Gallery IKH的个人专页

象屋泰國餐廳 (旺角)旺角太子道西193號MOKO新世紀廣場4樓453號舖呢間餐廳係我去開旺角新世紀廣場搵野食既首選。今次已經係第二次黎食weekend 既all you can eat Thai semi buffet lunch，普遍假日都會full house，建議黎食既話可以嘗試先預早打去訂枱。店舖環境乾淨企理，坐落非常舒服，係一個幾好既地方去享受weekend lunch meal。普遍set lunch 大約價錢係$118-158 左右，包埋可以享用mini snack 既任食，包括泰式鳳爪，木瓜沙律，炸春卷炸魚餅等等，水準都令我幾滿意，refill 左兩round 之後都食飽左一半🤤。象屋車仔麵 $118可以揀三款車仔麵既餸，我就揀左豬大腸，和牛片同埋牛丸。呢度既set lunch 相比起mini bar既食物質素，就顯得有點遜色。雖然車仔麵材料同湯底味道正常，但個麵底預設係幼麵，無得選擇都唔係最大問題，最令人失望係個都黎到即刻食已經非常林，毫無口感可言。特色海南雞飯配自制醬汁 $138我係一個非常喜歡食海南雞飯既人，所以搵食海南雞飯都會有一定嘅要求，但今次呢個海南雞飯就令我有點失望🤥。先講個雞，個肉質鞋身已經係一個大敗筆，再加上個油飯一啲油香味都無，兩者加埋可以可以話令到碟飯唔合格。總括而言，呢間食店個食物質素係有改善嘅空間，但係環境唔錯，加上出邊Mini Bar嘅食物質素都幾好，如果去改善到main course嘅質素，係一間非常值得推薦去嘅餐廳。🤔整體環境💭💭💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻性價比：🧐🧐🧐🧐回頭基率💫💫💫…查看更多

船仔 (京瑞廣場) (沙田)沙田石門安群街3號京瑞廣場1期2樓233號舖今日又黎到石門呢個地方搵野食，每當耐唔耐想食泰國船麵都會去幫襯呢間黃店🌕豬頸肉船麵餐 $48每次嚟到都會選擇叫呢個豬頸肉船麵，個人覺得金邊粉係同豬頸肉係最配襯㗎，個湯頭味道都非常濃厚，另外最新欣賞就係佢會加埋啲辣豬皮粒，食落辣辣地非常有咬口。香茅雞翼-泰北求才麵餐 $55相信係口味問題，個人來講唔算10分欣賞呢個清邁款式嘅湯底，食落去嘅香料味鹹蓋左湯底嘅味道。沙嗲串燒拼盤雖然碗麵嘅份量都好足夠，但我哋每次都會加返三串串燒（豬，牛，雞）作為結尾。最後提提大家加嘢飲可以考慮加$8升級做自家製龍眼水，天時暑熱解渴一流。整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐回頭基率💫💫💫💫…查看更多

一生懸麵 (牛頭角)牛頭角牛頭角道3號得寶商場地下121號舖呢間黃店拉麵非常出名，而我地都係旺角分店食過幾次，次次都大排長龍。而係九龍灣返工既我放工後搵好野食，見到附近德寶商場有分店，當然要去支持下。白湯豚骨拉麵（$68）影完相後，急不及待要試吓個湯嘅味道。一飲第一啖，有好似去咗日本食拉麵嘅感覺，湯底濃厚味道恰到好處，好飲到令我都好少可地飲晒成碗湯而一啖都冇剩，最重要係飲完之後都唔口渴。個麵都相當彈口，配埋舊肥瘦嘅叉燒簡直係一流。雞軟骨棒（$28）其實食完一碗拉麵已經好夠飽，但都因為口痕而叫多左個雞軟骨棒。個雞軟骨棒都有好似去咗日本居酒屋食嘅感覺。整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐🧐回頭基率💫💫💫💫💫…查看更多

Golem Craft Beer (沙田)沙田石門京瑞廣場二期地下G07號舖石門呢個地方一向多野食，由於我好想食pizza🍕既關係就選擇左呢間餐廳。其實我哋之前已經嚟過呢度飲嘢，但係就無係度食過嘢，呢間餐廳好適合三五知己傾計飲野，平日星期一至五都有Happy Hour 買一送一優惠，仲要室內有個區域比客人食shisha，岩哂我呢個又怕熱但又喜愛shisha 既人🍕蕃茄羅勒水牛芝士薄餅 （$78）本身黎到係想order千島海鮮薄餅，但可惜今日已經售罄，所以最後叫咗呢個蕃茄羅勒需由芝士薄餅，都完全滿足左我想食pizza呢個願望。薄餅個批略嫌稍厚，但overall成個配料加埋芝士既濃郁程度非常配合，只係用咗5分鐘就將成個Pizza迅速K.O.🍝大蝦喇沙意粉 （$78）意粉時間控制得好好，食落好彈口，喇沙味道濃郁，美中不足係成個意粉個底有少少油膩整體環境💭💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐🧐回頭基率💫💫💫💫💫…查看更多