AlisonPC的个人专页

平日大多時候都排長龍，難得今日星期六下午4點左右經過見無人等位，即刻衝入黎試下。今日叫左牛丼（S size），牛丼是すき家的招牌料理，經濃郁醇香的秘製醬汁煮製而成的薄切肥牛，配上新鮮熱騰騰的白飯；汁本身比較濃、咸，如果大家另加汁，建議逐啲逐啲加～大部分都有分S, M, L, LL size，而唔同size嘅分別係餸量或飯量：- S比M少餸，M比S多飯；- M同L餸量一樣，L比M多飯；- LL比L餸量double，LL同L飯量差唔多大家可根據食量揀size🫰🏻另外，menu上有好多選擇，間唔中都有期間限定食物，而今期期間限定係蘑菇多蜜醬除左牛、豬、雞肉，另外有素肉，一樣啱素食嘅朋友：不過堂食仍用即棄餐具，比較唔環保…查看更多

黎到深水埗試試呢間人氣甜品舖，店裝修帶懷舊風，大約十點但唔多人、唔滿座。我哋4個人叫左4款糖水：1. 木瓜雪耳燉桃膠（熱）桃膠好硬、太甜⋯ 朋友食左幾啖就甜到食唔到落去⋯ 以為佢一個味覺較主觀，咁我哋3個都有試，一致覺得過甜2. 石磨芝麻糊糖湯丸（熱）芝麻糊唔係磨嘅，食得出係開罐頭嘅芝麻糊，所以味道唔香⋯ 仲要過甜⋯湯丸就未煮淋⋯:(3. 香草海帶綠豆沙幾香幾好食，足料，唔會太甜比上面兩個算係好食4.芒果鮮草凍芒果較酸，但成碗都多料，味道還好，唔會過甜…查看更多

終於黎試到呢間好出名做尼泊爾手工餃子外賣店，店內裝修充滿尼泊爾特色，店內主做外賣、堂食只有兩枱，有好多唔同款嘅地道尼泊爾手工餃子，有肉餃又素餃，而尼泊爾傳統手工餃子叫Momo，所以呢間小店取名「饃饃餃子」。今日堂食試左兩款食物：1. 乳酪紅石榴薯仔波波配羅望子酸甜汁老闆娘教，將羅望子酸甜汁吱落一個波波度，吱完即時原個放入口，食到波波脆脆外皮，同時食到乳酪撞紅石榴同芫茜果種清新味道，而紅石榴脆卜卜又好juicy，令薯仔波波口感錦上添花2.香煎饃饃餃子(薯仔素菜.純素）煎餃皮好有口感，較厚身但香脆，配上特色番茄辣醬，成個味道好夾，吊起左餃子香味另外，老闆娘好有禮貌好nice，餃子食得出係用心製作、足料，值得再返黎食！用心嘅小店，真係要大大力支持本人唔係愛餃之人，但一碟8 個波波，一碟5 隻餃子，初初擔心食唔曬，但好味到兩個人食都嫌少，一啲都唔漏…查看更多

燒烤場地點吊腳，只有某幾架巴士先會到，落車行入黎都要15分鐘，如果行動不便，就唔適合黎。呢度有兩款燒烤，但限時2.5個鐘：1. 貴價 $368起 - 食物選擇多，有海鮮，乜都包但重點係爐勁細！爐要另加$60爐費！2. 平價燒烤$198起 - 爐大，但樣樣要另計最後我哋揀左貴價，以下嘅食評都係根據我哋嘅經歷去寫。呢個爐size係for 1-4人，個人感覺太細，燒左兩個半鐘全程都好趕，成日要搵職員加炭，但職員遲遲都唔黎架炭，浪費左唔少時間⋯ 燒左兩個半鐘，我哋4個都唔飽，一來因為加炭慢，二來因為爐太細，根本燒唔切⋯:(仲要加$60爐費⋯啲蜆好多沙，洗唔乾淨⋯ 螺肉有好多隻都梅左⋯一般燒烤要有嘅食物佢都有，不過調味偏咸係太咸全場最好食嘅，個人覺得係羊架不過飲品選擇就好多，但唔係咩貴價飲品；因為食物太咸，我哋飲左好多飲品⋯有雀巢雪糕、紅豆雪條呢間餐廳未夠鐘已經催你比錢，加炭又唔見佢咁熱心積極總結而言，燒烤場都有更多更好嘅選擇，雖然係黃店，但呢個食物質素對唔住呢個價錢⋯ 海鮮有沙唔新鮮⋯建議大家唔好黎中伏，$383 有更多更好嘅選擇，黃店真係唔係大曬…查看更多

呢間店主打雞湯米線，今次唔係第一次黎食！提提大家，可同店員講想要爐！有個爐熱住啲湯米線！會好食好多，暖笠笠除左米線，仲可以揀上海麵。1. 花膠雞煲翅（淨湯）無左米線、個花膠雞湯更濃更香！如果唔想食麵，淨湯都好飽肚，不過餸比較少⋯2. 薯條配黑松露醬鮮炸薯條，配黑松露醬，都只係$25，一邊食麵，同時可以滿足為食嘅慾望3. 花膠雞湯米線好多雞！雞湯好香好濃～加左爐，個湯麵會熱住咁食，個雞湯香到撲鼻，食到咁上下先熄火…查看更多

潮州人終於開到黎灣仔！小店雖名為「潮州人」，但賣嘅唔係潮州菜，取此名因為店主爸爸希望佢秉承潮州人刻苦耐勞的精神去用心做食物！希望大家多啲了解店嘅理念小店主打住家老火湯及花膠扒湯米粉等特式湯米粉，幾年前只有太子店，太子店有啲吊腳，本人又好少過海⋯ 今年終於開到黎港島區啦！雖然下午茶，我哋好貪心叫左好多嘢食！餐牌上嘅湯米/飯都有大細size可選擇！大家可根據乂幾肚餓而選擇size～1. 廣島蠔湯米粉（細）一食就食得出蠔係日本蠔！好大隻又好嫩、好甜、一啲都唔老！一碗有4隻，配鮮甜上湯米粉！唯一比較失色係米粉！以為我哋食開係新竹米粉⋯ 而家轉左一隻比較粗嘅超力米粉⋯ 但整體都好好食$57 食到4隻日本蠔配上湯，材料絕對對得住呢個價錢！2. 清酒大蜆湯飯（大）超肚餓揀左大size，有6隻中size嘅蜆，個湯有輕輕清酒味，個飯另上，唔會比啲湯索曬清酒蜆湯同個飯好夾！大推配飯！個飯吸左個湯嘅鮮甜味！我哋食曬仲要飲曬啲湯$60絕對對得住食客3. 師父醉雞翼（3隻）醉雞汁好香！一放低喺枱，醉雞汁香撲鼻而來雞翼好大隻、好入味，$28 有3隻好抵大推！4. 酒糟醉雞腎醉雞汁香撲鼻而來 好大碟！有好多腎！啲雞腎好入味、好香、唔老！為食嘅我用個醉雞汁點左啲飯食！原來醉雞汁搭飯都好夾超推介…查看更多

喺旺中掃街，好多人推介呢間雞蛋仔！即管一試～店有好多唔同口味嘅雞蛋仔，有咸有甜、亦有夾餅。我哋叫左70%比利時黑朱古力雞蛋仔，等左大約十分鐘，即叫即做！仲可以儲Mee積分添1. 70%比利時黑朱古力雞蛋仔一拎上手熱辣辣，黑朱古力味撲鼻而來！雞蛋仔唔太夠蛋味，但落足黑朱古力料！成個雞蛋仔唔甜、唔算偏脆，但都好好味！大推…查看更多

第一次試呢間旺中人氣掃街壽司，有多款壽司、手卷、刺身，我哋叫左芝士蟹籽手卷、火炙比目魚壽司、火炙三文魚腩壽司，好多人排緊、現場有一張立食枱：1. 芝士蟹籽手卷餸量算多，食到手圈好底部都有仲有芝士蟹籽，紫菜好脆但唔夠香，壽司飯比較淡⋯ 不過$14嘅質素，還好吧2. 火炙比目魚壽司($11)、火炙三文魚腩壽司($12)火炙比目魚壽司 - 比目魚好細塊、壽司飯好大舊⋯ 雖然好滑、火炙味好香，不過不失；火炙三文魚腩壽司 - 三文魚腩好大塊好甜！超抵食，夠新鮮，好好味大推！…查看更多

最近推出期間限定焙茶千層蛋糕，經過黎試一試，又難得堂食有位坐可能佢嘅Earl grey 千層蛋糕太出色，所以我對佢嘅焙茶千層蛋糕都好高期望，叫左一件黎試下：焙茶千層蛋糕：味道偏甜、焙茶味好淡，淡到我食唔出有焙茶味，只食到好甜嘅甜味⋯ 講返先，同一日黎食Lady M前我無食過甜品⋯蛋糕上有兩粒黑糖，都係得個甜字，同焙茶格格不入，我認為係多此一舉⋯完全參透唔到啲人講嘅好食位喺邊，由頭到尾都係得個甜字⋯ 以後我都揀返Earl grey千層蛋糕好了⋯ 大家唔好中伏。…查看更多

平時經開文明里都會黎買外賣鳳爪同蝦片，今日黎食堂食下午茶，下午茶選擇多，有粉麵、飯咁，我叫左牛肉湯粉絲、另加串燒：1. 牛肉湯粉絲牛肉熟過龍、好鞋，湯好咸，太多東菜，成碗除左咸，食唔出泰國嘅感覺，仲要$50一碗其實有諗過叫侍應換，但見佢好惡咁鬧緊第二個買外賣嘅客人⋯ 我都唔敢出聲默默忍受食埋佢算⋯2. 串燒配沙嗲醬 - 牛肉、豬肉肉質厚、唔老，好有口感、好香，沙嗲醬亦好好味，好食我極度唔推介呢度嘅粉麵，如果大家黎食，我會推介串燒、鳳爪蝦片。…查看更多

Happy Friday揀左呢間cafe享受一個有旅行感覺嘅下午，cafe裝修係旅行主題，門口有傳統boarding 營幕、飛機餐車招待客人成間餐廳個格局係咁，有5張飛機窗口嘅枱，大量其他坐位唔關飛機事嘅：平日下午人流少，建議平日黎，比較容易坐到經典嘅飛機窗位：下午茶選擇唔算多，有scone set, cake set, pancake set連一杯咖啡，人均連加一大約$100。上菜都算快，大約十分鐘，叫左嘅scone set就上枱， scones大件又熱辣辣，配cream / berries醬，味道普通，不過不失，無乜驚喜：配 Latte黎呢度食嘢真係為左打個卡，呃下啲朋友突然飛左，唔係為嘢食而黎，懷念下飛機窗嘅感覺係開心嘅，但真係唔好對食物期望高窗外景色係用LCD電視display，佢會rotate出幾張天空相，唔係真窗口黎😂除左飛機窗、餐車、boarding 牌、世界時鐘外，其實cafe嘅坐位都同普通cafe一樣，坐喺度唔會有坐喺飛機嘅感覺，不過打個窗口靚卡，係ok嘅，呢種cafe黎過一次過下癮就夠…查看更多

去太安樓掃街，咁啱經過就見到啲麵包蛋糕都好傳統，自問唔係街坊，入到去被紙包蛋糕吸引！即使係dinner time都買個黎試下，雖然有7成麵包蛋糕都賣曬，心諗應該唔會差啦。1. 紙包蛋糕賣相蛋黃色，質感鬆軟，蛋味有點淡，但整體都唔錯，唔膩；$6 一個，$11 兩個，個人覺得超值！2. 白麵包切得較薄，質感一般，同傳統白麵包一樣號味道，不過不失，不過$6 有4塊真係好平！呢個價錢真係無得要求太高。$6/4塊白麵包絕對超值，價錢對得住個質素！用黎做早餐或飛碟都好正！…查看更多

行過店外聞到撲鼻嘅斑斕味，黃昏時間熱辣辣走入去買左杯凍斑斕咖啡，整體上比較甜，係latte+斑斕，味道還好，但沒有驚艷……當然見臨近收舖時間，店員忙著執嘢，但無擺出一副「阻佢收工」嘅態度，仍然耐心解答我哋嘅問題　，值得一讚👍🏻…查看更多

帶呀媽黎食lunch，叫左兩個午餐套餐，一個$98 daily pasta，一個燒牛扒（medium rare)。首先，每個套餐可以揀餐湯或沙律，我哋兩個都揀湯，今日係蘑菇湯。飲完湯，幾分鐘後就上main dish，daily pasta熱辣辣、份量飽，白汁亦加入芝士，意粉能掛汁😋呀媽嘅牛排🥩都熱辣辣，唔洗點汁都夠味，大份得黎又有好多薯條，仲有沙律，$128 真係抵到爛最後，套餐仲包埋餐飲，我哋叫左一杯熱啡、一杯熱檸茶。…查看更多

趁平日黎排隊買麵包，但人流無比假期少🙀排隊比錢等左十分鐘左右；麵包新鮮出爐依然，揀左兩個新鮮牛角包🥐，除左比之前細左少少，喺屋企用氣炸鍋熱返食，口感仍然酥脆，唔油、唔膩、唔滯，非常推介😻😻😻最愛依然 🥐 😻😻…查看更多