aryan06的个人专页

見舖頭新開加上舖頭內都好多人，咁就去試下點知中伏，超難食鹵蛋係腥，鹵蛋都可以難食真係好厲害油潑面得辣味，仲話係招牌菜兒童餐好似醫院餐咁0 味道試過1次就算，冇下次免費都唔會再光顧…查看更多

係門口見到有兒童餐於是就帶埋仔仔入去試餐牌上有2款兒童餐1款係牛肉，另1款係炸雞但用手機點餐只係見到得1個位揀兒童餐而且可以揀牛肉/炸雞咁好自然以為就係分別2 款兒童餐個餐黎到發現唔係我地想叫個款於是搵侍應點知個侍應話1款係韓式兒童餐，1款係日式兒童餐，得韓式兒童餐先有得手機點餐，日式係冇，要搵人落單好彩最後嘈完一輪都有得換返但個點餐app真心難用，食物分類做得差好難先搵到想點既食物而且原來有d餐手機係點唔到侍應又唔講顧客實知啦兒童餐個主食超級味精食完要狂飲水呢間唔會有下次…查看更多

經過見到新開就試下一個套餐有主食+4 粒章魚小丸子+1杯飲品，都只係$51明太子飯好香，d蛋好滑章魚小丸子新鮮燒起唔會乾爭爭，亦都唔會太細粒凍檸茶有水準，似茶餐廳風味，唔似糖水飲料性價比高，抵食會再encore…查看更多

估唔到係疫情下，呢間餐廳都差不多full相信全部都係打卡為主係門口店員會先量體溫再入到去就會見到好夢幻既景四圍都好靚，色彩繽紛以得打卡為主，對食物自然冇期望同要求前菜叫左黑松露薯條黑松露太多，令人食到想嘔主食叫左黑松露意粉同豬鞍2樣都正正常常飲品叫左富士山，可以有得玩有得打卡但味道就似某快餐店雪糕因為今日以慶生為主，所以預早訂左pandora box個甜品幾特別，類似雪杷，感覺好fresh另外，餐廳仲會提供花環for生日影相總結：打卡確實1流，但價錢偏貴人均消費都要300-400唔好期望食物質素高只需要期望可以餵飽相機…查看更多

突然好想食韓式菜但附近都唔覺有竟然俾我搵到呢間外賣店本身諗住呢個價錢，份量應該會偏少但估唔到價錢抵之餘，份量係正常size味道方面都係抵讚，東京飯味道適中韓式拉麵加年糕就略嫌個麵偏硬同乾(不過以外賣黎講都正常，所以都可接受)建議加泡菜炒會更韓式同更配合年糕餐飲有冬瓜檸檬，唔似平時街度d糖水味都飲得出輕微既冬瓜味希望大家繼續支持呢d小店…查看更多

雖然受疫情影響，但都依然選擇外出食飯點知令人失望而回晚餐叫左紅燒牛肉麵，豬大腸拌麵，甜不辣，炸雞排飲品叫左黑糖珍珠奶茶同奶蓋芝士抹茶先講紅燒牛肉麵：麵條唔夠彈牙，牛肉麵偏淡牛肉冇牛肉味，完全唔知食緊咩豬大腸拌麵同樣味道偏淡，豬大腸太肥甜不辣個醬汁係全晚唯一可取地方，可惜裡面d餸好似未熟咁，仲食到d粉炸雞排還可以，唔會太油膩，肥瘦比例適中叫左香辣味，但唔知係唔係辣粉太貴，只係得幾點辣粉，完全食唔到香辣味到飲品方面啦黑糖珍珠奶茶算係比較正常而奶蓋芝士抹茶因為走左冰關係，所以味道剛好但如果有冰就一定會變得淡而無味另外一提，枱面會有一瓶辣菜的東西，但除左辣味完全食唔到其他味總結：餐廳叫得古早牛肉麵，但個牛肉麵係令人完全失望，就連其他食物都完全冇值得欣賞既地方因疫情關係，餐廳都唔算多人，但都竟然可以漏單，好彩我地自己發現得早，所以全晚簡直係失望失望再失望建議大家想食牛肉麵可去其他更好既選擇…查看更多

今朝同屋企人黎飲茶食到佢碟蘿蔔糕酸同部長投訴但佢抱住質問態度碟蘿蔔糕cheap到用火腿做材料已經不在話下好人好姐使乜屈佢一碟蘿蔔糕酸酸都唔係問題，最唔gur係個短曲髮女部長態度…查看更多

母親節前一日黎食就預左多人，所以都預早book位book左8點但點知到8點時都未入得最後要擾攘一輪先入到去我地5個大人加1 個bb佢竟然俾張4 人枱我地叫我地坐迫d我當然即刻嘈佢最後先俾張6人枱我地好啦，入正題以自助餐黎講，佢款式真係好少熱食大約有十令款當中有娃娃菜，薑醋蛋，炒粉面另外有天婦羅同壽司壽司方面就確實唔錯款式多而且味道仿真度高不過可能我地食第2 輪關係有d食物已經冇再refill總括所講：可能佢開業冇耐冇處理節日人流經驗所以安排坐位失當同十分混亂食物方面味道ok, 但款式較少一試無妨，但下次唔會再黎…查看更多

上網見到呢間下午茶做緊$68 放題就黎試下啦雖然今日係平日，但都差不多滿坐我地一坐底就叫左一系列既小食薯條味道偏淡，但勝在新鮮炸起春卷反而感覺凍冰冰，咬落去較硬蝦餅夠脆，但同上面d粉不太match一口西多同普通茶餐廳味道一樣串燒係所有小食裡最值得encore, 肉質唔會太硬，而且仲係熱辣辣為免太飽，我地只係專攻小食可能因為個放題係剛推出，感覺上比較混亂問d侍應1 代表1 客定1 件，各有不同說法，而每次黎既數目都係各有不同雖然係咁，但勝在全程冇漏單，但就等得比較耐所以最好一坐底就叫定所有食物，免得1 hr唔夠時間食可惜既係放題唔包甜品同飲品，有點美中不足…查看更多

平時普通一個lunch都要$40-50而家最平$69就可以有火鍋放題我地一行4人1:30 去到已經唔使等位可以直入我地叫左最普通既豚肉冇加大，一碟大約有8片，對女仔黎講都夠食出面既配菜方面有不同既丸同菜，另外仲有鰻魚飯對lunch 黎講種類都算多飲品方面除左有基本汽水外，仲有不同果汁如百香果茉莉茶/青提子汁/蘋果汁同橙汁甜品有大福，cheese cake同泡芙另外仲有軟雪糕不過得60 mins始終有d趕，因為你等火鍋湯底滾都要一定時間，所以進食一定要快，如果唔係就食唔切啦…查看更多

之前食過呢度有套餐，但今次去已經得散叫我地一行6 人，叫左6 個主食先講台式古早牛肉麵，湯底咸到不得了，最後要將麵撈起再沖水先食得落，但牛肉係ok既，夠冧同入味一人火鍋黎講份量算大份，味道不過不失麻辣麵可選清湯/小辣/中辣，適合不同口味既人，麻辣麵冇古早麵咁咸，味道剛好肉燥飯份量偏少，份量適合女性，對成年男人黎講完全唔夠飽，諗住另加白飯/淨面，但點知冇得加，實在太過唔為顧客著想最後同行男士要另外再叫一客肉燥飯先夠飽全晚最值得欣賞係小食，我地叫左炸花枝丸，味道適中，而且咬口剛好，另外仲有叫鹽酥雞，一份大約有10 件，都只係廿幾蚊，但味道同樣偏咸除此之外，各主食另加台式飲品都只係加$5-$10,飲品味道唔會好似街d糖水咁，係小食以外另一欣賞既地方…查看更多

上年我都有黎過呢間食dinner buffer但今日再黎食質素已經大不如前先講價錢，星期日晚$300 連加一，buffet黎講算係平，所以都唔預有太多野食但可惜既係事實不但冇quantity, 又冇quality冷盤有長腳蟹同基本魚生，長腳蟹都算鮮甜，魚生亦算肥美，但壽司得2-3 款，腐皮壽司出完第一輪已經冇曬另外，之前都仲有切牛排，而家連牛都冇埋燒味有叉燒，油雞，燒鵝等，但每次有新燒味拼盤出都要去搶，可想而知食物款式少得可憐，重點係d燒味有臭豬味，懷疑係來貨本身有問題諗住即煮意粉ok啦，點知又係淡而無味，失望熱食有5-6樣，蒸魚又係出完第一次就冇左，之後變左炸魚甜品都cheap左好多，連最基本既藍莓cheese cake同brownie都冇，變左係砵仔糕同瑪仔呢d甜品，豆腐花成桶爛曬都冇人refill諗住最cheap既水果有得refill? 錯啦！西瓜又係過左第一輪之後已經冇啦全晚聽得最多既就係d人問點解冇人refill食物雖然buffet可以由6:30食到9:30,但基本上過左7:30 d食物已經再冇refill今次係第一次食buffet但食唔飽地離開呢間餐廳我其實定期都會黎，但質素真係大不如前，佢位置已經偏遠，價錢亦比以往貴，如果佢而家連食物質素都做成咁，真係好難吸引到人去食呢次亦都會係我最後一次黎，下次都係發掘另一間更好既buffet…查看更多

呢間美孚小店只有5-6 張枱裝修一般，而且平日都要限時1 hr 交枱，所以都冇乜expectation叫左個龍蝦汁大蝦扁意大利粉，配甘筍湯甘筍湯味道香濃，而且夠大碗，如果可以配埋包就加分扁意大利粉夠份量，有香濃既龍蝦汁味，而且有3 隻大蝦係面$148 都算值回票價…查看更多

同fd 一行4 人黎呢間聚會總共叫左1個前菜加3 份主食前菜係蜜糖芥末雞翼，蜜糖芥末味唔多覺有，但炸的火候適中主菜方面有芝士黑松露野菌意大利飯，平時d意大利飯得一，兩啖就食曬但呢度可以分到4份，每人都有3-4啖，而且價錢都只係$98,幾抵食，不過芝士味同黑松露味就唔太出另外仲有叫左藍青口意粉，青口有d腥，整體味道普通最失望係黑毛豬排，份量少，而且有「火農」味，可能係燒得太耐，配菜薯蓉仲好食過主菜btw, 每份主菜加$38 就有湯，包同飲品，價錢都合理雖然訂位時話張限時1.5 hrs, 但最後都冇趕我地走，可不防一試…查看更多

今晚同屋企一行5人黎試下去到雖然差不多9點，但依然仲要等位可能侍應知我地等得耐。所以都主動幫我地落左單先，免得入座後又要再等我地總共叫左6樣食物豬頸肉味道唔錯，唔會太肥太厚菠蘿炒飯味道一般，不太出色串燒必定要試，有齊豬，牛，雞加埋沙嗲醬味道一流，不過牛肉就偏硬泰式炒粉係全晚最好食既一碟，有香濃既甜酸味至於炒菜都ok最失望既係青咖喱，d汁稀到好似水咁d雞要差不多反轉煲底先揾到幾件而三色冰味道ok, 不過個杯又細又窄同價錢唔成正比最後埋單每人$120價錢唔算貴，不過試一次就夠同樣價錢會有其他更好選擇…查看更多