PP1069的个人专页

星期日朝早一行九人去飲早茶，一到門口個帶位姐姐十分親切招待。酒樓裏面座位尚算寬躺，不會坐得密麻麻。一坐低後有個中年女侍應木口木面來開茶，服務尚算正常。但坐定咗就發現差不多全部女侍應都係黑口黑面，回應客人要求時粗聲粗氣咁，心不甘情不願咁。Order完之後佢哋冇比返張電腦單我哋，大家想睇返叫左什麼點心，所以叫佢哋印返張單，個唔知係女侍應定部長就答：「一陣間啦」… 咁即係點？當時佢剛路過，冇做緊其他嘢。最後要催佢，佢先晦氣去印。期間後面張枱亦有個女茶客話個侍應冇禮貌。食物方面普通，價錢算正常。最後埋單時侍應推銷晚市長腳蟹餐，價錢唔算平，但係你咁嘅服務客人又點會嚟你度食貴嘢呢？ 啲黑面侍應真係幫集團倒米。…查看更多

今日下午去旺角店買外賣，見等左六七分鐘都未有，就企起身望向廚房出菜位睇吓有未。見到有位女員工A在pack緊。因為未全部ready, 佢就去咗旁邊同女員工B倒垃圾。女員工A扶住垃圾筒兩邊，女員工B就抽起袋舊垃圾拎走。女員工A又將新垃圾袋套入個筒入面，見佢彎腰兩隻手臂隊入個垃圾桶入面，將個垃圾袋隊到個桶底，即時心諗：佢唔會即時又handle我啲外賣啩？說時遲 那時快，佢搞完垃圾之後，在冇換/除藍色膠手套情況之下，佢即時去上菜比客人。見此我即時行過去問佢你處理完垃圾戴住同一手套即刻掂食物。佢冇答我只是即時黑面掉咗手套並繼續做嘢。於是我問佢倒完垃圾後有冇掂過我袋外賣，佢亦冇答我。此時有位在旁邊休息嘅男員工（唔知係咪經理）過來了解。我同佢講話女員工A倒完垃圾冇換手套已上菜比客人。男員工就話佢哋會揸酒精消毒。我即時話：我見到佢完全冇揸過酒精並即時戴住同一膠手套處理食物並上菜（女員工A在旁做嘢亦冇反駁此點），況且倒完垃圾或洗完廁所嘅手套，是否可以揸少少酒精然後繼續戴住同一手套去處理食物嗎？個男店員就話會同員工解釋返。於是我就在附近坐低繼續等外賣，後來呢個男員工拿來外賣放在枱上，一句說話都冇講就行開咗，極之冇禮貌，由此亦可看出此男員工其實不滿我提出衛生意見。我唔知究竟係呢位員工冇跟公司程序工作，還是公司在衛生程序上有根本的問題。但我可以肯定的是女員工A及此男員工極之欠缺衞生意識，男員工包庛其他員工（女員工A根本冇揸酒精，個男員工就話佢會/有做呢個step)，客人提出衞生方面意見，佢哋亦不太理會，全程亦冇有任何唔好意思嘅表現。我對此餐廳極之失望，不會再幫襯了… 🙅🏻‍♂️🙅🏻‍♂️🙅🏻‍♂️…查看更多

今日路過見到呢間新店，店的size不大，食物選擇不算多，但夠多元化，正諗緊究竟堂食定外賣好，突然見到有張poster話外賣八折，仲送菊花蜜，咁就梗係外賣啦。點了兩碗麵及一份小食。1. 喇唦海鮮肥牛湯拉麵：肥牛正，海鮮有魷魚及元貝，分湯，但因為麵浸了在喇沙汁中，所以D麵有點輕微淋，但總括來說味道很好。👍🏻2. 扎肉雙丸越式湯米：分湯，扎肉同丸都好食，湯很好味3. 酸辣無骨鳳爪：份量不少，超入味但又不會淋... 非常好食，肉質彈口4. 菊花蜜：這是免費的，味道清淡不太甜，感覺很健康。大大支兼個樽可以重用。整體食物質素很不錯。老板很健談，會同食客打招呼chit chat, 店內後生員工也很有禮貌。推薦！不過有一點想反映吓，小店外賣全部用紙盒紙碗裝，十分環保。但可能紙不太保暖，同埋我要15分鐘先行到返屋企，所以D湯有點不十分熱，但問題不太大，因為放入microwave 叮番20秒已經熱番晒。還是prefer用紙碗多於膠碗，環保比較重要！…查看更多

一個對客人連最基本禮貌及尊重都欠缺嘅粗魯女店員！我上星期連續兩晚十點左右打過幾次嚟book枱，OpenRice有兩個電話。我兩個都打了，一個電話飛了去voice mail, 但voice mail已full不能留言。另一個則可留言，但留完之後兩日都冇人覆。因同在銅鑼灣返工，所以星期三（12月11日）lunch time 1:40pm 左右親自上去book枱。上到去在門口見到個女店員喺度執空紙箱，於是表明想book枱，呢個短髮略胖說話十分粗豪嘅waitress粗聲粗氣咁叫我行去入面另一邊幫我book。跟住我同佢講我打過嚟幾次都冇人聽（不是投訴tone, 我語氣十分溫和，只想知道如下次再book可以點做，因為我唔想又要專登走上嚟book)。點知跟住...佢：繁忙時間唔係打一次就打到，個個客都要打幾次嚟㗎（巴閉提高聲線冷言冷語tone)我：但係早幾日夜晚成十點打咗幾次嚟，但冇人聽又留言都留唔到喎...佢：咁你依家打啦，依家試吓打啦（再提高聲線並開始燥）我：其實我只係反映返個情況你知... 佢：咁你咪依家試吓打囉我：（內心發火但冇提高聲音）我依家已經上咗嚟，做乜要同你試電話呀，我只係反映返個情況你知，你唔鍾意可以唔駛理。佢見自己理虧就冇再嘈落去，跟住就侮氣咁幫我落booking. 完成之後我就去等Lift, 剛步出門口按lift時突然聽到佢咒駡我: 條友都痴線㗎，嘈咩啫，鬧咩啫，都痴缐㗎...其實全程我都冇鬧過佢，亦只以平時談話聲缐同佢爭論，但呢個狂躁waitress連客人反映事實都要鬧番人轉頭，簡直不知所謂... 精神狀態好有問題... 好似係佢殺父仇人咁... 我有生以來都未遇過咁嘅侍應...同埋我唔知佢喺我出咗門口之後鬧我係咪專登想比我聽到... 如果唔係嘅話，咁佢嘅智商都好有問題，因為餐廳側門係用兩塊膠片擋住，中間係通嘅，所以會漏聲，兼且佢把聲天生響亮... 如果專登嘅話，咁就真係十分之冇教養。之前打電話book前已經見到有openrice post話個經理同侍應一齊咒駡客人，當時仲諗真唔真呀？有冇咁誇張呀? 但呢個就真係我做咗三四十年人遇到最經典最冇禮貌最狂躁嘅侍應。況且當時已經是1:40pm左右，佢根本唔忙，只得兩枱客在食完吹水。我入去時佢正在搬緊一兩個吉紙箱，所以唔明點解要咁對待一個親身上嚟book枱嘅客。唔通你以為我係古代人，唔識打電話book? 如你個電話work, 我駛乜專登浪費時間走上嚟？還是自己受咗氣要將情緒發喺客人身上? Anyway, 我會永遠blacklist 呢間唔識尊重同珍惜客人嘅火煱店。後記：後來同朋友傾開訴苦，佢哋話都遇過呢個人嘅不禮貌對待，仲話佢係餐廳經理，如果真嘅話，咁就真係更加不知所謂了。…查看更多

今日行經廟街，經過呢間舖，突然心郁想食甜品，雖然店面比較陳舊，但見平時都有不少人幫襯，心諗應該係好嘢，同埋舖面有一對年老夫婦跟一個年輕人在工作，感覺很好，所以就決定買幾種甜品返屋企孝敬埋屋企人。我叫了四個砵仔糕，兩件椰汁馬豆糕同一件桂花糕。買嗰時見D砵仔糕面得好少紅豆，於是跟前台的方太說可唔可以比D多豆嘅我。點知佢好冷淡咁答：「點樣多D豆呀?我唔識睇呀。你自己睇啦，我唔知點睇。」跟住佢就做其他嘢了。我即刻為之愕然準備離開... 跟住有個企喺方太後面做緊嘢嘅後生仔就擰轉頭同我講話：「個個差唔多㗎，D豆有時喺中間或者喺底。」咁好喇，聽完之後我就決定買了。返到屋企首先食砵仔糕，老實講，係好失望嘅... 首先，真係極少豆，豆亦冇口感（可能浸得太淋)，甜度又太甜，好似食緊一舊齋黃糖糕，極度失望，我仲買咗四個... 另外桂花糕整體ok, 椰汁馬豆糕又係太甜，感覺好唔健康...本來諗住同屋企人開開心心食甜品，點知購買時已經要受氣，而食物質素亦中下水平，冇下次了... …查看更多

本人係車仔麵fans，因為佐敦冇乜車仔麵店，雖然此店質素一般，但每星期平均都會幫襯一次。今日透過送餐app買麵，叫了兩碗車仔麵和兩個蠔油菜心。我點的是豬皮木耳米線，我食咗四份一後突然大叫，原來碗米缐入面有隻手指尾指甲咁大嘅死曱甴🤮即係打電話去話畀佢哋知有曱甴。個女店員答我：係咩?冇理由喎。我即刻質問佢：咩叫係咩，你當我講大話呀？個店員依依哦哦之後無端端cut咗缐。跟住我再打去問佢做乜cut缐，佢話：我要做嘢吖嘛... 🤦🏻‍♂️ 跟住話經理出咗去，番嚟會call番我。🤬一個小時後佢經理call back，我問佢我已食咗1/4，如果肚瀉咁點算，我問佢有冇得claim番醫生錢。佢話可以，但一定要去政府機構睇醫生... my god, 即係你碗曱甴麵食病個客，你仲要個客輪街症幾小時😡😡😡呢個係咩道理。經過今次曱甴事件之後，再加上佢哋嘅待客態度，一定再唔會再嚟食了，極度失望。…查看更多

上星期約六點幾嚟食。一開門，個女人師傅喺度寫緊塊board,見到人入嚟，眼尾哨你一眼，又唔講嘢又冇笑容，好似欠咗佢咁。我係第一枱客，叫落單又唔行埋嚟，剩係粗聲粗氣講咗一聲”講吖”。落咗單後佢仲繼續喺度寫board寫左兩三分鐘。成間舖得佢一個師傅，其實如有客人在，而且得我一枱，可否尊重客人整咗食物先，要個客坐喺度等你慢慢寫。食物方面叫咗一個海鮮丼加幾件壽司，質素一般，要比分我只會比合格。價錢其實同元氣差唔多，但壽司size 比元氣細件。總括來說，服務零分，食物質素一般，價錢不屬便宜，相信我以後應該不會再幫襯了。…查看更多

今晚同朋友來這裡吃晩飯，點了個海膽丼。Comment 如下：1. 海膽份量比menu圖片少很多，差異頗大。2. 味道不錯，又可免費加飯。3. 座位比較狹窄，但容許2人座四人枱，都算ok.4. 服務極差，個後生男waiter全場黑面。叫加茶只眼尾望你一眼，過了一會也沒來加茶，於是再叫一次，他加茶後就很大力把茶杯放回桌上，嚇咗我同朋友一跳。5. 食到快完時，waiter 突然播rap歌，仲要開得好大聲，disco咁，見到其餘兩枱客（也包括自己)都露出O咀表情。感覺間嘢好圍威圍。其實這裏食物是不錯的，價錢不低，但服務真是惡劣到一個點.... overall speaking, it’s not value for money.…查看更多

昨日同朋友來跑馬地買東西，原本想吃上海野，但發覺已沒營業，看到隔離街有這間大少爺就試試。我們點了兩客食物-- 焗蕃茄豬扒飯同焗白汁芝士龍脷意粉, 仲有兩杯嘢飲。食物都OK。豬扒幾淋飯都夠味，只是個意粉有D淡。但服務認真惡劣。一入到去見到門口有張卡位無人，但佢地話有人book咗叫我地坐普通枱。咁都ok。啱啱落咗單見有張卡位有人走就問侍應可唔可以轉卡位，個年青細路侍應一句「唔得」就黑面行開咗。真係好少見D咁無禮貌嘅人。問D侍應攞碗仔同公叉又差唔多掟落張枱咁滯。成班爛仔咁，一D家教都冇。到我地食完走時，嗰兩張卡位都冇人坐。其實我諗佢地係將D卡位留畀熟客，生客就免問。與其咁唔願做生客生意，食物水準沒有特別，價錢又貴，咁不如變做私人會所只招待會員啦。本來一歺開心晚飯嘅心情就畀呢間野破壞咗喇。…查看更多