tastegood852的个人专页

呢間 Groovy 位置有啲難搵，上到去仲要受氣，服務態度真係唔多掂。主食叫咗個極濃海膽扁意粉，一上枱已經聞到陣腥味，海膽醬係濃郁，但係腥到有啲難頂，完全唔值呢個價錢。碟豬鞍肉質算係中間水平，不過以呢個價位就冇咩驚喜。唯一叫做有驚喜係件焙茶芝士蛋糕，茶味幾香，口感又滑，係全晚唯一似樣嘅食物。整體嚟講，以咁嘅價位，食物質素同服務細節都未達標，性價比真係偏低。除非你好想試件焙茶蛋糕，否則都係慳返啲錢試其他餐廳好過。…查看更多

今日咁啱得閒，同朋友去咗元朗Yoho間「PAUSE IT」 chill下。嗌咗兩杯咖啡先，一杯Flat White、一杯Latte，個拉花都算有心機，睇得又飲得。是但啦，坐低無耐，我哋就叫咗個All Day Breakfast ($128) 同一個意大利香菇松露燴飯。點知個燴飯一上枱就搶咗鏡！啖啖都係菇菌同松露嘅濃香，個飯煮得啱啱好，又creamy，食落好治癒，真係有驚喜㗎。食完個飯先慢慢嘆返個全日早餐，佢擺盤靚仔，樣樣都有啲：脆脆煙肉、香口肉腸、流心太陽蛋同埋塊烘得脆脆嘅多士。最好係佢啲大啡菇同車厘茄，咬落去juicy得滯，加埋個沙律菜，成個組合好平衡。總括來講，由杯啡到個飯再到個All Day Breakfast，全程都好舒服滿足，冇乜伏，係個會令人想再嚟hea嘅好地方。…查看更多

禮頓道呢間Poking專賣夏威夷魚生飯 絕對係附近返工同gym友嘅恩物佢最好嘅地方係可以自己揀底、配料同醬汁，自由度超高試咗佢個固定款式「S7. Nutty Shanghai Chicken」（$78）配料好豐富 有手撕雞胸肉同香煎雞扒兩種口感 仲有甘筍絲、青瓜同蕎麥麵個醋香果仁醬好出色 酸酸地好開胃 仲有陣陣芝麻同果仁香 撈埋蕎麥麵一齊食好夾感覺有啲似中式撈麵嘅健康版 食落完全唔覺滯 幾有驚喜！份量對女仔來講剛剛好 男仔就可能要加底以銅鑼灣地段來講百零蚊有個質素唔錯嘅魚生飯 算係幾高性價比 唔使排長龍嘅話，絕對會再encore！…查看更多

今次試左Soulgood Bakery嘅「朱古力巴斯克芝士蛋糕」($60) 整體嚟講係好食嘅內裏做到好軟滑但未到流心嘅質感 朱古力同芝士味都好濃 夾得啱啱好不過外層就真係有少少乾身 如果可以焗嘅時間或者火候控制得再準啲 等出面都保持到濕潤 就真係完美啦$60一件算係正常價 鍾意濃厚口感嘅都係值得一試~~…查看更多

利園三期新開嘅Brentwood裝修幾簡約 環境都舒服 係一個可以坐低歇腳嘅地方 不過整體嚟講 食物同飲品就未算有太大驚喜試咗杯Hojicha Latte ($48)茶味算係香濃  朋友叫咗杯特調Cafe Colada ($58) 菠蘿同椰子味係幾清新 但同咖啡味未算好融合 飲落有啲各自各嘅感覺主食方面 Rigatoni with Sausages & Kale ($128) 同 Carbonara Fusilli ($138) 都算煮得唔錯 意粉彈牙 Carbonara嘅煙肉都煎得香口 整體味道OK 係穩陣嘅👌🏻不過份量對返個價錢 就覺得有🤏🏻🤏🏻貴 Lunch時間既等餐時間都比較耐 可能因為新開明白嘅喺銅鑼灣靚地段 租金貴 定價高啲都合理如果行開附近想搵個地方坐低食西餐 呢度都係一個可以接受嘅選擇 但就未必會特登返轉頭💁🏻…查看更多

今日同朋友行開V City順便去咗商場入口附近嘅Owens Hea咗個下午間舖嘅環境幾舒服裝修以木同綠色為主感覺幾清新relax  座位之間都唔會太逼不過可能因為近商場大門口人流比較多 有時閂門開門 個位有少少熱同唔係咁隔音 如果怕凍或者怕嘈嘅朋友 建議揀出面啲位坐會好啲呢度嘅食物整體嚟講都唔錯同坊間其他西餐比絕對唔失禮雖然未算有咩好特出 令人好難忘嘅菜式 所以唔特別逐樣講 但最大賣點係抵食試咗兩款 個意大利飯煮得啲米軟硬適中 幾迎合香港人嘅口味 唔會太硬身反而個捲餅有驚喜 外皮香脆入面餡料同調味都做得相當唔錯 值得一試甜品試咗佢哋嘅伯爵茶同草莓蛋糕真心有驚喜👍🏻👍🏻👍🏻伯爵茶好香佛手柑嘅味道好出食落好順喉 冇苦澀味 至於件草莓蛋糕就更加係重點 蛋糕身好鬆軟 入面嘅奶油香滑唔膩 加上面頭同中間嘅鮮草莓都好balance 絕對係高質之作🙌🏻食野加28蚊就有件cake都真係幾抵玩仲要好食過出邊D貴cake👏🏻最後一定要讚嘅係呢度嘅員工 服務態度真係好好 落單同送嘢食嘅時候都好有禮貌 笑容滿面 令人覺得好舒服整體嚟講 係一個幾好嘅傾偈同埋歇腳嘅地方 一定會再嚟encore！✨…查看更多

同朋友嚟到利園Nodi 專登叫咗杯Dirty同Latte試吓杯Dirty分層好靚入口係熱辣辣嘅濃縮咖啡跟住係冰凍嘅牛奶一冷一熱嘅層次好過癮杯Latte就醇厚得嚟好順滑飲落好舒服環境都幾好坐 喺度消磨咗一個下午 好正！…查看更多

日本過江龍麵包店Merci Moncher，試咗三款人氣產品，整體水準不錯，同大家分享真實食後感：🌽 日本粒粒粟米包包體軟熟，粟米份量足，屬於清爽自然路線。味道簡單樸素，粟米清甜自然，作為輕食是不錯的選擇。🌟 開心果牛角包（重點推薦）酥皮層次分明，咬落脆身。最驚喜是中間的開心果奶油內餡——質感幼滑細膩，味道濃郁得來好純粹，食得出用真正開心果製作。甜度控制得剛好，完美帶出堅果甘香，與牛油酥皮的微鹹平衡得恰到好處，確實出色！🍄 日本洋蔥香菇芝士佛卡夏三款中最有特色！佛卡夏香軟帶嚼勁，面頭的洋蔥煮到焦糖化，甜味突出，配上香菇和半溶芝士，鹹香味道豐富有層次。總結： 如果想試特色款，推薦開心果牛角酥和佛卡夏。雖然價錢中上，但間中獎勵下自己都值得。特別係開心果牛角酥，為咗那個內餡絕對會再encore！…查看更多

今日嚟到百分百餐廳試佢哋嘅下午茶 2點就開始有$39嘅價錢本來無乜期望  點知性價比高到嚇親人🤪🙉個餐包埋杯懷舊紅豆冰 紅豆煮得夠淋之餘 奶香又夠絕對唔係求其沖出嚟嘅貨色 mainpoint係唔洗加錢包埋  平時其他地方都要加好多錢先飲到主角係隻炸雞髀 上枱時真係嚇一跳 大隻到差啲遮住成個碟 ✨咬落外皮脆卜卜入面肉質保持到嫩滑多汁 仲要好入味 完全唔乾身🌝跟餐仲有件西多士炸得金黃香脆 淋上糖漿同牛油 邪惡但係滿足感爆棚👍👍以$39呢個價錢 分量十足 味道有水準🙌而家真係好難搵到 街坊價錢 性價比爆哂燈👑😻😻😻…查看更多

美心旗下嘅「&you」以前叫美心小品 係間半自助式嘅街坊小店。裝修有啲外國feel 空間闊落坐得幾舒服 啱晒同朋友飲嘢傾偈🙌食嘢方面，餐牌得兩頁紙 選擇唔多 主要係意粉 漢堡同三文治今次試咗個午餐Set「牛油果燒雞Burger」個包幾軟熟 配菜都幾新鮮 加埋粗身好食嘅薯條，整體唔錯個Set包杯飲品 雖然咖啡唔算好Pro 但加多少少錢有杯嘢飲 都算係咁👌佢哋營運係半自助 落完單要自己去拎飲品 但主食會有人送過嚟Staff幾友善而且最好係唔收加一 以連鎖店嚟講幾抵讚👍總括嚟講食物分量偏細但精緻 味道可以地方乾淨如果唔想諗食咩呢度係個穩陣又唔會肉赤嘅選擇…查看更多

呢間新開嘅分店，應該因為岩岩開所以係唔使點排隊 好快就拎到 啱晒趕時間嘅我哋～🙋‍♀️「棉被日安紅」☕️呢杯嘢個茶底係靚嘅日安紅茶 飲落順喉 唔會好澀面頭鋪咗層幼滑嘅奶蓋，口感輕飄飄，真係有啲似冚住張軟棉被咁 幾得意既口感味道呢係淡淡嘅奶鹹香同埋紅茶嘅甘醇加埋一齊 唔會太甜或者好漏 加埋一齊茶底依然係咁順口💖飲完成杯個人醒神啲 又要再做奴隸獸最正係價錢夠晒親民 廿八蚊就有一杯咁高質嘅嘢飲 而家出面真係唔多見快靚正，絕對可以encore！✔️👌🏽…查看更多

今日揀咗一間喺新蒲崗夾雜於住宅同工廠區嘅小菜火鍋店，佢個名叫玫瑰餐廳。揀佢嘅原因係因為佢有一個好吸引人嘅菜式叫”魔鬼牛什雞煲”。嚟到嘅時候發覺佢鋪面嘅裝修有啲似日本居酒屋，入夜之後門口重可以泊車喎呢度地方好乾淨座位又寬敞，有卡位又有圓枱。坐低見到除咗魔鬼牛什雞煲之後，重有羊腩煲，烤魚同冬瓜盅添。由於我地得兩個人，為咗唔好浪費食物，我點咗半隻魔鬼牛什雞煲中辣，脆骨腩，細嘅手切牛肉，水魷魚併豬腩肉，重有我哋至愛嘅芫茜同凍檸樂。首先講吓個魔鬼牛什雞煲，佢嘅味道好特別好濃烈嘅雞煲味道，混埋牛什一齊食令到牛什提升咗又好味咗咁嘅價錢食到呢種享受真係不得了手切牛～嚟到嘅時候賣相已經滿分油花分布均勻，重好濃濃牛味脆骨腩～食脆骨腩首要條件係要夠脆呢點大家都唔需要懷疑，我好似食緊薯片咁豬腩肉～賣相唔錯重有厚厚嘅豬肉味水魷魚～新鮮彈牙…查看更多

想搵個地方有格調既地方同朋友食飯加傾計銅鑼灣唔少餐廳都有用餐時間限制我就搵左呢間餐廳同朋友食飯餐廳樓底都好高 充滿空間感 仲有個好靚既吧枱充滿情調我揀咗威靈頓牛柳dinner set $398 干邑龍蝦湯 (+$48)個湯幾有龍蝦味 入面仲有一隻蝦肉配埋個餐包仔一齊食都幾夾如果個湯可以再厚身少少應該仲正😋 青口意粉平日我5太食青口 因為overcook既青口都真係幾難食但係佢既青口又煮得幾好 肉質飽滿 配埋個醬汁意粉口感適中 帶有微微咬口 每條意粉都有sauce個sauce都幾creamy 威靈頓牛柳呢個好味道 牛柳軟熟帶有牛香 切開岩岩好medium嫩粉紅色 每一啖都一樣水準酥皮與牛柳中間既黑松露又多又香 點埋少少燒汁好味道配菜既薯仔有d太濃味 同牛柳同食都唔錯 Whiskey Sour $98幾重Whiskey味我都幾鍾意 成杯野飲既味道好balance Overall 係一間唔錯既餐廳 可惜我上網睇到既甜品已經冇左 整體都幾欣賞 staff既親切態度加分加分…查看更多

活燒蒲燒鰻魚飯先講鰻魚飯本身就係比鰻魚飯吸引左去一試聲稱即叫即燒等了大約20分鐘鰻魚飯就上菜上菜時係以傳統日本式盛飯方式以托盤上盒飯鰻魚飯用一個十分精美的金色便當盒盛載著小菜有一小碟芥末八爪魚同面豉湯鰻魚十分足料又厚身 佈滿整個飯盒大大塊的鰻魚肉厚油脂也多份量平衡得十分好美中不足嘅地方係鰻魚表面燒到焦香但係太燶(如圖)魚既面帶有一點點苦味混和了燒汁都不錯 可以一解鰻魚思不過跟日本比起還是差一點我自問係超級鰻魚fans有少少失望燒牛舌串牛舌軟滑非常有咬口 不硬和乾 充滿脂香只用黑椒同海鹽去調味 帶出牛舌的味道 爽口惹味中意食牛舌的朋友要真係要一試…查看更多

今次去牛頭角隱世西餐廳NON KITCHEN搵食佢係舊工業大廈既一樓 一開餐廳門口同出邊係兩個感覺天花掛上好多星星燈 裝飾和燈光都有花過心思坐得舒服夠闊落 環境偏暗 浪漫跟有情調店員都好好services食物方面Toasted bread and sticks一坐底店員就放低左份量不少餐包意大利香草包好軟熟包邊位香脆 內邊鬆軟 微溫 好多餐廳既餐包都唔會特別keep到溫暖同鬆軟黑松露牛油好食又特色又夾既麵包脆條都帶有香草味 但係因為無叫餐湯所以單食有少少乾Feel到呢間餐廳對面包都有heart去準備比左好既第一印象比客人都好緊要煙三文魚海撒沙律之後上既前菜係caesar salad配煙三文魚菜新鮮 沙律醬同菜既比例合適 唔會落太多醬搞到好鹹 煙三文魚份量係對得住個價錢但我覺得煙三文魚好似比菜更多所以食到尾都重有煙三文魚剩底總結不過不失 無大驚喜牛肝菌配蛋闊條麵呢個我本身期望好高點知一放入口真心鹹應該係師傅落蒜太重手其他方面都唔錯闊條麵質地係彈牙掛到汁牛肝菌味道比蒜比蓋過了 太可惜瑪格麗塔披薩瑪格麗塔披薩係拿坡里披薩的代表上面簡單的配料象徵了義大利國旗紅綠白綠色的羅勒白色的水牛城芝士紅色的番茄上到黎仲係熱辣辣皮底薄脆口 表面鋪滿哂芝士同蕃茄口感唔錯 香辣虎蝦天使麵雖然係香辣 但其實唔會有太多辣味惹味就唔算不過水準不錯幼身嘅天使麵完全吸收左茄醬茄醬明顯係用鮮茄製成因為成份麵條都好多小鮮茄三隻虎蝦用黑椒醃烤熟咬落爽口又唔會太熟剛剛好炭燒美國肉眼扒 10OZ真心推介大家叫左五成熟牛扒 份量好足上到黎都真係外層煎到焦香又keep到內裡粉嫩牛肉味濃物有所值充滿肉汁 五成熟啱啱好真係覺得有肉味又juicy唔簡單我相信會再去佢既任食牛扒之夜雖然多數人都係放假選擇去觀塘但係如果去開海傍都可以慢慢行過去真係值得一試…查看更多