63lingu的个人专页

父親大人十分有興緻，提議去荃灣彩龍飲個荼。記得上一次去都係5年之前的事了。坐車坐到暈車浪終於去到。男友入到茶樓良久都未出返黎，一出黎，放低已洗的荼具就再入去。水仙﹕唔會澀，好香，好滑口。:)唔知道原因係唔係就係大家所講，用山水沖的茶呢?生菜﹕比正常酒樓分量多一倍。好爽。炸兩﹕腸粉皮好薄，油炸鬼冇油益味，正喔!牛肉腸﹕食完炸兩要牛肉腸，一樣好食!但略嫌莞茜太少喇…馬拉糕﹕比想像中甜，比想像中硬。燒賣﹕多蝦少肥肉，good!蝦餃﹕雖然成舊都係蝦，但皮好厚…排骨﹕好好味!油少不免都好多，呢度0既排骨瘦得黎又有少少筋連埋!正!鳳爪﹕太多油。雞紮﹕冇咩特別。豆腐花﹕好滑喔!本來想食盅飯，但男友次次入去都冇。佢話入面0既情況可以用「打仗」去形容。辛苦了!…查看更多

6點半左右去到，入面已經坐左3張枱。一入到店內，已經聞到陣陣的香料味道!枱上已放左一樽水，供客人自用，又幾方便~1. 白菜豬肉餃﹕如果期望餃子饀會多的人一定失望。皮都幾厚，而且自己覺得饀的份量唔係好夠。或者這就東北餃子的特色?2. 蒜蓉炒棠菜﹕偏油偏鹹。3. 口水雞﹕四川口水雞的辣是辣油和花椒八角的辣。是次口水雞都有花椒八角同蒜頭，但係就配以辣醬。好好味~ 好香，好辣，好麻!正!4. 麻婆豆腐:)﹕基本上，呢遁菜一上枱唔會覺得佢辣，因為只係打左個透明的茨，同伴碟的幾條乾辣椒。但聞一聞就知喇。用左大量花椒八角等香料煮成。又一好麻之菜色。爽喔~5. 擔擔麵﹕分量好大，用清湯上，再加點鹹的碎肉。相比下，好失望。其實一邊食一邊有人入，而且仲有唔少人外賣自取。我諗下次遲少少去食都要訂位lu~可能係家庭式作業的店子，廚房未必有足夠人手，令到上菜時間慢。如果好肚餓的客人入內進食可能會脾氣暴躁左(當晚已有一例)。但好味道的食物絕對值得等了又等，食完再食架!…查看更多

次次同友人用膳一定食日本菜，今次就搵左元氣一杯!居酒屋格局，坐得都幾舒服~但侍應未能操流利廣東話,亦不是日本人…點菜時有d慢…1.枝豆﹕正常枝豆。2.明太子玉子燒﹕明太子夠味，玉子冇任何味道。只可話呢個玉子做到好軟。下次唔會叫。3.煎餃子﹕皮太厚，肉冇味…4.泡菜豚肉鍋﹕冇特別。5.燒三文魚﹕呢個最好食!魚肉好~滑，有油香!!唔知係唔係因為叫左sake0既關係，埋單每人$320。以今餐0既食物質素，完全唔值。…查看更多

新世紀裝修，只要上錯電梯就要落返地面再搵過條電梯。兜左一陣,終於黎到。門口十分色彩繽紛，好sharp，好假。4個人各自叫自己的主菜。叫左南瓜蟹肉意大利粉。略嫌南瓜只有色但冇味。但整體ok架，有75分。試了一口他們的海鮮意大利飯。好腥…另叫左一碟焗田螺。牛油同薯蓉未溝好，以致薯蓉一d有味一d冇味。如果下次再食飯提議呢間，可免則免。…查看更多

由加連威路道那邊走入韓國街,便隨意跟好友走入去了,門口還站著2個韓國大叔!一入門就好大陣鐵板味煎餃子:(: 掙扎於湯餃與煎餃的同時，好友就選擇了煎餃。但黎到食落去似炸餃子多d。佢炸得個皮一定脆，入面佢將肉攪到一patpat，沒口感。過一陣碟餃都好快攤涼左，個皮就變唔脆唔軟，好un…鐵板牛仔骨﹕全晚最好食，牛仔骨的肉和筋黏住，很有肉感，而且有牛香。但都係最「漏」。辣豆腐湯+飯﹕有豆腐、少量芽菜、大量蔥，蝦2隻及蜆仔數隻、及只有少量辣油。冇咩特別。湯好鹹。海鮮刀切麵﹕湯非常非常鹹。麵似上海麵。海鮮都係蝦同埋蜆仔。埋單每人多謝$170。食物的味道不值這個價。應該唔會有下次了。…查看更多

夜晚只有10度!!!二話不說就去打邊爐!好耐冇食麻辣，daddy未到就叫了四川麻辣火鍋!香料非常多，一打開個煲蓋就聞到麻辣香了，再試味，正啊!超麻辣!!叫左:1. 牛肉粒: 冰鮮過頭，只食到少許牛香。2. 韮菜餃: 包薄，略嫌肉多過韮菜。但都好好食!3. 皇帝菜，西生菜: 喺雪櫃攞出黎，仲有啲冰喺面。4. 黃喉: 一個字，爽!5. 鮮腐竹:滾左加埋麻辣湯，正!埋單358，抵因為真係好正!…查看更多

好友未到，著我去the one搵位。路經見好耐冇食pasta就入去了。入到只有近門2人位，係矮嘅茶几枱同2張cubic凳。著店員如有window位可否方便安排一下就坐，店員一口答應，好野!好友又到了，我地等唔切tea time嘅tea set,叫左:1. cabonara: 極creamy,rich sauce! pasta嘅texture剛好，唔軟唔太硬。我地都係鍾意食白汁同意粉嘅，有讚冇彈喔!2. 菠菜汁雞肉長通粉: 呢個penne幾驚喜，因為menu上係寫in pesto嘅。汁係菠菜攪溶晒，再加上少少白汁，好正!雞肉好大塊，望上去好「鞋」，但係。。。原來好滑喔!一路食，一路有陽光透入，what an afternoon!…查看更多

是日冬至，同daddy同男友做冬。因為要喺花墟搵朋友，就喺呢條街覓食了。7點去，唔洗等，daddy泊車又方便!男友唔食得辣，先叫小辣半隻雞。味濃，切合小辣原則，就係一啲都唔辣 連男友都話唔辣雞肉都滑，夠味。後加:1. 皇帝菜，油麥菜:菜尚算新鮮，菜葉夠綠。2. 雞子: 份量多，但質素參差，一啲脹卜卜，一啲就收晒水:(3. 菜苗餃: 打邊爐一定要食餃!呢個自家菜苗餃，皮薄，但成隻餃係冇味。4. 本地肥牛: $68得5塊，十個唔抵，下次要牛粒好過!5. 烏冬: 叫係因為打邊爐都會叫烏冬，冇咩特別。上食物速度其慢，催樣上一樣。…查看更多

7點半去到唔洗等位，正啊! 但其實入座率都7、8成架!講一講餐館環境，2層高，枱與枱之間好鬆動，坐得好舒服:)2人叫左3樣食物1. 荔茸芋角 (點心) : 點心一早整好放喺門口點心架， 芋茸夠軟， 加埋入面嘅馬蹄，食落去唔會乾。如果可以熱食仲好!2. 薑蓉炒豆苗: 冇咩油，普普通通。3. 羅漢齋炒麵: 伴菜有冬菇、小粟米、生根、雲耳同豆腐。炸左嘅麵好脆，唔痴牙! 個汁濃味適中。唯獨冬菇冇味。不過都ok啊!要提一提佢個鐵觀音，有色，夠香，味道濃郁。1人6蚊茶介，有呢個質素嘅茶，抵左!…查看更多