夜月靈的个人专页

很久沒寫食評了，是因為沒什麼餐廳令我心動，但是當我食完這間拉麵後，又再次使我動筆讚許!!!當日同老公去完BB展後，好想食拉麵，於是走去登龍街搵食，大約17:40到達後，本來想食豚王，點知已經排到對面街後巷，我大住個肚就當然唔排啦，點知見到對面開咗間『舞心』，又係日本過江龍，仲要冇人等位，拿拿林去食啦!! 入到去已經坐滿8成，仲有幾枱係日本人食緊，心諗應該唔會衰得去邊。 叫咗2碗白拉麵+普通麵度，我覺得個湯超級好味，同我當年係日本食嘅係一樣；我老公就對佢地嘅糖心蛋同义燒讚之不絕，仲話下次要返兜...... …查看更多

昨日同HONEY去咗銅鑼灣行街... 行下行下咁就行咗去灣仔，行到天都黑埋，咁咪搵嘢食啦，突然間好想去食扒餐，咁就去咗金鳳餐廳食啦。平時都係食開尖沙咀咗間，今次都係第一次嚟這間...... 這間裝潢及環境都俾尖咀的那間簡單，不過食物就一樣咁好食。我同HONEY都係點咗招牌牛柳餐，好味嘅羅宋湯同溫暖嘅餐包，加埋鐵板牛柳，一個字"正"。 食完之後，我同HONEY講... 我地情人節就去這間再食過，因為食完飯之後可以去會展對開行海旁... 浪漫吖...!!…查看更多

上星期五同成班同事開開心心諗住13:00去試新餐廳，點知有以下的"驚"喜: ~ (1) 佢好好咁 FAX 個 MENU 嚟俾我地 ORDER 定，點知係12:30先打電話嚟話個MENU 係錯，咁我地成班人嗱嗱聲改啦.... 點先去到都係唔係樣樣有... (2) 去到要等一陣係好正常，點知上菜就有排等啦... 由第一個餐等到第十五個餐，足足用咗40分鐘先齊 (期間見到人地枱有我地冇，人地枱冇就變咗我地有) (3) 上菜時非常亂，A餐要飯就變薯菜，B餐要薯菜就變咗意粉，上菜又重複，一係就唔到，同啲WAITER講，佢又好似唔明你咁，叫人加水又冇人理.... (4) 啲甜品係啫喱糖，BUT啲糖入面有小動物附送囉 (5) 最差的就係原來有啲餐冇咗又唔同客講，叫佢地跟又話就到，等到好餓就變胃痛...再等到唔想食都未到.... (6) 平心而論，我唔覺得佢啲嘢食好食到值$48一個餐，係機場都唔使咁貴囉.... 好彩有COUPON所以先平$11.....總括嚟講，環境係靚 (因為係個公園入面)，WAITER真係有排改善，食物OK，價錢以LUNCH嚟講係貴.... 都係個句，我唔會再俾機會佢令我再胃痛囉....…查看更多

我同男朋友都係同一個月生日，而且我地都好鍾意食牛，所以就豪一次去食日本和牛，剛巧又係雜誌上睇到這間餐廳，因此就去試下啦!去到睇到啲價錢就真係好貴呀，不但生日一年先得一次，所以都係去食啦! 當日6時去到，冇咩人... 所以就入去食咗先... 貪佢啲食物早啲會靚啲..... 唔知係咪冇咩客，所以招呼幾好，我地點咗兩個$320嘅日本A5和牛餐。等咗一陣啲嘢食就好快上，有一半係牛一半係豬，睇落啲牛都唔錯，豬就唔好食 (因為好"唉")，就好個幾碟都可以只揀牛，那當然唔好俾面，全牛上... 之後個幾碟和牛真係好有水準.... 好靚... (TOTAL食咗4碟半和牛)俾錢走人... 總數七百幾都係值嘅... & 當然最重要嘅係我男朋友食得好開心啦.... …查看更多

好耐都沒有去食了，早幾晚同男朋友再去食糖水，感覺依然一樣咁好食，今次沒有食我最喜歡嘅桂花清心圓豐水李糖水，轉食普通的芝麻糊，而我男朋友就食杏仁糊... 一樣都係咁好食... 一個字...『正』好滿足呀....!!…查看更多

今日第一次係這間到食... 見佢門面麻麻，諗住都係啲普通嘢，點知食完佢個蒜片牛柳粒烏冬之後，對這間一丁改了觀感，因為啲烏冬同我係日本食嘅差唔多，一樣係滑而彈牙... 好正，不過佢其他食物..如天婦羅定食咁，就普通咗啲，同個草莓梳打一樣要改善下，因為好葯水味，SO.. 總結一句係可以翻炒... 食其他嘅烏冬...…查看更多

平安夜當晚，興高彩列睇完可愛教主，諗住食啲甜品先返屋企，點知出事。因為有間新開甜品屋，所以咪試下囉... 第時都係諗清楚先試.....!我地一行四個人，叫咗兩個腰果糊、一個杏仁糊同一個蜜瓜西米露... 好正常呀，一人一碗，點知個落單姐姐仲問我地:"冇啦" ... 想我地食幾多呀想! 點知轉頭話冇杏仁糊，咪轉合桃糊啦.... 等咗一陣，食物嚟啦.... 嚇親我呀... 啲糊唔甜，又扮有口感、磨得唔滑，仲有啲類似豆粉嘅粒粒... 我平日都有自己做咩咩糊咁... 一睇就知唔係用米漿做... 唉...!仲要貴過滿記.... 最搞笑係佢俾飲熱奶茶咗啲匙仔俾我地食糖水... 真係俾佢笑死.... 總結一句... 唔會返炒去食…查看更多