meowivy的个人专页

無意中行經見到呢間新開小食店, 睇下個餐牌先,見佢哋D小食好似幾特別, 出面比較少見到, 小食類型大部分都係D惹味香口小食, 開正我口味今次第一次食, 就一於試吓佢地王牌嘅"狗仔粉"先, 細碗要 $19. 大碗要 $26, 其實以小食來講都幾貴我要咗大碗"狗仔粉", 分量普通, 如果當小食都夠的, 但如果當一個午餐咁就應該唔夠飽肚! 原來"狗仔粉"即是油渣麵店內有提供菜圃(有辣/有唔辣)俾食客自己加入麵度,狗仔粉食落都幾惹味, 不過碗粉係比較少配料, 但都值得一試嘅,唔錯!另外食咗個"黑白炸丸" , 即係炸墨丸,炸牛丸, 炸豬肉丸同炸貢丸, $12/4粒, 價錢尚可, 炸丸好香口, 熱辣辣好好食, 推介佢地另外有其他小食, 好似有個叫燒鴨脾配翅(上脾$30),呢個配夾都幾特色 見到有其食客有點, 賣相好似幾好食, 下次可以試!…查看更多

旦王花, 講環境實在是不錯, 夠舒適, 而且裝潢很有泰國風味. 最不喜歡是必須使用"代客泊車"服務:(, 必須要留底車匙比佢地keep且必須要收$20代客泊車費用如果唔習慣自己架車比陌生人揸的話,呢樣野都幾影響幫襯旦王花嘅意欲講返d食物其實中規中舉,一般般~同其他泰國餐廳差不多不過價錢就比較貴dd, 可能始終是環境比較優勝啦!最好食係個原味薄餅(仲有其他口味,香蔥etc....),熱騰騰夠晒新鮮, 必點另外叫咗咖喱牛, 炒河, 炒粉絲, 串燒等....冇咩特別, 不過不失咁啦.其實佢個賣點, 最吸引我都係個環境, 靚, 舒服.  待應服務都ok,  食物就中規中舉, 間唔間中來hea吓都唔差嘅!…查看更多

第一次幫襯呢間店, 今日叫咗個早餐食!早餐價錢都算偏貴, 平均$3x左右.我order咗個最經濟嘅早餐, $29有2件魚柳, 2條豬肉腸, 同一碗仔通粉加一杯熱飲.推介魚柳~幾好食, 好鬆脆, 仲係剛炸起好新鮮熱飲我揀咗咖啡, 但完全飲唔出係咖啡, 就好似係一杯奶溝水咁.....:(…查看更多

好耐無食過呢間嘅海南雞飯啦, 今日就來重溫先!無骨海南雞飯 - D雞肉好滑, 不過係D雞皮厚咗少少, 黃油飯很香整體都好好, $48包埋飲品免加一, 好經濟!但雞嘅份量係略微少咗DD, 如果係當晚餐食可能唔會好飽.除咗雞嘅份量少咗D外, 整體上都好值得推介去食嘅:)…查看更多

每次經過呢間"皇后冰室" 都見到門口總有數人排隊輪候入坐, 今日:)決定都排隊一試佢有咩吸引力我是LUNCH TIME時段食, 價錢不貴, 合理, Set Lunch 平均$4x 左右. 點了白汁三文魚粒焗飯 及 燒汁雞扒飯! 上菜速度好快, 由order到見到主菜, 只花5分鐘.白汁三文魚焗飯~味道很淡, 白汁味道也很淡, 一般般:(, 唯一加分是飯夠熱!燒汁雞扒飯~這個真的不行了, 飯都不熱, 只是微暖, 燒汁雞扒味道就像快餐店食的一樣, 沒有仼何特別!…查看更多

成日聽人話長洲嘅芒果糯米糍好好食, 一定要食過先算來過長洲!好多間甜品店都話自己先係正宗, 我都唔知邊間先係正宗好食嘅芒果糯米糍, 但朋友仔推介"天然甜品",所以儘管試試. 我買了海藻香芒卷同芒果糯米糍.海藻香芒卷-    :) 外層好爽口, 裡面就大大舊芒果肉, 整體味道偏淡, 如不喜歡太甜的甜品, 這會是一個好選擇!芒果糯米糍- 外層嘅皮好煙韌, 正! 芒果肉都好甜, 只係芒果糯米糍略微細件咗dd, 但都值得去試吓!相比之下海藻香芒卷比較特別, 出面未食過…查看更多