔好意思要等咁耐。11月，試左期間限定既牛肋骨蕃茄濃湯，真係好好味，牛肉燒到好香，岩岩好，平時好小食伊麵，估唔到同蕃茄湯底咁夾。蕃茄湯底好鮮甜，成碗飲晒咁濟, 大滿足😍老闆話12月會出辣味湯底，一定要再去試下。走個陣，另一枱岩岩走既客人一路行，一路聽到佢地講 真係好好味丫。😌…查看更多