Kathy2060的个人专页

作為肉桂卷愛好者，點可以唔黎朝下聖前排做緊優惠，咖啡有買一送一優惠，食肉桂卷點可以唔配上一杯熱騰騰既咖啡🥰我地order左一個大size 既經典原味，個size 有成隻手掌咁大，新鮮焗製既肉桂卷每層都有滿滿既肉桂粉，散發陣陣香氣，面頭淋上忌廉芝士糖霜，香軟濕潤，超好味🥰店員仲幫我地剪開分成4份，方便share ，非常貼心。…查看更多

好味指數：⭐️⭐️⭐️⭐️星期六係荃灣睇完牙，就黎荃灣香車街熟食中心既老闆娘雲南米線食午餐。成個熟食中心唯一一間要排隊既食肆太誇張啦～我地兩個人都等左差不多45分鐘，好彩入面係有冷氣既。係排隊既時候已經拎定張order 紙揀野食，湯底有清湯/酸辣湯/蒙古湯等等，我地就試下蒙古湯，好似好特別咁仲有得揀辣既程度，我地揀左bb辣，45包一款餸，每加一款加$10。我地叫左招牌酥炸雞球、野菌腐皮卷同反斗蝦膠豆卜。呢炸物果然名不虛傳，即炸脆卜卜，個雞球算滑，腐皮卷就有啲油。 至於我地揀既蒙古湯拉麵，個湯底有濃厚既孜然味，又有少少麻香，真係一試難忘，碗麵仲有好多肉碎、酸菜、芽菜，超大碗😋…查看更多

星期日係深水埗間間出名既餐廳都要排隊，咁岩經過小泰豆唔駛等位，就試下啦。我地兩個人叫左4款小食，有啲主食會有埋飲品跟餐，每款小食都大約$40幾蚊至70幾蚊，算係平價餐廳。泰式炸蝦餅拼春卷- 熱辣辣剛炸起，非常脆口👍🏻香辣肉碎生菜包-我地叫左少辣，啲肉碎炒得好香，唔會太肥，生菜感覺都洗得乾淨😂泰式炒通菜-朋友話最中意呢個炒菜，很有鍋氣，啲菜新鮮唔會太老串燒可選雞牛豬，3串/6串，很多時其他店要order半打或一打，呢度可以order3串，岩晒我地人少少又可以樣樣試下。串燒肉質唔會燒得過鞋，個人比較喜歡雞肉，很滑，配上串燒醬👍🏻👍🏻啲小食很有水準，價錢都算平，性價比很高，兩個人食超飽，完全無失望，下次會再食！…查看更多

去唔到旅行食肉骨茶，唯有嚟呢度食止下癮先啦。星期六夜晚唔駛點等就有位。呢個晚市套餐好抵食，平時散叫一個主菜都差唔多價錢。試下佢個招牌海南雞飯先，油飯暖暖地，唔會太乾，連唔太食飯既我都食左大半碗。啲雞既份量都好多，不過啲肉唔夠滑，三款醬汁無咩特別，仲有一碗冬瓜湯，清熱☺️加左$16 一個白胡椒肉骨茶。我個人喜歡無藥材味既肉骨茶，呢個肉骨茶就勁有新加坡風味，好重胡椒味，勁辣勁爽😍湯飲落去又唔會太油膩，仲有大大條肉骨，啲原粒蒜頭煲到林晒勁香好入味👍🏻（推薦！）朋友叫左小食，柚子沙律🥗 勁大份😂😂酸酸辣辣既沙律汁配上沙律菜好開胃，柚子很清新。獅城蝦春卷，佢外層係米卷炸既，熱辣辣，即叫即炸，好脆口😋仲有少許沙律伴菜。…查看更多

之前好興似奶蓋茶，杏仁奶做主打就好少聽。點左一杯芒堅果奶蓋茶（$44），季節限定，價錢比其他手沖飲品較貴，可以選擇甜度同冰量。芒果茶上面啲堅果奶蓋很厚，很creamy ,堅果味好濃厚，就咁食啲cream 都唔會太甜，對於勁中意nuts既我簡單係無揀錯😍芒果茶都好飲👍🏻…查看更多

一向Beans 既食物都好有水準，不過就成日都大排長龍，要等好耐。今日咁岩星期一，中午時間唔駛排隊就同朋友食lunch。而家外賣有8折，真係幾抵食👍🏻太耐無黎，menu 都有少少唔同，有啲新既fusion菜式，例如榮華臘腸香芋意大利飯。我同朋友就叫左黃金蟹肉意大利粉（$68）及蟹肉牛油果他他（$64）share 牛油果蟹肉他他好有驚喜😍😍 個幾片麵包係暖暖既，勁soft，唔會好乾。將啲牛油果沙律菜揸喺麵包上面，勁好味呀，好清新，牛油果🥑好香好creamy。至於個蟹肉蛋黃醬意粉都好特別，淡淡既咸香白汁加埋蟹肉嘅鮮味仲有幾條蟹柳，好夾👍🏻不過如果一個人食嘅話就會覺得有啲膩😂所以share 就剛剛好。而家堂食都免加一😍好抵食！…查看更多

本來今個用放大假係去布吉，因為肺炎取消左，唯有食下泰國菜餐廳裝修都幾特別，門口有個火車頭可以影下相。兩個人叫左5樣野食，好大份又好味，完全食唔晒😅馬拉盞炒通菜 - 炒得好有水準，唔會太咸或者乾生菜包叫左少辣，岩晒唔食得太辣但又想原汁原味既我地😂，啲肉碎唔會太多肥豬肉，同啲香料勁夾，生菜有10塊倒炸豬餅- 蝦肉彈牙，外皮炸到好脆風味燒豬頸肉-推薦！！勁juicy ,外層仲要脆脆地，加埋個秘製醬汁，令人食唔停口冬陰公湯（二人份）-唔記得小辣，有兩隻虎蝦，好大隻新鮮，湯有香矛，蘑菇，洋蔥等配料，酸酸辣辣咁，飲完個人暖晒🥰Overall ,佢價錢唔算平，但每份食物都大份，推介！…查看更多

難得出街食lunch,一定要支持黃色經濟圈啦😃Cafe 位係西灣河內街，店舖唔大，坐到10幾個人，裝修好雅致，Tiffany blue 既牆身顏色，配搭幾張雲石餐枱，牆上掛左幾幅可愛既貓貓照片，環境好舒服😌超creamy Carbonara ($68)簡簡單單，個汁岩岩好，唔會太杰或者膩，我本身勁中意食carbonara,呢個價錢咁高質數真係無得輸😋Hazelnut latte -香港加油👍🏻Latte 都有連豬既拉花😂配埋個toffee 慕絲蛋糕（啲cream 入口即溶），咖啡中和翻蛋糕既甜，perfect match🌹而家外賣仲有9折，好抵…查看更多

成日去深水埗諗唔到食咩既時侯就會去西九龍中心既food court 行一圈，總會搵到你想食既野。Ｆｏｏｄ　ｃｏｕｒｔ　入面好多平靚正既選擇，而呢間海南雞飯一定唔會伏。近期仲要大排長龍，經常賣晒今日下午去叫左個海南雞飯外賣翻屋企食，套餐仲送左個湯，（不過個湯就淡淡地無咩味）。雞肉無骨，好滑好鮮，好正。最正都係個油飯，好香雞味，但唔會好膩好油，仲有Ｄ炒香左既青瓜同洋蔥絲配料，配上一Ｄ醬油或者辣椒醬，呢個價錢真係好抵食。…查看更多

係日本食過幾間不同有名既梳乎厘班戟，入口即溶，真係好有幸福的感覺。　翻到香港終於等到幸福ｐａｎｃａｋｅ　黎香港開分店啦。但開張初期一直都要大排長龍，令到怕麻煩既我一直都無衝動去試。　上星期終於同朋友去左試香港既幸福ｐａｎｃａｋｅ。因為有每人最低消費，我地４個人，叫左２款ｐａｎｃａｋｅ加飲品。我地叫左芝士慕絲藍莓醬班戟＄１２８及幸福班戟＄１０８。由於每個order都係即叫即整，所以都等左差唔多２０分鐘先到。每一碟都有３件班戟，唔同既只係個醬。班戟溫度暖暖地，口感鬆軟，好重蛋味，但未至於好似食緊空氣，有點失望，始終太多人讚好，期望過大，但味道都算可以的，但真係不值一排。…查看更多

今日放工約左朋友係銅鑼灣食飯,朋友好想食泰國菜,於是係去左近SOGO 既SIAM 28。因為無BOOK 位,上到去原本話FULL BOOKING, 但好好彩有人結帳,餐廳侍應立即執好枱就入得。餐廳座位唔多,我地坐梳化位,幾舒服。三個人每人點一樣加一杯飲品。燒豬頸肉配餐廳秘製醬汁,燒得唔會太焦,脆脆地又唔乾,正!大蝦炒金邊炒, 有三隻蝦,一人一隻唔洗分,有花生粒,辣椒乾,青檸 可以自己再落。D金邊粉都炒得幾好,唔會太乾,好有泰式風味。軟嗀蟹炒飯,呢個就比較普通,得少少蟹肉。價錢都唔算平,平均每人$170。…查看更多

新年前同同事放工食團年飯,近近地就中環食日式放題。價錢較一般放題貴,食物選擇尚算可以,但貴精不貴多。一坐低就ORDER 左一盤刺身,件件厚切,十分新鮮美味。有D鐵板燒都唔錯。一人包一杯飲品同一個主菜,點左醬燒鮑魚,都燒得美味可口。…查看更多

星期五又係可以放肆食好D 既日子，就同朋友食韓燒啦。炑八韓燒係全港都有好多分店，因為佢價錢唔貴又好味，泡菜果Ｄ又任食。侍應係我地睇緊ＭＥＮＵ　果陣就送上泡菜，芽菜，海帶等小食，又係個烤爐加上泡菜蛋同粟米芝士。點左黑毛朱肩肉，角切牛五花，仲有ＭＥＮＵ　上面無既紫菜飯卷。呢度既爐唔會好易焦，兩個人可以慢慢食都唔會限時。牛肉好嫩，甜甜地，配上生菜好好味。…查看更多

鍾意睇韓劇都鍾意食韓國菜,漢城係尖沙咀韓國餐廳都食過幾次。星期六6點左右,人流唔多,得幾張枱既客人。見到做緊個平日優惠,星期一至五6至7:30 食晚餐,7:30前結賑有7折。人蔘雞湯,D雞有D鞋,無咩人蔘味,好清…原味炸雞半份,岩岩炸起,卜卜脆,好JUICY,份量都多。魚糕串,一份得兩串,湯底有點咸。漢城紫菜卷芝士炒年糕,年糕硬唔夠入味,D芝士耶菜撈飯反而幾好味。整體黎講價錢都幾平,每人平均$100,但食物質數好多下降左。…查看更多

食完smile 會smile☺️係尖沙咀食完飯專登行過黎食yogurt 雪糕,冬天凍冰冰，正！同朋友一人叫一杯，價錢大約$60-$70一杯。1.I love green 2.banana3.chocolate flavour4.the garden除左指定combination ,menu上仲可以自己揀mix and match ...乳酪好大杯，都算多，每款都配唔同既toppings,例如朱古力brownie ,綠茶麻薯，焦糖脆片。…查看更多